食好啲

營業中

休息中

問佢地係咪客家式阿姐：我唔知咩客家式，你食就食唔食就罷x N總之食就食，唔食就走咁有性格 都唔緊要 我試試我想要冬菇瘦肉，佢話係咪碎肉幫我餐牌係exactly有一個係只係碎肉我話唔係我想要冬菇瘦肉我以為佢係想confirm,原來佢想趕我走佢再不斷重複，你食就食唔食就走果吓我病病哋都真係火都嚟冇食走咗你想搵人嘈下交可以去，食就唔好幫襯了買難受

幫襯過兩次真係想食腸粉先至會去食，不過每次食都一肚氣。一定唔會再有第三次有第三次嘅話我跟你姓！我諗呢間嘢個老闆應該對啲員工好衰，如果唔係啲員工唔會咁樣對客人！第一次去我想要多少少老乾媽個老乾媽炒麵唔夠味，收銀長頭髮個阿姐話要加收我$8好我當豪俾你！但係明明根本調味唔夠係你哋嘅問題，點解要多收客人錢？真係搞笑！同埋買一樽老乾媽都只係$10佢收你$8好過去搶！第二次去食腸粉，佢個匙羹唔使5分鐘就淋晒，想問佢攞多一個，佢唔俾都算啦，竟然特登將裝匙羹嗰個櫃桶即刻閂埋好似望多一眼會蝕咗咁樣😂又係嗰個長頭髮收錢阿姐我真係笑咗囉，到底係佢係老闆定係佢咁樣幫老闆慳錢嚟趕客？真係好希望如果佢係老闆嘅話可以自我檢討一下，如果唔係嘅話希望老闆睇到呢篇評論可以教育一下員工。😩

叫完外賣拎走時 見無餐具 問一聲點解無餐具 個女店員就即刻起晒鋼話 響應環保 你食就食 唔食就罷就！ 寸到離晒譜 平時都成日幫襯 而家絕對唔會再買⋯老板請人唔該真係搵番D有番少少禮貌既人 唔係真係可以摺埋佢算想食既人睇清楚 無任何餐具 無任何餐具 無任何餐具！！！！！！！！！！！！！！！！！！！！！！！！！！！！！！ 重要事情要講三次！

買外賣冇提供餐具：客人買餐前又冇通知人唔提供餐具，等人取餐發現冇餐具，問你哋拎餐具……你態度又差，冇餐具喎，要就俾錢買喇..…一一一一一一一一一一一一一一一一一一去你度買外賣冇提供餐具，叫人點食啊！唔通用手食啊！一一一一一一一一一一一一一一一一一一你應該出通告貼係舖面通知人，" 本店不提供餐具，如要餐具請付款 "一一一一一一一一一一一一一一一一一一不過算喇，唔會再去幫襯。態度差一一一一一一一一一一一一一一一一一一

真係不吐不快呢間嘢，禮貌值係負值😔話說頭先去買嘢食，叫好咗要咩，轉頭返來攞時聽到有媽媽拖住小孩買嘢食。媽：想要個腸粉唔該惡人：$18（媽媽聽不清楚，攞咗2張$20出來比錢惡人：比$40仲乜呀？都話$18囉（好惡，似欠咗佢咁）（媽媽咁就比返一張$20）到我我：唔該我呢個攞得未？惡人：無（極晦氣地說）我同那媽媽你眼望我眼，講句，乜咁嘅態度嘅！我就出聲講。我：唔使咁嘅態度嘅！惡：咩態度呀？我幾時得罪你呀！講句無姐我：你先同呢個太太講，佢聽唔清楚你講乜，比咗$40，你可以講$20夠啦！亦唔使咁嘅語氣，跟住到我問你，你又咁晦氣，唔係咁架嘛？惡：咁我講咗$18，咁佢比$40我仲乜？我：咁人哋聽唔清楚唔使咁架嘛？惡：咁又關你咩嘢事？我：我都問你一句話悔氣話無惡：講句無都唔得？我：唔係唔得，係你啲語氣真係差到爆。唔係要你上賓式招呼，好親切嘅招待，但至少要識尊重人。跟住開始當然佢覺得佢有道理開始話來話去。跟住左邊阿叔同右邊阿嬸都話佢好似唔休做。佢地仲覺得自己態度係完全無問題，左面炒緊嘢果位仲加埋一份，右面亦講粗口咁點x樣，咁我咪話唔要囉，佢話無得退，咁好啦！我心諗無得退我照要再處理。跟住等到啦，佢叫一

夜晚九點，想食D熱呼呼既野。開頭去左7仔，見到佢暖櫃有腸粉，就諗到寶達街市入面呢間：(一直未試過)即做即蒸腸粉既食店之前有朋友介紹過，話食咩腸粉都一定要加蛋所以最後叫左冬菇瘦肉腸($28)加蛋(加$3)。睇到入面既姐姐係落order即整既大概5分鐘內就ok，好快手豉油係另外上既，腸粉塞滿盒入面九成既空間，好有份量。雖然以前未食過，但加蛋真係好特別好正，蛋漿同腸粉既米漿一齊蒸，蒸既過程，兩樣野成形合體。一層黃一層白，蛋口感較硬，腸粉軟嫩，層次好豐富而蛋香，米香，加上冬菇同肉香，仲有豉油+蔥花，意外混合出，有D似煲仔飯既味道好食既呢個鐘數，即整腸粉，仲咁多，$31好抵食。宜家差唔多11點仲好飽

今次真係好好失望，比左錢落左單個炒米粉。我望住d 員工傾計傾左10分鐘都未肯整😑我就話咁我吾要啦 等咁耐之後帶帽位職員 叫我以後都吾好黎喎咁我就問佢 ：呢家係我問題？佢叫我以後吾好黎😮‍💨我話要反映比你老闆聽 佢話：記得要喎🤐一個月平均都幫襯幾次 以後都吾想幫襯了大家幫襯前 要考慮清楚啊其實都係我都明白返工會傾計。我自己都會，但吾會係傾到有野都吾做囉。如果比錢果陣話要等既，咁我會考慮種買吾買嫁啦～要求退錢就叫客人以後吾好幫襯～希望真係吾憂做😦

補習經過都會去買呢一度嘅瘦肉腸粉，平平哋28蚊，就有三大條腸粉，其實一個女仔都夠食，腸粉好嫩滑唔會太厚粉，而且豉油嘅甜度啱啱好，再加上佢係新鮮整，我可以望住佢如何整，所以喺衛生方面都控制得好 。

其實依間食店都幫襯過好多次我都明白小店得兩個員工係真係有多單係要等咁我其實去到收銀嗰個位都已經企咗成幾分鐘先有人理下我仲要態度係唔好嘅我就話要個酸辣粉嗌完之後我就發覺等咗好耐就連我之後買嘅人都已經走曬攞曬餐都未到我我就問佢其實你係咪整緊個酸辣粉佢就同我講話係個風扇吹走咗張單咁我而家整畀你 其實我都已經等咗五個字 返屋企嘅時候我發覺份量好少因為我之前都有嗌過但係食唔曬但今次個份量好少同埋佢肉碎都係少少得嗰兩粒唔會再有下次

寶達街市中一間較特別的外賣食店主打即蒸腸粉 蒸米粉 炒米粉和其他即蒸腸粉 蒸米粉 需要 大約要等10分鐘以上 其他食物就會快D大頭菜梅頭蒸米粉 ($32)喜歡蒸米粉的濕度 令米粉好易入口 大頭菜和其他調味都令個米粉好入味梅頭肉好淋 整個米粉都好食 推介

Boxing Day懶得滯唔想煮飯又唔想出街食飯，見到外賣apps依家有呢間餐廳選擇，二話不說即刻揀左！因為外賣送遲左，食物係有d凍左，但都ok ge!呢杯係外加ge，可以袪濕清水腫，入面有山楂，所以酸酸地，成杯都好開胃！可以encore!蒸米粉的油多左，同埋始終凍左，無咁好食，值得一提係鯪魚肉幾彈牙！但如果有陳皮入埋就好，額外加左菜，所以感覺清新少少！石磨腸粉比上次遜色左，唔知係因為凍左定其他野，個味淡左！

除了布拉腸粉外 櫃桶腸粉都是腸粉的一種選擇由於櫃桶腸粉不是用皮包著配料而是由腸粉皮和配料隨意放著所以令到所有食物更吸收到配料汁的美味食好啲位於寶達市場內 和其他新式街市一樣而food court形式經營除了櫃桶腸粉外 還有炒米粉、飯供應但個人覺得櫃桶腸粉較有特色我點選了鯪魚肉腸粉+菜意思是把生菜也放在腸粉裡頭一起蒸其實也可以加蛋 但最近吃了太多雞蛋有點膩等了兩三分鐘 腸粉就出爐了鯪魚肉有點果皮味道 配上腸粉皮 豉油3者味道也不錯 而價錢十分相宜如果住在附近 作為早餐 宵夜也不錯