韓樂 (MOKO新世紀廣場)

營業中

休息中

今日星期日，難得行吓街就去咗韓國食個下午茶點左個韓式焗飯，同埋芝士後炸雞焗飯一般般，不過不失咁芝士炸雞比較好食，不過今日炸得有少少窿，另外重點左個加配嘅薯條，配搭沙津食都OK嘅 幾抵食啦

🍔食物質素：👍🏻👍🏻👍🏻💵價錢性價：👍🏻👍🏻👍🏻📸打卡指數： 👍🏻🪑環境衛生： 👍🏻👍🏻👍🏻👍🏻🤵🏻店員服務： 👍🏻👍🏻👍🏻韓國菜連鎖餐廳，唔好預期食到好有特色既韓國菜，但每樣野食都中規中舉，算唔錯。想知道又靚又好玩地方?   fai.lok.mode仲會係社交平台分享相片同攝影心得。 ______________________________溫泉蛋.牛肉.石頭鍋珍珠飯  ( $66 )石頭鍋都幾熱下，倒完汁一陣都仲係加熱緊，慢慢熱到有飯焦。牛肉肉質唔錯，係有少少細塊。凍檸茶韓樂的凍檸茶係用沖劑，個人對凍檸茶沖劑麻麻地，都係傳統沖茶加檸檬先最好。

抗疫措施放寬，即刻要出下去行街鬆一鬆旺角新世紀廣場，去完大買特賣就要坐低食個tea 稍息一下再去韓樂食番個抵食下午茶半溶芝士鮮茄肉醬扁意粉鐵扒上枱好熱辣辣，面層好多芝士，芝士配搭肉醬係超夾，加上扁意粉質感岩岩好，食到舔舔脷。加$10 有柚子雞翼雞翼炸到好香口加上酸酸甜甜柚子醬，好滋味。韓式燒汁芝麻焗雞扒飯雞扒好厚肉，啖啖肉，好滿足，食完就飽哂。加$10 薯條脆卜卜，有水準凍檸茶唔駛篤就岩味。凍咖啡今日好似唔係咁夠啡味。

母親節,同老婆和女兒去左帝京酒店住,咁行到攰,女話想食韓食,出面好多韓燒又冇位,係新世紀行左一陣,見到間食韓食,咁就入左去。蜆肉意粉女話好味,韓式炸辣雞,味道偏甜,少少辣,牛扒ok既,不過老婆要黑椒汁,但上菜時比左牛肝菌汁,侍應話今晚冇黑汁!芝士薯條,芝士太稀,冇左起絲感覺,Pizza好味,邊位夠脆,芝士味夠膿!石鍋辣排骨,偏甜,但真係夠熱,上枱仲出煙,飲品3杯特飲整體都可以接受,價錢亦唔算貴

我同老婆經開新世紀廣場，都會黎韓樂食飯，之前食開焗飯湯粉絲都非常好食，而我老婆就一直好鐘意佢個凍檸茶🍋，檸味十足今日都唔例外，點左鮮茄焗雞扒飯同韓風香酥炸雞「豬骨濃湯」鳥冬。焗雞扒飯依然好好食，爆多鮮茄肉茄汁，大大塊既雞扒，食到12分飽。相返「豬骨濃湯」鳥冬就非常失敗，我直頭懷疑係清湯烏冬，野唔多講，睇圖就知道有幾清徹，有圖有真相⋯

復活節假期，老公放假我就同老公帶細女出街等大女靜靜温書準備考試一出到太子細女就話肚餓要食野，咁就去新世紀韓樂多位d，午餐時間，唔駛等就入得凍檸茶凍咖啡係一直飲開的味道，正凍檸茶真係一試愛上半溶芝士鮮茄肉醬扁意粉鐵扒上熱辣辣，芝士勁多配搭肉醬好好味，芝味香濃，芝士真係意粉的完美配搭。扁意粉質感岩我口味，細女同我搶食。韓式芝麻燒汁焗雞扒飯同樣係鐵扒上熱辣辣，雞扒好厚身，肉質細嫩飯軟硬度適中，唔會太硬唔會太軟

好耐都冇黎，再次黎食，味道都係一如既往既好！。食午餐，鮮茄焗雞+咖喱炸雞飯。芝士茄焗雞扒好好食，比之前做既好，以前做得好咸而家有進步。咖喱好辣，保持一貫既辣，我相信有譚仔既中辣咁上下，唔係一般人受到⋯（OpenRice 係咪痴線，要人寫80字以上既食評）

韓樂Momoku 原來旺角moko有間韓式餐廳，睇裝修都幾似炸雞店，乾淨整齊，座位有卡位有普通二人座被魔鬼半熔芝士系列相片吸引，以為成碟芝士加雞脾會好貴，點知下午茶$40樓下，好平！一於試試魔鬼芝士•一口炸雞$33炸雞用鐵pan加木碟上枱，賣相幾好，炸雞放係小鐵籃內，以為份量好少， 誰知食極仲有！炸雞皮唔厚，保留到肉汁，淨食已幾好好味， 芝士汁熱辣辣，咸香帶微甜，雖然做唔到拉絲效果，但味道一流，且份量十足，正！吉列脆炸魚柳•脆炸薯條$35魚柳大大件，脆口，不過魚柳肉太薄，失色，薯條唔係粗薯條，點芝士汁郤一流餐廳服務好好，食物即製但等候時間唔算長，店員落單有禮貌，問拎餐紙時即時協助， 6 時前又温馨提示各枱顧客，抵讚

旺角韓樂餐廳 當日要排隊等左一陣先有枱當日叫左黑松露忌廉扁意粉 HKD63魔鬼芝士一口炸雞 HKD40韓風板燒牛扒配珍珠飯 HKD72 扁意粉極多汁 多汁到食到最後淨番好多汁👍🏻 炸雞方面我見到朋友係拉到絲😊🙈望落去好似幾好玩👍🏻味道 ：3.5/5賣相：2/5環境：3/5 價錢：2/5服務：2.5/5

侍應對顧客不是一視同仁 對帶住bb黎光顧既特別歧視 這次之後我永不再光顧 要在這寫寫投訴 我本來最先第一個到達 接待員都問了我幾多位 我表示了一位加bb車 接待員都聽到清楚。突然後面一班人到達 接待員說要排隊 我便當然的排在前面 到有位時 店內一個待應出來叫 待應說：「有無兩位 」 直接的跳過了我 我明白我推車不是所有位可以坐 但剛才的接待員就開口對我呼叫 ：「排隊 」我真莫名其妙 我明明是第一到來 要我排後面 我真的太氣了 要上來寫寫 侍應說兩位 不是我都可以理解 bb車要有特別位 但無理由叫我排後面 而且態度勁不堪 這次之後我再不會光顧哩間餐廳

之前食過將軍澳廣場嗰間招呼不佳及味道一般.. 今日與朋友經過朋友說這間店的凍檸檬茶🍋好好飲😋因為D冰粒係原粒檸檬茶製成所以飲耐咗都唔會淡👍下午茶餐選擇系列,多不勝數牛角酥厚多士脆炸薯條系列魔鬼半溶芝士迷你主食系列包括有：野菌豚肉炒讚岐烏冬扁意粉鮮蜆白酒煙肉蒜香天使麵芝麻烤雞炒珍珠飯輕量烤焗系列韓式芝麻燒汁焗雞扒飯半溶芝士鮮茄肉醬扁意粉還可滋味追加脆炸薯條自家製泡菜柚子蜜雞翼升級特飲鮮茄焗豬扒飯下午茶餐：韓式麵食惹味豚肉湯粉絲（韓式粉絲）粗身的粉絲口感煙韌,好有嚼感😋加配 $10 2隻柚子蜜糖雞翼雞翼一般都冇得輸味帶酸甜跟餐的特濃即磨咖啡咖啡及奶味調配得相當適中口感順滑明碼實價仲免收加一👍

商場食肆眾多, 從沒意欲光顧這店, 因餐廳定位模糊, more than K-food? 但食物款式, 餐廳裝潢和服務似茶餐廳, 感受不到韓風, 好不吸引。是日太累, 只想在商場速食, 但又不想吃太多, 見價格相宜又無加一, 便入內一試。下午茶1) 脆炸雞脾.脆炸薯條 $342) 柚子洋薏米 (套餐飲品升級價, 原價$26) $8脆炸雞脾.脆炸薯條賣相不俗, 脆炸薯條顏色偏深, 炸得甚脆, 熱辣香口。脆炸雞脾炸得皮脆肉juicy, 有質素。柚子洋薏米配搭新鮮, 薏米予人健康之感, 亦增添口感。柚子蜜與水比例得宜, 味道不會過甜或過淡。以是次下午茶的體驗來評, 食物是有質素的, 沒有加一, 價格相宜。食物款式多是港式或西式的, 餐廳座位略嫌擠迫, 與鄰座頗近, 予人茶餐廳多於韓式餐廳的感覺。

經過見「韓樂MoMoKu」有位，又有下午茶，就走咗入去坐。😂陸軍部隊麵 + 蘋果可樂類似部隊鍋d朋友，有韓國芝士、腸仔、火腿、煙肉、午餐肉、半隻蛋 + 辛辣麵。蘋果可樂真係有蘋果蓉，但有少少甜。半溶芝士肉醬鮮茄扁意粉 + 芒果蘆薈雪碧濃濃嘅芝士味，啱哂鐘意食芝士嘅我。芒果蘆薈雪碧，飲到好多蘆薈椰果。脆炸雞髀拼薯條 + 凍檸檬茶隻雞髀等得比較耐，因為係即叫即炸。雞髀好大隻，肉好滑，真材實料。凍檸檬茶都有驚喜，見唔到檸檬架，因為已經篤好咗。估唔到呢間餐廳嘅嘢咁好食，一樣比一樣有驚喜。🤩

之前去咗MoMoKu 食飯。叫咗個鮮蜆白酒煙肉蒜香天使麵和汁煮大蔥炒牛粒飯。兩份午餐嘅賣相都不錯。汁煮大蔥炒牛粒飯上枱時，熱辣辣，香噴噴。味道都唔錯。 鮮蜆白酒煙肉蒜香天使麵就非常之特別。唔知係咪啲芫茜好抵，廚師放了一大堆芫茜。對於一啲好鍾意食芫茜既，真係唔叫唔得。上枱時，已經聞到一陣陣既芫茜味，仲要喺天使麵既下面放咗好多既芫茜。天使麵充滿住嗰陣咁既芫茜味。乜唔係叫碟蒜香天使麵咩？點解會係芫茜天使麵？

Cha-chaan-tang style of decoration, Cha-chaan-tang quality of food, Cha-chaan-tang level of service, Cha-chaan-tang price range, but with a Korean name loll🐷overall: 5.5/10🐓Korean Fried Chicken in Sweet Chilli SauceThis dish is relatively better than expected. Chickens are served in nuggets. No much fats outside but too much coating that makes the crust too thick. Chicken meat are bit overfried with rough texture. But the sauce is fine, strong in Korean spice chilli paste flavour, nicely wrappin