風車

營業中

休息中

想喺大圍搵間有情調又可以飲酒嘅西餐廳，睇openrice介紹後覺得佢都幾多好評，就訂左呢間餐廳餐廳內部裝修得好靚，播住唔同嘅英文歌，好有氣氛餐牌有好多嘢食揀，我地兩個人就叫左兩個小食同埋一個主菜，仲叫咗兩杯野飲chill下呢杯mocktail 有甜甜的荔枝香味，仲有淡淡地嘅薄荷味，成杯野好fresh解油膩一流我就叫左杯cocktail，主要係菠蘿汁同埋紅苺汁，溝埋vodka。甜得來帶少少甘味，平時少飲酒嘅我都飲得到用嚟送小食真係蟹肉份量仲多過塊蒜蓉包啖啖蟹肉入口好香，仲帶有鹹鹹地嘅海鮮味，配埋蒜蓉包，又香又脆另外仲有少少千島醬，可以中和下個鹹味，送酒一流仲叫左呢個薯餅棒，蒜蓉餅入邊仲有洋蔥碎同煙肉粒，夠晒鹹香。食落口又夠熱夠脆，又係一樣送酒佳品主菜來啦！平時食牛就食得多啦，今次特別啲試吓呢個黑毛豬份量唔係好多，黑毛豬扒係切開咗做6、7條。燒得好香，好有豬味配埋個墨西哥醬，有小小辣味，好惹味不過覺得淋啲會好食啲另外燒蕃茄有驚喜！應該係用左牛油燒？食落去夠香又夠熱，好好食呀氣氛好正，食物又幾高質，成班friend嚟傾計飲酒就最啱下次會再嚟！

喺馬鞍山附近，夜晚想同朋友飲吓嘢但係又唔想出返去旺角，於是就喺OpenRice度搵到呢一間有西班牙小食，又有嘢飲嘅餐廳。首先我同佢就叫咗一杯青蘋果味嘅梳打，同埋一杯士多啤梨椰子奶。其實都係平時想同朋友聚下，飲飲下，就覺得開始肚餓，就叫咗啲小食。首先就叫咗個西班牙火腿菜卷，因為我好鍾意食有鹹香嘅火腿，呢個菜卷上面有啲黑醋，食落好開胃於是又再嗌多幾樣小食。又叫咗一個肉醬薯皮，個薯片焗得好脆好香口， 一啲都唔油， 配上邪惡嘅芝士肉醬， 真係好好味。 傾下傾下， 又開始覺得餓， 最後叫多個乳豬。 同係酒樓食嘅乳豬唔同， 呢度個乳豬再淋啲， 入味啲。 但係個皮都係好卜卜脆， 佢配嘅醬都有啲似酒樓嘅乳豬醬。 食完咁多野， 帶住個好飽嘅肚返屋企。

同朋友週末去大圍走一轉探索下唔同餐廳小店,今次經過間有足球直播既餐廳.身為波友既朋友見到即刻拉左我入去試下.意式咸牛肉拼三文魚份量好多而且煙三文魚唔好過咸入口帶微煙熏味,意式咸午肉外層有黑椒,黑椒味香而不辣牛肉片,牛肉片幾厚身唔肥膩送酒啱晒.pearl harbor用vodka一入口唔會太嗆入口幾甜易入口好啱女仔飯,飲落帶微微菠蘿香味.cuba libre加左rum酒既可樂入口帶點青檸香味同焦糖香味.西班牙脆皮乳豬上菜既時候乳豬即叫即燒見到個皮已經感覺到好脆卜卜咁,一切真係好脆而且乳豬皮本身唔肥所以食落都無咁多罪惡感.乳豬肉質軟淋油份重,幾滑.香煎阿拉斯加蟹肉餅蟹肉十分足料食落一絲絲蟹肉比想像中較有蟹味,味道不錯.如果蟹肉餅外層再煎得香脆少少食落外脆水軟口感會更好.內附既蒜蓉包雖然蒜香味足.

風車的名字聽落像文青cafe，但實際上是間酒吧，雖然今晚冇波睇，但先試試這裡的食物質素，ok下次可組團再訪。一入內店員安排我們坐在場內中間位置，近窗位置掛了一台超大電視，在這裡睇波應該好正（不過今晚就睇住新聞先😂😂😂）。望另一邊有盞大吊燈，比一般酒吧更具奢華格調。餐牌中英文俱備，亦有相片以便顧客參考。今晚大家都不想吃太飽，點了兩個前菜，一個主食，再加兩杯飲料。三文魚凱撒沙律 (8/10): 凱撒沙律是筆者最愛的一款沙律，羅文生菜爽脆好吃，三文魚亦被捲成玫瑰花形，狀甚美觀。大蝦多士 (8/10): 偏愛重口味的顧客應該會很喜歡這個！大量的葱蒜作調味，蝦肉爽口，多士加了蒜茸一起烘焗，香脆惹味。法式燒春雞 (7/10): 春雞份量適中，除了雞腿雞翼這些juicy的必食位外也有大大塊雞胸肉，用刀叉吃也能輕鬆吃的乾淨，女生不必擔心。飲品點了iced mocha以及店家的特色mocktail Strawberry Colada，兩者味道都不俗，可以一試。

2019年10月14日（星期一）水晶吊燈富麗堂煌，柔和燈光🥂綻放歐洲情調。場內好多捧著客，有的在歡聚暢飲，有的在進餐，氣氛chill輕鬆。急不及待想沾染歡樂氣氛，叫咗怡神飲品，cheers!🍸🍷支裝藍妹啤酒($48)+Apple Mojito($69)飲支裝啤酒享受嘅係酒吧風味，感覺輕鬆萍果特飲青萍果粒夠醒神，fresh超開心❤️巴馬火腿蘆筍火箭卷（ $89 ）巴馬火腿+蘆筍+火箭菜係完美組合。蘆筍清爽、火箭菜中和巴馬火腿嘅鹹味，啱啱好！火箭卷香脆又的骰，最啱送酒！白酒煮蜆配蒜蓉包（ $79 ）白酒汁濃稠香甜又creamy，蜆肉鮮甜，配埋熱辣辣、香噴噴蒜蓉包，再呷美酒漿果黑毛豬扒（ $199 ）食材一流，黑毛豬扒肉質鮮嫩，完全無腥臊味，最愛燶邊位，送酒名物美酒伴美食，仲享受埋歡樂氣氛，乾杯🍷

睇到openrice多好評所以試試。點知入到去成間餐廳首先好黑同好大油煙味。仲見到有蚊仔，心諗都伏伏地。跟著同妹每人叫左個burger lunch set. 雞個個漢堡塊雞好大陣雪味。成個食左一啖冇食。本身諗叫唔叫佢換好，心諗都係算見到隔離臺叫個d意粉都好茶記style.另外個牛漢堡個味都係怪怪。整體環境同食物質素都好差，同其他人食評形容既相差好遠，一個burger set 都要$76 蚊唔叫好平，m記包仲好食過佢，blacklist!

大圍呢間Windwill 餐廳結合左酒吧模式經營～門口有個大酒櫃，可用膳亦可如酒吧般坐底飲兩杯～～巴馬火腿蘆筍火箭卷話說小妹真係好鍾意巴馬火腿、各式配搭好鍾意！巴拿馬火腿捲着蘆筍同埋火箭菜，好味又好又好有西式嘅風味，呢款前菜真係冇得頂！白酒煮蜆配蒜蓉包呢個白酒汁真係冇得彈，酒味其實非常淡，味道似芝士白酒汁～濃度適中～攞黎點蒜蓉包一流，如我就攞咗佢嚟點薯條食，仲正！西班牙脆皮乳豬配彩椒汁乳豬皮皮真係脆到不得了，仲好薄！表皮咬落即碎，底層肉汁亦超多，份量岩岩好！食呢幾度道菜一定要飲番杯Cocktail，先夠Match & Chill~🥂🍸🍾Cuba Libre 🍹～Coke做底，食乳豬襯晒！Margarita 🍸 ～ 塊乾檸檬🍋好impress我🤣～正！

尋晚去開沙田，知道大圍多好野食，朋友話想飲杯，就去左積存街搵食，呢條街好多粥店，小炒店，因為門口又有得泊車，所以平日都多人，我地揀左呢間食，因爲主要想dinner 之外，又飲下酒，而佢就係集酒吧加餐廳於一身，其實佢地有set 既，但係我又唔太飽，所以散叫啲食物，drink drink 啤酒。。。蟹肉餅$89。呢個前菜，蟹肉份量好多，配埋法包超正，送酒最啱。。。火腿卷$89。perma ham 包住蘆筍，好fresh, 好爽，又係啱配酒。。。法式春雞$189。呢隻雞仔燒到啱啱好，外脆內滑,連個配菜都咁好味，食哂。

星期五放左工happy Friday night 就同partner黎bar嘆個下午茶，餐廳環境休閒而且又坐得舒服不得只，超大電視同仲好大間，成個setting 好chill, 位置係大圍啲橫街比較僻，更加有避世感覺。我地一人叫左一個下午茶套餐連一杯飲品，我叫左個煙三文魚西班牙三文治，用法包做三文治，我中意佢少少硬既口感，蕃茄同生菜都新鮮，煙三文魚好好味而且份量適中，唔係得一塊仔，配埋荔枝梳打特飲少冰，好爽，荔枝味濃，仲有原粒荔枝食。我朋友叫左7成熟紐西蘭肉眼扒，份量就要夠曬都幾大塊，肉質嫩滑，夠曬稔，食扒最驚太韌咬唔開，呢間就煮得啱啱好，配埋蒜蓉汁，超好味啊！蒜蓉炒椰菜做配菜都好味，兩碟都有薯角配茄汁，好味！焦糖咖啡都值得試！推介放工去hea下！

環境不錯, 寛敞, 有情調, 雖然有兩個大電視播緊球賽, 但都傾到偈. 似乎早時段大家都係黎晚餐, 唔係睇波. 一行四人, 叫左兩個SET DINNER, 加兩份鵝肝, 同埋一個PIZZA, 仲有買一送一叫左兩杯啤酒.  前菜一份係CRAB CAKE, 啖啖蟹肉足料, 另一個前菜係PARMA HAM同露荀, 正常味道. 餐湯有南瓜湯, 店員貼心地幫我地兩份分做四份, 抵讚! 另外加錢ge鵝肝多士最有驚喜, 大份得黎, 味道好好, 果真齒甲留香! 主菜有波士頓龍蝦意粉, 龍蝦鮮甜都好好味, 抵食! 辣肉腸蝦PIZZA都唔錯, 有蝦味的蝦! 黑毛豬豬扒好淋, 咬落啖啖肥肉, 罪疚感啊! 係洗水間個門好似lock唔實, 有啲扣分, 需要改善~

聽身邊朋友講大圍都有唔少嘅嘢食，現在除咗有唔同嘅大排檔同埋粥鋪之外，都有啲西式既好餐廳，今日就嚟咗呢間風車。意式薄片刺身帶子日本嘅帶子刺身就食得多啦，意式嘅刺身又真係第一次食！原來刺身帶子都可以做到外國嘅風味。帶子上面配有唔同嘅材料，令到成個菜式甜甜地但係有少少酸味，食完之後開胃左唔少，味道係幾特別嘅。德國腸拼盤（三款口味）呢三款腸都各有特色，每一款都唔同味道，而我最鍾意就係最長果款，腸既外皮煎得好好食，每一下咬落去都係脆卜卜，係三款入面佢唔係味道最咸，反而更得我心。法式燴羊膝羊架就食得多，羊膝都係第一次食，可以話係一試愛上！首先我最欣賞呢道菜嘅原因，係因為廚師煮得佢好淋，基本上你唔使點樣用力切，啲肉都好容易分得開，食落去嘅感覺都好嫩滑。而且佢既醬汁，非常之配合呢隻羊膝，十分驚喜！Strawberry Colada士多啤梨嘅味道唔會太甜，反而帶有一點點嘅酸味，再配合成餐飯，感覺唔錯。Pearl Harbor鍾意薄荷既人，都可以試吓呢款飲品，飲唔之後你會覺得個感覺好清爽。

今日入大圍見朋友，喺大圍火車站附近搵左間餐廳食個lunch。風車環境好chill, 餐廳內燈光比較暗，有bar枱，夜晚食野飲野氣氛應該唔錯。平日lunchtime時間都幾乎滿座。Lunch set主要分為包類同扒餐。大部分$5x - $7x包湯或沙律及飲品，唔洗加一，幾抵食。湯細細個，幾好飲。沙律菜都幾大份而且夠汁夠新鮮啱晒我口味。叫左個照燒雞扒脆豬$76痴線塊雞扒超厚超大塊！！多汁嫰滑！兩塊脆豬都外脆內軟，不過變個成個包好大份，一定係分開咁食好難一口食晒所有野。另外叫左煙肉芝士牛肉漢堡$76塊煙肉煎得好香脆好正。牛肉都多汁。包皮同樣外脆內軟。兩個餐都配大量連皮薯角，好好味。飲品叫左個荔枝梳打（+$12）同凍檸茶。荔枝梳打非常好飲埋單每人大概$80，但我地都坐左成個幾兩個鐘都冇趕走我地，係個唔錯嘅聚會地方。

星期六放工日子，相約幾位很久沒見的朋友一齊到大圍午餐，由大圍站A出口過馬路一直行到見到油站這條街，便右轉，行到尾就見到店面。入到裡面，坐位並不多，燈光較暗，但舒服。由於朋友們未到，所以就有空閒拍吓照片大家到齊後，便各自叫自己喜愛的食物。由於大家很久沒見，來了食物後説個不停，所以食物照片忘記了拍。但我選了西班牙蒜香辣肉腸意粉配蘑菇湯，蘑菇湯湯味濃郁，而辣肉腸意粉就味道一般。店員親切有禮，由於並沒有太多人，能讓我們在店內大聲講，大聲笑，談天説地了兩小時之多。經幾位學者分享了。。。。如何觀察個人行為表現的背後含義、兩性關係及做人應有的態度等等知識後，我的認知真的提高了不少。

今日下午得閒，就跟朋友試咗呢間西班牙餐廳一去到侍應小姐姐就好有禮貌咁請我地入去服務態度十分之好，環境都好有格調🤩我地叫咗一個日式雞漢堡同一碟卡邦尼意粉先上咗餐湯(南瓜湯)同沙律沙律口感好清新，調味微酸，令到成碟沙律好開胃而餐湯亦表現唔錯，有微微既瓜肉係湯入面，又唔會好稀，睇嚟真係落足料卡邦尼意粉配上經典既煙肉同些少洋葱香料一食落去十分滿足味道好濃，真係值得一試👍🏻漢堡既薯角炸得啱啱好，外脆内軟，點埋另上既茄醬真係一流漢堡好大份十分抵食雞排又大件又嫩又多汁配上蕃茄、蛋、菜仲有稍脆既麵包每樣嘢都配合得好好，一定係必食之選最後既果茶唔會無味，亦唔會太甜，十分易入口食晒嘢食再歎杯靚茶就啱啱好！呢間餐廳既價錢親民，食物質素好，而且店員服務態度親切，下次會推薦俾其他朋友再嚟過！

中秋節前約左朋友見面聚舊，佢介紹我食呢間「風車」，距離大圍站大約十分鐘路程。一坐低我地就叫左兩杯mocktail，佢叫Strawberry Colada，我叫左Cool Mint。Cool Mint 真係有成柆荔枝喺入面，加左D薄河葉感覺好清新！又唔會太甜！好睇又好飲。主菜叫左鴨胸沙律，肉眼扒，龍蝦🦞意粉。鴨胸沙律🥗蔬菜好新鮮！加埋沙律醋「酸尾尾」好開胃。鴨胸係去埋皮，好適合注意健康既人食！肉眼扒叫左五成熟，黎到岩岩好！塊扒好有肉味，好juicy，同朋友都食唔停。上面果塊菠蘿都好正！個面有焦糖，外脆內軟，燒得好甜好正龍蝦意粉真係有半邊蝦！仲有膏，未食都知正！上面層芝士呈半溶狀態，見到都流晒口水！個意粉係炒過既 有露筍同蘑菇，都幾香口！