香港仔一品魚蛋王

營業中

休息中

經過香港仔一品魚蛋王，就入去食個麵吧！餐廳地方不算很大，座位不算多，但都不是坐得很擠迫。落單幾分鐘後便有得吃，可算是另類中式快餐店，食物選擇算多，價錢也大衆化，起菜速度都好快。崩沙腩爽口好味，湯底唔鹹，米粉質素正常，唔係最好但也不算最差。墨魚丸比預期的好，墨魚丸算彈牙，但味道也偏普通，魚麵很特別，好爽彈，吃起來有嚼勁。炸魚皮都可以，浸湯後的魚皮非常脆口，生菜都好嫩。整體：地方談不上很大，勝在舒適，地方清潔，服務員態度正面，食物質素中規中舉，選擇亦算豐富，崩沙腩、魚麵、墨魚丸都好食，好有街坊氣氛，好親切，有興趣的朋友，可以去試下。

今次嗌咗魚片牛腩河，兩餸加$8，牛腩份量多唔會臊又腍，每次嗌親都冇失望，河粉都算係滑，今次叫俾多青佢都有俾足，下次想試埋佢個崩沙腩，貴10幾蚊睇吓有幾出色。鍾意佢收凌晨兩點完全通宵啱食。

晚飯時段路經北角呢間平平無奇既粉麵鋪. 地方算係寬敞,不會太過枱貼枱. 冷氣亦很充足.在印象中其他鋪頸既清湯腩麵都起碼要$50以上.見餐牌上清湯牛腩麵只需$38. 而清湯牛腩飯$亦只需$50 .呢個價錢本身係完全不抱期望.但出奇得好食及分量亦食足夠.牛腩炆得好淋, 一入口即溶, 湯底亦有淡淡嘅清湯味. 配上蔥花非常夾.而牛腩飯則係跟一碟足料大大啖肉既清湯牛腩. 白飯及 紫菜湯各一碗.加$7 可以玻璃瓶汽水.呢種風味真係舊式粉麵鋪先享受到.

路過此間招牌有D眼熟嘅魚旦粉店，今日就試食一下，食完令我呢個平時只睇不寫食評嘅食客實在要花時間以表示稱讚。入到去店員招呼服務態度ok坐低看一下店𥚃裝修衛生環境ok然後叫左碗有評論指不錯的牛腩河粉$38以及跟餐加$8的油菜生菜一碟，大約五分鐘時間就有得食。因為我並不是為寫食評先嚟食，食之前無諗過寫食評所以無影相所以無法分享。重點係真係好好食😋。食完埋單離開之後嗰種食物味道帶嚟嘅滿足感令我有D奇怪點解呢間食肆喺網上平台沒太多嘅食評，或許同我以往一樣作為食客就係食客，多數係食完覺得好食下次再嚟。推介畀大家，牛腩味道真係無得輸，生菜除咗配常見嘅腩汁或蠔油仲可以選擇配腐乳。

佢哋嘅崩沙腩泡飯，牛香加埋湯底，又肚餓，唔試，係你損失，牛腩飯亦值得一試，係香港冇第2間同佢一樣水準，就算其他分店，最好食都係呢間，香港最好食嘅牛腩水泡飯，必食

香港仔一品魚蛋王，係香港已經有好幾間分店，今次去到北角個間，招牌魚蛋、牛丸、貢丸、牛腩、牛雜都幾受歡迎，仲有一樣野係其他粉麵店好少見到有，就係魚麵啦，難得黎到緊係要試一試🤣價錢唔貴，街坊價左右，個日去都有幾位客人等緊外賣.魚蛋魚片魚麵 7/10首先魚麵睇落幾似烏冬，每條都粗身，食落冇烏冬咁帶彈性，不過味道都唔錯😋魚蛋係白魚蛋黎，都算大粒，口感彈牙，不過魚味一般，有點似超市買到既白魚蛋，魚片頭顏色偏白，如果炸多一陣會比較好，整體來講中規中矩

同事話呢間一向保持水準，再加上菜速度快，今日就跟佢一齊試下，叫左個牛腩河粉（$32），幾分鐘就上到，賣相都吾錯呀，都有幾多牛腩至於味道都吾會預期太高，正常水準啦，個湯飲到有味精，但個牛腩味道吾錯，肥瘦均等，呢個價錢係可以接受既快餐粉麵黎講都幾好。

早陣子在北角上班, 午餐慣例都會出外吃, 但又不想走太遠,簡單一點, 就來附近這家魚蛋王試試.不過宅女當然不會只吃魚蛋那麼清淡, 就來個牛腩牛什雙併撈麵好了 (HK$37)上來份量都幾多的, 麵條剪得有點碎, 但幸好不會一PAT PAT, 吃起來是帶點鹼水味, 但個人仍可接受.牛腩有4件, 入口肉質軟淋帶著肥脂味道又不錯, 但牛什份量就有點少, 只有牛榜, 牛肚跟肺各一, 味道沒什麼特別.整碟味道都算OK的至少不是伏最重要的是下了單很快便上桌, 不用等太耐, 快吃快走. 

支持一品王北角分店大大話話有一年了，每次泥都係叫牛腩河。呢次叫左牛腩河＋忌廉套餐＄２８往時既牛腩肥膏多Ｄ咬落爽口，全碗牛腩都好沐既。近幾次食都好"鞋"，好難咬，同埋Ｄ河粉痴埋一舊，好失望。希望會改善下啦！

星期六的晚上得兒童&媽媽兩個人吃晚餐媽媽不想吃太多，兒童又想買串燒(請看續篇)返屋企試所以去食魚蛋粉兒童從小對魚皮餃有情意結，小時候我家附近有間雲吞麵店的韮菜魚皮餃是現包的，一試難忘後來結業了，再也找不回那味道現在的魚皮餃多是來貨，更不用多說這店標榜自設工場製，便叫來試試來個魚皮餃墨丸雙併跟餐墨丸夾雜了蔥，爽口魚皮餃跟一般的麵店不同皮是厚身包著肉餡吃出不是來貨，媽媽說跟魚麵的質感有點像雖然吃不回過去的味道，但比起坊間一般的魚皮餃，這裡不失為一個不錯的選擇

已經黎過幾次, 不過之前都無食到食評.六點幾食左個蛋撻有D飽所以同呀妹SHARE左個餐再加碟炸魚皮.個餐揀左牛腩米線同腩汁蘿蔔. D牛腩好林好入味. 每次黎個水準都KEEP到! 值得一讚! 蘿蔔亦都一樣, 好林同好入味! 今次個炸魚皮相比就遜色左少少. 唔太脆.碗米線連湯飲埋都唔會口渴. 應該無落味精!總體滿意