餓媽家姐

以前屋企樓下舖頭嘅XO醬腸粉好好食，但業主加租所以被迫關門，之後我就食唔到XO醬炒腸粉，但今日竟然比我喺厚福街搵到間以XO醬炒腸粉為主題既餐廳，款式非常多。另外餐廳嘅名字，係omakase既中文版本🤣餐廳主要提供外賣，雖然有企位，不過空間非常狹窄。- XO醬羊肉炒腸粉腸粉口感滑溜，加左雞蛋絲一齊炒令味道更豐富，整體幾重口味，味道偏鹹啱曬我。另外羊肉份量多，而且無咩羶味👍🏻- 冰室滋味雞中翼雞翼size中規中矩，只有四件唔算好抵食，不過肉質都幾嫩滑。- 脆炸魷魚鬚魷魚鬚即叫即炸，外皮香脆而且唔算太油膩，灑上紫菜粉後更加美味！以上食物都係好出色，尤其係XO醬炒腸粉，絕對係全港腸粉必食😎…查看更多

第一次幫襯呢間店，叫咗佢個招牌XO醬炒羊肉炒腸粉，一打開白色的，食落口又冇味，啲羊肉又得三小片，size大約指甲咁大塊，真係唔會再有下一次幫襯仲要賣成$54蚊，真係又貴又唔好食！…查看更多

早幾日經過一次無買到今日再經決定試吓佢買咗玉子燒+$8芝士拉絲 $43同鹹蛋黃炸燒賣 $32/10粒先講玉子燒，有蛋味，拉絲芝士唔夠多，芝士味無乜🥲唔推薦加錢試🥲同埋玉子燒好細份，都收得$35 一份，雞蛋啫⋯🫠鹹蛋黃炸燒賣係見燒賣關注組有人推就試下整體黎講炸燒賣夠脆，個鹹蛋黃醬包哂成個皮如果一粒燒賣成粒食，係食唔到鹹蛋黃味得魚肉燒賣味如果分開幾啖食，就可以食到開頭同尾大陣少少鹹蛋黃味中間重少少魚肉味環境方面有啲逼，去到嘅時候得一位客人坐緊，我哋兩個人，我坐咗老公已經要罰企🤣跟住有幾位客人入嚟，見到後面第二組已經要企喺外面食因為要自己執返垃圾去掉嘅關係，佢哋都無人會出嚟抹枱，所以枱比較污糟舖頭好似無風閘，勁多小動物飛入嚟🥶總體嚟講算係咁，但定價高咗少少味道唔算好突出，試一次ok，但應該無下次🫢…查看更多

鍾意掃街嘅朋友嚟到尖沙咀都未必有咁多選擇。尖沙咀厚福街開咗一間小食鋪，仲有機會去試吓！蛋黃醬燒賣，味道一流，好濃嘅鹹蛋黃包住晒成粒燒賣。XO醬牛肉炒腸粉唔會好辣，反而係個牛肉爆到好香。明太子玉子燒份量好夠，味道唔會太鹹！餓媽家姐 (尖沙咀)📍尖沙咀加拿芬道45-47號宏生大廈地下D2號舖…查看更多

都知道小店係忙啲，入面得兩個人做野，咁我企係到等你一陣啦，期間又會你眼望我眼咁，但係都唔識講句唔好意思等一等，等左5分鐘終於理我喇，買包薯條試下啦，我十幾分鐘返嚟，佢望一望我然後先衝去拎薯條去炸，都至少同我講聲呀，拎到手個分量真係少到半包都冇，明明你menu寫$28一包，而家半包都冇，你應該改改字眼改做一份，咁我就吹你唔脹喇，見到門口都有幾個等左好耐既人，大家都口鬧鬧，其實你講一句唔好意思等多陣，大家條氣都順啲，不過咁既經驗，絕對唔會返轉頭了，俾錢買難受！…查看更多

厚福街既食肆五花百門，選擇非常多，乜嘢種類食物都有，上星期日一嘗「餓媽家姐✨」既小食，小食店既招牌菜式有炒腸粉、炸燒賣、豬牛漢堡等等，選擇夠多而且夠曬港式地道，行街肚餓必食推介。首先XO醬羊肉炒腸粉，呢個小食非常好味，炒腸粉本身就已經滑口，加埋啲香辣嘅XO醬同埋嫩滑嘅羊肉，味道更加濃郁！一啖入口，滋味爆發，真係讓人回味無窮！🍲🍖🌶️😍然後就係特厚玉子燒配黑松路醬，厚厚嘅玉子燒外脆內軟，有一啲焦糖嘅香甜味道！配埋啲黑松路醬，口感更加豐富！每一口都好入味，令人滿足！🍳🍞🍯😋最後就係韓式魚糕湯，如果你鍾意韓國菜，呢個係一個唔可以錯過嘅選擇！魚糕彈牙有咬勁，湯底鮮甜濃郁！一碗熱辣嘅湯，喺寒冷天氣嘅時候真係暖胃又開胃！❄️🍲🐟🌶️😍「餓媽家姐✨」係厚福街上一間有著各種選擇嘅小食店，食物質素高，令人食得開心又滿足！🍽️🌭🍜✨…查看更多

就咁睇個名都知道係一間玩味十足既小店，睇menu見到野食非常多種類，幾乎你諗得出既佢都有得賣，韓式魚糕，日式料理，美式漢堡，港式燒賣魚蛋，機乎你諗得出既佢都有得賣，仲有好多有趣創新既配搭。舖頭面積唔大，只有少量企位，但人流好多，食物好多都係即叫即整，唔會話炸定哂係度等人買，所以製作需要一點時間，落單時店員亦都貼心提醒左等候時間。今次叫兩樣野，就等左20分鐘先上齊。《$29 炸燒賣8粒- 甜酸火龍果醬》見到舖頭入面貼左張香港燒賣關注組既高分評價，話咸蛋黃炸燒賣幾高分，就黎試下佢。不過我就揀左新奇有趣既甜酸火龍果醬。開放式廚房可以望到燒賣係即刻炸既，一拎上手就比佢隻顏色嚇親，鮮艷既粉紅色中間仲有一點點火龍果籽，有一種食化學元素週期表既感覺。首先講下燒賣，因為醬汁味道太搶已經食唔出燒賣本身既味，但咬落去就唔係成舊粉，有食到魚肉既感覺，而且燒賣有炸過，食到燒賣外皮微脆。醬汁比得好大方，足夠將8粒燒賣完全包裹哂。醬汁偏甜，唔係好有火龍果味，有少少似M記點麥樂雞果隻甜酸醬既味道。唔可以話好伏，但下次應該唔會試了。舖頭仲有十幾隻醬可以選擇，鐘意挑戰既朋友仔歡迎去試下。《$68 鮮牛油果醬雞蛋沙律》沙律用紙碗裝住，個紙碗好深，大約有5吋高。但就係由於紙碗太深，好難將成個沙律撈均，變左上面既菜過多醬汁，下面既菜又完全冇味，如果換一個闊口D既碗就完美啦。成個沙律主要都係生菜同沙律菜組成，入面仲落左少量大啡菇同車厘茄，大啡菇切得好細粒，食完都感覺唔到食左。上面就係滿滿既牛油果醬同沙律醬，牛油果醬係即整，好新鮮，亦都好飽肚。但牛油果醬痴埋一舊分唔開，撈唔到落個沙律度。其實呢個價錢咁大個沙律咁多料，收費都算合理，當大家掃街唔想食得太熱氣，都可以黎買個沙律清清腸胃。人均消費：$100環境：6/10食物：7/10服務：7/10性價比：7/10整體：7.5/10 #香港 #美食 #香港美食 #foodie #食評 #餓媽家姐 #尖沙咀美食 #尖沙咀 #香港 #炸燒賣 #街頭小食 #掃街 #牛油果醬 #牛油果沙律 #雞蛋沙律 # 甜酸火龍果醬…查看更多

厚福街既食肆五花百門，選擇非常多，乜嘢種類食物都有，上星期日一嘗「餓媽家姐✨」既小食，小食店既招牌菜式有炒腸粉、炸燒賣、豬牛漢堡等等，選擇夠多而且夠曬港式地道，行街肚餓必食推介。首先XO醬羊肉炒腸粉，呢個小食非常好味，炒腸粉本身就已經滑口，加埋啲香辣嘅XO醬同埋嫩滑嘅羊肉，味道更加濃郁！一啖入口，滋味爆發，真係讓人回味無窮！🍲🍖🌶️😍然後就係特厚玉子燒配黑松路醬，厚厚嘅玉子燒外脆內軟，有一啲焦糖嘅香甜味道！配埋啲黑松路醬，口感更加豐富！每一口都好入味，令人滿足！🍳🍞🍯😋最後就係韓式魚糕湯，如果你鍾意韓國菜，呢個係一個唔可以錯過嘅選擇！魚糕彈牙有咬勁，湯底鮮甜濃郁！一碗熱辣嘅湯，喺寒冷天氣嘅時候真係暖胃又開胃！❄️🍲🐟🌶️😍「餓媽家姐✨」係厚福街上一間有著各種選擇嘅小食店，食物質素高，令人食得開心又滿足！🍽️🌭🍜✨…查看更多

厚福街一向都好多唔同種類嘅街頭小食，好耐都冇來過呢到掃街，今次就來到呢間只有立食同埋外賣自取嘅餓媽家姐食下佢哋啲特色美食！呢到唔止個舖頭名特別，仲有有好多款獨有嘅創新小食，招牌菜有手工漢堡、炒腸粉、14款自家醬汁點嘅炸燒賣、14款醬汁整出來嘅特厚玉子燒等等～XO醬牛肉蛋炒腸粉💰HK$44平時好少地方可以食到炒腸粉，腸粉口感偏薄同滑，牛肉亦嫩滑唔會柴！呢到用麻辣醬或者XO醬來炒，今次就簡咗比較香口嘅XO醬，有粒粒蝦米，再加埋啲有蔥、蛋絲同牛肉炒埋一齊夠晒有鑊氣～特厚玉子燒 (極品黑松露醬)💰HK$35玉子燒甜甜地好重蛋香味，厚身得來又口感鬆軟，面頭有炙燒過嘅芝士，上面再仲有黑松露醬，真係又惹味又邪惡啊～韓式魚糕熱湯💰HK$35唔好睇佢細細碗咁但其實超多料，有好多唔同款式嘅魚糕同埋菇類，仲有兩塊超淋嘅白蘿蔔，個熱湯好鮮甜～…查看更多

下午茶好選擇Lunch time有啲嘢搞，所以skip lunch，到三四點嘅時候有啲肚餓行過厚福街買啲飽肚啲嘅小食填下肚，叫咗個XO醬炒腸粉個腸粉係混合左一啲蛋，少許蝦米同埋XO醬一齊去炒，啲腸粉炒得好入味，份量亦都好足夠，性價比唔錯而且可能係因為下午茶時間關係，等候時間都唔算好耐，推薦推薦。…查看更多

撞正肚餓，同朋友兜風去咗間「餓媽家姐」撈餐！首打就係份芝士菠蘿安格斯牛堡，真係一啖咬落去就知溝咗一個正！那粒牛肉嘅厚度、質感講真，搶鏡得嚟！🍔 煎得啱啱好，內裏仲透住肉汁，滋味喺口裏嘅爆發力完全唔使講，痴線級正！配上甜甜脆脆嘅菠蘿，加咗份鮮嫩，咬落去嘅口感同味道層次豐富得滯。升級咗套餐，揀咗日式紫薯甘栗薯餅，講真，冇失望過！外皮鬆脆，紫薯蓉同甘栗粒嘅味道夠香、質地順滑，食落感覺好有秋天嘅氣息。😋仲有講到唔得嘅，係間舖氛圍好親民，但服務一啲都唔掉漆。就算系外賣為主，但如果你選擇係到立食，感覺都唔會怪。下次要試下佢哋嘅炒腸粉啦，聽講系別緻又唔俗嘅選擇呢！💁‍♂️ 打算賞口福嘅你，記住要留少少肚嚟試吓！…查看更多

尖沙咀厚福街出名多野食，食街嚟，本身已食左dinner，不過又近呢邊想八卦睇下有冇乜好食，見到呢間好特別叫餓媽家姐，好搞鬼，見佢話全港腸粉必食，仲食得落就試下，點左佢no.1,XO醬羊肉炒腸粉，同溫室滋味雞中翼食下。不過要講返，要耐心等，因為都要等下，全部即叫即整的，呢店可以有立食位置，不過都吾算大地方，夠我食就好，我就即買即食了，熱辣辣嘛。XO醬羊肉炒腸粉好好食呀，羊肉份量又多，其實都幾大份，食完都好飽，腸粉炒得好香，仲好有咬口，XO醬汁先係精髓，很夾，都係得佢食過XO醬腸粉仲加埋料，見佢仲有好多選擇，吾食羊嘅朋友，都可以揀其他。至於雞翼，覺得都同腸粉一樣咁出色，熱辣辣都好好味，雞翼肉質嫩滑仲好juicy,yummy 呀。…查看更多

係加拿芬道，即尖沙咀厚福街度，呢間餓媽家姐，見都有好多特色小食，寫明全港腸粉五大必食推介，又好多人係門口等，根據多人等就係好野嘅正律，應該係吾錯同好食嘅，今次就試下啦。嗌左份日式鰻魚炒腸粉，好好味啊，鰻魚大大舊，而且腸粉仲炒得軟硬適中，吾會太乾吾會太淋，岩岩好，很香，而且醬汁配搭得好正，少少甜同咸咸地，好惹味，我是買回家食，自己再加左少少辣仲正，哈哈。佢地有吾少小食，有炸雞脾啊，正呀，因為好少小食店有炸雞脾了，佢做到外皮勁香脆，好有茶餐廳正宗炸雞脾咁，係尖沙咀街頭上有呢間，可以肚餓就買隻食下真係爽啊。不過真係要等，吾怪得店外圍住人，要耐心等候因為即炒即做，所以要預多d時間，或者嗌完再去附近行下先再過來拎吧。…查看更多

喺外賣手機Apps度見到，有優惠，即管又試吓新口味，以呢個價錢嚟講算係好唔錯，burger個份量好足夠 ，小食都OK。 XO醬炒腸粉，口感唔錯，雖然少咗啲配菜但都還可以！叫咗個經典牛肉burger ，肉就比較熟左少少，有輕微硬硬地，但係整體唔錯。另外仲有芝士黑毛豬漢堡，味道都可以，啱晒唔食牛肉嘅人，又多個選擇！叫咗個魷魚鬚，外面炸嘅脆皮又紫菜香味。炸雞粒，外面脆卜卜，裏面肉質OK！整體已有優惠嘅價錢嚟講，算唔錯！一個餐，仲有跟一罐嘢飲。…查看更多

到夜晚食飯時間，因為我同朋友都唔係非常之肚餓，就去咗厚福街望吓有冇嘢飲買，估唔到見到一間小食店，而且入邊嘅小食都好有特色，一於試吓～...呢間舖頭嘅小食，我覺得係綜合本地香港食物同埋有少少日式風嘅，因為見到佢門口都有特色玉子燒，另外炸物嘅種類都非常之齊全！我覺得只要係你諗到想食嘅小食，甚至係平時係小食店好少見到嘅嘢，呢間舖頭都有咁！...佢個XO醬蛋炒腸粉真係超級好！勁有鑊氣嘅！食食落去每件腸粉都會有蛋香同埋XO醬！真係會食過返尋味，而且仲可以加肉類添有得加羊肉牛肉或者雞柳！...另外試咗一個鹽上一口和牛，食落去每一粒都係啖啖肉嘅和牛，而且調味適中唔會太鹹超級好食！...見到佢個燒賣係有種足足12種唔同嘅醬汁比客人選擇，下次經過可以試吓，有選擇性選擇困難症嘅朋友可能就會頭痛啦，哈哈！…查看更多