餃子園

營業中

休息中

中正食飯時間 餃子園十級亂 漏咗我的單 我問有冇漏單 佢話一定冇 我身邊所有人已經有得食 先知原來真係漏單 所有夥計都好嘈底 店內負能量值高 好後悔今天來了這裡中正趕時間千萬不要來

同同事去餃子園食餃子。雖然隔離排晒長龍，但餃子園都係同平時一樣，入到去即刻有位。👍坐低叫左個蕃茄雞蛋餃轉酸辣湯底，黎左個白菜餃。算啦，😌白菜餃都好食，就照食啦。首先講下個環境先。其實同普通麵店一樣，比較迫。餐具有少少唔乾淨。原本每人比左一隻碗，我地無用到隻碗啦，但佢之後居然無問我地，就咁攞左隻碗去其他枱。真係有啲啼笑皆非，佢究竟有幾唔夠碗用？😂😂落左單無耐就上菜啦。👍酸辣湯底好正😋，好足料，少少辣，我呢啲食唔到辣嘅人都可以食到，👍鍾意食辣嘅人可能就要失望啦。😌餃子都有好多，💕多到食到中間我已經唔記得要數。餃子餡都好足料，咬落啖啖肉，白菜切得細細，食落爽口，同平時食開淋身嘅白菜感覺好唔同。淨係食餃同飲湯都夠飽。👍雖然足料又好食，但鑑於價錢較貴同環境、服務普通，所以我都係比中評嘅🙈。有機會會再黎食。

《不負責任食評—餃子園》中環食野都比較貴無乜錢個陣 食粉麵餃子算係比較平既選擇————————<京蔥羊肉餃> $58餃子皮係東北風味個種 比較厚羊肉唔會太羶 配埋蔥食好香口不過咸左少少💛💛💛❣️<西洋菜餃> $55感覺鮮甜同清新羊肉餃屬於比較重口味但呢款就會輕盈啲💛💛💛💛————————其實仲叫左個雞絲粉皮 唔記得影🐒千祈唔好叫 唔好食個汁稀到水咁 然後加左少少辣油落去唔知做乜咁又無麻醬香 又無辣椒香 仲唔夠鹽同埋唔係粉皮 係粗個隻扁薯粉雞肉又大舊舊 完全唔係絲黎心諗咩鬼野黎🤦🏼‍♀️仲索價$52黎呢度都係食餃子算🐒

來到中環，諗住簡單搵間餐廳食野就算，抬頭一望餃子園，就樣間吧!入到去，餃子種類都有幾多選擇，而且見到餃子是即包即煮。有對外國人仲要encore 北葱羊肉餃，但因為我怕羊的羶味，所以沒有試。我們叫了波菜餃子麵/芹菜餃子麵/麻醬伴貢菜，餃子的餡料份量適中，不會多肉少菜，又不會少肉多菜，不會覺得好油膩。但芹菜稍為老了點。而且麻醬伴貢菜，這個配搭總覺不太夾。

Taste: The dumplings filling was salty and covered in soysauce - probably to cover the poor quality ingredients. The filling was very little. The dumpling dough was low quality so so. Frozen dumplings are a lot better and cheaper. The vegetables was not the freshest and they covered it in a lot of oyster sauce which was requested without. Service: Poor, the owner:waitress was rude, noisy and quite hygienic by the looks of it. Environment: Worst Value: Extremely expensive for the low quality ingr

係中環度過期假而且住係威靈頓呢邊，要出動覓食了。上午時間，行左成圈，見有餃子食，又有咁多介紹的報章，又撞正佢剛剛開門，所以就膽粗粗入左去有啲唔同的雞絲粉皮，粉皮好薄，個汁就酸酸地 我中意 我家人很不喜歡 最後被我食光 因為落左醋吧 所以味道酸酸的，其實都開胃啦叫炸餃子要加錢的，不過都有10粒，脆脆的，又細粒，咬左一啖啲肉汁會漏出來 如果多啲會抵食啲 不過係呢區 呢個價算好實惠隔離店係日本人遊客拎書黎嘅，兩人都叫左蒸餃子 食得津津有味叫左個湯麵，蠢左 唔應該叫雞絲湯麵，可是叫左先知，雞絲湯麵個湯底好淡，麵條口感還好 唔太林身 不過雞絲需要加強一下，比雞絲粉皮的更差 完全冇食到的。青瓜絲同成個麵好不搭，感覺係畫蛇添足了

其實已經是第二之來吃，第一次吃羊肉餃很腥，所以今次嘗試一些比較安份的翠玉瓜豬肉餃麵，平平淡淡無咩味道。餃子嘅皮厚，餡又之無咩特別，又一次失望。找數時發現一人多收十幾蚊，想問下點解個男店主態度超級差，未開始問佢已經多八度勁大聲甘鬧我。原來佢一杯豆漿收十一蚊，但店員落單時講到包飲品甘順便落埋單，亦都無提過額外加錢。不過算啦，但當我同朋友未開始問個男店主態度超差都真係不禁懷疑佢銷售手法有問題。其實係用餐時候已聽到店員同客好大聲嘈交，服務態度十分有問題。

所有野既portion都好細 糖醋排骨飯啲排骨十分乾 唔知自己食緊啲乜野 咖哩炸豬扒飯d炸豬薄過張紙 乾得好緊要 菜飯都並非菜飯 唔係用白菜 豆沙鍋餅都好唔好食 個皮好厚 餃子都算可以 但個皮都係希少少奇怪 山楂茶都好飲既 食物質素差 同埋如果你真係想食偏上海式既食物 lee到完全提供唔到 因為咖哩炸豬扒飯已經唔知係咩 好好地一個排骨菜飯都無 價錢同食物質素完全唔成正比 lee個價錢我會話去吉野家食兩碗牛飯都仲鋸d 但老闆都幾好人既呢個

本身我係一個好鍾意食餃子嘅人，今日去中環就入咗去呢間餃子店。服務超差，對住外國遊客就勁好禮貌，對住香港人啲態度就勁差，又成日黑口黑面！無下次！叫左一個糖醋排骨菜飯，啲糖醋汁都還可以，但啲排骨真係好鞋口又硬。咁入到黎佢店舖梗係食佢主打嘅餃子，跟著就叫咗個韭菜豬肉餃，啲餡嘅味道還可以，不過有啲偏鹹，但餃子嘅皮就真係差咗啲，又皮厚，又好爛咁。總體來講: 無下次！服務態度差👉🏻黑口黑面又串食物質素又差價錢中環來講正常

下午食過tea，晚餐想食簡單d。返到威靈頓街附近，抬頭見到餃子園。嗯，一於就食餃子啦!來得餃子園就梗係食餃子啦～ 今次嗌咗一煎一水餃，一雞絲粉皮同一凍豆漿。可能嗰鐘數開始忙，侍應落單嘅速度同食物上菜速度都不是很快，但勝在一碟接一碟，唔會擺到一台都係又攤凍曬。中間有d小插曲出現，我哋嗌嘅10隻鮮肉脆肉瓜餃子，入面有三隻混入咗其他餃子，好彩都唔係d我哋唔食嘅羊肉之類～變相試咗其他口味。我哋將lee嗰情況同侍應反映，佢都好唔好意思咁話應該係溝咗其他。雞絲粉皮 - 雞絲應該事先炒/處理過，有🌶️、蔥蒜、青瓜絲，麻醬比較少，口味屬於鹹香帶辣。粉皮係闊條，通透煙韌。整體味道唔差，可惜唔係我杯茶。可能選址關係，加上門外嘅採訪宣稱，很受來自不同地方的遊客歡迎。我哋離座嘅時候，門口還見到遊客在等位。間中「餃餃」新意思都唔錯吖～

今日同朋友經開中環，諗住搵個地方食嘢，不如就試吓餃子啦，點咗兩碗餃子麵，其中一碗西洋菜水餃麵一食落去已經覺得好苦，味道更淡而無味，之後仲要見到女店員一邊包餃子一邊幫人客收錢，連手套都冇帶，衛生程度差到極，只此一次，一定唔會再幫襯！

同朋友係附近搵食，見到附近間間都排長龍，唯獨哩間無人排但全店座滿人，咁咪入去試下囉。店員安排我地坐舖頭較入位置搭枱，見到有2個店員係舖面搓粉搓皮包餃子。我地order左拌青瓜，酸辣湯鮮肉西洋菜餃，鮮肉韮菜煎餃，落單店員溫馨提示煎餃要等20分鍾（話太多order師傅整吳切）。煎餃要等20分鍾，邊食邊等，OK啦～ 點知order杯水都要等，話煲緊水，水未滾 (滴汗)。等...等...等～20分鐘...30分鐘，一樣野都未有得食。店內既客人個個都催單，坐我地對面既客叫左酸梅湯，無叫煎餃都要等。等左45分鐘我地終於有野食啦～拌青瓜 (心諗拌青瓜都已經整好等上碟架啦～要去農場擇咩！？) 煎餃，酸辣湯餃都陸逐上枱。我地慶幸吳使係門外等完30分鐘再要入舖等1個鐘先有得食。講返D野食...拌青瓜 35拌青瓜食落爽脆，不過醬汁同青瓜分離。鮮肉韮菜煎餃 (10隻）52煎餃皮薄香脆，韮菜味吳濃，不過油膩，食2隻已滯。豆瓣醬麻麻地～酸辣湯鮮肉西洋菜餃 (10隻）52 + 19 (轉酸辣湯底）同平時上海酸辣湯好唔同，唔酸唔辣，麵鼓味好重，以為自己飲緊麵豉湯。西洋菜有啲苦澀味。價格偏貴，食物一般，出菜效率有待改進

打算入去食個速食晚餐，點左一碗餃子面，點會諗到就咁烚熟啲餃子要成半粒鐘，期間仲要三推四請先黎到，最後發現仲要落錯單，黎得d餃子，面消失左。等緊期間，四周的食客都話等左好耐，個個都話等左半粒鐘。隔離位小姐問多幾次，得到的回覆係“啲餃子未包“算，自己的餃子難得黎到，諗住專心啲食。一咬落去，餃子成塊皮差唔多都仲係粉的狀態，同職員講，佢就大大聲燥住底話：“啲皮厚丫嘛，餃子係咁㗎啦，你出去食嗰啲包都係咁煮唔熟㗎啦，如果唔係咪要煮成7,8分鐘！“（下，咩道理黎，時間唔夠咪整薄啲餃子皮，無理由要人食唔熟的食物掛，仲要燥底，真係勁搞笑。仲要話餃子皮係會唔熟，喺第度食咁多次餃子，我就未食過喇，算我孤陋寡聞）呢個時候，廚房呀叔聽到嗰位哥哥對客人咁講野法，即刻走出黎提議話再煮多陣。好快，碟餃子出番黎。不過同頭先一樣，六七成都係粉狀。為免浪費，食左啲餡就埋單走了。唔會有下次。無諗過專門食餃子的餐廳啲餃子係可以咁。p.s.希望嗰位廚房叔叔揾到另一問好啲的餐廳

餃子園十分喜歡他們家餃子的皮有著北方餃子的厚度，口感亦好，三鮮餃用的是小蝦，調味有一種在食年菜的感覺，不錯不錯👍是日點了波菜餃麵，有點失望，湯與面都不錯是非常清淡的口味，麵條口感亦好，個波菜餃帶苦澀味，我努力再試第二隻亦是一樣已不想吃下去了。。。還點了土豆絲，不是酸辣的口味而是滿滿的麻油香，爽中帶點點薯仔粉粉的口感，我個人是喜歡的。蒜泥白肉肉質雖粗糙，個醬汁帶點點酒香，令我一口接一口。。。

晚上，走著走著，來到這裡。曾幾何時來過，這次重臨舊地，點的是同一樣的食物。很多時候，我總是選不中人氣食店，也往往選不中食店的招牌菜...^^"糖醋排骨的顏色稍為深了點，肉質有點硬實，整體比較多骨（無論軟骨還是硬骨）；甜味較重，醋味不太夠。飯混了椰菜，沒甚麼菜味，而且顏色很淡。個人來說，菜飯用白菜葉等深綠的菜製作比較好，一來較有菜味，二來顏色較吸引。飯就腍了點，略為濕了，不過適合我的胃口，因為平時家裡習慣食腍一點的飯。雖然糖醋排骨、菜和飯各自都不是十分出色，但三者走在一起竟然配合得天衣無縫 食出一種和諧。甜的糖醋醬汁和飯撈在一起不會太甜，菜混在飯裡，替飯加了些爽的質感。原來有時候，兩種食物走在一起不必要是最好的；互相配合，和諧就很好了。