韓國釜山海鮮鍋

韓式前菜點少得！有波菜同泡菜兩款，食完可以請職員補充。.今次叫咗個二人份嘅韓國海鮮鍋🍲$398辣度可以同職員講，今次叫左少辣～.海鮮款式都好多：有鮑魚、釜山青口、墨魚仔、魷魚、蜆、元貝、蟹、蝦.今次海鮮鍋用嘅蟹比較大隻，佢哋會先煮一煮隻蟹。蟹嘅尺寸都幾大，有少少蟹膏，多多嘅蟹肉！不過最主要都唔係食蟹肉，而係飲蟹係海鮮鍋熬出黎既濃濃蟹湯！🤤啲湯越煲越濃，我地每人至少飲左三碗湯😍.鮑魚兩隻、迷你墨魚六隻、魷魚兩大塊、蝦四隻！煮既時間岩岩好，咬落爽滑彈牙！.蜆肉有八隻，咬落多汁到爆哂汁！而且有好濃既蜆味同咸海水味，保靜新鮮！.扇貝殼手掌咁大，貝柱連埋膏好大好厚！咬落好濃嘅香味而且唔會腥，肉質剛剛好唔會韌。.釜山青口咬落中間既肉都好嫩滑！.海鮮鍋底部仲有海量娃娃菜、金針菇、白蘿蔔，完全吸收哂海鮮湯既精華！.我地仲叫多左半隻柚子蜜糖炸雞$128，想試下韓國小食既質素！結果發現佢地既炸雞真係即叫即炸，仲要逐件逐件上炸粉，唔似出面有啲急凍炸雞既咁厚粉，而且入面啲肉係維持好嫩滑多汁！👍🏻最後$579食到咁多海鮮加炸雞真係食到好滿足😭😭

性價比極高 d野食好新鮮 個湯好好味 😋食得辣既朋友 一定要叫辣 果個味道好上頭 好正佢地個前菜 泡菜都唔錯 仲叫左佢地既芝士味炸雞 3個人食埋都係$789真係呢個價錢呢個質素去邊度搵！

在打開鍋蓋的瞬間，便撲鼻而來濃郁的海味，鮮蝦、螃蟹及貝類色澤鮮亮，令人垂涎欲滴。品嘗海鮮的同時，湯汁鮮甜可口，韓國廚師掌廚，湯底可選擇辛辣，既保留了韓國的地道風味，又不過於重口味。蝦肉彈牙，咬下去清甜可口，整隻螃蟹肉質滑嫩，味道濃郁，幾乎不需任何調味料便已美味無比。各式貝類如扇貝、青口及蜆，每一口都是海鮮的精華，肉質厚實。鍋中還添加了吸收了湯底精華的蔬菜，讓口感更加鮮甜。再加入韓國麵，完全感受到韓國既味道

呢間韓國海鮮鍋，真係好正！😍一入去好有韓國feel，服務員都好友善。鍋底用咗新鮮海鮮高湯，味道鮮美，仲有少少辣味，啖啖都係海味。服務員話係韓國師傳親自下廚。好有心思。海鮮方面，大蝦、鮑魚同蟹都好正，蝦肉彈牙，仲帶甜味，真係好味到不得了！鍋裡面仲有好多時蔬，其他海鮮！最吸引係蟹，蟹肉鮮甜，肉質滑嫩，啖啖都充滿海鮮的鮮味。蟹煮得剛好，湯底吸收咗蟹的鮮香，令整個鍋更加美味。每次撥開蟹殼，白嫩的蟹肉就會露出來，蟹膏又夠多！最正係可以自己選擇辣定唔辣！食完之後，肚子滿滿，心情都好好。總之，呢間韓國海鮮鍋真係性價比高，特別適合同朋友一齊去，邊食邊傾計，仲有酒飲，又好坐！絕對係一個開心的晚餐選擇！下次一定再來！

平時都會行開銅鑼灣。今日就見到應該係新開既（因為好似仲執緊個地方）韓國菜。價錢唔算貴（今時今日黎講性價比算高）。$398一個海鮮鍋。真係足料。個蟹真係不得不大讚。但其他海鮮都一D唔差。包括鮑魚，虎蝦，帶子，青口，大蜆，墨魚等。。。款款鮮甜。加上左韓式既辣味。真係連湯都可以飲哂。之後加左個紫菜飯同牛肉餅。其實已經好滿足。仲有好多野都想試。雖然暫時見到就唔多野食。但應該都要黎多幾次先試得哂D野。呢度絕對係可以返轉頭既餐廳。

平時都鐘意食海鮮，🐷知我好耐牛去韓國，就帶我食韓國海鮮鍋🙌一開蓋就聞到一陣濃郁嘅海味，蝦、蟹同貝類都好新鮮，色澤光鮮，令人一見就想食。食海鮮喝一口湯，哇，鮮甜無比，原來廚師係真正韓國人，煮韓國味道和鮮味，湯底可選辣，真係好有韓國地道風味，但唔會過於重口味，反而襯托出海鮮嘅鮮味另蝦肉彈牙，咬落去有種清甜嘅味道，連🐷都係甘食。而成隻螃蟹就我食，蟹肉滑嫩，味道濃郁，唔需要加多醬料就已經好好味。貝類：扇貝、青口同蜆，啖啖都係海鮮嘅精華，又大又脹卜卜再加上鍋裡面仲有蔬菜，吸收咗湯底嘅精華，吃落去特別鮮甜，食到尾仲加左韓國麵，真係好有feel💚

行行下，無意中發現咗呢間「韓國釜山海鮮鍋」（新開？因為見得兩枱😹），心諗會唔會中伏😹，見唔貴就Try try海鮮鍋（小）— $398 每人半隻奄仔蟹
個鍋有帶子、大蝦、鮑魚、蜆乜都有，第一眼見都好多嘢，睇落海鮮新鮮，食落冇雪味，湯底係辣味版，唔死鹹。韓國柚子蜜炸雞 
傳說中柚子蜜炸雞，如果送兩舊就會更好，因為多到飽到反艇。係脆，柚子蜜汁甜，不過有骨，有無骨就更好，因為都想啖啖肉嘛！配菜：紫菜飯 + 韓國拉麵
紫菜飯冇驚喜，飯+紫菜。拉麵就超okay，湯底吸收晒精華，強推要食啦！💰抵食：9/10😋美味：8/10🧼乾淨：7/10🙋‍♂️服務：8/10❤️整體：9/10
 ps間嘢最似韓國應該係盒紙巾了😹😹