風車

營業中

休息中

其實無論發生咩事食飯總係重要嘅，幾時心情唔好嘅時候更加需要去一個食得舒適 嘅地方。兩公婆冇嘢做最適合就係周圍搵好嘢食😉其實好耐之前都去過一次，但係一路都冇時間再去適逢而家呢啲時勢可以稍為忙裏偷閒就決定再去多次大圍風車。估唔到隔咗咁耐水準唔單止冇退步而且仲好似好食咗特別係佢炸薯角同埋啲雞髀， 香得嚟又唔會過份油膩👍以前食嗰啲薯角食完之後成口都係油，同埋粉都唔知自己食緊乜但係呢一度就細緻好多，係有心去整嘅， 因為佢哋連啲沙律菜都好好食 值得一讚。👍最重要嘅係店內整齊，環境衛生都ok，所以係一間可以放心去食嘅餐廳。

同朋友踩完單車嚟到大圍 又唔想頹食 想搵個有feel嘅地方坐低慢慢傾計enjoy下 見到呢間嘅review好似唔錯 所以決定試吓佢呢間嘅小店比較隱蔽 所以比較靜入到去覺得啲裝修有種好溫馨嘅感覺 再加上少少昏暗既燈光 好岩同朋友/情侶坐低傾計食飯研究左餐牌一輪 最後決定叫白酒煮蜆 西班牙黑毛豬肋眼同阿拉斯加蟹肉餅阿拉斯加蟹肉餅底係烘左嘅蒜蓉包 上面鋪滿蟹肉啲蟹肉好鮮甜 調味岩岩好白酒煮蜆配蒜蓉包不得不說真係好鍾意佢個汁 因為平時好怕會食啲好重酒味嘅嘢 覺得好似會蓋過哂原本食物既味道但係佢呢個酒味啱啱好 唔會太濃 而白酒既香更突顯左蜆既鮮甜🤤可以試吓將蒜蓉包沾少少醬去食 更加有風味黑毛豬肋眼（推薦7成熟！）呢個係今晚最有驚喜嘅菜式 千祈唔好俾佢嘅外表呃到 以為佢係一塊豬扒佢嘅肉質好嫩 一啲都唔乾身 好有肉汁 而且唔會有豬腥味 就咁唔沾任何醬都已經覺得好好味中意重口啲既都可以沾佢配既sauce 味道都好特別 有少少似Pizza上面嘅sauce 同個黑毛豬都夾得黎之餘唔會蓋過佢既肉香今餐好滿意！會推薦比其他朋友

兩個人食，一個叫左set dinner食豬肋眼，算正常但偏貴。我就另外單點一個肉眼扒，呢個先精彩...我叫三成熟，個侍應叔叔答我：「要好生架係咪？」我話：「三成呀，medium rare！」佢再講：「好生嘅係咪？」我咪有話：「係呀。」....然後出到黎，塊扒一睇就知熟到五成都唔止...一切落去，根本就超過七成熟.....成件事好伏，個侍應好似茶餐廳侍應咁，唉，無第二次！

1430左右入到去食lunch，叫左兩個lunch，鹽燒牛脷飯，啲牛脷咸到生到腎石，另外+$15叫多個龍蝦湯，錢多可以試下，唔係就唔建議喇，另外叫左個燒雞豬仔包，塊雞扒又係咸到乜咁，仲要有陣雪藏味...叫左杯生果茶，支飲管仲要有積...，啲味同開支維他生果茶無分別，咁嘅價錢不如去茶記都無咁嬲....真心，啲like係咪買返黎就唔知，但係就一定唔值...伏到中晒槍...PS 食食下又要拖地，啲水彈到我女朋友一腳都係.....

朋友喺大圍附近收工，接完佢放工之後就喺附近覓食。喺附近兜左幾個圈同睇咗唔同食評之後，終於決定試吓呢間西餐廳，個名幾特別叫做風車😆 我地兩個人就叫左佢哋嘅二人套餐，見到包括嘅兩款主菜都幾吸引～-意式田園沙律配煙燻鴨胸🥗首先嚟嘅係沙律前菜 份量比想像中大幾多 裏面嘅沙律菜都幾新鮮 醬汁係黑醋 酸酸地食起嚟好開胃 鴨胸片都有幾多塊 唔錯👍🏻-紐西蘭肉眼扒配焦糖菠蘿🥩肉眼扒可以揀熟度 我哋就揀咗七成熟 對我哋來講剛剛好 肉眼扒都幾大塊 菠蘿亦都好鮮甜 同肉眼扒一齊食都幾夾-波士頓龍蝦意大利粉🍝呢個意粉味道完全超出我哋嘅預期！醬汁好鮮甜好啱我哋胃口😋 意粉配有半隻龍蝦🦞 上半部分原來仲擺左龍蝦鉗嘅肉係入面添 幾貼心 意粉嘅份量同樣係大大份 兩個人食一定夠晒啦～

同朋友約食晚飯，搵到呢間係大圍積存街既餐廳去食西餐正！店內氣氛幾好，幾有feel一坐低，叫完野食，就上左蒜蓉包，蒜蓉包幾好食，有蒜蓉味，熱辣辣、脆卜卜咁 我地叫左個火腿卷，應該係用Parma ham包住蘆筍，其他餐廳平時會包哈密瓜食既，但咁樣食落去都唔錯，幾夾我哋叫仲咗白酒煮蜆 啲蜆都好入味，鮮甜、新鮮，鍾意食蜆嘅人可以試一試仲食左黑毛豬扒，類似泰式既煮法，個醬汁幾正，將豬扒點嚟食，幾好食，豬扒整得幾鬆軟，唔錯既小食我哋都叫咗好多嘢食，仲有個韓式雞球，係用甜辣醬整既炸雞球，新鮮熱辣最後，仲有個肉眼牛扒我最中意食牛肉架啦，牛扒煮得岩岩好，合我心意side dish薯角又脆卜卜，好食！最特別係佢嘅燒菠蘿，連我唔食菠蘿都會想食野飲方面，我地分別叫左三杯：Apple mojito, blue lady 同 strawberry colade味道都ok,不過酒味多啲，中意飲酒可以試下啦

今日黎到大圍諗住搵下有咩食，平時食雞粥都食到悶，咁岩見到雞粥店隔望零零舍舍有間西餐廳，望下個menu都幾吸引，就決定試下，果然無令我地失望😇凱撒沙律沙律菜好新鮮，完全幫我地打開左胃口！入面有芥末調味料、培根碎片、大蒜，面包粒等等！沙律醬吾會過咸或過淡，配埋d菜食岩岩好，開胃爽口！食沙律最重要就係d菜要爽甜，哩碟沙律令我對之後既菜更加期待！法式春雞因為我地兩個慣左夜晚盡量吾食澱粉，叫左兩個主菜都係肉，春雞有小小微辣，但係肉質好嫩滑香口，表皮脆脆地好香口！佢用左椰菜墊底，側邊仲有d番茄仔同沙律！平時去超市法國黄油春雞賣60幾至70蚊一隻，手掌咁上下大，但厚肉骨細，煮上黎鎖住肉汁，真係👍👍乳豬哩個係3樣菜中最出色既一碟，乳豬皮好脆肉好滑，仲有薯條🍟伴碟！一上碟果種好味已經好濃烈🙈一切開d肉汁出哂黎，熱辣辣，火侯控制得岩岩好，比起平時去飲食既乳豬仔真係吾同架🙈🙆🏻‍♀️薯仔濕濕地，相對無咁熱集🔥兩個人埋單差吾多$550，食到好飽🤭地方都坐得好舒服！推介同情侶朋友/一家人黎食都好😇👍

餐廳以「風車」命名，除咗代表歐陸風情外，仲係附近車公廟嘅象徵🙏🏻店嘅正中央掛咗巨型水晶燈，以全黑設計配以數幅超大鏡子，簡單有型😎💗是日餐湯椰菜花忌廉湯質地稀到好似水咁🥦味道完全冇蔬菜嘅清甜同忌廉嘅奶香，而且一d配料都冇。最大問題係鹹到痴咗線，似鹽味嘅奶水多過湯🤮💗醬燒豬扒土耳其三文治($76)土耳其包烤至外層香脆，入面鬆軟有彈性，包面有黑白芝麻作點綴。內𥚃有兩大塊厚身豬扒，肉質較結實但絕對唔係韌，證明冇落鬆肉粉。食落肉味濃郁，富炭燒香🐷配上被熱力迫到半溶嘅芝士同燒烤醬，特別香口惹味🧀再加上清新嘅生菜🥬同蕃茄🍅 中和油膩感粗薯皇炸到外面金黃焦脆，裡內係綿密飽滿嘅薯蓉，好有薯仔味，點埋茄汁仲夠味🥔💗日式照燒雞肉脆豬($76)脆豬包烤至外層卜卜脆，入面軟熟，不過涷咗比較硬🍔雞扒大件厚身，皮下脂肪少，食落唔油膩🥩煎香後肉質都算嫩滑，只係某d位有少少乾🐥最重要係雞扒冇雪味，濃稠嘅照燒汁添加甜味。同樣夾咗車打芝士、生菜同蕃茄，非常豐富💗跟餐飲品即使涷飲都唔需要加錢，分別揀咗奶茶同水果茶🍹

大圍區排首名嘅餐廳🍴，點都要去打探下情況，好評如潮嘅午餐🥣幾十蚊有交易，算是經濟。店員告知多款午餐已經售罄🤷🏿‍♂️，難道真的是人氣旺盛🔥？———————————————————————————🍽醬燒豬排土耳其🇹🇷三文治🥪💬三文治好厚身，勁多料，豬排🥩、青瓜🥒、蕃茄🍅、洋蔥，都樂豐富，配埋沙律🥗同薯角，不錯🤓.🍽香煎龍脷魚柳🐟💬魚柳味道啱啱好，配上牛油椰菜🥬同薯角，已經很飽肚🤓.🗣餐具同水杯比較油，洗得唔太乾淨，清潔衛生要注意⚠️———————————————————————————

意式大蝦薯仔蝦大隻 肉質爽脆❤️❤️薯仔入味，傾向中式口味，味較濃❤️❤️❤️2.德國腿併盤三種腸，粗白腸(香草腸)肉汁多，輭硬適中。紅腸(smoke)較實肉，但肉味濃。向店員取了介醬，腸肉味道生色不少。3.羊柳卷羊肉卷，基本是將羊肉裁剪成條狀，不過，肉質算嫩。店主好細心，枱上預備了黑椒自己加，加了之後，味道提升不少。羊肉可能處理過，沒有羊so味，較適合怕so的人。薯蓉卻有驚喜，牛油味超濃，入口香滑！

大圍真是一個好地方❣️每到晚上都有很多餐廳在營業,還有很多不同種類食肆選擇很不錯😆原本和朋友一起找個吃東西談心的地方,見到網上評論不錯就試試🤭環境有情調很舒適💫選擇了二人套餐價錢不貴很抵食👍意式田園沙律配煙燻鴨胸🌟鴨胸肉質嫩滑加入黑醋酸酸甜甜很開胃！龍蝦湯🌟味道很濃郁鮮甜加入滿滿龍蝦肉口感豐富很好味😋紐西蘭肉眼扒配焦糖菠蘿🌟牛扒七成熟很岩好,牛味濃郁肉質鮮嫩多汁加菠蘿一起吃可減少油膩感,很有驚喜的味道推介👍波士頓龍蝦意大利粉🌟龍蝦新鮮大隻肉質爽口彈牙加上濃郁芝士真是絕配很邪惡😍,意粉軟硬適中食落較為乾身。是日甜品椰汁蛋糕🌟椰子味香濃甜度適中令我一口接一口好味道😋水果茶🌟

今日約左住大圍既朋友食飯，佢推介左食呢間餐廳。餐廳除左係食西餐，都亦係一間酒吧，不過意外地發現佢啲menu原來都幾正。環境方面，樓底都幾高，座位夠晒闊落，環境幾有氣氛。食物方面，我地2個人點左前菜白酒煮蜆。熱辣辣，而且白酒味強，蜆肉無沙同有肉。主菜方面，我地點左黑毛豬同羊膝~羊膝煮得夠淋身，有羊肉味之餘又唔會太騷，岩晒怕羊騷味既朋友。另外，黑毛豬都係推介的。黑毛豬肉唔會烤到太乾身，咬落口仲會食到肉汁，而且配合埋佢跟餐個醬汁，味道真係好唔錯!

風車 (大圍)-對於少黎大圍嘅我來講，難得嚟到就梗係左搵搵右搵搵，發掘下有咩好野食啦🤪 晚飯時間見到呢間bar and restaurant 感覺氣氛又幾好，就吸引咗我入去了-🔍 牛魔王重量級肉眼扒 $328最鍾意食牛嘅我一見到牛魔王重量級就梗係即刻叫咗啦😋 果然係重量級嘅牛魔王扒，份量係二人或以上，肉眼扒好厚身，今次叫咗五成熟，切出嚟好juicy🤤 不過今次呢塊肉眼扒偏瘦，對於冇咁鍾意食肥膏嘅我來講可以話係啱啱好，不過可能對於有啲鍾意半肥瘦嘅人來講就可能覺得口感差咁啲了～ 薯條係厚身薯條 🍟😍 新鮮即炸，而且鹽味亦都夠，就算唔加茄汁亦都好正😋🔍 香煎鵝肝配焦糖蘋果 $139鵝肝外脆內軟，入口即溶，油份足夠，但又唔會太膩，可以話口感啱啱好🤤 （因為平時食鵝肝成日都會覺得好油膩...）再加上佢配埋焦糖蘋果，減輕佢嘅油膩感就更加清新😋🔍 意式炒大蝦薯仔 $99呢個菜式覺得最出色就係佢個醬汁😋 有少少龍蝦汁嘅味道，份量唔算多，但整體配合醬汁做一道小菜就好出色😋 作為主食之前的一道菜就最Perfect了！-📍 風車 (大圍)大圍積存街50號葵偉樓地舖

早幾日陪朋友拎左架車去大圍整難得過去大圍梗係要睇吓有咩好嘢食😁行過條街見到有個寫住「Windmill風車」既招牌，好似好神秘嘅感覺😁 停底睇下原來係一間西餐酒吧小店，又幾得意wo😎所以就入咗去試吓！餐廳裝修帶有一點簡約歐陸風，仲有盞吊燈😀 雖然店舖唔算好大但樓底都算高有空間感，都坐得幾舒服！見到餐廳都有買好多唔同種類嘅啤酒🍻都幾吸引！但因為朋友要揸車嘅關係所以大家都沒有order酒飲，確實有點小可惜～ 至於晚餐menu ，有分bar bite, Appetizers同Main等等. 以小店來講都算多選擇！我地叫左三款唔同食物，分別係蒜香一口牛、白酒煮蜆配蒜蓉包同埋 西班牙脆皮乳豬配彩椒汁！蒜香一口牛一上到枱已經聞到勁香😍 呢個一口牛既蒜香汁好濃好惹味，我個人好喜歡呢種蒜香味所以食唔停口！牛肉煮得也剛剛好，無overcook，不錯👍🏻白酒煮蜆配蒜蓉包呢個菜式既蜆都幾大隻幾新鮮，隻隻都有蜆肉！佢個汁煮得唔錯，唔算好濃所以不停食都唔覺得有好膩嘅感覺！呢個菜式既重點其實就係要用蒜蓉包點過汁一齊食😍佢哋個蒜蓉包焗得幾好，好香好脆口，又夠蒜蓉味👍🏻！西班牙脆皮乳豬配彩椒汁呢個脆皮豬，同我平時喺出邊

我係睇左OpenRice 食評見到368個，先很期待黎試呢間餐廳，我叫左個$398兩人套餐，前菜同甜品都唔講，因為普通到不能形容，主菜係龍蝦意粉中肯講句係味道還可以，但一定唔值原價$179，因為佢質素同食大快活差唔多，另外主菜係肉眼扒，佢係我見過最薄嘅肉眼扒，佢仲可以薄過西冷，而且我明明叫5成熟，佢薄到得果1cm 厚度煎到又鞋又韌，成餐飯食完真係好伏，講真價錢一啲都唔平，希望大家唔會為睇到咁多好評黎中伏🤬🤬🤬🤬