餃子爺爺

營業中

休息中

呢間餃子舖我都經常去食，變咗我其中一間常去嘅飯堂🤣 除咗餃子仲會有麵餐，但我每次去係食餃子為主😋 每份餃子都會附送一碗魚湯/酸辣湯！💪🏻 西洋菜鮮肉餃 ($44 -10隻)本人極鐘意食西洋菜餃😍 但坦白講唔係間間餃子舖都有，呢間餃子店嘅西洋菜餃好足料，每一粒都塞滿西洋菜，而且好juicy，好有肉汁😋！西洋菜都新鮮唔苦澀，而且都切得好碎，食落唔會有渣！餃子皮都煮得好煙韌，唔會煮到爛晒。💪🏻 鮮蝦韮黃鮮肉餃 ($48 -10隻)鮮蝦餃每一粒都有一隻蝦，好足料！而且餃子嘅肉汁同樣充足，好juicy💦 韮黃都切得好碎，韮黃香味突出，令餃子味道更多層次！💪🏻 芝士玉米鮮肉餃 ($46 -10隻)通常食芝士餃我都會揀煎餃，因為芝士會香口好多😋 呢間粟米芝士餃嘅芝士味都濃，主要用車打芝士去整，肉眼都會望得出有芝士餡😍 而且粟米都甜，同芝士好夾🥰 不過就唔算煎得脆，係偏淋身嘅煎餃。味道：8.5/10性價比：8/10 食住瘦指數：💪🏻💪🏻💪🏻/5

史努比最近好似成日食餃子咁🤣今次喺觀塘搵到間平民價嘅小店四十幾蚊就有10隻餃子仲要有靚湯送🤪雙拼又唔使加錢 可以試好多款😆而且湯餃煎餃同價真系好抵食-👍🏿豬骨榣柱鮮魚湯湯系送嘅 只要嗌任何餃子或麵食就有個湯好清 一啲都唔油膩入口非常清甜飲到好rich嘅雞泡魚乾味絕對唔系啲咩味精湯😆飲完唔會話好口乾不過榣柱味就唔多覺史努比覺得佢普通得嚟幾好飲🤭味道: 7.5/10性價比: 10/10.我哋嗌咗兩份大嘅湯餃 可以試4款口味🤩佢個湯餃原來意思系解湯煮 但唔跟湯嘅因為上面個湯系要叫先有架🙌🏿略嫌餃皮有啲厚 但唔會好硬 唔算一個大問題😙而且每隻嘅餡料都好足 絕對唔系求其hea你.👍🏿香菇馬蹄鮮肉餃 $46咁多款入面最鐘意呢款冬菇同豬肉不嬲都好夾雖然啲肉唔算好靚好鮮甜 但唔差😆配合馬蹄多一種爽脆口感食落有種屋企包餃子嘅感覺🤭味道較為清淡 但唔會唔夠味😚味道: 7/10性價比: 9/10.👌🏿京蔥牛肉餃 $46食到有少少牛味但唔算好重京蔥唔系太明顯如果多少少京蔥史努比會鐘意多啲 唔使淨系食肉😂但好彩佢哋用嘅豬肉唔會好肥食落都唔覺油膩👍🏿呢款餃子嘅調味系最濃嘅一款鐘意惹味啲嘅朋友可以一試😚味道: 6/

諗住求其食個餃子,點知好好食😂鮮蝦韭黃鮮肉餃蝦肉好彈牙爽口,好鮮,食落去勁多汁😂香菇馬蹄鮮肉餃勁香冬菇味,馬蹄脆脆地好清甜,咬落去口感好好👍🏻除咗個皮好薄又多餡要讚,湯底仲係瑤柱湯超香都要讚一下👍🏻絕對會回頭飲佢嘅湯😂

位於街市附近既平民餃子店, 朋友極力大推, 性價比超高😍 舖頭唔大, 但係人氣超高, 餃子全部自家製, 仲有期間限定既餃子添😉 叫大份餃子仲會配一個夠惹味既酸辣湯或鮮甜唔味精既豬骨瑤柱鮮魚湯😍麻香雞絲粉皮🐓($30)雞絲份量仲多過粉皮, 粉皮好爽滑加埋青瓜絲同麻醬超正😍涼拌鮮魚片🐟($52)大大份脆爽既魚片配上麻辣既汁好入味, 必叫🤩雙拼餃子(煎/蒸)🥟✨ 蒸-白菜鮮肉餃+ 西洋菜鮮肉餃($44)兩款都係用新鮮豬肉去整既蔬菜餃都好清爽, 西洋菜既味好突出超出色, 加埋個辣醬一齊食超惹味😍✨ 煎-芝士粟米鮮肉餃 + 京蔥牛肉餃($46)微微既芝士香配上粟米鮮豬肉好夾加埋脆脆既外皮超正🤩 京蔥牛肉既牛味好香, 咬開會有爆汁既效果🥰京醬雞絲拌米線/拉麵🍜($33)大大碗勁多雞絲同蔬菜絲既米線味道淡左啲, 加埋辣醬就Perfect😉朋友係冇介紹錯, 性價比極高, 食咁多野都係$200埋單🤪 因為舖頭唔大, 所以要有搭枱既心理準備🤓

環境很糟,看到有一桌,店員在那裡擦都擦不干淨,桌上還有著上一位客人吃的東西沒擦乾淨,當時坐去那桌的人已經反映了,但是完全沒有人理,而且這裡的吃的也不太好吃,很後悔去。

買咗4打生餃，分別係西洋菜、芹菜、蝦仁韭黃、芝士蘑菇蕃茄牛肉。啲餃子粒粒都非常飽滿，雖然價錢貴咗啲啲，但係質素搭救，一分價錢一分貨👍🏻平時晚餐食灣_碼_ 嗰啲要食15隻先夠，但係呢間食8隻已經feel到飽四隻味我自己都十分喜歡，特別係西洋菜，好有驚喜，入面啲餡料好新鮮，好多西洋菜。蝦仁韭菜都係，蝦仁夠爽口同埋韭黃味濃郁。唯獨係芝士蕃茄牛肉，芝士味唔夠，不過餡料入面嘅蘑菇同洋蔥口感食落好夾好特別。希望可以keep住水準👍🏻

街市旁的餃子店，鋪面雖不起眼，而且內裏簡陋較不討好，但其實內有乾坤餃子同川味小菜款多，亦有麵食可供選擇。星期日下午茶時段嚟，裏面約有6-7張枱，容納人數唔多，將近坐滿，大部分為街坊食客。是日叫咗兩個茶餐A $41(5隻蒸/煎餃、3款手工小菜、湯/飲品)望到個Menu好驚訝，第一次見一個餐可以試3款小菜🙈🙈於是叫咗兩個餐，試多幾款😋餃子方面，叫咗蒸番茄蘑菇牛肉餃，好似將個肉醬意粉塞喺餃子入面😂😂味道唔算好夾，但好有趣。另一款叫咗煎芝士洋蔥豬肉餃，呢款好好味，不過洋蔥味重過芝士，就咁叫洋蔥豬肉餃會好啲😅至於小菜，叫咗牛展、麻辣手撕雞、水晶淆肉、豆腐、糖心蛋同醉蛋。肉類小菜同豆腐幾好味，蛋就普通。呢個價錢食到咁多小菜，真係冇得彈。最後飲品，嗌咗魚湯。有魚味，唔知點解仲飲到魚蛋味😂不過略為淡口少少，有種到喉唔到肺嘅感覺。總結，一上枱餃子大大粒、好飽滿，煎餃會好食過蒸餃，值得一試☺️☺️

自己一個食乜好呢？碌碌🦘🦘外賣平台 先最後揀左呢間 餃子爺爺🥟餃子配擔擔麵🍜🦐🦐鮮蝦韮王湯餃餃子應該係自家製嘅睇落餃子嘅形狀 粒粒都唔同樣😅不過相同嘅係： 粒粒都好大粒！好飽滿！🤩食得出蝦仁嘅新鮮 彈牙韮王都唔會煮得太老 依然爽口😎🍜🍜擔擔麵好香濃嘅醬 味道辣辣地 有小小花生味🥜麵質係屬於淋身果種嘅上海麵外送都唔會淋到一pat漿咁最驚喜係有隻蛋 似溫泉蛋♨️可以encore下次再試下其他野食😋

同事成日都叫外賣，咁啱有日屋企冇煮飯，就加入咗外賣兵團，今次叫嘅就係餃子爺爺。因為返工返到好肚餓，一個人叫咗兩個餐，分別係京醬雞絲伴麵同埋睇個名就好特別嘅鮮蝦豆苗湯餃，其實從未見過湯餃係有呢個餡，忍唔住叫咗嚟試吓。首先雞絲伴麵份量十分之大，撈過醬汁後，鮮甜可口，十分惹味，直程食到冇晒先停手。然後鮮蝦豆苗湯餃，味道就比較清淡，唔知係咪因為湯餃而非煎餃嘅關係，但都好容易入口，而且餃子餡科十足，絕對冇偷工減料，不過下次再嚟我都係會食煎餃，只因煎餃更香！

晚餐外賣，大約等多10分鐘叫咗大份餃子👉🏻5隻韭菜餃👉🏻5隻牛肉餃因為只係住附近，大約10分鐘路程但可能焗住喺個盒到，始終煎餃都係會濕咗冇咁好食韭菜餃，正常發揮牛肉餃，唔會太鹹，但冇特別驚喜+$1 有酸辣湯

每叫一份餃子都會送一碗豬骨瑤柱鮮魚湯 如果叫大份可以選酸辣湯~-雙拼煎餃 (大份)($𝟜𝟠)分別叫了𝕚/ ᴄʜᴇᴇsᴇ ᴛᴏᴍᴀᴛᴏ ᴍᴜsʜʀᴏᴏᴍ & ʙᴇᴇғ ᴅᴜᴍᴘʟɪɴɢs 芝士蕃茄蘑菇牛肉餃(大份$𝟜𝟟) (𝟠/𝟙𝟘)芝士味不太突出 但蕃茄+蘑菇的配搭很創新 鮮肉餡尚算有肉汁 煎餃都是即叫即煎 一上檯是熱辣辣出曬煙的 加上煎餃下的冰花十分香脆 是值得一嘗的味道(有點fusion菜的感覺)!!٩(˃̶͈̀௰˂̶͈́)و-𝕚𝕚/ ᴄʜᴇᴇsᴇ ᴄᴏʀɴ & ᴘᴏʀᴋ ᴅᴜᴍᴘʟɪɴɢs 芝士粟米鮮肉餃(大份$𝟜𝟞) (𝟞.𝟝/𝟙𝟘)芝士粟米這個配搭比較常見 同樣是一上檯熱辣辣 芝士味同樣不太突出 在其他舖頭吃過更好吃的 整體一般/雙拼湯餃(大份) ($𝟜𝟠)分別叫了𝕚/ sʜʀɪᴍᴘ ᴡɪᴛʜ ᴄʜɪᴠᴇs & ᴘᴏʀᴋ ᴅᴜᴍᴘʟɪɴɢs鮮蝦韮黃鮮肉餃(大份$𝟜𝟠) (𝟟/𝟙𝟘)每隻餃子內都有一隻小鮮蝦 韭黃味突出 皮薄餡多 亦是有驚喜的一款~ (・∀・)不過這裡的湯餃跟其他店不同 不論湯餃或是煎餃 湯都是另上的 所以湯餃就跟烚餃一樣 餃子皮的味道吃多了會稍寡-𝕚𝕚/ ᴠᴇɢᴇᴛᴀʀɪ

晚上落樓下餃子爺爺食晚餐普遍黎講價錢係中等 $24 細份 （5隻）$48大份（10隻）可以雙拼餃子點叫好食？1. 油少上碟第一樣嘢就睇吓會唔會好啲多油基本上唔會成個碟都係油，只係少少油印2.皮唔厚呢個有細碟仔咁大嘅，皮都夠脆食開出名嘅餃子，雖然大隻，但係皮好厚好靭，同埋個底都酒油3. 餡夠味？芝士玉米（濃味人覺得唔係好夠味）韭菜（穩陣好食）鮮蝦韭黃（蝦肉夠彈大粒）酸辣湯唔係屬於辣嘅，但係有料既大份餃子連酸辣湯魚湯細份餃子送魚湯係有魚味，清清地

餃子爺爺位於街市後邊嘅小巷，如果喺地鐵站過嚟要5分鐘地點唔算方便，但就非常方便當地居民觀塘呢區比較平民化，所以嘢食嘅價錢都非常相宣過咗去食下午茶，40幾蚊就可以品嚐3款小菜同埋五隻水餃，非常抵食職員都係婦女為主，雖然係婦女但係都非常有禮貌☺️小菜係內地嘅口味，比較辣麻辣如果怕麻辣嘅朋友記得提佢地俾小辣🥹🥹除咗湯餃之外，佢哋仲有煎嘅餃子口味都有唔同嘅豬肉、牛肉配搭不同種類的蔬菜選擇豐富，相信都係同區學生嘅飯堂☺️

年尾得閒行下街買野過年，經過聞到陣味唔錯，見得1-2枱等位，得閒咪等下。入到去...好窄，太好生意啦，勁多人，如果小張枱會舒服啲。冇計，細鋪，租貴，要賺錢😅😅😅麵唔錯，但跟麵既蛋凍既😅😅😅餃子有水湯餃同煎餃，我覺得煎餃好食啲，餃子皮煎得好香，口感又好啲。但係湯餃就有跟一碗魚湯，個湯幾好飲。各有千秋啦👍醉糖心蛋有酒味，但應該係苦酒黎既，冇酒香😔😔😔。而且呢隻蛋都係凍既，同我以前食過既醉糖心唔同😵😵😵呢間好多野都ok既，不過蛋就....我好鍾意食蛋囉😭😭😭

成間野又唔係多人 做個外賣可以做半個鐘。等勁耐 個包外賣個個手腳又慢 張個碗係咁轉轉轉睇到底碗野咩黎 野又包唔好 語言能力又低 廣東話唔正。拉低口罩講野。又唔合衛生 返到屋企就發覺啲 啲餃子又硬又柴 真係唔會再買