香港人冰室

營業中

休息中

霸王雞同啫啫雞煲可以變海鮮雜菜煲？不停機器式回覆仲夠膽死講話張單岩，激死真係咩人都有，洋蔥當雜菜食既客服？真係外賣的服務態度影響餐廳在消費心中的好感，對品牌形象大打折扣的一次體驗

我見樓下又開新餐廳，餐廳唔算大不過勝在卡位多，都OK好坐，而且呢度晚餐價錢都算平，平均$70有飯有湯有飲品，呢頭來講價錢算抵！餐湯都幾好飲，足料而且好夠味！蝦仁炒滑蛋夠大碟，蛋夠滑又有蛋香，加咗蔥花食落特別香口，重點係選用咗大大隻蝦🦐簡直口感太爆發呀！鳳梨生炒骨味道酸酸甜甜送飯一流喎！而且係用瘦排骨，食落無咁肥膩tim!椒鹽鮮魷係避風塘feel，食落夠香脆又有鑊氣！咬開脆口咸香嘅外層，食到魷魚本身好新鮮，爽脆口感好味喎！估唔到茶餐廳都咁有水準！香港人冰室地址: 深水埗順寧道29-39號新寧閣地下D號舖

同朋友喺深水埗買完電腦產品，上網搵到呢間新開嘅茶餐廳都唔錯，入去見到餐廳兩旁都係卡位，而且有香港夜景作為壁畫，都幾靚。晚市套餐，由50幾蚊起，包白飯、飲品或例湯，我哋三個人，點咗四個套餐，一齊share食：椒鹽豬扒$66: 豬扒切到細細件，食得好方便，肉質鬆軟，入口微辣，伴隨香脆惹味的炸蒜，好香口，頗有大排檔風味。豉汁蒸盲曹$78: 有住家feel，幾好食😋。小炒皇$72：即叫即炒熱辣辣，材料好豐富，有韭黃、蝦乾、魷魚、魚肉、腰果等，幾惹味，送飯一流。金銀蛋菜心$54: 好大碟，菜心亦鮮嫩。我仲加咗杯巨峰椰果7up （加$10），椰果口感煙銀，幾好飲。呢度價錢都幾實惠，份量亦大，我哋飽到捧住個肚😆。

有水準既茶餐廳 平日早餐,午市有炒飯麵飯,晚市供應小菜小炒食左2款都唔錯,幾夠獲氣福建炒飯 先炒飯底,再料分開煮,最後淋在炒飯上一起吃!芡汁不濃,食到有蟹柳粒,菜粒,鳴門卷粒,雞肉粒,口感好豐,又脆又嫩有炒得乾身既炒飯炒底飯有蛋有肉碎,夠獲氣又多料!小菜係蜜椒薯仔雞中翼,即係將牛柳粒改成雞翼雞翼先炸再上黑椒汁,甜甜既黑椒汁掛滿雞翼之上,又香又辣又惹味個汁好濃又夠重黑椒味消費$133深水埗順寧道29-39號新寧閣地下D號舖

D位係迫咗D既，特別係中間D圓枱.... 食飯時間真係行都行唔到。食過早餐、晚餐。早餐五香肉丁係自家製，有誠意。炒蛋午餐肉，係油咗D既....... 配個迷你菠蘿包，係補咗唔少飛既~早餐$33，價錢算中等啦~晚餐食過幾次，蒸魚好新鮮，唔會有泥味，三杯雞煲熱辣辣，鑊氣十足。($60)椒鹽鮮魷條條香胞，唔會過油，送酒一流。豉椒排骨炒河，味道唔錯，份量頗大，一個女仔食唔哂。本來我就唔飲例水既，不過次次去到，老闆都會話「無味精架，飲碗啦~」，係OK既!!  不過飲完真係飽咗1/3...... 哈哈!

上網喺茶餐廳關注群見到好多人推介呢間，咁上個禮拜六就同兩個朋友一齊去試試。本身都諗住會中伏，因為啲留言話啲post打手Feel。試完之後，嘩，性價比超高！3個人食到超飽，又超滿足都只係每人80蚊左右。🤩仲要係好好食，真心好推介！焗鮮茄豬扒飯 （ $60）焗得好靚仔，一啲都唔燶，但就超級香，證明佢焗既Timing掌握得好好。😆另外鮮茄汁都好鮮甜，芝士味都突出。豬扒都好大塊，好鬆軟，口感舒服。👍鐵扒餐 - 煎雞扒、吉列魚柳配磨菇汁（$52）呢個鐵板餐係我嘅必食推介，性價比真係高到不得了。塊雞扒同吉列魚柳都好大塊。吉列魚柳個皮好脆，入面魚柳超級滑！😋雞扒都好香好juicy，而蘑菇汁都煮得好香。呢個真心係超級正！52蚊咁既份量咁既質素，超推介！😍咖哩牛腩煲 （$ 62）一上枱就已經聞到香噴噴嘅咖哩味，然個咖哩又帶點小小辣又好香，好爽。牛腩就炆得好淋，入口感覺一流！呢個我都十分推介！👍👍砂鍋雲吞雞 （$75）呢個係當日晚餐menu既其中一個餐。 超級足料，個湯底又好香好夠味，雞夠滑，雞味夠突出。👍雲吞d料好足。成個煲都正！紅豆冰 （跟餐 +$8）阿華田雪山 （跟餐 +$10）野飲都有水準，有中上

今日過左黎長沙灣整車，整到差唔多一點，一行四人就搵嘢食，見到呢間茶餐廳裝修幾靚仔，一於試吓啦，入到去老闆好Nice，服務態度好好，果然同個名一樣，叫香港人冰室😚午飯時間有湯飲真係好幸福❤️嗌左蔥油雞髀🍗蛋飯，賣相好靚仔，仲好大碟，雞髀係生炸，炸髀不乾，內裏好多汁，而蔥油豉油係自家制，鹹香味十足，雞脾肉搭配太陽蛋跟飯一起吃，想像到我的滿足了吧🤪海南雞飯，自家製油飯+油菜+油飯+ 海南雞轉左雞髀🍗油飯用上蝦米🦐炒，香噴噴的，無骨海南雞非常滑嫩，配上三隻醬汁夠曬惹味👅咸牛肉蛋三文治🥪你睇吓啲鹹牛肉滿到瀉晒出嚟😳好滿足🙋🏻‍♀️牛油斑蘭多士，開頭諗住係普通嘅多士，點知勁厚身，而且仲好脆口，配上大大塊嘅牛油同埋足料嘅斑斕醬😍五香肉丁公仔麵🍜朋友唔夠喉最後嗌多碗五香肉，呢度嘅五香肉丁唔係用罐頭，係自家炒嘅，感覺似五花腩，又有啲似台式嘅滷肉❤️嗌左柯華田雪山🏔️呢款飲品好似係新出嘅，飲落唔會好甜而且好有層次感☺️估唔到茶記嘅凍齋啡拍得住出邊嘅咖啡室☕️

這間位於長沙灣的冰室，晚市有多款小菜套餐供應，小菜全部都即叫即做，新鮮熱辣。豉汁蒸黃立䱽䱽魚雖然細細條，但都幾厚肉，魚肉結實又雪白，豉汁蒸令魚肉更鮮甜。豉椒炒蜆蜆肉完全無沙，而且很有鑊氣，非常新鮮，每隻都開口，還有些青椒配菜。小炒王蝦乾、魷魚仔、炸銀魚乾、魚柳、蝦仁，全部海鮮的乾貨都齊備，加上XO醬爆炒，十分惹味，送飯一流。蝦醬豆卜蒸五花腩五花腩肥而不膩，肉質鬆化，而且有蝦醬咸香鮮味，下面墊上的豆卜更吸收了兩者味道，有豬肉脂香又帶點鮮味。最後飲埋杯餐茶，簡單又好味。

親友住在順寧道，大家看到疫情緩和了很多，故約了是夜一同晚膳，地點當然由親友決定，最後就定在他們家附近新開不久的「香港人冰室」，貪其新簇，又未曾嚐過，再者，茶餐廳的價錢較平民化嘛。走進餐廳，環境整潔光猛，又有大電視「餸飯」。中間是方枱，左右兩邊是卡位，典型的茶餐廳格局。雖然沒有大玩懷舊，但一邊牆上放了一大幅香港夜景，叫人珍惜這東方之珠。不用多說，茶餐廳另一吸引之處就是食物應有盡有，午餐、下午茶餐、晚餐、常餐、碟頭飯、小炒……等等，而且，定價果真相宜。我們就點了三個小炒，而所有小炒，均配白飯、例湯及餐飲。餐格上放有紙巾、調味料，而餐具就如大多數茶餐廳般，放在枱邊的「機關」櫃桶。是日的例湯是蓮藕煲瘦肉，好夠火喉，入口很有「老火」的感覺，誠意十足。溫馨提示一下，奉送的白飯非常之大碗，如一個人吃不掉一碗，大可以三個人要兩碗，不用浪費嘛！在主餐牌中，個人最想吃的就是「鳳梨生炒骨」（$60），因為這道菜在家中不易弄嘛，做法繁複，而且，用作伴飯亦叫人更開胃，的確，個甜酸汁調校得很好，酸酸甜甜卻不嗆喉，鳳梨很清甜，看來不太像罐頭貨，而排骨外層鬆脆，肉質十分鬆化。另一道小炒亦從主餐牌中選出來，就是「椒鹽鮮

位於順寧道既呢間香港人冰室印象中應該係新開既，位置上就唔太近地鐵站，所以嚟親食既都係係附近做野既人或者街坊，而呢間冰室既裝修都唔錯，環境都算乾淨企理，店鋪入邊仲有一部大電視比食客睇，周遭環境都算唔錯～而今次都係午餐時段過嚟食，冰室都有午市套餐揀，而價錢都唔算太貴，而今次就揀左黑椒牛柳絲炒烏冬，隨餐仲有附送餐湯，而今次就揀左羅宋湯～黑椒牛柳絲炒烏冬（$48）首先個份量都唔算太細份，而佢灑係上面既蔥係有刨過既，呢種做法係會令啲蔥更加香，可以見到餐廳既細心之處，而佢既烏冬唔係太粗果隻，麵既溫度較夠熱，唯一既就係佢既牛柳絲份量比較少，如果多返小小就比較好喇～而羅宋湯個味道都唔錯，唔會話太酸，而份量都夠，算係有誠意之作～總結以呢個價位嚟講，呢間冰室既性價比都算唔錯，雖然係較地鐵站遠左小小，但若然經過既話都可以入去試下～

最近先發現屋企附近新開了一間「香港人冰室」店名有一份親切感，店內牆身更以維港夜景為主題，令食客感受到香港人嘅情懷🥰🥰無骨海南雞飯$55 +轉髀$10去骨海南雞髀🍗，肉質嫩滑，啖啖肉，最特別配上一碗有蝦米仔雞油飯，超好味😋😋涼瓜炆黃立倉 $65晚飯小菜已包例湯白飯，黃立倉炸得外皮香脆，炆涼瓜入味，送飯一流😍😍枝竹牛腩煲 $62熱辣辣煲仔菜，牛腩炆得腍滑，枝竹入味👍👍跟餐特飲 $8/each凍朱古力咖啡香滑，紅豆冰唔太甜，啱晒香港人口味🥰🥰

餐廳：香港人冰室 (深水埗)地址：深水埗順寧道29-39號新寧閣地下D號舖唔知有冇人同我一樣好鍾意食茶餐廳或者冰室😋，今次同朋友去咗深水埗呢間黃店香港人冰室食晚飯💛，一入餐廳就見到好大個招牌同埋維景嘅牆壁佈景🏙，而logo入面仲有個獅子山，非常代表到香港人嘅身份🇭🇰餐廳唔大，一眼望晒，卡位唔算好闊落，勝在晚餐$60-$70嚟講都幾抵食😎，同朋友叫咗兩個小菜同一個晚餐嘅飯嚟食，所有嘢即叫即整，大約等咗15分鐘先上咗第一個餸，一問底下原來小店地方同人手有限，出菜喺會慢少少，不過睇埋啲質素點先😌，有時慢功都可以出細貨鮑魚冬菇雞蒸籠仔飯 $75超值超抵食嘅飯！一定要試，一籠有兩隻鮑魚仔，雞油同醬汁滲透去飯入面，因為用咗荷葉去包，鎖緊水份之餘，每啖飯食起上嚟都濕濕哋又帶有荷葉同雞油香😋，而且啲飯勁多😂，我同朋友啱啱好先食得晒！雞蒸得好腍好入味🐓，用埋籠仔嚟裝好有特色鳳梨生炒骨 $60對比起出面嘅生炒骨真喺贏咗一大截😍，肉唔算多，但生炒骨微脆熱辣辣，食落唔會淨喺一味得酸甜味，而喺有炒得好夠鑊氣嘅排骨香，我同朋友食完都讚不絕口👍，店員果然無介紹錯瑤柱菜膽雞 $70呢個菜膽雞對比起籠仔飯嘅雞就遜色咗啲

深水埗區多嘢食，又平又靚，中西意法日，包羅萬有、應有盡有、尤其係小炒，中菜，大部份人都喜歡吃，今日又去深水埗區覓食，到處尋尋覓覓，尋找香港人的美食😋————————大熱天時三十幾度，入到去透心涼，是關呢度D冷氣真係好正，夠凍又夠涼，再飲埋杯凍飲就更加正⋯⋯🥳———————-環境立體視覺3D的享受————————-早午晚餐都咁抵食，幾十元一個套餐，有例湯、有飯、有餸、有嘢飲：———————🟨凍咸🍋檸七：咸檸檬，潤喉又解喝，配埋七喜透心涼————————🟫凍朱古力咖啡：冰冰凍凍又醒神————————🟥豉椒炒蜆：蜆肉豉椒又夠香、蜆肉新鮮又夠甜，配黄椒、蔥絲、蜆肉吃落完全無砂粒，好有水凖的炒蜆———————🟪京都豬扒🐷：味道酸甜適中，豬扒肉質咬落夠嫩，吃落有口感，配上洋蔥🧅、蔥絲、咬落香口———————🟩瑤柱菜膽雞🐔：又嫩又滑的🐔雞，肉質鮮嫩、足料瑤柱汁、幼嫩的菜心苗伴碟、又甜又嫩口 ———————香港人的美食香港人的冰室開心享美食開心🥳⋯⋯簡單————————

哇，近長沙灣天悅廣場附近既順寧道開左個新冰室‼️叫「香港人冰室」明既就會明😏😏 今日經過時晚市都好full, 等左陣就入座，餐廳鋪頭唔係好大，卡位坐4人有少少窄，但佢定價好平😅😂晚市小菜套餐$5x起就有。全部包湯及飯。.🍴鮑魚荷葉蒸雞飯$75荷葉淡淡的清香包著惹味多料既蛋炒飯，用蒸的方式令飯同雞肉味緊緊地鎖住，讓荷葉香味滲透入飯內，可口入味。最後加埋兩隻鮑魚同夾雜雞油既飯食，更是滋味倍增。.🍴沙拉排骨$64炸得香脆的豬排條，配上酸酸甜甜的千島沙拉醬，份量不少又開胃。.🍴小炒皇$65小炒皇真係可以睇到間餐廳個鑊氣得唔得，呢冰小炒皇可以算得上超平又足料！ 蝦、魷魚、腰果、韮菜 決一不可😋.🍴咖喱牛腩$58去茶餐廳食野，咖喱牛腩一定冇伏位，咖喱汁送飯又一流，港式咖喱唔會太辣，唔似印度咖喱，沒有太多香料同太嗆，咖哩惹味得黎唔會完全蓋過牛肉的味道👍🏻.超抵食又有良心晚餐，無論價錢同質素都無得輸，真香港人要支持😘😘💪🏻💪🏻

同朋友西九行完街不知不覺行到長沙灣呢間茶餐廳睇落裝修幾好再加上選擇幾多，價錢都適合套餐方面會跟餐湯我哋就要左羅宋湯嘢飲加錢就可以試下菠蘿冰同埋凍朱古力咖啡密椒薯仔牛柳粒，呢個價位真係物有所值好多薯仔同埋牛柳粒，同埋全部爆香過配上蜜糖同埋惹味嘅黑椒鐵板仲可以揀雙拼有西冷牛扒同埋香煎魚柳本身呢個價錢我都估唔到有雙拼，份量唔算好多不過絕對夠食下午茶個星洲炒咪$36仲包套餐，大大份，唔講完全唔覺得係下午茶最後甜品要做斑斕西多士，斑斕醬夠晒過癮又特別下次同朋友行街都可以過嚟幫襯！