韓松韓國料理

近來不停食醬油蟹，著了魔一樣 ﹗試左好幾間，輪到韓松喇。食材烤物跟其他韓式烤肉店大同小異，沒有別出心裁既產品。我地主要黎想食醬油蟹，隨便叫幾款烤肉可以了。雖然地面舖住細細又迫夾，但一走到樓上雅座就非常寬敝呢，坐得舒服。前菜 5 小碟，泡菜、辣沙律、烚雞蛋、酸蘿蔔片、大豆芽。泡菜爽口多汁味偏甜，不太辣。辣沙律用帶甜的韓式辣醬撈成，微辣配上時蔬還可以。烚雞蛋，普通到唔知講咩好。酸蘿蔔片，微弱的酸味跟甜味，幾乎只食到原味。大豆芽，最好食係佢喇 ﹗爽甜多汁好味道。醬油蟹，再戰醬油蟹 ﹗$400 蚊兩隻，何解無白飯送呢？上次係另一間韓國料理 $225 蚊一隻送白飯及昆布湯啊！依家要散叫個白飯囉。雖然價錢略貴唔抵食，幸好質數都中規中矩，蟹膏甘甜，咸香霸道，連肉連膏撈上白飯味道剛剛好，滑滑黏黏蠻美味呢 ﹗本想帶兩隻返大埔送比朋友們分甘同味，但老闆拒絕了我外賣既要求呢，怕係運送途中變懷呢。那無辦法啦，無奈。A5 牛肋骨肉，質數無得頂，但價錢都無得頂，真係有點偏高，地產的錯！租金的錯 ﹗大陸的錯 ﹗烤到 5 成熟，外層金黃燋香，牛味濃郁甜美，質地彈牙滑溜，肉汁輕滲，juicy 好好食呢。牛板腱，第一次食，外層質感結實有咬口，裡面嫩滑軟腍無比，淺淺既牛味沾上烤汁更加好味道。辣海鮮豆腐湯，最差作品，劣作！雪藏無味海鮮，辣味單調，彷似雞湯加辣粉啊。醃大蝦，賣相也不俗。醬油經加熱後香氣飄飄，食慾大增 ﹗味道鮮甜，奈何肉質有點霉啊。水冷麵，食過好既真係返唔到轉頭 ﹗第 1 次係喜來希肉食，好味到不得了，其後無一間合我口味呢 ﹗凍就好較凍，但味道既配搭硬係欠缺一點東西，入口淡淡的沒什麼驚喜及吸引力，食幾口已不想再食了。…查看更多

平時去山林道都會經過這間韓國料理店，今日終於有機會一試。韓松是家庭式韓國料理燒烤店，餐廳幾乎所有侍應都是韓國人，但能用簡單英語溝通，部分店員懂少許廣東話，所以溝通不成問題。我坐樓下，地面只得6張枱，起初以為餐廳地方比較小，後來去洗手間才知別有洞天，餐廳原來內有兩層，空間寬敞。店員先送上前菜，有6碟之多！最喜歡薯仔，軟綿入味。泡菜自家出品，但味道酸酸辣辣，但又不會太過嗆喉，適合港人口味。茄子軟腍惹味。芽菜酸酸辣辣，十分開胃。還有菇，味道不錯。烤韓國黃魚烤得金黃色，賣相誘人，一吃，確實烤得外脆內軟，脆到連魚骨都可咬，而魚肉亦很嫩滑。鍋巴湯味道比較清淡，適合健康人士。來到今晚的亮點－醬油蟹！醬油蟹的蟹膏及蟹肉不算多，但其醬汁十分惹味。由於用醬油醃製，所以單吃會比較濃味，配生菜吃味道不俗，可以消膩。但我私心認為，如果配白飯就更好了，拌著蟹膏，味道相信更加對辦。之後去附近甜品下場！…查看更多

母親節要食番餐好野，阿媽本身又鍾意食韓國野，上次聽有朋友介紹過話唔錯，於是就去左韓松我地先訂位，去到時，窗明几淨，在樓上入座，感覺比樓下寛敞。前菜先到，以韓式小鐵盤盛著七款小食，包括大豆芽，甜薯，涼拌翠玉瓜，泡菜，菠菜，白蘿蔔，青椒仔蝦乾。 甚為豐富。我先以筷子挾了一根玉白宛然的豆芽入口咀嚼，爽脆甘香。 不俗。 再逐一試食前菜，水準都很高，蘿白無渣，泡菜醃得甚是入味，鮮辣爽脆，媽米最鍾意既係甜薯，色澤柔黃，軟糯而微甜，很對胃口。前菜唔錯，比我地第一印象幾好。先上是牛五花腩芽菜套餐，五花腩切得極薄，片片捲起; 大豆芽另以盤子盛載，比一般豆芽豐腴。輕涮即熟，先取一片五花腩入口，只覺其薄如紙，細咬即開，隨即溶開濃郁的肉香，浸透舌根。 明顯不是外面常食到既有雪味既牛片，佐以鮮煮大豆芽，清脆無比，令人回味。我地食得好暢快，但媽咪就抖一抖先，因為佢要留肚食重頭戲既海鮮鍋。很快，上湯鍋頭鋪滿大隻鮑魚，元貝，蜆，青口，金菇，青紅椒尖，滾滾烹煮。 我首先賣乖挾左塊鮑魚比媽咪，令佢笑逐顏開，再自己挾元貝食。元貝很大，渾圓玉白，顫巍巍的引人啖之。 我一口咬落，飽滿的元貝肉即刻霸佔入內，牙齒切入其富彈性的纖維，就滲出溫熱鮮美的汁液。 新鮮大隻元貝比到既滿足感係無與倫比。鮑魚爽彈厚實，青口鮮甜，水準都唔錯。食完海鮮，就落圓圓的豆腐卜,腐皮等，再滾熱烹煮，令其飽吸湯頭和海鮮的鮮味。 我盛了一碗湯同豆腐卜，咬落時，熾熱鮮美既湯汁爆裂而出，狠狠地吞落去，再咀嚼吸滿湯汁既腐皮， 那鮮美的湯汁就均勻地塗抹在齒頰之間。不過我都只係食左兩塊，因為我唔敢同阿媽爭haha今餐既食物令人滿意，不過最開心既，梗係媽咪滿意啦: )…查看更多

今晚超忙因為約咗兩班唔同朋友要食飯無辦法唯有走兩場其中一場食了半餐晚餐其中對呢間韓松的燉帶魚鍋十分有興趣本身燉帶魚係香港來講唔算太多而呢間餐廳的帶魚起碼有四至五片而且出奇哋鮮甜嫩滑再配合微辣的泡菜湯底用黎送飯十分開胃…查看更多

難得假日可以去做facial同shopping，攪掂完當然要同姐妹去食餐好！姐妹想食韓燒，正當我地漫無目的咁搵緊有邊間食時，就發現呢間韓松韓國料理。店內唔多人，我地心諗應該好快有得食，所以就急急腳咁入去坐底左！店內分成兩層，地面雖然只係得6張枱，但枱與枱之間空間寬闊，無迫夾感。而第二層亦比地面多好多位，每枱可以坐6~8個人。坐底5分鐘左右，店員就找七小碟前菜比我地，有泡菜、醃蘿蔔、大荳牙菜、魚仔干、蒜芯等等。泡菜酸酸辣辣，開胃又惹味  不過最中意都係醃蘿蔔 蘿蔔砌得好薄，而且醃得較酸，可以完全解去燒牛肉時嘅油膩。無耐海鮮純豆腐湯送到！湯都幾足料，豆腐軟滑，仲有好多金菇！湯底加左韓國辣椒醬，鮮甜中帶出辣味。而湯嘅辣度適中，飲多幾啖又真係幾惹味 之後生菜包同牛肉拼盤都黎埋 生菜新鮮爽口，除左可以減低膩度同熱氣之外，仲可以令到口感上升 當你將juicy嘅牛肉同蒜粒放入生菜包，再加少少辣醬，真係好正！拼盤一共有四款牛肉，分別係西冷牛排、牛板腱、牛舌同牛花腩。肉質粉嫩，牛板腱仲佈滿油花 西冷牛排：肉質比較實同韌牛板腱：油花最多，分佈均勻。而且無咩肥肉，肉質最為細膩，係今晚最好食嘅牛肉 牛舌：薄砌易熟，燒耐少少邊位會變得焦脆，更為香口牛花腩：牛味比較濃，肉質軟腍少少店內嘅待應都係韓國人，雖然有機會言語不通，但佢地仍然會主動走過黎幫你燒，服務方面係最值得一讚 不過食物分量真係較為少，相對地會好似無咁抵食，所以應該好好調整一下。…查看更多

韓松BBQ 豬肉拼盤 $448/😍😍😍套餐有五花腩、上豬頸肉、豬梅肉、海鮮豆腐湯、前菜7碟、蔬菜包🦀🦂🐙海鮮豆腐湯好鮮甜，而且加左韓國辣椒醬鮮甜中帶出香辣，個辣度🌶都幾適中👍🏻👍🏻整體黎講不過不失豬肉拼盤份量少左啲🐖🐖，個套餐都足夠兩個人食店入面嘅待應好nice，全部都系韓國人🇰🇷🇰🇷service 好pro，主動走過黎幫你燒，好貼心💕店內環境好舒適😏👬👫👭好岩約翻啲朋友仔一邊燒一邊傾計…查看更多

這晚天氣又寒冷起來，與妹妹一起去尖沙吃韓國料理八點半去到，可能閒日人客不多，坐得特別舒服大家安坐好後，不久先來享用侍者為我們送上色彩繽紛的前菜單看小食都唔吝嗇，種類好多，還可以無限量添加包括沙律、甜薯、炒粉絲、豆腐、鹹魚仔、大荳牙、泡菜等等泡菜酸酸辣辣的，作為開胃小吃是錯不了的選擇回歸燒烤食物喇，次序方面是先來一道五花腩，肉質肥都幾大條五花腩鐵板上燒上一分鐘左右，已經烤得焦香肉味濃餐廳附送鹽及麻油，腩肉沾鹽及麻油吃最匹配若想吃得更有風味的話莫過於加配泡菜同生菜同吃生菜包裹著泡菜同腩肉，用意重點之一會較清爽二來減少熱氣，一口咬下鹹辣之中又帶點清新的口感層次，立即加倍提升，香口誘人，忍不住多吃了幾口吃過五花腩來到品嚐牛王排時間招牌牛王排醃的味很入味，經過兩邊的燒烤神髓不要燒烤至全熟，肉質軟嫩之餘又帶肉香，真心好味！其實光是吃牛王排很嫩倒也是真，不蘸醬汁已經好吃非常若混醬汁一起吃，又會品嚐到不同的美味相信這也是下少朋友喜歡吃牛王排的重點！緊隨而上牛肋骨肉，也是這餐廳的招牌菜之一味道調得剛好，肉質又是很嫩，惹味非常不得不提兩款牛的肉質都不錯，調味部份也好，各自各精彩當吃完牛肋骨肉，適時送上熱辣辣的石頭鍋飯豐富的什錦配料固然精彩萬分不過混和了牛肉精華的飯粒更能取悅我們的歡心與韓式辣醬伴勻同吃變得更惹味每啖飯都有牛肉鮮嫩及爽脆的蔬菜，味道很不錯不用多久牛肉和飯粒都被吃過清光整身黎講唔差，質素有返咁上下，今晚我們胃口不少呢餐廳裝璜簡潔利落，服務態度倒是頗抵讚很熱情而且也體貼，憑藉這些因素值得返兜！…查看更多

第二次黎食啦，第一次係新開張個時黎食，排左超耐隊，今次就吾使排隊， 直接就有位啦，上次食左燒肉，今次就試下鍋，叫左個章魚牛肉鍋好大隻章魚，侍應會幫手剪細件，但係佢太有心啦，剪得太細件，煮完都好難夾起黎食， 牛肉係一大塊放入去，要自己整散，味道尚可，吾算特別好食，試一次就夠了，個鍋兩個人食岩岩好， 本來想加多個公仔面都食吾落啦，…查看更多

食完之後，我有91個不解之謎… 到底好評既原因係咩? 又或者我地係咪食緊唔同既人遇到唔同既人? 佢係甘推介2人套餐，五百幾蚊 (未計加一)，以為好多野啦，點知得幾樣野! 個五花腩好肥又完全無味，係無肉味，得油味! 個湯… 我相信唔係佢地煲，係 買一包包湯包再返熱! 但依D都唔緊要，我最接受唔到係套餐都無生菜! 五十幾蚊加個菜仲要無得refill…依到既價格，係附近好多韓燒店都食到，仲要有無限生菜refill… …服務態度有幾出色我就唔提啦! 真係唔駛成日提住我地就黎夠鐘，亦都唔駛幫我地係甘分肉分湯分飯!…查看更多

見甘多人排隊，以為好好味啦! 點知! 晒錢又一肚氣! 入座前已經講之後有人BOOK位，只可以食到70MINS，都唔緊要! 但都唔好甘過份，一坐低MENU未睇就問要食咩! 算! 野食到一就堆滿個爐! 不停反不停睇，佢知唔知愈甘反，愈唔熟呀! 個冷麵，完全唔俾我地睇個樣，未放低就剪碎，碎上；飯又係，唔問我地要唔要辣醬就直接拌! 白飯拌個屁呀點呀! 我依家食緊殘廢餐咩! 仲有呀! 點解可以係韓燒唔俾菜同醬? 個醬要俾50蚊!!!!!!! 痴左線呀?!…查看更多

有時食評讚既多未必一定是好， 可能都要睇彩數，呢一間可以算是我食過咁多間韓國餐廳最不值的一間，價錢貴用料差當然與收費作比較，門口有位韓國男士招呼你，入去裝修都好韓國以為真係好野，坐低價錢較貴以為真係好食，要你點了菜才會奉上餐前小菜，我們點了王牛排 五花腩 醬油蟹 人參雞 一碟辣魚，先講王牛排通常韓國餐廳呢D野都唔會有問題，因為都是其他公司交貨來自已調味，但真係又要講句食過咁多間呢間最差，燒好很咬落仍似生的好un冇肉味，唔知是否唔新鮮，五花腩冇野講自已去韓國街買番來整都是一樣味道，人參雞是好味的但與在韓國食到的相比落差真係很大，醬油蟹唔知咩叫好味，只知朋友說有些so味，可以唔食，碟魚。。。真係用D 2幾元一條的急凍魚來做，還有本想叫碟生菜包五花腩同食，但這十塊左右的生菜加幾隻辣椒要50大元算吧，諗住用泡菜包住食但其實D泡菜都是差。睇過食評很多讚好或者老闆見打響名堂便什麼都可以了，食材方面可以說是賺到盡，收得這個價錢比你的就是連鎖店的質素 冇下次。…查看更多

經朋友介紹下，三個女生來到尖沙咀韓松。點餐後便有侍應端上前菜，每人還有一小碟韓國麵豉辣醬、青色辣椒和蒜子。前菜與其他韓國餐廳的前菜分別不大，個人最喜歡泡菜和甜甜的炆薯仔。我們點了五花腩和這裡有名的王牛排。五花腩看上去肥脂蠻多，起初期望它被燒過後會油香撲鼻，入口溶化，但不知道是我們燒得太久，五花腩肉質有點乾身，肉味亦不算太濃，那當然也不算難食，配上泡菜夾在生菜當中，亦能令我們滿足。而我們最欣賞的是王牛扒，上桌是捲起來的一團肉，攤開放上烤爐時，肉汁和油已經滲出，烤熟後吃下，美味非常！肉質很稔，牛肉味加下甜甜的醃汁，不加任何伴菜亦很可口！王牛排不愧為這裡的名物！其餘我們點了海鮮炒年糕和石頭碢飯，用料充足，味道亦不俗，不過不失，我認為不需要在此特別去評論。在這裡吃飯價錢中上，整體滿意度普通，但如果你真的來到，務必要吃吃王牛排。…查看更多

天氣春暖還寒,大夥兒吃飯想吃熱騰騰的選擇真多。wtapss group chat 趁仲凍凍地打邊爐？有點out吧!韓流熱gogogo~今次選址尖沙咀。訂左枱唔好以為唔洗等,都等左半個鐘先有位。等位時有不同藉的遊客一同等位。但係2位枱入座較一大班人快好好好多!肚子餓了還是叫野食重要。二話不說醬油蟹，味道肉質不錯就是有點咸啦！ 叫個白飯撈汁意想不到，一個白飯都唔夠呢！豬牛雞肉燒,這些無咩特別～相機就唔好食喇! 湯熱騰騰時不錯的!石窩飯值得一試。這個芝士雞除了食到辣味芝士味,大家都講唔到咩味道,都唔知點介紹。一行朋友總結食一次好了！講完食品一般,講下服務要讚!女待應笑容可加分。主動幫忙剪開食物,亦叫我地趁熱食,教用生菜夾泡菜加肉食。但生菜及泡菜補給就唔及英數字哪家主動及不斷補給咁大方了。…查看更多

又到日本手信交換環節... 哈哈... 今年已多次以呢個藉口伺機出來搵食... 之前係沖繩幫朋友入咗大量沖繩限定Lu Lu Lun, 都幾重, 原來走水貨都唔易做... 仲要帶埋Tablet迫人地睇我地係沖繩影的婚紗相, 個袋實在太沉重啦, 今晚唔帶相機喇, 用手機影住食物相先啦~約日子的時候都無為意今日係光棍節, Honey, 你就自己1個好好地留守家園應下節喇~韓松對於我同好多朋友來講, 絕對係經典回憶!!! 大家到今時今日都間唔時會提起話再想去懷緬一下... 唔係講笑, 有Blog為証, 有5年前的食評...一坐低職員就擺低Jar啤酒?!! 咩事呀而家?!! 店員大叔見我咁大反應, 施施然走埋來解釋話係茶o黎o架!!! 噢... 係咩... 見咁多泡, 我同朋友都以為係啤酒喎... 仲以為老屈黨迫人飲酒添... 哈哈...落完Order, 睇睇環境... 同當年好似無咩點變, 係D枱更更更加迫囉...朋友發現張餐枱墊好搞鬼... 圖文並戍展示餐具如何擺位... Errr... 唔知我特登擺錯的話, 會唔會被責罰嘅呢...前菜有6碟, 味道中規中矩... 韓松五花腩(厚) 150g $128-- WoW... 好肥呀!!! 2隻o野一路行去韓松一路討論紅豆冰係減肥大敵, 又話飲1次就已經好有罪惡感, 咁, 五花腩唔通食咗唔怕肥?!! 真係神又佢鬼又佢... 哈哈!!! 職員大叔二話不說就幫我地擺平... 噢... 唔係擺平, 個盤係斜的!!! 烤出來的五花腩的油會流落泡菜度... 烤到金黃色的五花腩, 已經走咗好多油, 咬落滿口甘香, 好味呀!!! 點知泡菜仲好味, 吸咗五花腩的肥油, 香到呢, 仲中和埋酸辣味, 我同朋友狂隊好快就食清光呀!!! (隔離枱對小朋友, 竟然食剩晒D泡菜, 乜咁暴殄天物呀... 帶子 6粒 $148-- 可唔可以擺得好睇少少呢?!! 咁嘅賣相, 真係見到都無食慾... 睇人地D食評都唔係咁嘅, 同埋我覺得人地果碟大粒好多囉... 不過好彩嘅係, 味道真係好好, 朋友一放入口就忍唔住大叫"好味呀!!!"... 口感柔軟中帶彈性, 味道都幾鮮, 唔知係咪因為塊鐵板頭先燒過五花腩, 有肉汁留低... 雞肉石頭窩飯 $98-- 有飯焦的!!! 少辣的確不夠惹味, 而且飯身太腍, 口感不太好... 又唔貴喎, 2個人只係4百蚊...今日人太少無緣食王牛排、海鮮鍋、炒粉絲、炒年糕... 已知會台山四寶下次要陪我再來... 貓兄可以試下醬油蟹...好懷念當年有高大靚仔幫我地烤五花腩, 當然服務比高分好人之常情啫...今日初段都有個Kawaii妹妹招呼下, 到烤肉時變咗1個率性大叔, 更懷念當年果位高大靚仔... 服務又無網上食評講到咁差, 可能果D人無去過服務最差的韓國錦X飯店啩...…查看更多

突然懷念起係首爾旅行時食嘅醬油蟹，一直都好想帶男友去試試呢款咁特別嘅佳餚，於是特別上網搜尋，搵到韓松韓國料理。一心去食一餐好嘅，驚去到先無位掃興，所以book左八點兩位。韓松有兩層，下層大概可以坐到30個客到，上層都可以坐到40個客到，唔算好刻意裝修但係好有係韓國個陣啲餐廳嘅氣氛，侍應有講廣東話都有韓藉人士，好好招呼好有禮貌！兩個人其實唔食到好多野，一心要食醬油蟹$400/2隻諗都唔諗就點左，（侍應表示可以點$200/1隻）有左係韓國食蟹嘅經驗，推薦男友一定要點多個白飯！食一碟餸確實有少少寡嘅～考慮左好耐又怕食唔晒，不過侍應就認為我地係食得晒嘅就點多個炖牛尾。餐具包裝得好別緻！包裝紙就係餐紙，打開仲有instruction教你邊樣野擺邊個位，好可愛！前菜有六碟：醃蘿蔔﹣酸度適中，開胃，又唔會嗆喉大荳芽菜泡菜﹣少少辣，好脆身豆腐乾唔知咩菜沙律醬油蟹上菜喇～勁興奮！唔知係咪冬天蟹季，好多膏！都好多肉！呢間整嘅醬油無我係韓國食嘅咁咸，比較甜身，唔知係咪調較左香港人嘅口味，醃到透身嘅蟹肉肉質好稔，同啲蟹膏一樣質感，男友形容似食緊海膽嗌白飯真係無錯！醬油蟹同白飯真係絕配！不過呢種蟹嘅殼都算硬身，同好多尖位，食個陣要好小心，因住會吉到口燉肉係韓國人另一道拿手菜式，呢款燉牛尾睇落細細碟，但都有成8-9件，肉質非常軟熟，牛味好香！好入味～男友仲要點多一個白飯添～雖然兩個細食嘅人食飯係好難點菜，但今晚嘅晚飯令我地都非常滿足！…查看更多