韓樂 (MOKO新世紀廣場)

營業中

休息中

星期六想在新世紀廣場內搵食，真係唔容易，已經避開午餐繁忙時間，周圍依然要等位，見這間都好多人等位，就排埋一份。差不多等了20分鐘，終於可以入座。裝飾都算有心思，而店內大部份都係卡位，不過座位較為狹窄，肥少少相信都會坐得不舒服😅三個人點了三個餐。睇餐牌，賣相好似幾好咁，就點了兩個部隊麵。但食落就十分普通，無咩特別。配了件多士另一份點了炸雞+粉絲，味道普通。整體上，只可以話普普通通，食飽就算，唔會有下次😅

這間「韓樂」餐廳是我朋友的「飯堂」，她有空便會來到這裡吃午餐和晚餐，剛巧今天我和老公來到 MOKO新世紀商場逛街，所以我們便來到這裡吃晚餐了可惜我們品嚐完之後，才發現這間餐廳無論是食物質素抑或服務態度，都和茶餐廳沒有任何分別，完全沒有任何「韓式」的風味，純粹只是一間貴價茶餐廳而已No.1【韓國風酥炸雞】$35雖然炸雞是即叫即炸，而且醬汁亦算香甜可口，但是炸粉相當厚之餘，真正的雞肉更少之又少，基本上只有炸皮而已，老實說麥當勞的麥炸雞味道比它還要出色No.2【韓式燒汁豚肉炒年糕】$61由於豚肉充滿著濃濃的脂肪，所以口感略為有點油膩，而且燒汁的調味亦比較鹹了一些，吃多幾口便開始感到口渴，幸好年糕的質感煙韌彈牙，每一口都相當有嚼勁，總算為這份炒年糕挽回了少許分數No.3【海鮮香蔥煎餅】$69這款煎餅的材料和賣相其實有點像台灣的蚵仔煎，不過最後出來的味道卻迥然不同，雖然煎餅十分香脆可口，但是魷魚的質感卻堅韌無比，而蝦仁則淡而無味，香蔥更像沒有烹調過的樣子，簡直味如雞肋，讓人難以下嚥，嚙檗吞針No.4【玫瑰花柚子茶】$13柚子茶的味道非常清甜可口，甜香四溢，小口品嚐的時候，淡淡的玫瑰氣息便在口中持

明白做飲食係好辛苦，本身自己都做飲食業唔明白外賣可以做到何期差，叫個湯粉絲個湯無味好似水咁，ok咁近拎返去換，換完係比返同一個湯我，一竹竿打沉晒成間鋪啦，做粉麵位果個比啲誠意得唔得

一入門口打招呼並非純正廣東話都心有不妙，但果一剎那真係諗唔到食咩好，唯有坐底啦。打開個menu, 特然有種似層相識的感覺，即時再望下餐廳的燈光，實在令我太感動啦，原來係百份百茶記的同一集團呀，點攪呀😂呢種風格的menu實在是集團式望來望去都諗唔到食咩好，唯有望下隔離枱啦，睇下有無咩啟示啦。叫左個石窩牛肉飯🥘🥘🥘🥘嘩，真係炸炸聲架，仲好熱，品質上算唔錯，但牛肉太少，飯係平時茶記的碟頭飯。另外叫左個人参雞湯，可以試下既，湯有湯煮，雞有雞煮，無人参味亦無雞味。

今日去韓樂食晏，幾抵的，套餐包野飲。叫左湯粉絲炸雞。上餐時個waiter跌左件炸雞響枱，佢扮睇唔到走左。之後同waiter講，佢笑騎騎話幫你執走，執走左就唔俾翻舊雞我

今日第一次黎 好差嘅體驗、忍唔住要比評價首先，落order叫果樣無果樣，差唔多六成嘅食物都話賣晒，重點係個侍應態度超差冇禮貌，係咁話「食咩！講！」，講完咪又係冇果樣.. 地方同食物都OK但係服務極差，入嚟受氣，我見隔離枱嗰位客人都俾佢搞到好勞氣，請改善一下，超級負面嘅體驗，唔會有下次.......👎👎👎👎👎👎👎👎👎👎👎👎😡😡😡😡😡😡😡😡😡😡😡

原來10點喺商場搵食是一個尷尬時間有提供早餐的餐廳會停早餐，轉午市我們找到呢一間韓名港式茶餐廳有卡位坐，坐得舒服的沙嗲牛肉米粉米粉像台灣的新竹米粉，幼幼透明的一般般熱檸茶要介紹非傳統俾幾片檸檬🍋是溶為一體的飲到了粒粒檸檬肉，不錯👍🏻鮮奶炒滑旦牛角包🥐失望的，牛角包不酥脆，軟軟的幾片沙律菜賣相也不吸引食物質素有進步空間職員專業但一個人一腳踢⭕️全店職員戴上口罩 ⭕️進店前量度體溫 ⭕️提供酒精搓手液 ⭕️座位間有膠板相隔

總的來說，大商場餐廳的格局，茶餐廳的價錢，味道及份量都令人滿意，真心覺得抵。下午茶時段點了一個韓式芝麻燒汁焗雞扒飯，連飲品，一看就知無欺場，份量夠，大塊雞扒上蓋上了一層香濃芝士，好吃，連鎖茶餐廳望麈莫及。由於「街坊」都知道抵食，下午茶時間通常都多人，有時候見到晚上都要排隊等位。不過值得嘅。

因為懶，好少寫食評。但而家疫情下，真係要支持一下有質素，性價比高既餐廳。隨左幫襯支持，就唯有動手寫食評讚下。今次係一個月內第二次光顧呢間韓樂，就黎變飯堂。好少有餐廳我會咁短時間內去第二次，香港地始終餐廳既選擇仲算多，無需要局限自己不停幫襯同一間餐廳。而韓樂咁快食過返尋味既主要原因係性價比高食物質素好，環境亦算坐得舒服。我自己唔係特別鍾意食韓國菜，但韓樂又唔係一D 好正宗既韓國菜餐廳，有D Fusion既菜式，都幾唔錯。特別推介佢而家新推出既一道菜，“地獄石鍋排骨”（無影相，記憶中個名大約係咁上下）。上菜個陣，個石鍋仲好熱，陣辣味勁嗆。食落個辣度仲係接受範圍（食開譚仔既十小辣），非常香，味道有d 似泰式鳳爪但又唔exactly 係個隻味，同個排骨好夾。希望佢可以將道菜正式加入餐牌啦

星期六旺角依舊熱鬧 撘完火車近近想喺Moko食啲嘢 間間餐廳都有人龍 見呢間入得比較快 又有下午茶 就入去試吓啦 •野菌豚肉炒烏冬HKD41 (下午茶)份量比我想像中大碟 完全足夠一個無食午餐嘅人醫肚 配料有椰菜 豚肉 鮮冬菇 椰菜切得太大嚿 又硬 如果用葉會比較好豚肉都有五六嚿 食得出有略略調味烏冬係普通炒嘅港式烏冬 唔算太淋 調味方面應該落咗少少燒汁 但食到碟底比較多油以旺角商場嚟講 41蚊可以食到個烏冬連嘢飲 算係不過不失•香脆炸薯條 加配價HKD10口痕諗住叫個薯條試吓 嚟到都幾失望外觀嚟講 顏色似係用咗萬年油 食落偏硬而且乾身 感覺炸咗好耐 而且薯條唔夠熱完全扣哂分 ✦價錢便宜 屬糧尾之選✦雖然叫韓樂 但大多數食物偏港式 加咗少少少少韓國元素咁囉 🤏🏻🚩韓樂 旺角太子道西193號MOKO新世紀廣場1樓127號舖

🎀熊妹好耐都冇同懶懶熊去行街，新年前大家各有各忙，終於到新春假期有啲時間出嚟食下野行吓街休閒一下。📌講到休閒，梗係要去間休閒茶餐廳食個休閒下午茶啦！位於旺角「MOKO Mall」嘅《Momoku》添加左韓國風味嘅港式茶餐廳，食物款式都幾特別，可以試吓。📌餐廳環境都幾大，有圓枱，有四人枱，有梳化枱🛋，不過咁啱係午餐撘下午茶時段，人數比較多，要搭枱，變成坐得比較逼夾啦。📌下午茶餐牌款式都多，有焗飯🍛、意粉🍝、炸髀薯條🍟、芝士炸雞🍗等等，價錢$30至$44，仲包嘢飲🥤，真係抵食又吸引。半溶芝士鮮茄肉醬扁意粉，$38懶懶熊未食午餐，小食一定唔夠佢喉。不嬲鍾意濃味嘅佢就揀咗肉醬意粉。小心⚠️鐵板呈上好熱㗎！鐵板就可以保持住芝士🧀嘅半溶狀態，唔錯。芝士同肉醬材料好足，淡淡都拉到芝士絲同滿口肉醬碎，口感真係好滿足。意粉用上扁意粉，硬身比較有咬口，咁樣配搭都幾好味喎。吉列脆炸魚柳 · 脆炸薯條，$32魚柳啖啖肉，吉列炸粉皮唔厚，點上沙律醬真係好滋味。薯條🍟唔粗唔幼，薯仔肉好腍身，連埋調味粉一齊炸，再點茄汁🥫，好味。魔鬼芝士 · 一口炸雞，$34熊妹一心就係想試佢個炸雞芝士，就算點左個餐都要試吓啦，好少啫

經過看這店裝修唔錯、menu下午茶又多款價錢又唔貴,而且16:00佢地全店滿座，今次下午茶order左兩份，魚柳好薄、薯條好味、因為價錢不算貴，所以就係咁嘅質料、我吃意粉貴佢幾元，所以多少少份量、外觀也靚少少、可惜order奶茶少少奶，仍然多奶，告訴服務生，她態度cool 及聲音高調～沒有辨法少奶奶茶你叫過杯！唯有叫熱檸水、沒有檸檬的檸水，飲了兩啖，已放棄、coffee 嗰杯有顏色的coffee。原本好開心去試吓，結果⋯就係咁

上次去Moko時候，見到這間迎餐廳，決定下次一定要黎試試! 特意試O下佢哋既下午茶，真係好抵，兩個人都唔洗$100。一去到餐廳已經有不少的人，差不多坐了六成的客人，朋友二人緊係唔洗等位就可以入去呀! 餐廳以單邊卞位為主，到餐廳最入就有O的圓枱。一打開餐牌已經好有驚喜，所有的下午茶都唔洗$50，包一杯熱奶茶/咖啡，仲唔洗加一收費，真係一定要再去!! 特別要推介韓式芝麻燒汁焗雞扒飯，芝士同汁都好jurcy，加上用小鐵板上，O的飯一宜保持住暖烘烘，雞扒仲要差唔多舖滿成個鐵板，份量十足。因為好肚餓，所以朋友決定叫多兩個小食，kimchi 同薯條，賣相同份量都好!

上星期經過新世紀廣場旺角東站對出位置時， 有位女士正在派傳單並問我吃早餐未， 當時正好想去吃早餐， 看過傳單後覺得都唔錯， 選擇多價錢合理， 就決定在這間吃， 可能是新開， 環境十分乾淨， 點了雞扒早餐， 有雞扒， 炒旦， 煙肉， 薯容， 生菜， 2 片 蒜香多士， 我平時通常走包， 但我今次食哂2 塊多士因為真係非常鬆脆， 雞扒又好滑， 其實最驚喜係杯凍檸茶， 杯檸茶係無檸檬片因為應該係預先已把所有檸檬汁榨出， 成杯檸茶甜味剛剛好， 真係幾乎是我在香港飲過最好飲檸檬茶。 一個咁豐盛早餐連埋凍飲加3 元都只係41 元， 十分超值！