韓國釜山海鮮鍋

疫後成為韓迷嘅會計小姐牛一，慶生要食韓國菜，上星期就由佢揀咗去試「韓國釜山海鮮鍋」。樓上餐廳佔用面積全層，睇落個門口好似好細咁。真係估唔到個單位入面都幾大，光亮嘅用餐大堂分開咗兩個區域，散座與散座間有充足嘅活動空間。白色牆上貼滿韓國地圖、韓劇海報、韓星廣告等，睇到壽星女不知幾開心。嘻嘻，童心未泯嘅XO仔反而覺得扒緊牆牆嘅蟹仔得意啲！二人被安排入座最中間嘅四人枱。餐桌上擺有齊備嘅自用餐具、乾濕紙巾、廚具等，另外每二人都有個爐頭，衛生企理。電子落單流程方便快捷。底面兩頁餐牌中韓對照，並附有彩圖參考，簡單易明。點好菜，姐姐仔迅即呈上無限添加嘅三款韓式前菜，當中個人最愛清新爽脆嘅蘿蔔片。同事口味不同，較為欣賞厚潤嘅海帶同酸辣嘅泡菜。韓國紫菜燒魚皮（$68）：新鮮燒製嘅魚皮熱辣辣，咬落脆卜卜，好似薯片咁巧薄，香口惹味，送酒一流，必吃推介也！韓國釜山海鮮鍋（$398/二人份）：姐姐仔放低個鍋時講明要煲多一陣，等湯滾先可以開始食。一滾起先飲咗碗湯，湯底鮮濃少辣，飲完仲有得添，冇錯，係加湯而唔係加水，所以絕對要加分！除咗舖面橙亮鮮艷嘅蟹蟹同韓國虎蝦之外，鍋中仲有多款海材，包括原隻爽脆彈牙嘅釜山魷魚，大隻到要剪開先食得架！其餘成雙成對嘅有Q彈嘅釜山鮑魚。外型脹卜卜，食落肥潤鮮甜嘅釜山元貝。鮮嫩飽滿嘅釜山青口。甜美多汁嘅釜山白蜆。銅鑼灣樓上餐廳「韓國釜山海鮮鍋」開揚闊落，服務生友善且效率高，現以優惠價推廣嘅招牌「韓國釜山海鮮鍋」足料抵食，有心食肆值得一試。…查看更多

環境5分：樓上餐廳成層咁大，有房有獨立空間，四周圍都有好多懷舊韓星poster，D枱隔得好開，一Ｄ都唔迫，飲品自己有兩個雪櫃，環境可以畀五分。衛生5分：枱面有煮食餐具，紙巾盒，濕紙巾，牙籤，乾淨企理畀五分。服務5分：電子落單簡單快捷，侍應生加湯快手，主動調整火速，爽手唔囉唆，老闆好客到請我地食小食，態度熱誠，滿硬分。味道5分：1)  埋位即有三款任添嘅前菜，海帶，泡菜同蘿蔔，本人最愛就係海帶，又好味又健康。2)  大大枝Hoegaarden$45銅鑼灣區算抵飲。3)  老闆好傾到送左碟熱辣辣，脆卜卜嘅燒魚皮比我地送酒，就咁食或者點湯都咁好食。4)  韓國釜山海鮮鍋入面有超級多海鮮好多料，絕對有資格叫做海鮮鍋，因為實在太多，包括成隻又嫩又鮮甜嘅大蟹，兩隻爽彈嘅韓國虎蝦，好鮮嘅韓國元貝，成半打冇沙又好鮮甜嘅釜山白蜆，有咬口又煙韌嘅釜山鮑魚，連吸咀嘅釜山魷魚，好新鮮嘅釜山青口，細粒但爽脆嘅韓國小墨魚，好彈嘅蝦丸同魚丸，蔬菜類仲有爽甜嘅粟米，娃娃菜同金菇。5)    飲多兩杯再送埋國民拉麵，好客到呢，臨走再飲多枝。抵食5分：埋單每人竟然三百蚊有找，大大煲海鮮鍋，又有啤酒，非常滿足嘅晚上，抵食畀硬滿分。…查看更多

韓式前菜點少得！有波菜同泡菜兩款，食完可以請職員補充。.今次叫咗個二人份嘅韓國海鮮鍋🍲$398辣度可以同職員講，今次叫左少辣～.海鮮款式都好多：有鮑魚、釜山青口、墨魚仔、魷魚、蜆、元貝、蟹、蝦.今次海鮮鍋用嘅蟹比較大隻，佢哋會先煮一煮隻蟹。蟹嘅尺寸都幾大，有少少蟹膏，多多嘅蟹肉！不過最主要都唔係食蟹肉，而係飲蟹係海鮮鍋熬出黎既濃濃蟹湯！🤤啲湯越煲越濃，我地每人至少飲左三碗湯😍.鮑魚兩隻、迷你墨魚六隻、魷魚兩大塊、蝦四隻！煮既時間岩岩好，咬落爽滑彈牙！.蜆肉有八隻，咬落多汁到爆哂汁！而且有好濃既蜆味同咸海水味，保靜新鮮！.扇貝殼手掌咁大，貝柱連埋膏好大好厚！咬落好濃嘅香味而且唔會腥，肉質剛剛好唔會韌。.釜山青口咬落中間既肉都好嫩滑！.海鮮鍋底部仲有海量娃娃菜、金針菇、白蘿蔔，完全吸收哂海鮮湯既精華！.我地仲叫多左半隻柚子蜜糖炸雞$128，想試下韓國小食既質素！結果發現佢地既炸雞真係即叫即炸，仲要逐件逐件上炸粉，唔似出面有啲急凍炸雞既咁厚粉，而且入面啲肉係維持好嫩滑多汁！👍🏻最後$579食到咁多海鮮加炸雞真係食到好滿足😭😭…查看更多

香港都食到嘅韓國釜山海鮮鍋，每樣海鮮都有自己獨特嘅味道同口感，食落層次豐富！🦀 花蟹肉質紮實飽滿，鮮甜鮮味突出，咬開滿口蟹膏香濃，帶少少海水嘅清甜，口感彈牙又唔會太硬。 🐙 小章魚吸收咗湯底嘅香辣鮮味，口感爽脆彈牙，嚼勁十足，愈咬愈帶鮮甜海味。 🦑 魷魚細膩滑順但帶有彈性，入口有輕微煙韌感，鮮甜的海洋味和湯底辛辣相輔相成。 🦐 蝦肉飽滿結實，鮮甜多汁，入口Q彈帶自然海水味，食落好滿足。 🐚 貝類（青口、西施貝）肥美多汁，帶濃郁的海鹹鮮味同甘甜，肉質軟嫩且沒有沙粒感，保持極佳新鮮度。 呢鍋湯底以多款新鮮海產熬製，濃郁鮮甜，還帶點微辣，唔止係暖身，整體層次分明，每口都充滿海洋鮮味，啱哂愛海鮮嘅你！…查看更多

餐廳環境乾淨企理，坐得舒服服務員態度親切會主動幫手處理海鮮，好細心價錢合理，唔會話好貴 性價比高韓國釜山海鮮鍋    -細鍋其實夠三個人食，材料多到瀉原隻肉蟹爆膏虎蝦爽彈到識屈尾鮑魚上枱仲識郁兩郁仲有扇貝同青口最驚喜係個湯底，話係無落味精，飲落果然唔會口渴！頭啖湯係清澈嘅海鮮甜，滾多陣之後蟹膏溶入湯底變成金黃色、魷魚圈吸盡精華特別要讚個蜆，粒粒都爆汁冇沙最後落個烏冬落去煮，索晒湯汁真係完美收尾海鮮葱煎餅    -煎到金黃脆邊，麵粉漿薄得嚟又夠承托力魷魚粒同蝦仁密密麻麻鑲嵌其中，每啖都食到料葱段鋪滿成個餅，煎香後帶出焦甜，完全冇辛辣味…查看更多

這次吃韓國釜山海鮮鍋，整體感覺挺不錯。鍋裡海鮮種類蠻齊全，有鮑魚、蝦、蟹、青口、蜆、魷魚、元貝，全部都新鮮，入口沒腥味。湯底以蟹和貝類熬煮，味道鮮甜，喝得到濃濃的海鮮精華，而且辣度可以自己選，喝起來夠暖胃。每樣海鮮煮得時間剛好，鮑魚有彈性，青口和蜆很多汁、元貝又大又厚，蟹連膏都很多，吃得很過癮。湯一直越煮越濃，愈喝愈有味，每人都至少添了三碗。配菜方面，娃娃菜、白蘿蔔和金針菇吸收了湯底精華，軟滑又清甜。除了鍋，這家還有韓式炸雞等小食，皮脆肉嫩，配啤酒很適合。店內環境明亮整潔，服務也還不錯。以這個價錢，有這種海鮮份量跟質素，性價比很高。很適合幾個朋友或家人聚餐。如果喜歡吃海鮮熱鍋，這款釜山海鮮鍋可以一試，挺滿足的…查看更多

今日去咗銅鑼灣。呢度同朋友食韓國海鮮鍋，兩個人$400，都幾多海鮮釜山的海鮮鍋是一道令人垂涎的美食，融合了新鮮海味與豐富的湯底。這道菜通常包括大蝦、蟹、貝類和魚片，每種海鮮都有其獨特的質感。大蝦的肉質緊實，鮮甜多汁；蟹肉則香滑，帶有海洋的鮮味；貝類如扇貝和蛤蜊，口感滑嫩，咬下去時能感受到海水的清新。魚片則輕盈柔嫩，與其他海鮮相得益彰。湯底是這道菜的靈魂，通常以高湯為基底，加入韓式辣椒粉、蒜和生薑，帶來微辣的風味，令人胃口大開。湯底清澈而不油膩，既能突出海鮮的鮮味，亦能讓每一口都充滿層次感。當海鮮在湯中煮熟後，味道更加融合，讓人一口接一口，無法抗拒。總之，釜山的海鮮鍋不僅是一道美食，更是一場味覺的盛宴。…查看更多

成日行銅鑼灣，都唔知原來有間咁高質嘅樓上韓國餐廳！🤫 今次同朋友想搵個地方坐得舒舒服服食餐飯🍲 韓國釜山海鮮鍋 (小) $398海鮮堆到好似一座小山咁，好鍾意個湯底，所有海鮮嘅精華都出哂嚟，啖湯真係越煮越鮮，飲完成個人都暖晒！🥰裏面嘅海鮮有唔同款式。原隻花蟹 🦀️: 絕對係海鮮鍋嘅焦點！店員話係時令靚蟹，蟹蓋一打開，裡面嘅蟹膏都幾多，隻蟹size都幾大，所以肉量唔算少，可以食到啖啖肉！鮑魚 & 大蝦 🦐: 個鍋有幾隻迷你鮑魚，鮑魚清潔得幾乾淨，煮大概兩分鐘啱啱好，口感Q彈有嚼勁。大蝦亦非常新鮮，肉質爽甜，唔會霉。仲有好多魷魚圈、青口、帶子同蜆，全部都好新鮮乾淨。特別係魷魚，煮完都仲好軟嫩，完全唔會韌，索晒個鮮甜湯底都幾正！鍋裏面仲有索湯一流嘅娃娃菜、金菇同清甜嘅粟米，食完海鮮再食菜，可以平衡返，好滿足！🍗 韓國柚子蜂蜜炸雞 (半份) $118除咗海鮮鍋，炸雞都係必點！我哋叫咗半份試下味。隻雞係用泰昌雞，炸雞嘅外皮非常酥脆，內裡嘅雞肉就保持到非常嫩滑多汁。最值得讚嘅係個柚子蜂蜜醬，甜度恰到好處，完全唔會蓋過雞肉嘅味道，反而仲帶出一陣清新感，超開胃！👍小總結 🌟兩個人消費$568，可以喺銅鑼灣呢個地段，食到咁有誠意、咁足料嘅海鮮大餐，性價比真係高！…查看更多

天氣開始轉涼，就係最啱食啲暖笠笠嘅嘢！🍲 今晚同朋友去咗銅鑼灣覓食，無意中發現咗一間樓上嘅韓國餐廳，見到餐牌個海鮮鍋好似好吸引，就決定入去試下！點知有驚喜！🤩🌟 韓國釜山海鮮鍋 (小) $398我哋兩個人叫咗個細鍋，但個份量一啲都唔細！😳 一個金色嘅淺鍋裝到滿一滿，海鮮多到就快瀉出嚟！未食已經覺得好滿足！湯底鮮甜到不得了，飲得出係冇味精，飲完都唔會頸渴入面嘅配料真係超足料：* 大大隻爆膏花蟹 🦀️: 呢個絕對係全晚嘅主角！隻蟹好新鮮，一打開個蓋，入面全部都係滿滿嘅金黃色蟹膏，超級甘香！蟹肉都好鮮甜，索晒湯汁，真係冇得彈！* 彈牙鮑魚 & 大蝦 🦐: 估唔到個鍋有成幾隻鮑魚，口感煙韌彈牙，完全唔韌。大蝦都好爽口彈牙，食得出係新鮮貨！* 魷魚、青口、帶子、蜆... 其他海鮮都好豐富，魷魚好嫩滑，青口同蜆都處理得好乾淨，冇沙。每一啖都係滿滿嘅海洋味道！🌊個鍋仲有好多娃娃菜、金針菇同粟米，吸收晒個海鮮湯底嘅精華，最後加個麵一齊食好正🌟 韓國柚子蜂蜜炸雞 (半份) $118食韓國嘢又點可以冇炸雞！🍗 我哋叫咗半份柚子蜂蜜炸雞，老細講到明係用無激素雞，可以放心食，上枱時仲係熱辣辣，炸皮好薄好脆，就算淋滿醬汁都仲keep到個脆度！雞肉超嫩滑多汁，一啲都唔乾。個柚子蜜醬汁係靈魂所在，甜甜地帶點柚子嘅清新，唔會食到好滯✨ 其他小食 & 甜品坐低店員已經送上幾款前菜，泡菜夠爽脆，醃蘿蔔酸酸甜甜好開胃。最驚喜係有一碟炸魚皮，超級香脆，點少少鹽，係perfect嘅餐前小食！食到最後，店家仲送埋糖水，清甜滋潤…查看更多

前菜簡簡單單但好開胃。泡菜酸辣夠勁；酸葡萄賣相可愛，酸甜味清新醒神；海帶綠油油，軟軟韌韌帶海味，食落好舒服。韓國海鮮鍋二人份勁足料！用海鮮、鯷魚同海帶熬湯底，海鮮味重但鮮甜平衡，配料超多，鮑魚蝦蟹貝類齊備。底部有大堆娃娃菜、金針菇同白蘿蔔，煲到軟腍吸滿湯汁，蔬菜味甜甜哋襯托海鮮。鮑魚大大粒，入口嫩滑；青口殼大肉厚，鮮汁滿溢；墨魚仔細細隻但彈牙；魷魚切環爽口；蜆粒粒鮮美，配韓國拉麵，麵條Q彈得嚟滿載海鮮精華。炸魚皮炸得脆卜卜，金黃色誘人，咬落輕脆帶魚香，邊食鍋邊啖好夾。椰汁燉雪燕糖水涼涼甜甜，椰香撲鼻，食完感覺好滿足。…查看更多

一入行銅鑼灣嘅韓國釜山海鮮鍋，就好似嚟咗韓國街頭小館，傳統裝潢簡單樸實，木枱木椅加埋淡淡燈光，氣氛溫暖又親切。呢度主打傳統韓國料理，招牌韓國風味海鮮鍋由韓國師傅親手熬製，湯底用海鮮、鯷魚慢火煲成，海鮮味非常濃郁。前菜泡菜酸辣脆口；酸葡萄清新酸甜；海帶軟韌入味。韓國海鮮鍋鍋底鋪滿海量娃娃菜、金針菇同白蘿蔔，吸晒湯汁嘅精華，每一口都充滿蔬菜嘅清甜。海鮮款式豐富，鮑魚肉厚彈牙，入口鮮嫩；釜山青口肥美多汁，殼開後散發海鮮香；墨魚仔軟滑帶咬勁；魷魚爽脆有彈性；蜆細細粒但鮮味十足；元貝大粒甜美；蟹肉飽滿，蟹鉗咬落滿口蟹香，配埋韓國拉麵，麵條煙韌得嚟完全吸收咗海鮮湯嘅味道。炸魚皮外層酥脆金黃，內裡輕盈，咬落喀嚓一聲，啱晒配鍋食。椰汁燉雪燕糖水清甜滑溜，椰汁香濃得嚟唔膩，雪燕有咬口，入口涼涼嘅感覺好解膩。…查看更多

週末同朋友仔走入一間韓國餐廳，裝潢唔花巧，反而有種地道街頭風味，牆上貼滿韓文海報，好似真係坐喺釜山街邊食宵夜咁，親切又有氣氛！🍲 *釜山海鮮鍋* 一上枱就香氣撲鼻，紅通通嘅湯底滲出辣椒同蒜香，熱辣辣滾住，超有冬日療癒感。🦀 *海蟹* ：蟹膏濃郁，肉質鮮甜，吸收晒湯底精華，啖啖都係鮮味。🐚 *大蜆* ：爽口彈牙，咬落仲有少少海水鹹香，超鮮！🍤 *大蝦* ：蝦肉厚實，咬落有彈性，唔會煮到過熟，啖啖都係蝦味。🦪 *青口* ：滑溜溜，吸晒辣湯精華，入口先辣後鮮，層次感十足。🦑 *原條魷魚* ：煙韌得嚟唔會難咬，魷魚味濃，配湯底一齊食好夾。🌽 *粟米* ：甜甜地中和咗辣味，仲有啲焦香，好似燒粟米咁。…查看更多

📍【銅鑼灣釜山風味｜韓式海鮮鍋】近日於銅鑼灣發掘一間韓式餐廳，其裝潢風格呈簡約舊韓國風味，牆上有些韓文海報，彷彿置身釜山夜市。主打菜式「釜山海鮮鍋」甫上桌即香氣四溢，湯底呈橙紅色，湯底辣度輕，充滿海鮮及蔬菜的鮮味。海鮮包括海蟹、海蝦、原隻魷魚、大顯、大青口、鮑魚、魚蛋、粟米、金菇、娃娃菜等，其中蟹和蝦鮮味最突出，而鮑魚及魷魚則味道較淡。吃到尾聲，餐後店員建議加入湯及韓國拉麵再煮，麵條充分吸收湯底精華，口感煙韌，湯底惹味，為此餐劃上完美句號。…查看更多

今晚同兩位好朋友去銅鑼灣試咗一間韓國海鮮鍋，真心要大力推薦！我哋三個女仔食到勁滿足，唔止食物好味，服務更加係滿分！一入到餐廳，侍應已經好熱情招呼，態度友善又主動，成日留意我哋需要咩，換碟、加茶都唔使開口叫，自動波搞掂！最驚喜係，我哋其中兩位朋友生日，餐廳竟然免費送咗一份小食俾我哋，真係好sweet～至於食物方面，個海鮮鍋份量足料，湯底鮮甜濃郁，海鮮都好新鮮，包括大蝦、蜆、青口同魷魚，煮得剛剛好，仲有唔少蔬菜同菇類，口感豐富！最後餐廳仲送咗個飯後甜品，係一款好清新嘅椰汁雪耳甜品，為成餐畫上完美句號。總結：呢間絕對係會再encore嘅餐廳！無論係同朋友慶祝定普通聚餐，呢度嘅服務同食物都令人好開心。順便提提，如果生日去記得話佢哋知，話唔定有驚喜喔～👍👍…查看更多

走進店內彷彿瞬間穿越到韓國家庭式餐廳的氛圍！牆上掛著韓風Poster ，空氣中飄著辣醬與海鮮交織的香氣。小店用App下單，看到Menu 上有韓風傳統炸雞、海鮮餅、燒酒飲品。而今次我們點了店裡招牌的「2人份韓風海鮮鍋」$398，而湯底亦可選擇原味及辣味。店員都建議先點原味，另外跟上辣醬給我們！之後再送上韓式前菜：海帶、泡菜、黃蘿蔔🍲 海鮮陣容：鍋裡的主角毫不含糊：鮑魚、鮮蝦、花蛤、魷魚、扇貝、整隻蟹，還有一塊塊嫩豆腐與白菜、金針菇。海鮮的鮮度令人驚艷，蝦殼一剝就能感受到彈牙的肉質，蛤蜊飽滿無沙，魷魚則是Q彈有嚼勁，完全沒有腥味。而整隻蟹一看顏色就是新鮮，吃落肉質是新鮮。令我最驚喜的是湯底：看見湯頭完全清澈，沒有一點味精！店員介紹是用鯷魚熬製，雖然是原味，但湯頭都有少少辣度，不會嗆喉卻能暖胃。喝一口湯，先是辣味衝擊味蕾，接著是海鮮的鮮甜慢慢浮現。而多次加湯，都是真材實料的湯頭，越煲越濃越鮮！煲的雙人份量是剛剛好，吃得飽又不撐！…查看更多