韓餐

營業中

休息中

難得門口冇人就碰下運氣，好彩入面有張有人剛走的枱.看了一會餐牌，又看了周圍，感覺比較多人叫鍋物，於是就將方向集中在鍋物，看到了人參雞鍋，想起了以前去過一次韓國，都只是吃了個烏雞鍋，不如這次就試人參雞鍋飯. 而且午餐不用加一，叫個貴一點感覺像划算一點🤭由於都肚餓，先上來的芽菜都被我掃光了. 人參雞鍋是滾著上來，我看到牠很熱血沸騰都不敢掂牠，直到牠冷靜下來才敢用匙羹滔一口來喝，不錯，雞亦很嫩滑，湯入面都有糯米，所以加埋我枱上那一碗飯，結論是吃不完，還好雞都被我吃完了，但飯剩了1/3，坐我對面的女子應該是吃棘海鮮鍋，她也吃不完那碗飯，總結人參雞鍋不錯可以試.這店暫時只收現金，大家要留意.

見到香港仔開咗間新嘅韓國餐廳，滿心歡喜去試吓，裝修都算OK，一入到去聞到燒肉味真係好香，真係好期待。但係我哋今日唔打算食燒肉，最後叫咗炸雞半份，年糕拼紫菜飯卷同埋豬肉石頭鍋飯上咗四款前菜，都算大份，味道一般，但都唔算難食炒年糕拼紫菜飯卷：真係極度失望，個年糕質地都算OK，唔算太淋唔算太硬，但係佢啲味道真係搞唔掂。啲醬料配埋嗰啲芝麻，我第一條食就已經覺得好似街邊食緊腸粉咁，佢啲醬係好多，但係唔好味，年糕份量好少，菜份量較多，但整體都係好細碟。啲菜係爽口，但係一啲都唔香口，完全唔係炒出嚟嘅味道。應該係我食過最難食嘅韓式炒年糕。個飯卷好普通，唯一好啲就係點飯卷嗰個汁OK好食豬肉石頭鍋飯：成個飯就係靠嗰支好似腸粉嘅辣汁去自己調味，本身係一啲醬都冇，個豬肉應該完全冇醃過，成個飯個味好單調，一D都唔好味炸雞：呢樣已經係相對最滿意嘅，因為係剛剛炸出來，都算Juicy，但係好明顯唔係韓式炸雞，似係茶餐廳炸雞，但係味道比茶餐廳炸雞更加淡，都係嗰句，唔係難食，但完全唔係好食服務算係OK，因為我哋早黎，所以食物先上得好快，但係之後見到其他食客陸續都有漏單，同埋送錯枱嘅情況出現。我諗我都唔會試埋佢嘅燒肉，真係

第一次幫襯，晚市堂食，7點幾入坐，幸好不用排隊就有得入坐，有分燒肉不燒肉位，我地3大一小，叫了一碟燒牛肋骨肉條，一碟雞，牛肉石鍋飯，紫菜飯卷，炸雞。價錢可以接受，平均百幾蚊一樣。食物都算係熱辣辣。炸雞分量多，抵食，食唔晒仲可以打包，最好自帶外賣盒，否則要比多2蚊盒同袋錢。雞夠熱，好重油分，噴晒落件衫。紫色飯卷一般，啱小朋友食。牛肉石鍋飯味道一般，肉冇味，勝在底有飯焦，下次可以試其他。燒雞肉一般，麻麻地，冇特別。燒有醃料牛肉肋條幾好👍🏼唔錯，可以再試，唔un口，一份有2條，抵食。

朋友介紹，試一試，由於6點到，有點靜，裝璜有點去了韓國嘅感覺，態度OK，沒有推介，先來4碟前菜，OK喎，我點了牛肉鍋飯，辣炒年糕，海鮮煎餅，都好味喎，剛剛好，又唔貴😋，下次可以試下韓燒，五花腩睇落不錯😋😋😋

14/01/2023我同朋友去試吓香港仔新開嘅韓餐食晚餐。我哋等咗10min就可以入座。入到去環境一般，服務員態度都算有禮貌。但餐具就污穢咗啲，而且仲油淋淋，洗得唔夠乾淨。 仲有啲食物殘渣黐住 係個碗碟上未食就已經打咗折扣，跟住同服務員講，好彩佢都有禮貌地幫我哋換返啲餐具。後來， 諗住用餐之前去一去洗手間洗手。點知個洗手間竟然係沒有梘液洗手的，那麼，員工們用厠所後双手有沒有清潔乾淨都成問題，食物嘅衛生真係不感想象啦此外，洗手間還發出一大陣尿押臭味添。 感覺極度唔掂！竟然新開張都已經係咁。我叫咗雪花牛同埋牛肋骨肉，份量比較少，味道麻麻，冇乜牛味！牛肋肉好似一啲切出嚟唔要嘅肉咁另外再加一個豆腐海鮮湯，這個味道尚算可以。

香港仔算係有齊各式各樣嘅食肆，中、西、日、韓和泰都有，有連鎖店，亦有小店。之前有間開咗好多年嘅韓國餐廳結業後，只有間連鎖店食韓國燒肉，宜家舊街開左間韓式小店，又可以有多一個選擇啦！我哋星期日嚟食lunch, 間舖剛剛開，店內座位不算太多，所以都等咗十幾分鐘先有位入座。可能新開嘅關係，老闆和職員有啲混亂，不過最緊要嘢食ok. 我哋試咗3個lunch set, 軟滑豆腐湯飯, 人參雞湯和石鍋豬肉拌飯。當日凍凍地，三個餐都熱辣辣，好暖身，好啱冬天食。味道方面都唔錯，有少少地道口味，唔重味精，唔似連鎖店嘅味道。特別係人參雞湯，湯味好濃，隻雞幾滑，份量又足，有半隻雞，夠晒食。Lunch 唔收加一，3個set剛好二百蚊，價錢都算ok.