首爾家韓國料理

營業中

休息中

上星期五一行四人嚟燒烤,金髮姐姐笑容滿面熱情幫忙燒烤,中途短髮黑面大姐叫金髮姐姐唔好幫我哋燒,幫佢執枱;就算忙都應該顧及服務禮儀啩?相反金髮姐姐就識大體最起碼會同我哋講聲唔好意思行開一陣轉頭再幫忙,哩到得兩個中本地人,其他都係韓國人,除咗金髮本地姐姐叫做主動D招呼吓,另外韓國大叔老闆都有望吓你D肉燒成點,會幫手反一反肉,金髮姐姐都有不時主動幫我哋加吓茶,基本上其他侍應都唔會點理你,唯一可取係勝在價錢唔貴冇限時,但唔好要求有服務。(讚)價錢唔貴(讚)金髮姐姐(嬲)短髮黑面大姐(失望)沒有下次

其實去完韓國每次都好掛住當地嘅海鮮泡菜湯飯，返香港試親嘅都好嗆喉，啲海鮮又好唔新鮮，但係終於俾我搵倒間正宗嘅泡菜海鮮湯飯。🤩炸雞係另一個驚喜，香脆得嚟唔會皮肉分離，配埋沙律成件事冇咁油膩。其他食物都好唔錯。當日見倒有韓國人幫襯，亦都有韓國姐姐（언니 알바생）做嘢。（老闆都係韓國人，不過就唔係오빠 🤪)食完同朋友留低傾下偈，老闆同埋侍應都好友善，又幫我地影相。唯一美中不足係伴菜只可以揀兩樣refill。

每次跟朋友朋友說起孤獨試菜的情況，很多時都會得到「做咩唔預我？」的回應。不過如果真的去約，其實就得到我的時間多數就不到很多人。好像是日想試試這間新的韓菜店子，約好的朋友又臨時甩底，結果又是獨自上陣。沒要緊，我也慣了。這裡藏身於精品酒店的一樓，一進門招呼的雖然是本地侍應，但在廚房內工作的是清一色的韓籍「阿朱媽」。拿餐牌一看，菜式種類不少。在香港的韓菜館就是如此，由烤肉到醃菜以至炆海鮮及牛肋骨到最後的飯卷及冷麵也都一應俱全，這是就算在韓國當地也不會有的現象。點了菜，侍應拿來前菜，一人前就是四碟，分別是泡菜、芽菜、莧菜及甜薯。先吃泡菜，鮮辣而不太酸，還不錯。芽菜及莧菜都沒有什麼漬過，只是烚起來又凍了的味道。甜薯是我喜歡的韓式前菜，這裡做的還不算很甜，是最先給我清掉的一碟前菜。只見每檯必備的電烤爐，烤肉是這裡必點的食物吧。因為也點了牛肋骨，在這個環節就不如來一味紅酒五花肉。「紅酒」是指五花肉的肉質色澤鮮紅，即靚貨的意思。放在烤板上高溫烤至表面微焦就可吃。因為油脂已給燒了出來，故肥肉部份口感爽脆而味甘香，難得的是瘦肉也鬆化不韌。燒了出來的豬油也不要浪費，將泡菜拌進去炒幾下是正宗的吃法，更添鮮香惹

單身情人節諗住同一班朋友開開心心食餐飯啦本身都開心 book左位 情人節唔洗等位都開心叫完野食喇我地叫左泡菜鍋$88 紫菜包飯$68 同燒五花腩（叫店家燒埋先上）$128仲有一支青提燒酒$70然後泡菜鍋 紫菜包飯都好快黎到咁我地一直傾計等個肉黎啦都等左幾個字突然有個職員行埋黎講今日情人節有最低消費 每人$200重點我地係已經食到一半喇你先同我講？！我地3個女仔邊食到咁多你一開始係我訂枱或者點餐嘅時候講我都無野好講我食到一半 你先講我都飽左啦 仲點叫呀無事呀嘛 情人節單身已經慘仲要比餐廳蝦我地同佢講左 （好在我地都唔係好蝦）佢話唔洗我地最低消費經理將個責任放左落個part time妹妹身上 我地都笑左然後我地滿心期待繼續等等佢個燒五花腩等多幾個字肉呢？肉呢？仲養緊隻豬？豬呢 情人節都唔比隻豬我我嬲嬲豬然後叫左個老闆黎 睇下佢個樣 睇怕漏左單好我繼續等下啦 諗住會有個好好味嘅肉出黎登登登登肉來了一碟百幾蚊咁細碟豬腩肉一定好好食啦但生菜都無碟 泡菜仲要續碟計$5碟咁算 係我地無睇清楚餐牌咁我地加番個生菜籃$40同泡菜啦李老闆包完個肉 都唔知道自己食緊咩又無豬味又無腩 仲有骨添五花腩食腩嫁 邊

好唔好食就唔知啦，超奇怪店家，上到舖頭無位唔會同你講，企咗一陣先搵個店員問，先同你講應該無位，成個銅鑼灣唔會得一間鋪頭，話比客人聽無位咁基本都做唔到，呢間咩店舖？？？

朋友介紹，今日年三十，行花市前一家大細試試這家韓國餐廳，我們點了三個午餐，有烤牛肋骨、韓式炒粉絲、石頭拌飯，價錢在銅鑼灣算合理，食物份量足夠，未至於好大份，但未道好，尤其牛肋骨，肉質軟滑，下次去銅鑼灣，一定會再試其他菜式！

今天約了幾個好友去一間位於銅鑼灣隆堡栢寧頓酒店一樓的韓國料理，最初還以為好高級，但一踏進去有點驚喜，是一間充滿韓風的小餐館。我們只有三個人，叫了一個BBQ2人餐和一個豆腐湯，份量非常充實，好食又抵食。

依間<首爾家>朋友之前食過一次話質素唔錯今晚帶我試下, 位置係邊寧頓街隆堡柏寧頓酒店1樓, 唔算好就腳.. 餐廳款式都應有盡有本來想叫二人餐但怕眼闊肚窄, 點了散叫前菜有六款 👍🏻散點了牛勒骨和五花腩, 份量只有兩塊但細胃口的我們也足夠。肉質鮮美 👍🏻伴碟有兩條菇 洋蔥一份韓式豆腐湯 $88 辣得過癮, 送飯一流紫菜牛肉包飯卷得好大份 , 味道不錯食物不錯, 不過侍應服務未夠貼心, 不主動斟水, 安排坐位態度冷淡, 望可作改善

因為約左朋友係銅鑼灣食野！諗左好耐都唔知食咩好！朋友話想試下首爾家韓國料理！就抱住去試食既心態行左入去！打開見餐牌都有唔少選擇！我地叫左個炒年糕同燒牛肉！一來就來左幾碟前菜先！前菜份量少左d!跟住來左碟炒年糕，味道都唔差！賣相又幾好！牛燒完肉質都好鬆軟！質素都唔錯！價錢都比較大眾化！總算合理。可以值得一試！

冬天終於嚟到🧣 #小秘書 啲大褸又係時候出場🤩 不過呢🤔年頭喺洗衣舖拎返嚟嘅外套... 等到今朝先得閒打開個膠袋拎件 #絨褸 出嚟著🤪撞正今晚約咗「大小姐」慶祝生日，仲要係食傳統韓國菜... 唉 奶嘢！當 #絨褸 遇上 #燒肉🔥一定吸哂啲肉味啦！拿拿聲拎個環保袋出嚟包到件褸實一實先至夠安心😅 因為主角遲遲都未出玩，大家已經餓到一個點，唯有幫手揸主意「點菜」😝 我哋 (5個人) 叫咗個4人餐，貪佢有牛🐮有豬🐷又有蝦🦐，仲有人參雞湯、又有泡菜煎餅。不過我哋仲慌死唔夠飽，加單加咗個芝士年糕炒麵、牛肋骨湯，同我至like嘅辣豆腐湯😋 一於不飽無歸🍻望到面前嘅6小碟 #泡菜，都知 Seoul House 首爾家韓國料理 好慳家，魚仔數埋唔夠廿條、其餘嘅泡菜都係得一兩注😅慌死我哋食多咗唔叫嘢食咁😅😅 #首爾家 嘅上菜速度認真一流，加上有「靚姐姐」幫我哋手 #燒肉，我哋唔夠個半鐘就食哂所有嘢lu🥴 雖然網上嘅人都話 #首爾家 啲餸菜做得好傳統、好好，不過我就覺得味道爭咁啲，要辣嘅食物唔夠辣、牛扒太肥，塊扒有1/4都係肥肉，燒起嚟唔知點解又無哂啲肉味👉🏻👈🏻不過都係果句啦，出嚟食飯都係為咗同朋友聚一聚

首爾家已經去過幾次食午餐，感覺係好味同抵食。我老公每次都點牛肋骨湯飯，因為食過好幾間香港的韓國菜館都找到不首爾明洞那間既味道，雖然「首爾家」也不是完全一樣，但他還是滿意的。我點的是韓式辣炒豬肉配飯，太多吃不完。前菜有4款，見到其他客人就算一個人去也會比4款的，而且是無限續。就算在首爾當地，最基本既泡菜不一定每家也好食，有些會過鹹或太辣，但「首爾家」每次都保持水準同新鮮，不錯。另外，首爾家的waiter/waitress眼見有韓國人既生仔女，就算係香港人也是懂韓語的。在𨋢口見到是由韓國人主理的報導，希望繼續加油！

這間店都開咗一段時間，也都幫眕咗好多次，終於都有心機寫下佢。這間都好傳統，因為好多侍應都係韓國人，要用英文溝通。有識廣東話嘅，但可能都係韓國人，🤪Menu好多嘢食，比附近的XX寶多，而且比較便宜。今日叫咗炆牛肋骨，水準冇問題，好味。味道偏甜，我喜歡。好大舊肉同好厚，正。前菜都好食，竟然有腸仔，🤪。最後有橙食。小插曲，同事叫的豬落錯單，來了雞，換返豬。上枱豬肉好似座山咁，佢分埋俾我地食都食吾哂。haha。

相約舊同事飯聚,同事話喜歡正宗舊式韓食,不想只吃炸🐔,走一走傳統路線。此店侍應及客人都是韓國人,我們👩👩👩好像去了韓國旅遊。😂睇得韓劇多,看見主角有幾款常見食物都吃得好滋味,就嘗一嘗拌飯、炒粉絲、炸醬麵及豆腐湯。傳統味道比較炸🐔芝士更有風味👍👍😋

平日夜晚去不用等位, 入面大部份職員都是韓國人。 環境都幾清淨舒服。我自己就嗌左海鮮刀削麵! 一開始都會附送前菜, 如泡菜, 芽菜等, 有6款。刀削麵的湯底清清地, 湯底比較糊身, 刀削麵都幾彈牙, 但就比較幼身體。 海鮮種類較少, 只有一隻蝦和青口, 味道還可以。另外, 重嗌左泡菜煎餅。煎餅都大份, 煎餅邊邊都脆, 但入面略厭漿粉太多, 比較淋身。如果入面挺身d, 會好食好多。 煎餅入面都多泡菜, 味道尚可。我朋友就嗌左個排骨湯飯, 味道好淡, 所以不推介大家嗌。總括而言, 環境都幾舒服, 價錢都算合理, 味道就不過不失啦。

啱啱去完韓國，好掛住韓國嘅嘢食，所以今日就特登嚟到首爾家食韓國菜啦。嗰日係星期日，我哋冇book到位，大約六點上到去，等左十分鐘到就有位啦。不過去到差唔多七點嘅時候，餐廳滿座，門口都有唔少人喺度等位。我最掛住嘅就係韓國嘅燒肉同埋佢嘅人蔘雞。所以梗係叫咗呢兩樣野啦，除咗呢兩樣野，仲叫多咗碟泡菜炒飯。同好多韓國餐廳一樣，都係會免費提供前菜，個人覺得佢嘅泡菜幾好食，偏辣而且都幾濃味，大家記住要食多啲啦，可以免費添加㗎。先講燒肉，當日我哋只係兩個人，所以只係叫咗一個五花腩，佢嘅五花腩唔算係好肥嗰種，啱女仔。我好怕食到一啲好肥嘅肉，會好易食到好膩嘅感覺，個人會好快無胃口。我哋燒嘅時候，店員都會時不時過嚟幫我地去燒d肉，幾好服務㗎！跟住就係我最鍾意嘅人蔘雞湯。碗人蔘雞湯好清甜，而且個雞煲得好淋，入面有兩條人參，個湯真係好好味，我真係一滴都無剩!至泡菜炒飯，用泡菜炒飯真係好野味，除咗泡菜之外，仲加咗啲紫菜，芝麻，煎蛋，夠曬濃味！