食記餐廳

營業中

休息中

二月下旬．晴雲吞不放湯，可以炸；餃子不放湯，可以煎；那燒賣不拿去蒸，可以怎樣？原來也可以炸。這裡是鴨利洲大街的一間小食店，賣的是粥、腸粉、炒麵及各式小吃。本來不會來的，但行過見寫著「炸魚蓉燒賣」的，炸雲吞吃得多，炸燒賣真的少見，拿出5元，送來一碟六粒的炸燒賣，又看效果如何？是真的直接將魚蓉燒賣拿去油炸，什麼麵粉炸醬也沒有的。吃起來幾乾身，這裡的油也真夠熱度的。不過魚蓉燒賣炸起來，外皮脆脆的，還可以。但內裡因為是以麵粉為主的關係（大家不是覺得真的有魚蓉吧！），所以受了油炸，就給成了一團麵糰，實實的，感覺很得意。魚蓉燒賣不下醬油及辣油是不好吃的，炸的就加了幾粒鹽，算是有點味。不大好吃，但幾有趣。值得一提的是這間小食店的店員，服務態度真的是十分好的，讚！P.S. 上文的另一位食友說帶子海鮮來這裡加工作晚飯，準是將食評交錯了地方，那裡是同名在鴨利洲市政中心的另一間食店，大家不要拿海鮮來這裡吃才好…

好鐘意呢度ge生菜魚肉! 由於係街坊ge關係, 成日去幫襯, 有親朋友尼都會帶佢地去!$11ge生菜魚肉-湯底見到佢地有用豬骨, 魚肉好彈牙煙un, 個人食過呢間之後就冇再食過第2間生菜魚肉, 已經唔記得左其他生菜魚肉咩味lu...大部份朋友都好鐘意食, 不過有D就嫌先得麵粉太多...$3炸魚旦-3蚊6粒炸魚旦, 今時今日我唔知去邊度搵lu~好適合大量買然後開party!唔好意思ge係上次有2個朋友尼探我, 我叫左串炸魚旦, 佢地食左粒就話好想再食, 最後一口氣叫左60粒買返我屋企食...人地個爐好細, 我地好似就尼炸爆佢個爐咁....但任性的我們決定下次要買夠至 我地好似就尼炸爆佢個爐咁....但任性的我們決定下次要買夠至少120粒...因為以咁ge價錢, 好爽咁食炸魚旦, 偶爾任性一下亦不為過其他野食都好平, 值得一去^^

差不多有年多沒到過大街了...自從搬離南區就更加沒有機會...還記得中學的時候...常常聽到同學們說大街有一間碗仔翅非常好吃...我最喜歡的就是碗仔翅...所以我曾經跟他們到過這裡吃...我想大概已經有六七年前吧...那時候我選了魚肉碗仔翅”兩溝”...坦白說...我覺得只是一般.....六七年後的今天我再來吃一碗...不肯定味道會否不同...結果發現...味道十年如一日...哈哈哈哈哈~這裡的碗仔翅我覺得味道只屬一般…一來不太夠熱…二來沒有什麼料在裡面….不過值得一提的是那些魚肉…我也算是吃過很多很多檔魚肉…但從來沒有吃過一間像這裡的那麼煙靭的…應該是加了粉的…但也不會感覺上煙靭如年糕吧…又或者是用了不同的魚吧…我相信並不是偷工減料的…但我不太喜歡這種口感了…我想喜歡吃生菜魚肉的人真的可以來試試這款與別不同的魚肉呢…11元正…大大碗的…不算貴…在店內吃的時候不斷有人來外賣”兩溝”…可能在別人的心目中確實真的好吃…只是剛巧不是我那杯茶…這一刻很想吃碗仔翅…想到以前香港仔一間糖水店賣的非常好吃….可惜那店已經不再賣碗仔翅了…嗚嗚嗚嗚…

好耐冇去食記喇,琴日朝早神推鬼擁之下去買左碗外賣魚肉菜,回家嘆事原琴日怪風橫雨,鴨利洲大橋塞滿車,所以等左半個鍾一架小巴都冇去香港仔...見到有架大街小巴即上左,諗住可以搭小船返屋企,kaka!因好大雨問食記老闆娘有冇船去香港仔,老闆娘和員工阿姐,都好好人話頭先有人搭船返黎,所以我好放心買左外賣碗魚肉菜,員工阿姐一定問要麻油,醋,胡椒粉嗎?我就話多d醋丫唔該*v*返到屋企,換左顯衫顯褲後,即刻打開食,員工阿姐落麻油重手左,因外賣返到屋企都變暖左,覺得麻油太多=_=同菜已變左深色,魚肉淋左d所以下次要堂食喇!!

我本身住粉嶺的、專登刻意走到最多朋友介紹的鴨利洲大街品嘗生菜魚肉、真係好正、好彈呀！都係$10.5！雖然都係一句、溝粉！但佢整到好彈牙、好有口感好好食！記得落麻油、醋、先最good！月尾冇錢用想食d好好味氹自己、食下試吓啦！之後仲可以搭船仔到香港仔玩、購物！

早上起身，已是九點半，睇得電視就連茶都冇得飲。十點四十分落街，嘩很大雨呀。所以只好去，附近的食記買了包炒麵做早餐算了。返到家都淋了一半，哈只是過半條街吧。麵是一貫的幼麵，只有豉油、味精、鹽、芽菜和蔥。炒得夠乾身，好味道，緊係哪有味精即師父嗎。點解冇仔仔份，哈，他食Haaggen Dazs 的75ml裝曲奇妙趣和大香蕉一條嗎。哈，幾幸福呢。︿ˍ︿，祝各位母親母親節快樂。

價錢平~食物水準不錯~在鴨脷洲已經算老字號~每次去到都會食魚肉碗仔翅呢~推介: 魚肉碗仔翅, 炒麵

這間食店由早上六點半做到晚上六點半。早上賣大排檔的粥類，還有炒米粉，炒麵，腸粉等。十點到開始賣拿手野，就是碗仔翅，生菜魚肉，炸雞脾，炸雞翼，等炸物。糖水有紅豆沙，綠豆沙，芝麻糊，蕃薯糖水，豆腐花。總之所有小食都有，全部都是十元下有交易。