飯桶

營業中

休息中

以前食過一次，覺得份量好多，食唔哂咁濟，啲餸菜又多又滿。點知依家隔左幾個月再返來食，發現份量少左，餸菜都裝唔滿，只有飯盒嘅一半，勁失望，咁樣即變相加價啫，下次唔再幫襯

呢間兩餸飯，成日都排晒長龍，上次嚟見到個肉餅好想叫，點知俾排我前邊嘅人叫咗最尾一件，深深不忿，加上同事千叮萬囑我話好好食一定要試，咁我呢次就12:00就去買，仲諗住我自己好早到，唔使排隊，去到嘅時候就發現原來已經有10幾人排緊。其實其他地方嘅兩餸飯都係大概30幾蚊到，呢間40幾蚊其實係偏貴，但都咁多人食，一定有佢嘅理由。好啦講返啲餸，今次我叫咗咕嚕肉，豉椒豬肚，鹹蛋肉餅。鹹蛋肉餅真係好食，啲肉好紮實，又唔會太多肥豬肉，咕嚕肉都好出色，個皮係仲係脆嘅，豬肚都好食，只不過我覺得煮得太淋！整體嚟講，貴得有道理，物有所值！

個人覺得都算係打工仔抵食之選，餸菜選擇都幾多，總之菜肉都有好幾款比大家揀，午餐晚餐黎講都叫食得均衡啲呀。款款菜既賣相都唔錯，個人中意啖啖肉，佢個肉餅好大塊，非常滿足，唔中意食菜既都仲可以揀下瓜瓜豆豆之類，佢日日都有少少唔同既選擇，幾有新鮮感，唔會食到悶，呢點要讚一讚呀。而且有餸有飯又有湯，50蚊有找，都咪話唔抵。不過真係要奉勸大家早少少去排隊，因為條人龍真係開始見到越排越多人，試過有啲呀姨直情買完午餐再買多幾盒話番屋企做晚餐🫠遲去分分鐘無餸揀嫁，因為佢地好似係新鮮整起嫁，唔同出面整完翻熱又翻熱再翻熱，搞到啲餸梅撻撻咁果啲。而家出去餐廳食啲頹飯都5，60蚊，又難食又要急急腳咁食，多數同啲同事一齊去呢到揀唔同餸share食仲開心仲抵，味道仲幾好👍🏻👍🏻👍🏻