香港仔一品魚蛋王

我呢兩個月幾乎隔日甚至每日都黎 無一例外每次都係沙腩雲吞河多蔥😆💯沙腩真係從來冇失望過 由第一次食到開始就真係驚艷到 去其他地方都冇咁好食 唔係我誇張 係真係每日都心心念念嗰種🤤然後就係雲吞 佢個雲吞皮薄餡多 仲係好夠胡椒味 根本唔係其他地方可以比得上嘅 食完再食其他地方嘅雲吞真係覺得都係呢間最好食 仲有我每次都會加一碟腐乳通菜 真心冇得彈 連我呢種唔鍾意食菜嘅人都忍唔住不斷食 最後就係佢個辣椒油 應該係自己整 佢真係夠辣得黎而且係夠香！！！好有特色 真心推介 我每次去都會落三四羹最後 呢度啲姨姨雖然年紀唔細 但係佢地真係好好人 幾熱情 香港呢種有本地特色而且又好食嘅鋪頭越黎越少 好好珍惜…查看更多

經過香港仔一品魚蛋王，就入去食個麵吧！餐廳地方不算很大，座位不算多，但都不是坐得很擠迫。落單幾分鐘後便有得吃，可算是另類中式快餐店，食物選擇算多，價錢也大衆化，起菜速度都好快。崩沙腩爽口好味，湯底唔鹹，米粉質素正常，唔係最好但也不算最差。墨魚丸比預期的好，墨魚丸算彈牙，但味道也偏普通，魚麵很特別，好爽彈，吃起來有嚼勁。炸魚皮都可以，浸湯後的魚皮非常脆口，生菜都好嫩。整體：地方談不上很大，勝在舒適，地方清潔，服務員態度正面，食物質素中規中舉，選擇亦算豐富，崩沙腩、魚麵、墨魚丸都好食，好有街坊氣氛，好親切，有興趣的朋友，可以去試下。…查看更多

今次嗌咗魚片牛腩河，兩餸加$8，牛腩份量多唔會臊又腍，每次嗌親都冇失望，河粉都算係滑，今次叫俾多青佢都有俾足，下次想試埋佢個崩沙腩，貴10幾蚊睇吓有幾出色。鍾意佢收凌晨兩點完全通宵啱食。…查看更多

晚飯時段路經北角呢間平平無奇既粉麵鋪. 地方算係寬敞,不會太過枱貼枱. 冷氣亦很充足.在印象中其他鋪頸既清湯腩麵都起碼要$50以上.見餐牌上清湯牛腩麵只需$38. 而清湯牛腩飯$亦只需$50 .呢個價錢本身係完全不抱期望.但出奇得好食及分量亦食足夠.牛腩炆得好淋, 一入口即溶, 湯底亦有淡淡嘅清湯味. 配上蔥花非常夾.而牛腩飯則係跟一碟足料大大啖肉既清湯牛腩. 白飯及 紫菜湯各一碗.加$7 可以玻璃瓶汽水.呢種風味真係舊式粉麵鋪先享受到.…查看更多

路過此間招牌有D眼熟嘅魚旦粉店，今日就試食一下，食完令我呢個平時只睇不寫食評嘅食客實在要花時間以表示稱讚。入到去店員招呼服務態度ok坐低看一下店𥚃裝修衛生環境ok然後叫左碗有評論指不錯的牛腩河粉$38以及跟餐加$8的油菜生菜一碟，大約五分鐘時間就有得食。因為我並不是為寫食評先嚟食，食之前無諗過寫食評所以無影相所以無法分享。重點係真係好好食😋。食完埋單離開之後嗰種食物味道帶嚟嘅滿足感令我有D奇怪點解呢間食肆喺網上平台沒太多嘅食評，或許同我以往一樣作為食客就係食客，多數係食完覺得好食下次再嚟。推介畀大家，牛腩味道真係無得輸，生菜除咗配常見嘅腩汁或蠔油仲可以選擇配腐乳。…查看更多