韓閣 (新都城中心二期) (已結業)

入到去就有啲壁畫，感覺都似韓國小店。我最推介係芝士拉絲豬仔脾，慢慢見到唔同種類芝士一齊溶，再放豬仔脾上去捲埋一齊食，係想像唔到夾，同埋豬仔脾啲肉都唔係鞋。炸雞，我嫌粉漿太厚，個韓式辣漿唔辣，雞亦唔特別juicy我基本上九成都會叫人蔘雞湯，佢呢間不過不失，雞都係煲到爛晒，但湯唔夠濃，不過啲糯米索晒湯汁同雞味都夠正，但佢好似無蒜頭囉！><

韓國嘢食不嬲係我嘅至愛，今次同朋友去咗試【韓閣】。Order咗牛骨蘿蔔湯、玫瑰珍露雞翼、蟹三式石鍋飯，小食叫咗鮮蝦帶子脆春捲、黃金帶子。😆個牛骨蘿蔔湯真係好值得推介，入面d牛肋骨肉炆到好淋好正好好味，而且蘿蔔亦都索曬味，絕對係推介之選。😋玫瑰真露雞翼就好特別，有濃濃嘅玫瑰香味，而且甜甜酸酸賣相又靚絕對係打卡之選。😋韓國嘅石鍋飯一向都係我嘅喜愛，今次嘅蟹三式分別有蟹肉、蟹子、同埋蟹膏，撈埋特製韓國辣醬，同埋蘿蔔絲青菜等等配料，一啖有唔同嘅口感絕對令我食到停唔到口。😋而小食黃金帶子同埋鮮蝦帶子脆春卷就新鮮炸出嚟熱辣辣，點酸辣醬食，鍾意食炸物嘅朋友都唔會錯過。 😋最緊要依度每樣嘢都抵食，所以都keep住好多人排隊。👍

【韓閣】是荃灣區人氣韓式食店，今年七月進駐將軍澳新都城商場。小店裝潢走工業風，餐牌選擇非常多元化，加上價錢親民，沒有加一服務費，深受附近居民或年輕朋友歡迎。入座後隨即送上前菜2小碟，分別是涼拌黃豆芽及涼拌小黃瓜。店員給我們一個QR code，可自行點餐。作為芝士控，"芝士岩漿炒飯"當然不能錯過。炒飯以熱辣鐵板奉上，飯置於中央，外圍是滿滿的熱溶芝士，拉絲度高。炒飯可選辣度，配料有泡菜、豬腩肉、雞蛋及洋蔥，酸酸辣辣配上邪惡的芝士，也不覺太膩。新品"玫瑰糖真露醉雞翼"包括3隻雞中翼及3件雞膇，雞翼以韓國真露燒酒烹煮，再加上玫瑰花蜜糖醃製，吃下甜美中帶淡淡酒香及花香，味道獨特，值得一試。每枱可以特價享用小食2款，"紫菜粉絲卷"以紫菜捲著粉絲炸成，彈牙惹味。"流心芝士條"以魚蛋包裹芝士，外皮炸得酥脆，內裡芝士分量不多，雖與預期中有些分別，不過只售$12倒也沒甚麼投訴。飲品點了"菠蘿可樂冰"及"紅豆抺茶牛奶"。菠蘿可樂冰大大杯，菠蘿沙冰中倒插著原樽可樂，不但解渴打卡亦一流。抺茶牛奶的茶味不算濃厚，不過紅豆煲得軟淋起沙，整體不俗。

韓閣將軍澳開分店 逢星期一至五1430-1800下午茶 唔加一 仲有為隆重開幕而有既優惠多羅羅 幫襯時留意下餐牌 睇下啲優惠啱唔啱你喇地方闊落 侍應好好禮貌 坐低冇耐就上咗前菜 係醃蘿蔔同螺肉落單嗌咗 T01 炸雞特餐($102) 入面有炸雞半隻 醬汁方面有三種 揀咗甜酸味、蟹肉田園沙律拼香草薯條 跟2杯野飲L01 牛肉石鍋飯($48) 跟前菜一款及甜品、熱飲或例湯首先上場既主食係牛肉石鍋飯 侍應細心地俾咗兩份碗筷我哋 知我哋share食石鍋飯份量好好 餸夠多 拌完飯之後啖啖都有餸食到 唔會有齋飯冇餸既情況出現 牛唔老 石鍋夠熱 辣到有少飯焦又唔會燶 加埋韓式辣醬 好味見我哋食得七七八八就上炸雞特餐 炸雞皮脆但肉乾 冇juicy 脾位較好 甜酸醬汁幾好味 薯條份量幾大食完寫食評先發現 佢冇俾到T01入面既蟹肉田園沙律同L01既甜品我 Sad

未去到韓國喺香港食住韓閣先啦🥘傳統泡菜煎餅($62) (🍚9/10)推介❗️煎餅煎到外脆內軟厚薄到啱啱好，而且又唔會太粉，係有咬口嘅口感。配料十分充足，每一啖都會食到泡菜，味道十分有層次調味亦都剛剛好，唔會太鹹亦唔會太酸，重點係呢個煎餅食第2第3塊都唔會覺得好油膩，推介！🍲部隊鍋($98) (🍚8.5/10)推介❗️鍾意食辣嘅朋友就啱晒啦！而且裏面有好多配料，包括牛肉、五花腩、雞肉腸、韓國午餐肉、年糕同泡面，啱晒大胃王嘅你！重點係部隊鍋個湯底超級美味！有辣度又唔會太鹹，可能因為用嘅泡菜都唔會太酸所以整出嚟嘅所有食物味道都啱啱好，而且食完都唔口渴嘅情況。韓國餐廳來講佢呢啲湯食可以叫做好好味！但個人認為價錢比起其他菜式有少少貴。🌯炸粉絲卷($8) (🍚7/10)雖然係新鮮炸起，但略嫌入面剩係得粉絲冇其他配菜，而且粉絲調味較淡，所以成個卷主要得紫菜味，但係因為只係$8如果你有quota可以一戰！🍲傳統泡菜豬肉湯 ($52) (🍚8/10)推介❗️呢個泡菜豬肉湯有海量既豬肉，而且豬肉都好淋，完全係冇牙都食得！可能因為配料充足，成個湯嘅味道啱啱好，調味滿分飲完都冇口渴而且好惹味，係一飲想再飲嘅味道！裏

亞之媽炸雞蜂蜜牛油味炸雞 半份 $118炸雞係即叫即炸 嚟到拎起嗰陣仲超級熱 係搣開都會出煙嗰隻🤣 雞唔會炸得太熟 入邊嘅肉仲好滑 但隻汁就比想像中有浸怪味 不過食落口都還可以 只不過太甜同太杰一口蝦餅 $9流心芝士條 $12佢有優惠每台可以用優惠價叫兩個小食 流心芝士條幾好食紫菜肉鬆蛋捲 $52 呢個就有少少失望 因為嚟到嗰陣已經過熟 所以啲蛋少少鞋因為太肚餓所以就唔記得咗影相😂

之後係荃灣都有食過韓閣 對佢地既印象都好好 又抵食又好味道 今晚我哋就試咗寶琳分店 座位比荃灣多一d 夜晚都幾多人食㗎🤩佢地係scan QR code手機落order 我地首先叫左廚師推介既大韓無骨豬手同埋新推出既玫瑰真露雞翼😆 無骨豬手配左生菜 泡菜 醃蘿蔔 蒜片同秘制豆瓣醬 我哋叫咗例牌 份量都唔少㗎🥳 豬手超級入味 無骨啖啖肉 連豬皮都着到好淋好好食 加埋豆瓣醬同蒜片包生菜食好好食架👅 玫瑰真露雞翼其實係以韓國燒酒真露醃制既醉雞翼 加上玫瑰糖漿 凍食 入口玫瑰味好香 唔算好重酒味 都幾特別 不妨一試🥰我地仲叫左鐵板辣醬雞同韓閣雜錦蛋卷 鐵板辣醬雞仲會送一碗牛骨湯 味道好濃好正 辣醬雞都算幾辣 不過好惹味 用上鐵板食好耐都仲好熱👍🏻 韓閣雜錦蛋卷有芝士 泡菜 蟹籽等食材 好豐富 如果多啲沙律醬就更加好食啦🤓另外 佢哋仲有10幾款小食做緊特價 低至25折😱 我地加左4件紫菜粉絲卷都係$8😱 主食加杯特飲都只要$15 我地加左一杯橙汁菠蘿梳打 都有菠蘿果肉 叫到成枱都係嘢食都係$300左右埋單 超級抵食🌟

去開嗰頭買嘢， 睇下個鐘5:30， 應該可以趕得切去間店食下午茶，路過呢間新開張韓國小店突然好想食。因為係小店所以坐位都唔算闊落，但係裝修就好有韓國feel， 又播放韓國kpop music，適逢Halloween店內有好多萬聖節嘅掛飾， 應下節， like 呀！見到店內都好多人，差不多都爆滿，唔通真係好食。下午茶時段一個食品連飲品都係$48牛肉拌飯因為太耐冇食拌飯，見到咁多顏色，份量又唔少，已經好開心啦，味道都唔錯， 牛肉分量都好多， 食極都有。五花腩肥牛泡菜湯拉麵同樣地份量都唔少，湯底辣辣地酸酸地都好味， 老公嫌泡菜湯底唔及韓國食咁辣， 可能想就返香港人口味唔想太辣吧，不過都可以接受。新張期間優惠$8小食， 真係好抵呀， 叫咗一個紫菜粉絲卷同埋一個韓式餃子， 兩樣都好味，新鮮即炸，香脆，尤其是個紫菜粉絲卷， 鬆脆好味又唔會太膩。

今日得閒入返去將軍澳搵阿姨食飯，又好想食韓國嘢， 就試下呢一間新開嘅韓閣， 打開個餐牌， 好快就揀到想食乜嘢 ⭐玫瑰珍露翼呢個真係要推介俾大家佢嘅 玫瑰味蜜糖， 簡直係成隻雞翼嘅 靈魂 甜絲絲嘅感覺帶一點花香， 清新又唔會太搶👍🏻👍🏻👍🏻⭐ 無骨豬手配上生菜酸蘿蔔， 口感豐富又唔會太油膩⭐ 五花腩炸醬麵入哂味嘅五花腩再配埋深啡色嘅醬汁簡直係槳住個口， 味濃好味⭐ 泡菜煎餅大大塊 餡料同味道當剛剛好， 絕對唔係泡菜粒係一塊塊嘅泡菜👍🏻👍🏻最開心係見到有⭐兒童餐牛肉雜菜手捲配上薯條雞肉串， 卡卡愛不釋手😋😋再叫埋幾杯特飲果然啱啱好👍🏻👍🏻 呢間我會再嚟

行過新都城見到呢間未見過嘅新餐廳，就新屎坑咁要試一試啦！其實睇佢嘅餐牌係幾吸引架!就係咁吸引左我入去囉！我地一家三口去到，因為係lunch time，所以人都多，但我先用Apps排隊，所以5分鐘都唔洗就有位啦！其實我地一坐低已經有三碟前菜，真係不值一提吖!芽菜完全無味，個白蘿蔔睇到都唔想食呀！我地叫左一個lunch set：牛骨湯拉麵，兒童餐，芝士泡菜煎餅，紫菜肉鬆蛋卷， 流心芝士條。牛骨湯拉麵屬於正常，唔係好突出，但啲拉麵有好大嘅鹼水味，個湯食唔到牛味，湯入面有幾舊牛肉，叫做可以入口啦！至於芝士泡菜煎餅同紫菜肉鬆蛋卷呢，好似油浸咁，煎餅底面嘅吸油紙都變左透明啦！而載蛋卷嘅器皿都充滿油。我明呢兩樣菜都係用油嚟煎，但個人覺得多得過火左!味道方面呢，煎餅其實充滿芝士味，係ok嘅!蛋卷嘅味道都係可以接受嘅，如果改善埋油呢個問題會好好多!另外兒童餐方面，小朋友揀左牛肉雜菜手卷，其他跟餐嘅有薯條、炸粉絲豬肉餃、炸雞肉棒!由於好多野都好熱氣，我迫小朋友要食曬個唔熱氣嘅手卷先，其他佢每樣都食左d!我食埋小朋友食淨嘅，味道正常，無咩大驚喜，但小朋友好鍾意，因為係用架飛機載住嘅!流心芝士條，一d都唔流心

今日好想食韓國野，呢間性價比高而且好食，所以決定同老婆再食一次!牛展水冷麵呢個真係次次都會食，佢地另外會跟醋等你自己根據喜好落，酸甜口感同埋水梨&青瓜絲既青爽食落好fresh又一D都唔會滯!牛肉石鍋飯呢個又係每次必食既韓國菜，因為佢地調味岩岩好而且牛肉量多，熱辣辣既石鍋再加上配料同埋辣椒醬，口感豐富而且層次感一流!芝士豬仔脾成盤芝士上再即場煮熱，芝士由幾個種類合成，香而又濃芝士味。豬仔脾燒得岩岩好，保留到肉汁而且又肉質亦都好嫩!大韓無骨豬手呢個好有驚喜，因為豬手去哂骨啖啖肉，加上佢既調味適中又食到豬手既嫩滑口感，加上生菜、蘿蔔同埋泡菜一齊食，味道層次十足!另外仲有特式飲品，我地嗌左菠蘿可樂冰同埋碟豆花特飲，菠蘿可樂冰真係用左成支可樂，加上菠蘿同埋檸檬，超醒胃同埋fresh! 另外碟豆花特飲都好岩打卡，甜度適中，解渴一流!

自從疫情令到今年嘅韓國之旅被逼取消，對韓國嘅美食更係心心念念住，難得屋企附近開左間韓國餐廳，一定要試下！芝士岩漿炒飯，好豐富嘅芝士呀😍😍😍芝士控必點，熱辣辣鐵板上，仲有五花肉，個飯超香超好味💯豆腐海鮮湯（正常辣；蝦，魷魚，青口，蜆肉，豆腐，雞蛋），中意韓國辣湯唔可以錯過！另外加優惠價12蚊就有小食🤩牛骨湯水餃：餃子皮薄餡正個湯仲好好飲炸帶子❤️環境乾淨，上菜時間快，又可以用GULU app拎定飛，十分方便

太座外家在將軍澳，所以經常返去食飯，新都城係最常去嘅地方，今晚一行四人又要搵嘢食，見到門口都算幾多人，就行埋去睇吓乜東東，原來叫“韓閣”，故名思義係食國菜啦，太座呢位韓劇粉絲梗係話要入去食啦!職員態度友善，有耐性，係會令人客對店舖有好感，值得一讚!“大韓無骨豬手”配上生菜、醃蘿蔔、泡菜、豆瓣醬和蒜頭，可以講超級好食，入味夠腍，怪不得寫明必食推介，果然係招牌，後悔叫咗例牌，哈哈!“玫瑰糖真露醉雞翼”雞翼入哂酒味，配上好香嘅玫瑰蜜糖，連最咀刁嘅姨仔都讚不絕口!食韓菜太座見親都會點嘅炸醬麵，可能幻想自己係韓劇女主腳都唔定，哈哈哈!“五花腩炸醬麵”算唔差又未至於好好食，但太座都會食哂嘅!姨仔最鍾意食煎餅，點咗個“傳統泡菜煎餅”，佢話好好食，呢樣要信佢呢個煎餅食家，我都食咗幾塊!最開心係隻豬有個兒童餐，有牛肉壽司、脆雞棒、薯條、炸豬肉粉絲餃同埋一杯橙汁，用架飛機裝上枱，見佢食得好開心!“可樂菠蘿冰”好有創意，味道好夾，爽!下次要再嚟試吓其他菜式，性價比極高嘅一間食店!

成日處於怕肥又想食芝士的狀態，今次呢間【韓閣】都幾爆，Keep住有人等位，餐廳都幾乎滿座，仲換上萬聖節主題，整體幾熱鬧幾有氣氛。《芝士岩漿炒飯 $98》個個都試招牌菜式，所以叫左2款。炒飯加入泡菜、豬腩肉、蛋、洋蔥等配料，再撈勻多到好似岩漿的半溶芝士，未食已經覺得好肥仔。微辣的泡菜，半咸半甜的芝士，加埋嫩滑的腩肉片，口味好豐富。可能因爲呢個加左蛋漿，食落無平時嗰d咁膩，而且鐵板夠熱，可以Keep住暖暖地食，怕肥都要試返次。《邪惡拉絲豬仔脾 $98》芝士碎同豬仔脾分開上，豬仔脾淋上蜜糖同芝麻，4件都好多肉，不過就整得乾左少少，然後可以捲起半溶的芝士拉絲，軟綿綿有咸香，一咸一甜真係幾好食。《傳統甜辣炸雞 $118》叫左半份，有5件雞胸加雞脾，每件都大大隻。覺得醬汁還好，甜辣偏甜，不嗜辣的人食呢個岩曬。可能醬汁的關係，炸皮可以再脆身d，反而雞胸有驚喜，啖啖肉唔乾唔鞋口。《上湯牛排餃 $12》另一張Menu有唔少特價小食，叫左款上湯牛排餃，$12有3隻都抵食，餡料勝在夠多有肉汁。

落去舖面落order ，外賣自取等左10分鐘就有，因為叫左三個飯同一盒雞，都好多野！回家後才發現比漏咗一個飯！打電話去鋪頭，即刻叫我留地址話送返上黎比我！搵車手送上黎，仲送個忌廉鮮奶比我飲很好而且負責任的做法，而且好食抵食！下次一定再幫襯👍👍👍