饗和民本格串燒.旬鮮料理

今天晚飯在「饗和民本格串燒.旬鮮料理」吃串燒盛盒和日式料理。串燒盛盒有精緻的配搭：豚肉串~來自北海道產的豚肉串中，夾有菠蘿、紅椒、黄椒，果酸椒甜，味道層次很豐富。青蔥牛肉卷：牛肉味濃而不膩，卷著爽口鮮甜大蔥吃，口感清新。金菇牛肉卷：牛肉片卷金菇，沒有油膩感，又香又滋味。車厘茄煙肉串：煙肉卷車厘茄，口中爆天然茄汁，甜甜酸酸好開胃。粟米燒：燒香粟米，香甜可口。饗和民沙律~七彩繽紛的新鮮蔬果滙集一起，添加鮮蝦、沙律醬與堅果碎，是健康及美味之選。蜆肉讚岐烏冬~很喜歡有這麼多鮮嫩蜆肉來滿足我，烏冬來自讚岐，品質有保証。炙燒牛舌飯~薄薄的牛舌片都很有鮮爽口感，配合特製醬汁，非常滋味。滑蛋豬扒飯~豚肉鬆軟腍滑是優質豬扒之選，加上滑蛋、洋葱絲舖蓋在珍珠米飯上，吃到絲絲清甜香與蛋香，雖然賣相不美，却以美味可口取勝。魷魚燒~肉質鮮爽，醬汁香濃，每次必吃。芒果盛宴~芒果蓉打成沙冰，配上芒果雪條，滿滿的鮮芒果香味，的確是飲品中的「盛宴」。荔枝檸檬沙冰~時令特飲，勁消暑！很滿足的「饗和民盛宴」，下次再來「饗和民盛宴」！…查看更多

相約閨蜜談心，想食得暢懷又坐得舒適，大家一致諗起荃灣廣場的日式居酒屋，不但菜品選擇超多而且飲品的選擇也不少，所以一早放工便來到搵定位坐。裝修基本以日式格調為主，店舖非常寬敞而且座位也不少，梳化卡位甚多，方便客人面對面慢慢品嚐食物之餘仲可以開懷𣈱談。兩人一坐低馬上叫了兩杯飲品，芒果盛宴～用新鮮芒果打成蓉，再加上一整條自家製芒果雪糕，一上枱非常吸睛，急不及待馬上喝一口，濃濃的芒果蓉充斥了整個口腔，非常香甜好飲。荔枝檸檬沙冰～藍白色的荔枝沙冰，給人清爽解暑的感覺，炎炎夏日飲一口非常解暑。居酒屋內一定要點嘅串燒，因為我哋兩個都唔食牛，所以點咗一碟日本雞肉串燒盛盒～一共有五串、有雞心串、雞腎串、雞腿串、雞頸串和雞胸串，每一串都烤得剛剛好不會老過韌，而且還有少少烤過的炭香味，真係一口接一口， 停不下來。明太子厚燒玉子～玉子醬淋上一層明太子醬，一口咬落有爆漿的感覺，甚有驚喜，秒淸。饗和民沙律～新鮮雜菜清甜爽口，加上日式麻醬，簡直絕配。燒鯖魚～用鹽醃過一夜乾的鯖魚，魚肉緊致，帶少許鹹鮮，師傅把火候控制恰到好處，表面煎得金黃，扒開魚肉還有少許肉汁，十分鮮味。…查看更多

好耐冇上朋友仔屋企探貓貓呀，今日佢又放假，探完啲肥貓仔，落去荃景廣場搵野食下啦！好，坐低睇下有咩好食先。饗和民沙律，除左基本沙律菜，仲有大蝦、吞拿魚蓉、蛋，比起岀面既沙律真係豐富好多。香炸雞軟骨，酥脆外層，裡面雞軟骨咬到咯咯聲，好有口感。串燒盛盒，日本產豚肉串、青蔥牛肉卷、金菇牛肉卷、車厘茄煙肉卷串、粟米燒，一共5款，我最喜歡車厘茄煙肉卷串，食落煙肉咸咸，裡面車厘茄爆汁。石鍋豬軟骨飯，個飯用石鍋keep到溫度，飯粒有汁唔會dry, 豬軟骨好入味，肉和軟骨都半半，好味味！熔岩流，混合士多啤梨和菠蘿汁，甜甜酸酸，上面有個椰奶cream，幼滑又好味。荔枝檸檬沙冰，清甜既荔枝味，帶檸檬輕酸，味道清新唔太甜。…查看更多

今次同朋友嚟食晚飯，點咗招牌三文魚刺身，新鮮彈牙，入口即化，配醬油芥末清新不腥，絕對亮點！另一個試咗牛舌串燒，外脆內嫩，炭火香氣撲鼻，配埋鹽麴雞翼，肉質多汁惹味。壽司拼盤米飯鬆軟，魚生鮮甜，湯品如味噌湯暖胃解膩。飲品選日本清酒，微醺順喉，配小食一流。整體食物質素穩定，味道地道，食完心情愉快，係荃灣日式小店中唔錯選擇。不過，負評係真係唔抵食。價錢偏貴，一人晚市約$300-500，刺身單點過$200，串燒每串$50起，性價比低，尤其無套餐優惠時感覺貴過質素。選擇少，菜式重覆刺身同燒物，無特別創意或季節菜，食得多幾次悶。份量細，兩三人share都唔夠飽，高峰期點菜等候長，熱菜有時涼咗上枱，影響口感。環境雖溫馨但冷氣弱，夏天悶熱，服務偶爾慢。總括而言，和民居酒屋食物好味但唔抵食，適合偶爾光顧，若求平靚正就轉其他店。下次或試附近居酒屋，期望更好！…查看更多

今日朋友生日，午餐就去咗荃灣廣場嘅和民，一坐下，見到餐牌款式超多，日式定食、壽司、丼飯應有盡有，眼花繚亂中揀咗個壽司拼盤定食。擺盤精緻！壽司種類豐富，蟹籽壽司卷咬落卜卜脆，蟹籽鮮甜彈牙；握壽司部分，三文魚脂香四溢，玉子燒帶蛋香，帆立貝壽司鮮甜夠嫩。配菜都好用心，茶碗蒸滑到好似豆腐，沙拉清爽解膩，配埋碗迷你烏冬麵， 超滿足最抵係「第四位半價」優惠，幾個朋友一齊食，人均落嚟好抵！下次想食日式料理，一定再嚟！和民呢餐，無論味道、擺盤定價錢，都值得推介，鍾意日料嘅朋友唔好錯過～…查看更多