食味道小廚

胡椒豬肚雞鍋是一道讓人感到溫暖的湯品。鍋中的湯底清澈而濃郁，胡椒的香氣撲鼻而來，讓人忍不住想要品嚐。豬肚的口感脆嫩，雞肉則鮮嫩多汁，兩者的搭配讓湯品的層次感更加豐富。湯中還加入了各種香料，讓整體味道更加圓潤，喝上一口，讓人感到身心舒暢，特別適合在寒冷的日子享用。接下來的豆腐斑腩煲則是一道色香味俱全的主菜。豆腐的滑嫩與斑腩的鮮美相互交融，煲中的湯汁濃郁，豆腐吸收了魚肉的鮮香，口感十分豐富。斑腩的肉質鮮嫩，搭配上香料的調味，讓整道菜的風味更加突出涼瓜炒蛋是一道清新的素菜，涼瓜的微苦與雞蛋的滑嫩形成了絕妙的對比，這道菜不僅色彩鮮豔，還讓人感受到健康的味道。涼瓜的清脆口感與雞蛋的柔滑相得益彰，讓人感受到食材的原汁原味，十分開胃。最後，蒜蓉粉絲蒸鮮魷則是一道令人驚喜的海鮮菜式。鮮魷的肉質鮮嫩，蒜蓉的香氣與粉絲的滑順相互融合，蒸制的過程中，魷魚的鮮味被充分釋放，搭配粉絲吸收了海鮮的精華，口感層次分明，讓人回味無窮。食味道小廚 (大埔)大埔鄉事會街8號大埔墟街市及熟食中心2樓C17號舖…Read More

對於街市的熟食檔，我覺得啲小菜是相當唔錯，硬係覺得比較有鑊氣。今次選擇咗大埔墟街市的「食味道小廚」，坐升降機到2樓，一出𨋢口就是了，非常易搵。我好好彩，剛去到就有位，跟著就滿坐了，生意非常好👍🏻乾煸肉碎四季豆 $78一上枱就香味四溢，馬上拿起筷子食食食，四季豆炒得很乾身，小小辣好惹味。酸菜魚 $138大大碗酸菜魚，色香味俱全，魚肉同配菜都勁多好足料，魚肉超滑，仲有薯粉，好夠飽👍🏻咕嚕魚柳 $98魚柳熱騰騰，又滑又無骨，酸酸甜甜好開胃揚州炒飯 $78無諗過佢咁大碟，味道非常好，好抵食，夠四人食👍🏻…Read More

🇭🇰香港探店｜食味道小廚🔥大埔墟鑊氣海鮮大排檔♨️海鮮加工🐠鑊氣小炒💥街坊好味道💟💟🤗大埔熟食中心一向多好野食，今日去開大埔又去搵下野食喇，見呢間大排檔形式嘅中菜小炒都坐滿人，生意好旺🔥同場好多都係熟客，應該不錯，結果真係都幾有水準，叫咗4個餸，樣樣都足料又大碗，經濟實惠👍🏻兩個人食到超飽都只係400零蚊，而且啲姨姨服務好nice，推薦大家經過可以去試下🙌🏻🙌🏻✨酸菜魚💰138呢個酸菜魚味道好正宗！拍🉐住深圳太二酸菜魚的水準！湯底濃郁魚片嫩滑，連配菜都煮得好入味，鍾意食酸菜魚的朋友必試✅✨涼瓜菜圃煎蛋角💰78蛋角煎到外脆內軟，蛋香味超濃郁，每一啖咬開都唇齒留香👅加入涼瓜菜脯點綴，口感十足，果然好滋味✅✨菜膽雞（半隻）💰128菜膽好新鮮食落都十分清甜，雞肉嫩滑完全不會柴，搭配清清哋特別原汁原味，健康不肥膩，值得推薦✅✨芥菜肉片鹹蛋湯💰108清熱氣首選！本身好鍾意飲芥菜湯，呢間小炒的味道確實好正宗，每到菜式都不失水準，難怪咁好生意✅📍 食味道小廚 (大埔)大埔鄉事會街8號大埔墟街市及熟食中心2樓C17號舖#食味道 #HKfoodie #Kol #hkiger #blogger #寶媽 #香港生活 #香港旅遊#大埔墟熟食中心 #大埔墟餐廳 #大埔 #中式小菜 #鑊氣小炒 #海鮮 #海鮮加工 #大排檔 #大埔美食 #香港美食 #食味道小廚 #香港吃喝玩樂…Read More

天氣涼涼地，突然好想食羊腩煲😋 今晚嚟到大埔街市熟食市場食味道小廚大排檔整煲羊腩煲🍲鍾意大排檔鑊氣同氣氛，份量足，味道正😋大排檔仲可以自帶海鮮加工，經濟實惠👍遲一步就要排隊等位😂✨支竹冬菇炆羊腩煲🍲送生菜🥬慢慢加熱後就聞到陣陣當歸香味😋配上香芹，越滾越香，羊腩連皮超正，有膠質，羊肉嫩滑入味，冬菇、支竹吸收羊肉湯汁，配白飯好正😊✨椒鹽鮮魷🦑鮮魷新鮮，肉夠厚夠實，炸得又香又脆，有避風塘口味，滿滿炸蒜香味，超級正，送啤酒一👍…Read More

知道大埔熟食中的心有好多好野食，今日去開大埔就上去搵下野食，見好多檔大排檔形式嘅中菜小炒都坐滿人，就揀咗其中一間食味道小廚試下，同場見到好多都係熟客，平時嚟食開咁，應該不錯，結果真係幾好食，見到個menu其實樣樣都想食，眼闊肚窄叫咗4個餸（樣樣都足料大兜），兩個人食到超飽都只係400零蚊，而且啲姨姨服務好nice，推薦大家一定要去試下！呢度嘅椒鹽豬扒真心正！椒鹽豬扒一上枱已經勁香，炸粉薄脆唔厚，豬扒醃得夠入味，咬落去肉質鬆化又多汁，椒鹽嘅鹹香同蒜蓉粒好惹味，如果送啤酒應該一流見到避風塘茄子好似幾特別，而且無食過，好好奇係咩味，估唔到避風塘整茄子可以咁夾！茄子外皮炸到微脆，裡面保持到軟滑，大量炸蒜、豆豉同辣椒炒到乾身香口，食落鹹香帶微辣，好有鑊氣，下次可以encore👍🏻呢個蒸鮮魷夠曬鮮味！魷魚片切到啱啱好，口感爽脆彈牙，蒜蓉香味十足，下面嘅粉絲索曬鮮甜嘅魷魚汁同蒜蓉油，食到停唔到口，推薦必試！簡簡單單嘅蒜蓉炒生菜都炒得好食！生菜翠綠爽脆，蒜蓉落得夠多又夠香，炒得夠鑊氣又唔會太油，食完咁多濃味餸啱晒平衡返最正係夜晚都可以飲住杯凍檸茶食飯，整體食得好滿足😋見其他枱有叫乳鴿，個賣相好吸引，下次可以試下～💰價錢參考：- 椒鹽豬扒 $98- 避風塘茄子 $88- 蒜蓉粉絲蒸鮮魷 $118- 蒜蓉炒生菜 $68- 可樂 $12- 凍檸茶 $20…Read More

早排來過大埔街市熟食中心，見到食味道小廚的乳鴿和海鮮很吸引，決定下次過來！原來除了點單要精美小菜，食客仲可以自帶海鮮加工，非常值得一試！蝦乾粉絲雜菜煲以蝦乾和粉絲為主料，結合不同新鮮蔬菜，味道鮮美。粉絲吸收蝦乾的鮮味，口感滑順。雜菜的搭配增添色彩和營養，整體味道清新。一看這碟黃金涼瓜上檯，已感受到廚師的用心製作，苦瓜都切得很幼，厚薄程度像薯條，容易入口；炸製後呈現出金黃的色澤，涼瓜的苦味恰到好處，讓人食慾大開。蒜蓉粉絲蒸鮮魷以新鮮的魷魚為主，搭配蒜蓉和粉絲，清蒸而成。粉絲完全吸收了魷魚鮮汁，口感柔軟，蒜蓉的香氣與魷魚的鮮味相得益彰，別具風味！食味道小廚的乳鴿肉質鮮嫩，外皮金黃酥脆，內裡肉質鮮美，口感極佳。蠔仔粥粥底滑順，而且選用新鮮的蠔仔，口感鮮嫩。米粒與蠔仔的鮮味相互交融，十分鮮美。而最令我喜愛的是晚市也可以點上一杯凍檸茶，認真醒神解膩！食味道小廚 (大埔)地址：大埔鄉事會街8號大埔墟街市及熟食中心2樓C17號舖…Read More

📍 食味道小廚大埔鄉事會街8號大埔墟街市及熟食中心2樓C17號舖.鮮椒生腸 $68生腸我覺得都係必要試的！不過我就覺得比起其他小菜細份D，但可以揀辣度，十分爽口。味道唔錯，我自己就好鍾意。蒜蓉粉絲蒸鮮魷118蒜蓉味重，我自己好鍾意。友人都係蒜蓉控，鮮魷份量不少，而且十分新鮮。份相相對生腸大份。如果鍾意食魷魚的，千萬不要錯過。芥菜肉片鹹蛋湯108 最近覺得個十分熱氣，而平日係屋企食飯都習慣要加個湯。芥菜平日在家比較小整，所以今日決定試一下。略厭肉片有D肥，但整體都唔錯，兩個人飲成大碗，飲完都十分飽肚。海蜇手撕雞118另外，叫多左個冷盤。手撕雞好幼細，試過出面食過好大塊我自己就一般。而且加埋海蜇十分夾。夏天好熱，加個冷盤點綴真係唔錯。…Read More

一個充滿地道人情味的街坊大排檔，食盡鑊氣小菜！環境雖然簡單，不過每晚都熱鬧非常，好有大家庭感覺。最近同幾個老友記相約嚟搵食，試吓馳名嘅走地雞同乳鴿，仲可以帶新鮮海鮮加工！薑蔥霸王雞用上新鮮走地雞，雞肉皮爽滑、肉質結實帶少少彈性，啖啖肉都食到淡淡雞香，配埋薑蔥鹹香又爽口。乳鴿皇則皮脆肉嫩、外香內多汁，咬落仲有少少鴿油，真係唔得了。椒鹽鮮魷鑊氣十足，外層香脆內裡鮮甜。我最驚喜係黃金涼瓜，用鹹蛋黃炒香，苦味被壓到好細，反而多咗份鹹香口感。蒜泥白肉亦超開胃，每片豬肉都吸飽咗香辣蒜泥汁，辣得醒神，配埋冰凍啤酒一流。嚟熟食中心，食住聊住，啖啖人情味，都係最開心嘅晚餐。…Read More

在大埔想食小炒幾味，選擇了食味道小廚咕嚕里脊以嫩滑豬頸肉入饌，外層酥香，內裡多汁，火候掌握得宜，令人齒頰留香。酸甜醬汁均勻包裹，每一口都充滿層次感。菠蘿釋出自然果酸與清甜，與醬汁完美融合，提升整體清新度；青紅椒色彩繽紛，脆口微辛，平衡甜味，整道菜視覺鮮明，味道濃郁但不膩，是一道精緻的中式佳餚用新鮮雞熬煮的菜膽雞，湯底澄澈鮮甜，散發濃郁雞香。雞肉滑嫩而富彈性，皮香不膩，入口即化；湯汁精華滲入其中，層層滋味在口中蔓延。菜膽爽脆微苦，與湯底互相平衡，起到清潤提味之效。搭配生菜吸收湯汁後更顯清香柔嫩，增添口感層次與鮮活感。整道菜色清而不淡，味濃而不膩，養生之餘亦富美感。蒜蓉粉絲蒸鮮魷是一道清香鮮甜的精緻之選。鮮魷切件爽脆彈牙，經蒸煮後釋出鮮味精華，滲入粉絲中，粉絲吸飽魷魚湯汁與蒜蓉香氣，口感滑溜又富層次。蒜蓉經蒸煮後香而不嗆，提升整體風味而不奪主，與少許醬油、香油及蔥花搭配，更添鹹香與清新。整道菜清而不淡，香而不膩，是一道將鮮味與蒜香完美融合的蒸煮料理以菜甫粒、蟹肉、蝦干、鮮魷等海味入饌，這道炒飯香氣撲鼻，海洋鮮香層層疊加，鹹香豐富卻不過重。蛋香包裹每粒米飯，口感酥鬆不油膩；鮮魷爽脆彈牙、蝦干鹹香濃郁，與甜美蟹肉交織出鮮味的交響曲。菜甫粒提供獨特鹹香與咬感，讓整道炒飯富有台式風情。葱絲清香提味、生菜絲爽脆解膩，使味道層次更分明，令人一口接一口欲罷不能…Read More

最近喺大埔街市熟食中心食過呢間小廚，都幾有鑊氣。今次兩個人食咗四款：輝哥炒飯~飯粒可以做到粒粒分明，配菜以海鮮為主，口味微辣，非常開胃！蒜蓉粉絲蒸茄子~滿滿嘅蒜蓉香味，搭配清淡有益嘅茄子，口味清爽，一口一件，滿滿嘅幸福感。小炒王~海鮮款式同份量都非常多，只係蝦，都用上蝦乾及新鮮蝦兩款，每款蝦都有唔同口感，另外腰果及小魚乾都非常香脆。西湖牛肉羹~湯羹嘅口感唔算太厚，一匙羹入口豆腐同牛肉都可以食到，比例合適。而且可以帶海鮮加工，幾特別嘅會係......按枱嘅大細及每碟去收費，細枱80/大枱$105蚊蒸；細枱105/大枱$125炒，好似抵過其他按每斤收費嘅店🤭等我下次都拎海鮮去先…Read More

今晚帶咗幾位南下旅遊嘅親戚，去大埔墟街市樓上食大排檔。最正嘅係樓下街市有好多新鮮海鮮，今晚食嘅餐廳，「食味道小廚」好歡迎食客買上去加工。我哋就買咗啲九節蝦，上去蒜蓉蒸粉絲，蒜香味四溢，粉絲吸咗蝦汁，味道入味到不得了。廚師除咗廚藝了得，仲攞咗個大圓碟，將蝦砌到成朵花咁靚，上枱非常得體。我哋仲點咗幾道菜，糖醋里脊，外脆內爽嫩，酸甜味道啱啱好。椒鹽鮮魷，味道微辣，鮮味十足，粉唔厚，咬落去口感幾好。西蘭花炒牛肉，牛肉炒得嫩滑，西蘭花保持住脆口。粟米斑塊正常發揮，樣樣都唔錯。值得一提係「食味道小廚」好受歡迎，有興趣嘅記得早啲去攞位。…Read More

朋友介紹呢一間海鮮加工，終於試咗感覺唔錯，唔該除咗啲海鮮樣樣都整得好之外，佢自家出品嘅乳鴿好掂好好食。啲乳鴿都算大隻而且炸得皮脆肉嫩，一咬開中保留咗乳鴿嘅肉汁。另外再叫咗碟椒絲腐乳通菜，呢個就正常發揮水準啦。咁多樣海鮮之中加工得最正嘅係呢個蒜蓉粉絲蒸開邊九節蝦，佢啲蒜蓉粉絲蔥花真係正有冇朋友，吸曬啲九節蝦嘅香味，要嚟送飯一流。椒鹽鮮魷都做得唔錯，啲金蒜炒得好香好惹味。豉椒花甲個汁都唔錯。大斑兩味都好食，炒球同炆班頭腩都做得唔錯，最欣賞去斑頭腩唔會好咸。最後仲有一個雜魚豆腐湯，滾得好甜好好味。…Read More

放假又帶BB出街玩，今次帶左佢去大埔鐵路博物館，走時經過熟食中心，上到去行左一個圈都唔知食乜好，最後見呢間幾有禮貌，就坐低左試下，叫左2款各$48，凍飲額外加$5，價錢幾抵。乾炒牛河: 味道剛好唔會太咸，牛肉量都適中，食落幾有鑊氣生炒骨: 酸酸甜甜，仲排骨脆口，都唔錯…Read More

用餐時間（5:56pm dinner）follow@wojengyea/@wo!正嘢 for more food info🐒 支持我哋發掘更多美食 😋同屋企人喺大埔墟街市買無敵海鮮（花甲、蝦、帶子$300 臘腸班魚 $250）又唔想自己煮，決定上去熟食中心搵其中一間餐廳幫手加工煮。白灼赤紅蝦🦐，清蒸冇咩好講，佢個辣椒豉油惹味。但本身食材新鮮唔使沾豉油都極鮮味。豉椒炒花甲，紅椒、綠椒、洋蔥、草菇，唔辣。個豆豉醬汁又炒得幾好，唔會非常之鹹。👍🏽 蒜蓉清蒸扇貝🐚，粉絲唔係咩貴價嘢，但佢都落得比較少，有啲失望，蒜蓉豐盛，但個人覺得太多蒜蓉會搶走帶子個鮮味。紅燒素豆腐，特登整素食俾我哋，有菜心、菇同走油豆腐。清蒸臘腸班魚🐟，條魚肉蒸得比較老同靭（可能係本身條魚問題都未未定），最大嘅敗筆係佢用隻膠碟去蒸魚，真係O咗咀。🙊薑炒芥蘭，佢啲菜都新鮮，又多薑粒，晤錯晤錯。🥬差唔多每間大排檔都會幫手加工海鮮，但價錢唔一樣，可以打電話去問吓先。☎️ …Read More

好耐無返去大埔食大排檔(以前住大埔), 雖然店在市政大廈裡, 但我係都係叫大排檔改不了口, 我相信許多大埔人甚至好多人都係一樣叫 "大排檔".當我寫食評時才發現, 現經營者應該是新頂手來做的, 因為我記得以前不是樓面這些員工. Anyway, 當日是因為我家有人登五加上父親節就一起食個飯慶祝下.一早預訂了, 17位兩張枱, 5時半, 去到零等位, 即時入座, 枱舖好枱布好乾淨, 膠椅好穩陣, 點解咁講, 因為有老有小, 加上我都D份量, 特別覺得依點值得一讚. 枱上仲有紙巾供應(非卷紙), 不錯不錯, 好貼心.當晚點了以下餸菜, 來料加工的將會註明.椒鹽豆腐 炸得乾身又唔油, 非常香口, 大排檔必叫的椒鹽系列椒鹽鮮魷炸得乾身又唔油, 非常香口, 大排檔必叫的椒鹽系列紅燒乳鴿基本上直接攞去細路仔枱, 搶咁清晒, 完鼓椒炒聖子皇 (來料加工)最怕炒完淨番D殼, 但我反而覺得點解咁多肉好似仲多咗咁既, 汁掛得剛好, 夠鑊氣, 重點配料極新鮮, 三色椒清甜, 無錯平時沒有人食的配料, 今次都食晒, 不得了.爆醬鵝腸我未來得及食, 已經無晒, 明就明啦!花面星兩食(來料加工), 先來起肉炒西芹, 再來枝竹火腩炆頭腩 (來料加工)蒜蓉粉絲蒸海蝦 (來料加工)清碟!清碟!清碟! 蒸得剛剛好, 粉絲吸收了蝦蒜和熟油, 真係要撈晒D汁食芝士西澳龍蝦伊麵 (來料加工)可以說近十年沒有食過咁有水準的芝士龍蝦伊麵, 我已不顧一切食咗兩啖麵連汁了, 減肥明天先開始.霸皇雞由於太多野食, 雞變得沒有人關心, 我有食架, 有雞味調味剛好, 配上霸皇雞的蔥的確好霸皇雞潮式蠔餅這個我有食, 因為已經飽, 但隊友話粉多了少許, 但蠔仔好鮮, 我見佢食完又encore應該好食水煮牛肉牛肉量多又滑, 食後麻辣舌頭感好爽中式牛柳必點, 我記得我細個時成日去酒樓和大排檔都叫, 但近年已經少叫, 原因出來又細碟, 又少, 今次堅有驚喜, 上枱時出煙的, 仲要大大碟, D沖掛在牛柳和洋蔥上, 即時出手食番件, 不負所托係依隻味, 依個水準了.半打樽裝藍妹啤酒, 仲有白飯幾碗咁, 埋單, 都唔洗兩千, 超級抵食又好味, 最怕又貴又唔好食, 幾乎全部清晒.大排檔來說, 招呼不錯, 上菜快, 加飯酒水即叫人即落單, 快手快腳.大埔新街市我都食過好多間, 依間我覺得真的不錯, 今次家人選和BOOK的, 真的有驚喜.我食野好簡單, 好味最重要, 價錢應該要對得住食物和服務, 地方都要企理, 雖然是市政大廈, 但絶對是OK我可以接受有餘, 小朋友週圍摸都沒有問題. 仲有, 依度冷氣夠, 食完唔會流晒汗濕漉漉.我喜歡大排檔, 喜歡可以大大聲叫伙記落單, 大家舉杯暢飲, 親節快樂. …Read More