食口福生滾麵

營業中

休息中

香港平小小通常都以碟頭飯為主自己一個人去酒樓又唔會食到2,3個餸想每樣食小小黎呢到就啱哂👍🏻麻香雞，椒鹽魷魚穌👍🏻雞好滑 味道好香 再辣d仲正椒鹽魷魚穌都好夠昧 好脆😍仲有葱油撈飯 不得了😍

環境同地道茶餐廳差唔多，要求唔高，衛生就可以。週末黎食，但係樓面伙計都係得3個，當時全店坐滿，佢地都忙到踢哂腳，態度禮貌要求自然都降低，叫我轉枱同人搭枱都講左好多句麻煩同唔該，總括黎講其實都算幾好態度。最鐘意食雞，見到咁多款雞嗌令我十分興奮😋嗌左個醉雞加燒雞扒，雙拼40幾，十分足料，醉雞好入味，雞肉都好嫩，塊雞皮一流，肥瘦適中，食到少少肉都無淨，仲有得轉我最鐘意既粉絲❤️奶茶走左甜都好飲，十分不錯👍🏻🤤下次黎一定會再食

首先我十分推介嘎係凍奶茶 、 凍檸檬🍋茶茶底膿～ 好少有咁高質素 水吧之後係叫咩都話賣哂🤦‍♀️😤😤😤最想食花肢 賣哂🤦‍♀️🤬🤬🤬手切牛肉 賣哂 🤦‍♀️😡😡😡最終食左醉香雞 豬潤河同埋鹽酥豬 豬潤河食左之後順翻條氣 😱😱😱明白點解 叫咩都冇因為好食👍🏼👍🏼👍🏼希望冬天來食下羊👈👈👈同食到花肢啦👅👅👅今日埋單 一共$104

今晚去食得一肚氣，這間店中其中一位女服務員（見晒都全店都係得一個女店員叫）她叫我和我朋友轉位比佢清潔隔離張枱d 態度勁差，佢同我哋講‘你哋行開d，你咁坐左住我執枱’ 語氣又差，要客人坐開嘅位轉枱唔緊要，我哋會配合同明白嘅，但要有基本嘅服務態度囉，仲要話番你好左住佢，我都第一次見咁話d 客，簡直冇禮貌到食咗都頂住喉嚨，落單問句有咩麵又唔想答你咁，如果食物一般都唔緊要，各人口味不同，但服務態度係首先第一個給客人的印象囉，咁樣態度簡直想趕客走，冇下次去這間舖食

呢間食口福成日都好多人排隊，每次經過都見到有人，所以就入去試下，都等咗成20分鐘 ，仲要坐滿曬人搭枱介意嘅就唔好揀，要快食快走 ，吹多陣水都會畀人睥住上次食過呢間食口福嘅魷魚絲幾好味，今次再返兜 ， 雞佢有好多款，今次我揀咗手撕雞同豬扒， 野食係唔錯，不過杯奶茶麻麻地，坐得又唔舒服， 但係我又鍾意食煎炸嘢冇辦法😂😂😂

我自己就唔係十分鐘意呢間餐廳，唔係話唔鐘意啲食物，但就感覺麻麻，可能我地次次去都係接近人地收工時間，又打掃，又熄冷氣，有少少反感都正常。不過另一半幾鐘意食，所以偶然都會來呢度食晚飯，特別當諗唔到食咩嘅時候，近近地行過來都方便。呢度都幾多位，假期來的話，好多時都係爆滿架，我地平日夜晚就唔多人嘅。餐牌有飯麵粉，主要係食雞相關食物，當然有其他一般茶記有嘅野，但我諗出名食雞啦，人均50蚊連飲品，可接受。雞都分幾款，手撕雞、麻香雞、醉香雞，細細碟，算幾有特色，試過夜左來，冇哂手撕雞架，但我個人就鐘意食麻香雞，鐘意食辣野冇辦法啦。麻香雞少少麻，雞肉幾好肉地，皮厚身，但我都鐘意食雞皮，所以冇咩所謂。辣度唔高，但就幾惹味手撕雞份量都多，溝左麻油咁，幾香，又有少少少少辣，幾好送飯，但就唔係話好滑果種。醉香雞so far食過幾次，都係比較少肉，酒香正常，容易入口。而我最鐘意係呢度嘅魷魚鬚，炸得乾身、唔油膩，而且唔厚粉，好食過酒樓果啲多多聲，雙拼都抵食

放假日走左一轉流浮山...突然想食碗豬潤麵...但又唔想走到去深水埗咁遠喎...經過呢間鋪頭見有得食...就入左去坐低...叫左個醉雞豬潤麵...等左一陣就有啦...醉雞分開上好細心...雞整得都幾滑...又唔會太重酒味令雞肉有苦味...豬潤整得好爽口...起碼唔會過熟...麵雖然係普通麵底...但可接受唔會煮得好淋...街坊生意黎講算唔錯...老闆又好傾...放假無咩地方食飯又多一間飯堂了...

從未遇過一間食店有自稱老闆公然講出唔識招呼客人，位已經唔好坐，嘢食一般但講句公道說話，已經幫襯無數次就算坐得唔舒服食物還可以，呢個後生自稱老闆既老闆沒見過，自己安排不周，理應再安排或叫客人等候都可以接受，佢一句"你出番去!", 又不停話客人態度叫人收聲，咁態度做生意?? 之前見過兩個老闆態度十分客氣，然後其中一個老闆出來都好客氣，但個位後生自稱老闆繼續不停講+趕客。 咁既食店影響香港形象，唔怪得香港比外國選為唔想再來既城市。

因為要陪他來看跌打，醫館附近就有這間餐廳，剛好看完跌打就來吃頓飯。他要了一客醉雞飯，我的就是鹽酥豬扒飯，配了一杯凍奶茶醉雞是帶骨款，不算是有很香的酒味，雞肉嫩滑，不太肥，少許脂肪，味道中中等等鹽酥豬扒賣相不錯，可惜咬下太多脂肪太肥，但整體炸得香口，調味足夠至於飯是薑蓉加豉油，味道剛好，略嫌薑蓉太少，如果配多一點更加好，飯是軟熟的奶茶不會太水，但茶味欠奉，做不出奶茶的精髓價錢中中等等，在屯門區不算非常便宜，食物不算是太出色，

原本打算去一間小店吃炸雞脾，但發現原來太遠，不夠時間去吃，所以還是去附近的食口福吃碗雙拼鴛鴦米好了。大部份客人在這裡點的雙拼是全是雞，又或者是雞配酥炸魷魚鬚，而我則好像很健康的選了醉香雞與手切滑牛肉，不煎不炸的。當我看見人人吃酥炸魷魚鬚津津有味，我有點後悔不選吃。手切滑牛肉沒甚麼特別，牛肉雖軟腍，但絲毫牛肉味也沒有，大失所望。幸好湯底不俗，味道清甜，鴛鴦米與白菜作伴，可算清新。我依舊吃鴛鴦米，始終喜歡雙重口感，今天的粉絲不夠爽口，軟軟的。至於米粉軟硬度適中，稍微平衡過軟的粉絲。芳郁濃醇的酒香完全滲進雞肉，肉質嫩滑，可是醉香雞偏肥膩，雞皮和雞肉滿滿的肥膏，當我泡在湯中，原本清徹的湯底變得膩味，如果減少過多的油脂，這醉香雞便完美。

屯門一帶好多又平又正茶餐廳 呢間亦係其中一間 👍 今日就去左新墟呢間店==========🌟皇牌特餐 $43中午去人流都算多唔少人企左係外面等位揀左手撕雞🐓配鴛鴦米 另外配奶油脆豬 煙肉 腸仔 加一杯飲品 😁呢度手撕鷄係唔太辣 🐷仔表示食到呀😍😍仲好惹味 份量都唔算細 😋 而鴛鴦米就有米粉 粉絲兩種 其他茶餐廳比較少見 所以都幾特別😋😍 面頭仲放左木魚碎增添香味😋😋P.S 見過內地遊客特登黎食野😂 睇黎都真係幾旺場🙈

今日去到屯門返工，同事介紹醉雞好食而我勁鐘意，當然試啦，大約等左大半個鐘就有得食啦，果然係冇失望好味。一開醉雞份量吾少仲要好香酒香，食落去醉雞 肉嫩同好入味，竟然底部仲有2片雞腎添，正，再配個鴛鴦米（粉絲加米粉），佢可以一個餸或加餸，今次試 麻辣手撕雞 ，失望，一食吾辣 又份量少，味道一般，之後同事話叫豬扒抵食，過多幾日佢就叫左，原來成個碗咁大件又厚身添，這裡一碗加杯飲品（凍檸檬茶就淡左少少）整體連外賣$51都抵食。

內部環境似茶餐廳，但坐既位置尚可接受。是日選擇雙併麵，除左麵，都有小食。重點推介：麻香雞，夠辣，嘴邊有麻痺感覺，match 到麻香雞名。麻香雞，酥炸魷魚鬍，配米缐。麻香雞好麻香，食到嘴邊都有d麻痺，魷魚鬍都幾鬆脆，但米線份量略少，未必飽。霸王雞，豬潤配鸳鸯米（米粉，粉絲），霸王雞上有花生配搭，再加上蔥絲，特別香。豬潤份量都多，厚身，湯底有薑粒，可去除腥味。選擇鴛鸯麵的份量相對多，配搭特別，粉絲夠滑，值得再食。食到尾，原來底下有兩片雞腎，幾有驚喜。

生滾麵 豬骨清湯底不俗 公仔麵用心煮 不會過淋厚豬扒味道好 雖然浸喺湯度 但還算入味 豬扒煎火喉唔錯 唔會太乾 竟然有炸魷魚鬚小食 味道不錯 不會太過乾身 埋單50 價錢實惠 下次試埋雞先

今日 28/5/2017, 大約1點幾，我同我個仔+女，3人去食午飯，選了屯門這間食口福，試下鹽酥雞，因為鹽酥雞佢都好出名架。一開門入去，嘩，都差唔多坐滿人，不過都有3 個向横坐的位，好過無位要等囉。呢度有飯又有粉麵食架，我就簡左兩餸(鹽酥雞+姜汁豬膶) 鴛鴦米(米粉+粉絲) $47, 我個女就食鹽酥雞河粉 $37, 而我個仔就食豬扒+酥炸魷魚鬚 飯 $48, 另外叫了杯熱好立克 加$3~, d野好好食，鹽酥雞好酥脆，d雞炸完好嫩滑，好好食, 豬膶有姜汁味，好爽口, 魷魚鬚就油左d, 但都好食好香口，而豬扒我個仔都話正，真滿意，但可惜就係係呢度，都係快食餐唔坐得耐。