香宮

:) 2025年9月17日 (星期三) 3:00pm 32°C 燈光明亮，環境整潔乾淨，各款月餅賣相精緻，擺放齊整，一目了然。 憑 QR code 取月餅，方便快捷！:) 價錢：HK$358.5 (早鳥 75 折 優惠) 不用排隊 雙黃白蓮蓉月餅 - 月餅盒設計優雅，構圖簡潔，紅色代表囍慶，薄薄的金黃月餅皮包裹著香甜細滑的白蓮蓉餡料，配上頂級鹹蛋黃，且不含豬油，令人垂涎三尺。整體來說，味道清淡，不甜膩，不油膩，質感偏實，流露健康風格，適合注重健康之人士。《 環 境 》：…查看更多

頂住米芝蓮一星同埋香格里拉入面，價錢無貴到好離地，而折扣都做得好慷慨！唔洗怕埋單要8萬蚊🤣尤其係適逢餐廳周有優惠！而家由9月9日 - 10月12日係2025 Restaurant Week’s Winner Edition 啦，有100間成功入圍贏家版嘅餐廳畀你揀！全部質素都係有保證啦～ 仲有埋以中菜為主嘅特輯精選45+間餐廳，低至HK$148比大家book 位食飯！◞一入嚟先附上一杯welcome drink - 金盞花桂花烏龍茶🍵仲有鹽焗腰果配三款辣味唔同嘅醬🌶️由精緻嘅3道小食作頭盤！半肥瘦嘅三層肉叉燒，食落勁軟腍！脆皮燒腩肉表皮酥脆鬆化～ 唔係硬崩崩個種配黃芥末當蘸醬，降低油膩感!松子星斑拆魚羹，用順滑嘅魚湯作Base再加入星斑肉、薑蔥、木耳、陳皮等材料去除魚腥味、增加口感我幾中意每碗湯灑上幾粒松子仁，體積小油脂豐厚，放係魚羹入面無違和感又唔會太搶味～◞成餐飯仲有驚喜嘅竟然係最後送多個免費嘅陳皮紅豆天鵝酥係一道好考工藝嘅菜式，見到個樣以為外皮得酥皮？底部係黑芝麻增加口感！中式酥皮非常鬆化，餡料甜度適中得嚟陳皮味都幾明顯◞餐廳以紅色及金色仿宋雕刻裝飾，裝修豪華典雅，枱與枱之間有足夠距離，令人感覺輕鬆放鬆舒適服務就係香格里拉嘅標準，服務質素好好而且每次茶壺Fill 茶唔係好熱所以佢換過第二包茶葉，唔怕越飲越無味！整體而言係一間你唔會有好大驚喜，但嘢食係道道都達到酒店級標準，環境夠氣派，有優惠的話過嚟家庭聚餐都幾唔錯！最重要係媽咪十分滿意😆💖◞Restaurant Week Winners Edition - Elite Signature 6道菜晚餐 ｜HK$798 ⸝ 芝麻醬青瓜捧捧雞、脆皮燒腩肉、極品蜜汁叉燒皇⸝ 松子星斑拆魚羹⸝ 百花炸釀蟹鉗 ⸝ 蠔皇原隻鮑魚扣鵝掌伴翡翠 ⸝ 亞拉斯加蟹柳蛋白炒飯 ⸝ 香芒楊枝甘露…查看更多

筆者趁著Dining City推廣月，心念念的進行了第二擊米芝蓮一星探店。提早慶祝父親節，選了一家粵菜代表 - 位於九龍香格里拉酒店的「香宮」。.Dining City 這個新辦的 THE MENU by Masterchefs 的活動，集合了香港40多間厲害的餐廳，有米芝蓮星級的，也有黑珍珠名單上的，涵蓋中菜、法國菜、亞洲菜等等。這些餐廳都推出了特別的套餐，價格比平時划算不少很吸引！.餐廳以紅色及金色仿宋雕刻裝飾，酒店裝修豪華典雅。主廚梁燊龍師傅擁有超過40年粵菜經驗，曾於香港及德國研習，擅長融合傳統與創新。梁師傅透過細膩手法以及精選時令食材，重塑經典粵菜，多年來帶領「香宮」屢獲米芝蓮殊榮。菜式既有傳統味道，又帶點新意。.晚市套餐 💲888/人✿ X.O.醬葱油紅海蜇頭、黃金皮蛋伴酸薑、極品蜜汁叉燒皇 ✿ 松子星斑拆魚羹✿ 翡翠鮮黑皮雞㙡菌油泡蝦球✿ 蠔皇原隻鮑魚扣鵝掌✿ 龍蝦湯脆米海鮮泡飯✿ 芒果布甸 配 招牌鳳梨酥.活動的晚市套餐，包含五道菜加甜品：第一道X.O.醬紅海蜇頭、黃金皮蛋配酸薑和蜜汁叉燒皇。海蜇頭爽脆，叉燒甜而不膩，皮蛋的酸薑搭配很開胃。第二道的松子星斑拆魚羹。湯底走清淡咸鮮風。之後來的翡翠鮮黑皮雞配㙡菌油泡蝦球。蝦球超彈牙，油泡的手法讓海鮮的鮮味特別突出。蠔皇鮑魚扣鵝掌。鮑魚軟軟的，鵝掌入味，兩者搭配得剛剛好。龍蝦湯脆米海鮮泡飯。湯汁濃郁，脆米和海鮮一起吃，香得不得了！最後甜品，餐廳會送上額外的一款陳皮紅豆沙天鵝酥。再加上套餐的芒果布甸配鳳梨酥。芒果布甸清新，鳳梨酥酥脆是其招牌，完美收尾。…查看更多

七夕情人節，當然食中餐，睇吓Restaurant Week有咩推介，結果揀左香宮😋星期五晚上餐廳都有8成入座，我哋嘅套餐$798pp包括6道菜😄 餐廳周餐牌😋芝麻醬青瓜捧捧雞、脆皮燒腩肉、極品蜜汁叉燒皇前菜芝麻醬雞， 每一口都食到嫩滑雞肉同埋香濃芝麻醬汁，醬汁掛在肉上不滴落😋松子星斑拆魚羹非常足料嘅魚羹，，魚塊大大件，做法有啲似蛇羮😅百花炸釀蟹鉗，外皮鬆脆，內餡鮮嫩飽滿嘅蟹肉，脆皮輕薄不油膩😋😋😋蠔皇原隻鮑魚扣鵝掌伴翡翠，鵝掌軟腍腍又入味😋 阿拉斯加帝王蟹柳蛋白炒飯，米粒夥夥分明，乾爽不黐立，軟硬適中👍🏻香芒楊枝甘露Petit four裏面其實係蓮蓉餡😋三種不同辣椒醬，最左面嗰個真係好辣😅…查看更多

極品蜜汁叉燒皇 $358貢布白胡椒焗老虎蝦煲 $528傳統巧手蛋黃八寶鴨 $498 半隻羊肚菌竹笙扒豆腐 $298松茸羅漢齋釀竹笙 $268香宮招牌炒飯HK$ 398龍蝦湯脆米海鮮泡飯HK$ 398招牌鳳梨酥/蛋撻仔/金箔黑糖糕 各$78/3件陳皮天鵝紅豆酥 (送)朋友又帶我食中菜 今次係米芝蓮一星🌟嘅香宮 體驗一流😚中菜廳嘅叉燒 暫時都未令我失望過🥰 肉質鬆軟 夠焦香 好好食🤤 小挑剔係呢度叉燒略嫌比其他中菜廳薄身細件🤪等齊人期間 聞到白胡椒香氣四溢💨 我地都跟隊叫咗胡椒蝦煲 一煲有6隻 老虎蝦頗為厚肉 仲有蝦膏😍 遺憾嘅係白胡椒太辣 辣到無法細心品嚐老虎蝦嘅味道 🥵 八寶鴨肉好淋😋 旁邊有薏米 原粒蛋黃 粟子 冬菇等材料 半隻岩岩好🤭特別欣賞餐廳嘅蔬菜菜式🥬 鮮嫩之餘 味道又突出💕 竹笙厚身入哂味 豆腐嫩滑係基本🤣 羅漢齋用竹笙包住木耳等材料 質感脆口 兩道菜式雖然相近 但芡汁又有啲唔同 都似乎落咗好多功夫🤩 香濃得嚟 無多餘嘅香料 食落好輕盈 無乜負擔🪽 我比較喜歡竹笙扒豆腐 👻兩個飯都非常出色💯 龍蝦湯飯湯底香濃但無西式濃蝦湯咁濃烈 索哂湯汁嘅脆米 既有米香 口感又有咬口🤌🏻 招牌炒飯炒得乾身 唔會覺得油膩🫶🏻 材料豐富 好足料👏🏻甜點就正常發揮 黑糖糕質地似黃金糕 食落有紅棗味道😽 餐廳送上一人一隻陳皮天鵝紅豆酥🦢 中式酥皮非常鬆化 餡料甜度亦適中🥰 不過陳皮味就唔太明顯😬*佢嘅前菜-腰果都好好食 好香脆😚餐廳職員都樂於協助 會喺點菜時適時提供意見🫡 又會主動幫忙添加茶水🙏 特別欣賞前台接待嘅職員 其親切友善嘅服務令我非常期待呢餐飯😂💕場地裝飾華麗 樓地好高 無壓迫感🫢 枱與枱之間有足夠距離 令人感覺輕鬆放鬆舒適💆‍♀️⛺️香宮 @kowloonshangrila📍尖沙咀麼地道64號九龍香格里拉大酒店地庫1層…查看更多

食物質素係好味嘅，但就感受唔到有米芝蓮一星嘅質素。覺得最出色嘅係「三蔥爆炒波士頓龍蝦」，龍蝦中等size，煮得好香，好有鑊氣，一上枱就已經香噴噴，龍蝦新鮮。至於「鮮拆龍蝦肉百花炸釀蟹鉗」就普普通通，相對起其他高端餐廳，佢哋唔算香口，味道一般。「乳豬燒味拼盤」我哋揀咗配叉燒，中規中矩。反而個「濃雞湯舞茸菇浸菠菜苗」幾好味，啲菜好嫩口。佢哋本身都有送甜品，我哋自己另外嗌咗個「焗西米布甸」，當我食到第二啖，發覺有啲嘢拮條脷，吐出嚟，原來係一條大約長一厘米嘅鐵線。即時通知咗服務員，佢哋都即時通知部長，即刻攞入廚房查明究竟，佢哋都不停咁講對唔住，好彩我冇吞到落去。…查看更多

香宮爆紅打卡聖地！一推門俾佢個超高樓底同巨型水晶燈閃到唔識眨眼，裝修閃到癲，影相即刻出片！服務員全程笑住服侍，倒水遞巾冇停手，貼心到暈。服務真係冇得輸，一般香格里拉的Standard👍👍蝦餃皮薄到透光，內餡彈牙爆汁；腸粉滑到溜滑梯，豉油香到靈魂出竅。呢度真係零伏位，食完即刻想再book枱，必須tag埋班friend衝！一般午餐想同人傾密偈，香宫就係首選勝地，枱與枱之間寬敞，坐得舒服。如果有多啲優惠推廣更加好啦😅 …查看更多

父親節去邊度慶祝，總是令人感到頭痛，因為想找一個既有氣氛又能讓家人滿意的地方並不容易。這次我楝木一間位於酒店內既米芝蓮餐廳，感覺比較穩妥，亦都保證品質。餐廳環境非常舒適，座位寬敞，氛圍優雅，令人一坐下就覺得放鬆。服務人員態度親切且專業，從迎賓茶開始就充滿了儀式感，令整個用餐過程更加有特色。叫左蝦餃、燒賣，還有八寶鴨、南乳雜菜和蝦籽花膠炒麵。蝦餃的份量十足，蝦肉彈牙，口感非常好。燒賣同樣出色，肉質鮮嫩多汁。八寶鴨的鴨肉不柴，味道入味。蝦籽花膠炒麵就香氣四溢，味道濃郁，非常惹味。不過南乳雜菜的味道偏重，味道過鹹。…查看更多

九龍香格里拉酒店裡的中餐廳「香宮」一直頗有名氣，近年亦屢次榮獲米芝蓮評級，是對不少尋找環境舒適、食有質素中菜客人的選擇；今晚有機會來一嚐她們的出品了。星期五的晚上餐廳客人都有不少，有家庭客、商務客、亦有朋友敘餐，各類顧客也有。香宮有一系列的招牌菜式，在訂位時店員提醒可以先預留想吃的菜式，以確保用餐當日不會售罄；除了預訂的菜式外，我們也即席點了一些食物，職員詢問我們有沒有食物敏感，以便提醒廚房師傅多加留意。先拔頭籌的是極品蜜汁叉燒皇($358)。八件厚切叉燒選用肥瘦比例均勻的三層肉部位，肉質軟淋，帶著甜甜的蜜汁更容易入口；倘若你喜歡一點焦香的叉燒可以挑選一些叉燒邊位來吃，香氣更甚。第一道菜我們都吃得津津有味，為整頓晚餐揭開一個幾好的序幕。松子星斑拆魚羹($268)以順滑的魚湯作底，裡面除了加入星斑肉，亦加了薑蔥、木耳、陳皮等材料，盡量去除魚腥味、增加口感、增添風味；個人特別喜歡每碗湯灑上幾粒松子仁，體積小油脂豐厚，放在魚羹裡沒有違和感又不會太搶味。不少人也推薦要試試她們的黃金炸釀蟹蓋伴薑茶凍($288)，餐廳職員同時送上食蟹蓋專用的細叉。把叉刺入蟹蓋中間立即冒煙，裡面熱透燙嘴，最驚喜的是整隻蟹蓋全部釀滿絲絲蟹肉，絕對沒有欺場。蟹肉帶鮮和鹹香，輕輕的調味時得出蟹的原味，加入附上的鎮江醋更能帶起海鮮味，難怪那麼多人推介啦 雖然只是一隻蟹蓋，但滿滿的餡料很容易就令你飽了不少，細食的朋友要主要了，不過來用餐的話是一道值得一試的菜式。蟹蓋的另一種做法是雙色芝士焗釀蟹蓋伴薑茶凍($288)。這款蟹蓋的味道會比前者濃郁，多了芝士的鹹香和飽膩感，跟附上的鎮江醋未必太夾，某程度上芝士稍為蓋過蟹鮮味，個人傾向選擇炸釀的做法。食完那麼多蟹肉可以食那兩粒可愛的薑茶凍平衡一下寒氣，別看它們細細件也有一定的老薑辣勁呢。緊接著就有三道主菜上菜。前面的是貢布白胡椒焗老虎蝦煲($528)，燒得火熱的鍋發出嘶嘶的聲音，裡面被燒紅的白胡椒也散發著強烈的氣味。六隻老虎蝦帶有刺激的胡椒味，肉質尚可但不會很爽，因胡椒味太強難以食到蝦味，嘴也被辣勁麻掉因此配料的份量過份了，裡面的蝦腸亦清得不夠乾淨，是云云菜式之中最遜色的一道。餐廳使用新鮮雞去製作香宮炸子雞伴鹽燒脆藕片($398半隻)。熱辣辣的炸子雞皮薄香脆，選用的雞肥瘦均勻，肉質嫩滑，部份較薄肉的位置調味偏鹹，但作為一道頗考功夫的菜式來說出品都不錯，不妨一試。與坊間一般提供不同的是這裡以檸檬汁取替甜醬油，可以增添清新的感覺並減低雞皮的油膩感。餐牌上這道千絲牛骨清湯本地崩沙腩($498)吸引了我們的目光。首先這鍋崩沙腩的用料有一定的質素，牛腩以及筋膜相輔相成，散發著濃郁的牛味；其次是廚師烹調的火候得宜，牛肉軟淋得來又保持了絲絲纖維，輕輕一咬已慢慢在口中散開，而筋膜、牛筋的牛味更甚，口裏的質感和味道更是澎拜。不得不提的是底部的白蘿蔔絲吸收了牛骨清湯的精華，承載著滿滿的風味，絕對需要飲盡這鍋熬出來的美味，很有驚喜！當我們仍在品嚐之前的菜式已經聞到招牌菜龍蝦湯脆米海鮮泡飯($398)的撲鼻香氣了。職員建議先幫我們分好每人一碗，這鍋泡飯的份量大概可以分做四碗滿的，大家可以作參考。客人進食前可根據自己喜好加入脆米，龍蝦湯濃郁並濃厚，裡面的海鮮令整碗泡飯感覺豐富一點，而脆米跟米飯合作形成了不同的口感，幾得意。晚餐來到尾聲就點了兩款甜品：手指檸檬楊枝甘露($88)和栗蓉西米焗布甸 ($88)。兩者相比個人覺得西米焗布甸較可取，懷舊菜式不是四處可以食到，味道也不錯。然而，這裡的甜品不會太甜，可以說是甜味較輕，不用擔心太有負擔。原來餐廳也奉送陳皮紅豆沙天鵝酥，外皮酥脆，滿滿的紅豆蓉帶著一點點陳皮味，為這頓飯劃上句號。香宮環境別緻，樓底高環境舒適，店員的服務細心態度友善。茶位$35包括了一碗以鹽烤過的腰果，比起花生好得多；見到茶壺裡的水飲得七七八八職員會主動過來把茶壺拿去加水，但關於茶水有很大的缺點就是壺內的茶葉份量很少，即使是同一壺水飲多兩杯就變得很淡，建議餐廳加入更多茶葉在壺內，要不客人則需主動要求店家在一頓飯裡換兩、三次茶葉了；同時因店員只是在樓面以一些不是滾熱的熱水壺加水，令我們的茶水亦不夠滾熱，作為基本中餐基本要有的元素確是差了點。就這樣我們度過了放鬆、滿足又愉快的晚上。論食物和環境感覺都幾好，是一個比較高尚的中菜選擇，部份菜式幾有驚喜，大家不妨一試:)…查看更多

香港其中一間頂級粵菜府，食物質素無用置疑，一分錢一分貨。真得跟中價酒樓不一樣。最簡單例子，那個必點的鹹水角，裡面的餡料完全填滿內腔，不像一些酒樓的，食空氣。更意想不到的是服務，陌生客都招呼無微不至。閒日中午超過9成入座。有商務客，有富貴退休人士，更有單身人士幫襯。如果荷包鬆動，這裡是不二之選。…查看更多

生活艱難，傾生意，我永遠唔會待薄自己個胃。叫個商務套餐，乜都有啲，酒店嚟講又唔太難食。佢係老牌中菜廳，老實講商務午餐都可以好精緻，但係呢間，真心算冇嘢，價錢唔平又唔貴，可以有其他更好選擇。唯一剩低嘅，就係服務多，但係留意多同好又係另一個層次。點心界大把後起之秀，就算普通點心小店嘅點心都做得唔差，相反呢度就已經冇乜特色。話佢難食唔係，但你又唔會為咗佢嘅食物返轉頭，第一道蝦餃燒賣，合格，冇評語。另外灌湯餃，食完隻餃，冇想令你攞起個碗飲埋個湯。牛肉麵炆得夠腍，味道毫無無特別好。甜品，竟然係Hea到冇得再Hea嘅紅豆沙。鍾意食老陳皮嘅我，食咗三啖就放低了。如果今時今日，酒店仲覺得仲有好多人有興趣食佢$500一位嘅Hea餐，我都覺得摸不着頭腦。…查看更多

今天與客戶在尖沙咀香格里拉酒店香宮享用商務午餐，整體體驗相當不錯。優點：- 服務人員非常專業，態度親切有禮- 特別欣賞餐廳提供welcome drink，猶如潮州功夫茶，營造不錯的開場氣氛- 座位間距寬敞，私密度高，適合商務會面- 菜式水準穩定，連外籍客人都讚不絕口- 三人用餐連服務費不到$2,000，以五星級酒店來說相當合理改善空間：- 餐廳只設一個男女共用洗手間，用餐高峰時段需要排隊等候，建議增設洗手間數量整體而言，香宮是一個很適合商務宴請的場所，環境優雅，服務到位，菜式水準之上，價格合理。若能解決洗手間不足的問題，將會是一個完美的商務用餐之選。…查看更多

香宮晚飯。已經多年沒有來過，看門外的菜單，他們把地位提升了很多。試了他們的$1680 的套餐，另點了一客鮑汁章魚炒飯和一客豆腐配竹苼和黑菇。這裡的服務不錯。用的餐具可以，無妨米芝蓮星的形象。但菜式的味道方面卻常常有一種明顯的甜味，而且不太像一般的糖，我分不出是否 palm sugar. 但卻令菜式脫離了傳統粵菜的口味。不太好。他們用的材料可以說是不錯的。比下一層同價的Nadaman的懷石來得老實。但調味方面，只是已點了菜而不吃有點浪費金錢而已。菜式中並沒有那一味比較值得懷念。燉湯，有種怪怪的甜味。牛爽腩，介紹我們先喝湯。不算突出，不夠清，太甜。牛腩是可以的但絕對不能跟潮城的比較。平平無奇。龍蝦，份量足，但火候快，讓龍蝦味流失。肉也變硬。初級錯誤。其實很多餐廳都犯這種錯誤，但米芝蓮星級餐廳不應犯。焗釀蟹蓋，材料十分充足，沒有其他高檔餐廳一般的用上大量洋葱和磨菇減低成本。但須然蟹肉充足，但卻十分枯乾，影响了囗感。所以，一切條件都具備了，只是口味不對勁，比較掃興。鮑汁章魚飯算為正常。不錯。我請問服務員，今晚是否由主廚主理，是。請問用的是什麼糖，不知道，但主廚已下班了。…查看更多

2025年元旦，梗係想食好d啦由於屋企人理解錯誤，點左個一人套餐再加三個點心。個套餐都幾多野食，有3粒點心，一個羹，炒蝦球，波菜，牛腩麵同杏仁茶除左個羹，其他我都有試。素餃：正常發揮，冇乜驚喜炒蝦球：隻蝦好大隻，好爽好彈牙。雖然碟野比較油，但配菜都整得好味番茄浸菠菜：好清淡，冇乜味。可能係沖一沖炒蝦球既油膩，然後再食牛腩麵牛腩麵：試飲咗啖湯，好清甜，好飲。麵就正常。舊牛腩好食，有咬口但唔會韌杏仁茶： 已經飽左，係唔錯的點心方面，全部都好有水準蝦餃包得好靚，蝦都係爽口彈牙，餃皮厚薄岩好叉燒腸個皮係薄，好多叉。唔點豉油都好食梨香黑豚肉咸水角個外型已經贏左一半，啤梨甘；味道亦係有水準。皮唔太厚，餡料份量適中服務唔使講都知係好，特別係全場最高個個男仔，好耐心甘幫我哋。…查看更多

偶爾發現香宮的點心套餐原價$418, 12點前結賬才$278, 頂著香格里拉和米一的頭銜，就來試一下。很傳統的中菜廳，沒有很創新的味道搭配，擺盤餐具算稍有特色，和阿一鮑魚差不多也是那種調味剛剛好，不會太甜不會太鹹，不會吃膩的那種。當然比起米三，香宮還只是米一的水平。擺盤的紅葉本以為是炸透的紫蘇葉，我還是太天真了；灌湯餃泡得太久，餃子皮軟散得救不回來了；不是很懂先上炸點再上蒸點的先後次序；港式牛肉面湯底清香，但面湯濃一點會更好。服務給我很趕的感覺，要說的禮貌話都有說，但就趕SOP的感覺，收拾的時候乒乒乓乓。偶爾有幫忙倒茶，但倒茶和上菜時常"飛象過河", 也因此倒茶時會有灑水的情況。吃過的米星來說，目前就它會這樣，在香格里拉的標準而言，稍令我失望。…查看更多