風車

營業中

休息中

大圍係其中一個美食林立ge 地區，今次試左風車西餐廳💓流心藍芝士牛肉漢堡佢個漢堡幾厚，同埋中間有流心藍芝士， 非常鹹香💓 跟餐除咗有沙律配菜仲有啲蕃茄同薯條👍🏻風車早餐All day breakfast 有牛角包， 煙三文魚，德國腸，炒蛋，煙肉同沙律菜，仲有南瓜餐湯👍🏻 清新得黎你唔會好油膩👶🏻飲品叫咗熱奶茶同青蘋果茶，唔係用茶包沖，幾香👍🏻餐廳嘅裝修用心，坐得好舒服， 幾適合同三五知己聚舊吹水🩷🩷🩷

今日天都未黑就好肚餓見到風車個名幾特別，又係餐廳，又係酒吧，就決定試下啦門口仲有好多酒見到個餐牌，有幾款食物都心思思但係得2 個人，唯有叫一款小食同埋2 個主菜啦首先食個bb 鴨蕃茄莎莎生菜包先沙律菜好新鮮爽口， 個汁加埋蕃茄粒，同鴨肉都好配，食完成個人都開哂胃鴨肉都好嫩滑之後就到菠士頓龍蝦意大利粉開邊半隻龍蝦，個面既芝士焗到金黃色，見到都流哂口水龍蝦肉焗得岩岩好，佢連個鉗位都拆左肉，放埋入去一齊焗，好有誠意👍🏻👍🏻個意粉用左龍蝦汁，加埋菇同蘆筍一齊炒，意粉都好彈牙，個汁調味岩岩好，唔會覺得咸最後，就食埋個煙肉雞卷啦雞肉好滑，中間夾埋個煙肉，可以增加個香口感，佢個沙律菜同車厘茄都好新鮮，配上一個酸酸地既汁，又係好開胃我地今次冇飲到酒，下次要再黎試佢既啤酒先🤭🤭

一入到嚟，就被巨型水晶燈吸引住，再加上輕快的音樂，好適合同朋友談天說地🤩今日係同老公拍拖仔，2個人就叫左2人套餐 $428🥗意式田園沙律配煙燻鴨胸肉沙律汁係黑醋汁，好開胃，煙燻鴨胸咸咸地黎好有煙燻味，又唔好鞋，好味😋🫕餐湯都有兩款的選擇，分別係龍蝦🦞湯和粟米🌽忌廉湯，兩款湯都好足料，你會食到蝦肉粒。🍝波士頓龍蝦🦞意大利麵🤤真材實料，有半個龍蝦，龍蝦上有加左芝士黎焗🥩紐西蘭肉眼扒配焦糖菠蘿🍍（7成熟）醬汁好惹味為肉眼扒加添味道👍🏼之後再食埋焦糖菠蘿🧁白朱古力蛋糕最後一道係白朱克力蛋糕，好完滿🥰另外一提，大家可以係門口的位置見到貼滿晒餐牌，原來係有做早餐、中午和下午茶，價錢比晚餐仲便宜。

大圍油站對面有好多食店選擇，我同朋友平日夜晚係附近搵到呢間西餐店，門面裝修已經同其他食店與別不同，是說明他們做西餐的心意。入到門內既格局亦甚為獨特，已經多年無見過如此堂皇既水晶燈擺設懸掛係天花啦，樓底頗高，唔會令人感到侷促。兩個人，一份前菜，兩份主食，共三份食物，份量剛剛好。意式田園沙律配煙燻鴨胸 $89沙律方面，只要係食材新鮮其實就已經好ok, 所以呢道沙律🥗亦無咩挑剔😀波士頓龍蝦配意大利粉$189黎到主菜，呢道係我特別期待既食物丫！見到好多食評都讚👍🏻！果然龍蝦大大隻，長過我隻🖐🏻呀，有濃濃cream蓋滿龍蝦表面，大大啖肉呢😌意大利粉🍝就中規中矩，整體來說亦是不錯！烤露荀煙肉雞卷$199愛肉之人要食，雞肉與煙肉捲埋一齊，襯上sauce, 咬開啲肉汁好juicy！不過話就話啖啖肉，伴菜亦好有心思，會有沙律菜均衡返，同埋有薄片焗薯襯底，令成道菜既口感、肉菜比例平衡返。

大圍成日都有好多隱世小店，之前已經試過突登去食一日。今次再去大圍見時間尚早又想靜靜啲，所以搵咗間bar and restaurant嘅餐廳試下。入面座位闊落，唔止坐得舒服，連食物質素都超出預期 (p.s. 本身諗住bar嘅主菜正正常常都唔錯) 🙈。🚩三文魚凱撒沙律 $99沙律都幾大份，食得出啲菜好新鮮，三文魚都有幾大塊，好足料。真心食完個沙律都飽咗一半。🚩西班牙脆皮乳豬配彩椒汁 $229呢碟乳豬都算大件，平時食德國菜式好多時都係得幾舊仔。乳豬皮非常脆口，而且半肥瘦，所以口感好嫩滑。另外佢配搭嘅彩椒汁好夾。雖然配菜係薯仔唔係酸菜，但唔會覺得好漏要用酸菜去配搭，反而薯仔仲夾仲好食。🚩芝士大網菇黑松露意粉 $179通常黑松露意粉好靠個汁，佢個汁調教得啱啱好，好creamy，大網菇好多汁好juicy，仲要又係大大份，好彩👦🏻好食得咋🤡。

今日同朋友喺沙田踩完單車，嚟到朋友介紹嘅西班牙餐廳 - 風車。餐廳嘅佈置充滿格調，中間有一盞宮庭水晶燈，而且座位寬闊舒適，啱曬同三五知己過嚟食嘢傾偈。首先出場嘅係意式田園沙律配煙燻鴨胸，煙燻嘅鴨胸肉質嫩滑，配上新鮮嘅沙律菜，雖然配搭簡單，但係味道清新，口感層次多樣。之後到今晚嘅主菜波士頓龍蝦意大利粉，龍蝦嘅肉質彈牙配搭蘑菇、洋蔥同埋蘆筍等嘅食材，加上煙韌嘅意粉，味道鮮味濃郁。跟住出場嘅仲有西班牙脆皮乳豬配彩椒汁，乳豬皮脆肉滑，同平時食嘅爐燒乳豬完全唔同。脆皮乳豬既皮又脆又薄，而脆皮下軟軟嘅乳豬肉，口感豐富。碟上仲配有乳豬醬同彩椒汁，可以一次過試曬兩種唔同嘅味道，加埋伴碟嘅薯仔，好好味呀！另外，我哋仲叫咗玫瑰咖啡 ，淡淡嘅玫瑰花香同咖啡嘅味道，為晚餐畫上完美嘅句號。

大圍積存街有好多小菜館，晚上非常熱閙。路經此地被一間叫windmill的餐廳吸引，酒吧格局，有一個full menu，啱晒想食野，睇波、同飲下野既客人。餐廳有別緻嘅水晶燈🥰🥰意式田園沙律配煙燻鴨胸$89鴨胸味道唔錯，沙律份量都唔少，沙律有紫洋葱，帶出點點辛辣及甜味，十分開胃！🤤🤤芝士大網菇黑松露意粉$179芝士有拉絲，正呀！菇的香味都幾突出！黑松露不會太搶風頭，各樣食物配答平均😘😘😘烤露荀煙肉雞卷 $199雞肉嫩滑，與煙肉融合，好夾！配菜芝士忌廉焗薯，好好味！是日最愛😍😍😍😍Asahi $55 (happy hour )夠凍，較簡單既日本啤，直接！1664 $55( happy hour)夠香，帶花香，較淡口，大愛！有啤酒介紹，慢慢揀，仲有cocktail…烈酒等，慢慢揀🥰🥰酒吧happy hour 直至9:00pm. 捉住這個歡樂時光既尾巴，每人叫返杯先😜😜星期日晚有一家大細開開心心係度用餐，座位舒適。是一間食物質素唔錯既酒吧、食飽再飲過，要讚係食物不會太咸，隨客人喜好，提供黑椒及海鹽讓客人自行調味。座位算舒適，整體給人relax 的感覺😌😌

風車位於大圍美食林立嘅積存街，未食之前已經覺得質素有一定嘅保證～試咗幾款菜式，果然高水平！推介以下幾款招牌菜😋🍽️西班牙脆皮乳豬👍🏼👍🏼👍🏼👍🏼外皮燒得好脆，鎖住肉汁入面肉質鮮嫩彈牙。最正係加埋個醬味道非常配襯～份量都相當足夠同朋友或者另一半happy share~🍽️大蝦薄餅👍🏼👍🏼👍🏼👍🏼另一道非常受歡迎的菜式，薄餅上配有新鮮的大蝦，蕃茄和香草，蝦味好鮮甜😻薄餅的餅底脆卜卜，口感一流～鍾意薄餅同埋海鮮必點！🍽️煙三文魚沙律👍🏼👍🏼👍🏼👍🏼非常清爽的菜式，食完十分開胃！番茄同生菜味道清新，smoked salmon 都算幾多，好足料！最緊要係啲用料新鮮夠fresh~餐廳的裝潢現代簡約，氣氛舒適，是一個適合與家人或朋友聚餐的好地方。餐廳的價格屬於中高，但係物有所值。侍應提供專業的建議和服務，讓客人感到賓至如歸。整體來說，大圍風車是一間非常值得一試的餐廳，如果你鐘意西班牙菜和創意菜式，不妨來這裡一試。

今晚黎開大圍，上openrice search左一陣，揾到間近大圍油站既西餐廳🤭🤭🤭🤭一入去見到勁大支水晶燈（都係網上見到唔少好評）睇左陣menu , 我點左個沙律🥗同乳豬🐷試下乳豬份量比較精緻，但味道真係唔錯……店鋪位置算開揚唔難揾大大支水晶燈，仲有得掟鏢，餐廳有啲酒吧feel~…..主菜乳豬，其實幾好食，墊底既薯仔片都吸左乳豬🐷既油，所以特別好食🙈🙈下次有機會會想試下個扒，望落都吸引既

今晚同老公係大圍揾食，揾下睇下有無啲有情調既西餐廳撐枱腳，係近大圍油站附近有間有水晶燈既酒吧西餐廳，即刻入去試下😍門口裝修有格調👍🏻一入去見到靚靚既水晶燈🥰心情即時開心哂😍價錢相宜，唔係話好貴👍🏻👍🏻今次我哋點左一款沙律，一款前菜同一款main dish😍頭盤：意式田園沙律配煙燻鴨胸（$89）鴨胸入口充滿煙燻香味，沙律菜🥗配以醬汁，酸酸的，加上好fresh既沙律菜及車厘茄，配搭好新鮮，打開哂胃口呀😆醬汁都唔少，唔會話乾爭爭咁😆Pasta: 芝士大啡菇黑松露意粉（$179）意粉爆汁程度睇相都好震撼🙈，意粉相當掛汁！食落除左濃烈既黑松露味道，仲有淡淡好香既蒜蓉味，配搭都唔錯，好食到汁都食埋🤭大啡菇切開好厚喔❤️主菜：西班牙脆皮乳豬配彩椒汁（$229）呢個我極力推介！乳豬皮脆！食落口加上乳豬原有既脂肪，超夾！加上彩椒汁，為乳豬更添一份層次👍🏻乳豬底係新鮮薯仔切成片，吸左乳豬味道，好好食啊！小店仲有其他食物都仲想試，下次要再來啊！

諗住今日放假去車公廟，順面搵下好野食。比我搵到一間幾高質既餐廳，餐廳離地鐵站5-6分鐘，唔算難搵。入到去比頭上既水晶燈吸引眼球，而且牆上面有飛標，夜晚應該係比人聚腳摸酒杯底既好地方！叫左兩個餐，一個all day breakfast,一個茄汁大蝦炒意粉，另外再一個沙律同磨菇湯。All day breakfast 好大份，有三大塊煙三文魚同黑松露炒蛋。煙三文魚見到有小小魚油光，好新鮮👍🏻黑松露炒蛋亦炒得剛剛好，唔會太熟！而茄汁大蝦炒意粉好驚喜，首先一上台已經熱到出煙，入面加入新鮮蕃茄去煮個汁，再加上洋蔥同菇提升鮮美。大蝦亦好彈牙，新鮮足料！！👍🏻值得一讚！飲品方面，點左一杯焦糖咖啡，一杯玫瑰咖啡。兩杯都做左拉花，打卡一流！飲落都唔會太甜，下次可以再試鮮奶咖啡！👍🏻

今日去車公廟拜神，順便係大圍食個Lunch先😆想食西餐飲咖啡就比我搵到呢間😍叫左個午餐同漢堡餐🍔法式龍蝦湯+$15成日見到龍蝦湯🦞都忍唔住轉🤭好濃郁好好飲～可以自己加啲黑椒更香🥰-Winamill All Day Breakfast $92(黑松露炒蛋、紐倫堡腸、煙三文魚、牛角包、蕃茄及田園沙律🥗最鍾意食All Day Breakfast乜都有唔洗諗😂黑松露炒蛋半熟仲好香黑松露味👍🏻紐倫堡腸好彈牙～牛角包焗得幾鬆脆煙三文魚夠鹹香😋-田園沙律沙律酸酸地好開胃-流心藍芝士牛肉漢堡 $79包夠鬆軟一上枱藍芝士好流心😍牛肉唔會鞋👍🏻啲薯條夠粗，岩岩炸起好食可以自己加鹽😋-泡沫咖啡、鮮奶咖啡 +$12好香咖啡味都算唔錯👍🏻加$12呢個價錢都好抵～-佢地張凳有加椅套污糟左可以就咁椅套都得感覺上好乾淨🥰

今次嚟大圍，踩完嚟單車食個靚西餐。呢間聽朋友講過話高質，環境又舒服，既然咁岩附近就試試。首先門面裝修好有外國西式餐廳嘅氣氛，有宮廷感覺，但店員嘅服務俾到你果種小型家庭式溫馨味道，好親切水晶燈好靚，座位亦舒服今日係叫set。首先係頭盤蘆筍巴爾馬瑪火腿沙律&意式肉腸炒大蝦蘆筍爽脆，火腿味道配合沙律好清新，唔會太過鹹😍大蝦大大粒，鮮味足夠，蒜香濃郁，下面嘅香腸味道配埋沙律剛剛好，口感豐富之後主角啦，分別係烤蘆筍煙肉雞卷 和 紐西蘭肉眼扒配焦糖菠蘿先講雞卷，份量大大份，保證啖啖肉😊 佢肉質係好嫩滑，而且多汁，冇諗過雞卷可以做到呢個效果。裡頭包住d 火腿同芝士，非常有層次感之後就係肉眼啦~睇睇d色澤，叫左5成熟，程度啱啱好，味道香濃肉質嫩滑，呢道菜嘅另一主角都唔好忘記，焦糖菠蘿絕對有驚喜，一咬落去係焦糖脆，配合烤熱咗嘅菠蘿有甜而不膩嘅感覺仲有是日餐湯，南瓜湯，清甜濃郁。非常滿意~感想： 大圍算係比較小行嘅地方，一嚟到發現呢度好有日本感覺，周圍都係特色小店，各有建築特色。食物選擇更加唔洗講。 呢間餐廳絕對係係呢個森林裡比較突出嘅一棵樹，各位嚟到想食西餐嘅，佢絕對值得一試！

是日星期六，訓到晏一晏就去食個Brunch!記得呢間餐廳有all day breakfast，一於試試佢！餐廳我地點容易搵，店名都幾突出！望望餐牌，分漢堡同午餐餐牌！價錢唔算貴，包餐湯or沙律&餐飲!!叫咗個風車鑊仔早餐$92跟玫瑰味咖啡+$12 & 流心藍芝士漢堡餐$79跟熱水果茶！兩個餐都要沙律！落單後3分鐘後送上兩兜沙律，份量好大！有車厘茄配黑醋！好清新！過多一陣，兩杯餐到送上！玫瑰花味咖啡有拉花，雖然圖案唔算突出，但勝在味道搭夠！飲落有淡淡玫瑰花味，不錯！👍熱水果茶，好香，唔會太甜，夠熱！推介大家飲！過多陣，風車鑊仔早餐同漢堡包都送上！風車鑊仔早餐有沙律，兩片煙三文魚，兩片煙肉，一條德國腸，一堆黑松露炒蛋，同埋一個細嘅牛角包！未食嗰陣仲擔心唔夠飽，點知食到2/3就覺得好足夠😹真係眼大肚窄！黑松露炒好香！值得一讚嘅係煙三文魚唔咸好食😋唯一要改善嘅係牛角包唔脆🙈至於漢堡包！一上枱就覺得好足料！除咗有沙律，仲有薯條！滿足晒兩個慾望！真是why not both! 🤩🤩薯條夠香脆，沙律，夠新鮮！漢堡入邊舊牛肉食得出係手打！唔係喺出邊買返嚟加工，抵讚！入面藍芝士真係流心，味濃！啱晒鍾意食

比起周圍嘅大排檔同中菜 呢間餐廳望落更吸引我🤤集餐廳同酒吧於一身餐廳好有格調 好大個水晶燈 兩部電視一部喺度播歌 燈光昏暗感覺幾舒服 同朋友黎吹下水睇下波應該幾正🤭餐廳更設有自選套餐及二人套餐 價錢較優惠前菜BB鴨番茄莎莎生菜包唔錯 鴨肉好嫩 蕃茄莎莎幾開胃 底層仲有啲好似韓式辣醬嘅醬汁 帶少少辣味 唔錯阿拉斯加蟹肉餅好出色😍蟹味超出 咬落好鬆軟 而且底層面包唔會好乾同硬👍🏻好易入口西班牙脆皮乳豬好好食 皮唔會好厚 而且燒得好香肉質好嫩好濕潤 唔點汁都好好食 本身醃得好夠味 超多肉 難怪餐廳咁推呢道菜式🥹炸魚柳就食得多 啤酒炸魚都係第一次😋魚炸出黎金黃色好靚 而且都幾大份切開脆皮魚肉非常濕潤嫩滑👍🏻而且好夠味 薯條亦炸得好脆搵日下次第二日放假再黎食飯飲酒!🤤