餛飩仔媾餃子妹

營業中

休息中

之前係社交平台見到呢間餃子店有無五辛素炸醬麵，bookmark咗好耐，早排終於有時間去試。雖然小店提供素食係值得鼓勵，但食物質素一般，試過一次就算。店舖面積極細，老闆娘全程都企係廚房位置，有塊布簾隔住，只有出菜時先出一出黎。招牌一人套餐 ($65) (轉素餃子 +$5)素香炸醬撈麵 + 小餛飩12粒或手工餃子5隻素炸醬主要有素肉碎同梅菜，鹹鹹哋用黎撈麵唔錯，但炸醬比較油，食完有大約一茶羹油剩係碗底。素餃子好大粒，入面包有素肉、木耳同椰菜，皮薄，比較容易散。跟餐送: 罐裝汽水P.S. 我冇食肉餃子，但朋友話唔好食，至尊蟹皇鮮肉餃入面全部都係結實嘅肉餡，完全冇蟹皇嘅元素，食完都幾膩。

突然心血來潮想食海蜇, 點知黎到我以為自己嗌左涼拌青瓜 ,成碗嘅海蜇一眼睇曬,完全唔抵食🥲蟹黃餃子一般餃子味,  唔係好食到蟹黃味, 雖然好大舊,不過試過一次就算🙃另外嗌左個雙拼香菇同栗米, 肉都多, 性價比最高係依個🙂

一向都好鍾意食餃子知道太子有間新開嘅餃子店一於要去試下啦☺️☺️佢有小餛飩同手工餃子仲有好多唔同味道選擇手工餃子味道好過小餛飩😛😛下次要再黎試下其他味🤎傳統手工餃子🥟叫左煎油麥菜鮮肉餃、韮菜鮮肉餃煎餃黎到熱辣辣好香口好足料食落去有肉汁流出黎😮😮韮菜就一定無得輸啦估唔到油麥菜都幾好味呀👍🏻👍🏻下次再試下其他味先🤎招牌一人套餐---麻醬撈麵+小餛飩🍜🥟佢嘅套餐有好多唔同撈麵選擇同埋可以揀小餛飩或者手工餃子我地就叫左麻醬撈麵+小餛飩麻醬撈麵嘅麵質感幾好，不過多左少少水叫左至尊蟹皇小餛飩🦀小餛飩有12粒，真係好迷你😂😂有少少嘅蟹皇味，都OK嘅不過餛飩皮大塊左啲😛😛要讚下個湯幾清甜無咩味精呀🤎菊花杞子茶🥃清清嘅菊花杞子味唔太甜，飲完覺得自己好健康🤭🤭

太子地鐵站對面找到這間迷你水餃店，提供一款素菜餃又有素食炸醬麵，配餃子個素湯仲勁好飲添，經過路過都可以試下呀。店面極細，只有三張二人檯，環境淺窄簡單快食之類型。門口應該係直通巴士站上車處，這天坐下見外面好多人拉住行李箱等車。素食有餃子、小餛飩和炸醬麵，鍾意食餃子皮可以揀小餛飩。一人套餐有麵有餃都幾抵食。餃子都在店內每日人手鮮製，除了現場吃也很多人來買生餃子回家煮。五色素菜餃 HK$42這個餃我之前已經食過幾次，有叫過外賣又有買過生餃自己煮，勁大隻餡料好有份量，除了五色蔬菜仲有新豬肉，皮薄也有點容易爛，不過味道好好，特別係個湯清香又好飲，多重滿足。這天吃八隻有過半都爛皮，還好餡料夠實在所以不妨，也不至於會散開，整體來說水準不錯。

今日響太子做嘢，午餐都未食，行過見到呢個小店，食餃子都唔錯喎，就入咗試下啦。小店乾淨企理，一坐低，老闆娘就介紹餃子，有大有小，可以淨食同跟麵。叫咗個招牌一人麵，炸醬撈麵同油麥菜手工餃。再望下個餐牌，咦，有涼伴魚皮？加單先，魚皮又爽又夠味，份量好足，好正！餃子大隻又足餡，撈麵都唔錯。今餐食得好滿足。

《餛飩仔媾餃子妹》早前經過太子見到呢個招牌，以為自己眼花😵‍💫膽粗粗入去試吓，咦，味道唔錯喎 😋 老板娘「餃子妹」有心思手製 五色素菜餃🌈🥟 同 素香炸醬麵 🔥🍜各位素友經過太子附近記得支持吓！💪🏻Mr Wonton meets Ms Dumplings 👩🏼‍❤️‍👨🏼This local noodle shop’s eye-catching sign got me to try try their delicious handmade dumplings and other veggie dishes - definitely worths a try when you pass by Prince Edward next time!Recommended dishes 必吃- Rainbow Veg Dumplings 五色素菜餃- Veg Shredded Meat Noodle 素香炸醬麵 🔥🍜

話說我已經留意左這間餃子店好耐，而身為人肉GPS的我本人，竟然看著地址跟住Google Map完全找不到，後來終於在太子地鐵站D出口一行出來就見到，真係莫名奇妙。我會推薦招牌一人套餐，HK$58就有素炸醬麵加5隻素餃子，湯底用蟲草花粉葛素湯，餃子勁大隻有素肉有菜好味也飽肚。好鍾意的話仲可以買生餃子返屋企儲糧。非常細間的店面，堂食也只有幾個座位。用地址在Google map上找比較不準確，建議直接太子地鐵站D出口出，到地面望向對面馬路左方就見到。這天來到發現只有生餃子賣，只好買回家自己煮。有素菜餃有素餛飩還有素炸醬麵，喜歡北方麵食要來試試。招牌一人套餐有麵有餃好抵食。我之前已經在外賣APP叫過一次，蟲草粉葛湯和餃子分開上。我覺得炸醬麵中規中距，沒有很夠濃味的感覺，另名麵條唔太夠掛汁。五色素菜餃就很值得推薦，大大隻入面包滿新豬肉，也有黑木耳和白菜等，味道很好。另外也要了一盒生餛飩湊數。餛飩餡料不多，如果你鍾意食餃皮就會好開心，如果炸應該也很好吃。附送的辣油陳醋化學添加比較多，在家吃的話建議用自己調味料。被我煮成像紅油抄手的小餛飩。生餃子比較易處理，HK$50/1打可以分兩餐食，本身都幾夠味

馬騮買了小雲吞、水餃、炸醬撈麵🌶🥟小雲吞是他的，麻辣十足，香料嗅到都覺得辛苦！（但真的很香！）辣勁也很強，滴幾滴湯到我的水餃，我一整碗水餃都辣起來！🥟水餃是粟米，餃子皮可能是自家製，比較厚但煙韌，我喜歡皮就覺得很不錯！肉餡比小雲吞的多，啖啖肉～還是很喜歡他們用湯來做湯底，這次是粉葛紅蘿蔔湯，很清甜，全清見底！🍜炸醬我麻麻，有點奇怪的味道，不過花生很香口，而且麵很彈性香滑卻不爛，撈完味道偏淡，也有點乾

住咗太子成十年，附近餐廳越開越多，餃子店更加一間接一間今日初試呢間返屋企必經嘅餃子店，估唔到舖仔細細其貌不揚，但餃子質素有番咁上下！同老闆傾開原來啱啱接咗手幾個月，下次要再試吓佢其他款式先自家制手工餃子，皮薄餡靚，好味！個湯都飲得出有火喉無味精食完碗湯餃已經飽飽哋，但聽到老闆講原來蟹黃餃先係must  try，於是問老闆係咪最少都要叫8隻，點知老闆勁好人話煎四隻比你試吓啦，食完真係覺得好正，皮脆肉嫩 ⭐️極力推介⭐️

第一次食這間，舖仔細細，座位唔多，剛好有人走，不用等就入得，雖然這店好似餛飩比較出名，但我叫了水餃，佢水餃也多口味選，我選了粟米🌽鮮肉水餃$38七隻，佢個湯比較清，好似話係蟲草花湯，餃子也幾大隻，餡料充足飽滿，整體來講都ok.

星期六到太子上堂，一上地鐵站，打算找速食午餐，看見對面有間餃子店，吃少少打吓底，方便快靚正。一看餐牌問老闆有咩餃子最快，老闆建議小餛飩，但作為一個餃子控，細細隻的小餛飩又未能滿足筆者。眼見店子細細，店內只得三張枱，家庭式作業，相信點一些傳統的餃子，水準應該隱定。期間看見店員，親手一隻一隻密密手包餃子🥟最後筆者選了大路之選，大白菜餃。大白菜餃子$38~淡淡的紫菜湯底，還有一小塊粟米、紅蘿蔔，湯底淡淡的，很有自家製的感覺。咬落去，餃子雖然未算飽滿，內有粟米，感覺好似粟米菜肉餃多一點。整體來說:餃子自家製又多款式，沒有吃完口渴之感，下次有機會會再試另一口味，但唯獨是枱面上的辣椒油的醬瓶頗為”苙黐黐” 建議店員注意一下。

週末經過，俾門口個招牌鮮肉小餛飩吸引左，就外賣左一碗20粒鮮肉小餛飩，小餛飩皮夠薄，重點係湯底係真材實料，竟然有紅蘿蔔、粟米、瓜，平時無乜飲湯噶就岩曬，如果唔點醬料可能個小餛飩餡再鹹返小小會更加好吃，我就返屋企點辣椒醬食味道就岩岩好

之前明明叫腸粉仔，現不賣腸粉賣餛飩，但店內只有兩個大男人，那餃子妹回家吃飯了嗎？🤣改名後第一次幫襯，唔係太肚餓，就點了25隻的小餛飩，包含三款不同口味：招牌鮮肉、韭菜鮮肉及粟米鮮肉；皮薄滑溜且拖尾，肉也鮮嫩；但因size問題，雙併的話就顯得有點「逼夾」了；放得肉來韭菜和粟米就太少了，反而招牌淨肉還比較出色；但湯底應該下了不少師父吧？吃後會比較口渴。餛飩仔媾餃子妹地址: 太子砵蘭街379A-379E華寶大廈地下11號舖電話: 97909122

今日在太子站附近見到呢間餃子店，感覺是新開不久，我記得在這間舊店曾光顧過，不過當時裝修一般，食物質素都一般。而家新開的店都是賣餃子，就試一試。小韮菜豬肉餃子15粒$35餃子的大小要同一個較匙羹般大小，皮是相當嫩滑，配紫菜，清湯，沒甚味道，餃子的餡都好吃，不過每粒份量太少，感覺不飽。如果加麵就要加10元，麻辣湯底又另外加錢，但餃子質素其實普通，不突出，我寧願去津津好好味吃，都不吃這一間性比價低的餃子店。

一個人在太子晚餐，想食得快為主，行過呢間專門食腸粉和餃子的小店，門口有一大個石磨在坐鎮，好易搵。每樣都想試一點，套餐48元有即拉腸粉和餃子。即拉腸粉要了榨菜肉碎腸，食落口好滑，米醬亦都好香。而且份量都幾足，再加埋五隻餃子，可以選唔同嘅款，我想要韭菜豬肉、番茄牛肉、切菜豬肉、粟米芝士及素餃，味道各有特色。我最鍾意食素餃，因為味道清新，入邊包了雲耳蘿蔔和粉絲。相當滿足。地理位置優越，只是在太子地鐵站D出口，一上到地面，行1分鐘就到。耀眼的招牌，利苑就見到， 十分容易找。