影片
以上資料只供參考, 請與餐廳確認詳情
今日同個老友大家都差唔多時間兩點幾先做完嘢，夾埋就去近我嘅馬鞍山靠得住食嘢，突然間想食佢嘅粥， 所以就朋友就我去返我附近🤣🤣即刻搵嘢食又懶得搵啦嘛而且貪佢馬鞍山人少少 唔會咁逼人坐得舒服餐牌大同小異我都係嗌返豬膶粉腸粥 而家鍾意食豬潤粉腸粥多過及底粥 因為麻麻哋豬肚而且另外又會加白灼豬腰豬潤今次幾靚仔火候啱啱好，好少何火候會啱啱好唔會太熟，亦都唔會太生，吩咐咗侍應芽菜都要走油 做得非常妥當 服務非常好好貴，但好好味嘅白灼帶子朋友加咗蘿蔔糕同埋隻糭 $30糭非常抵，好足料煙靭 朋友非常欣賞，佢竟然係第一次食靠得住，然後都覺得全部嘢都好味今次蘿蔔糕都靚仔過之前超多 之前同阿媽食係好多油爛蓉蓉唔完整今次係非常完整不會太多油 啱啱好金黃色朋友嘅魚片粥都好多魚片碎我哋食得好開心 舒適嘅環境休息
繼續閱讀
今日經過馬鞍山見到有靠得住粉面店。突然雲吞面癮發作😅, 咁岩又下午茶時段，有好多追加小食任選，岩曬我D又貪心又唔食得多嘅人。雲吞麵底夾口，來到先落湯，不會令面浸淋。非常有心，果然係米芝蓮餐廳。湯底有大地魚味，雲吞少肉多🦐炸醬撈麵而家好少地方有，食反兒時味道，炸醬甜而不辣，肉絲入味配埋大地魚湯一流生滾牛肉粥，大大片牛肉加埋生滾白粥，我家老友記甚愛追加蘿白糕，煎得香脆，條條蘿白絲追加混醬腸粉，腸粉夠滑加埋混醬一條接一條，減肥思想又要拋諸腦後😓橫掂都肥，叫埋佢地嘅腰果露甜品$12 。鍾意中式甜品嘅我一個人食曬😅腰果露又香重腰果味又唔甜，不是太大碗，飯後做甜品一流⋯⋯
繼續閱讀
十個侍應全部扮忙，舉五分鐘手都冇人理，食過幾次都係咁，要落單冇人理，要水冇人理，唔想做生意咁，以後唔會再食，俾錢受氣。店內收唔到訊號，卻要人qr code落單，又冇wifi提供，想叫人落單難過登天，舉手舉到可以減bye bye肉，想瘦手臂又受氣就過黎食。
繼續閱讀
家中老人家獨自一人去想食碗粥啦，但唔識用QR code 落單，佢舉手叫人，完全冇待應肯協助，個個扮聽唔到，亦冇人肯同佢落單，好離譜！態度非常差！！最後佢去咗第二度食！
繼續閱讀
樓面印象唔好：那位看起來是高級的，當時只得好少客，大把位，他點我去貼牆角落頭坐，沒有就範。隨意揀了一張附近的桌，高級拋下一句：一陣要搭枱。當時好少客，留意下其他員工都招呼單人客坐卡位。這個高級的好mean。靠得住在新港城中心的舊舖亦會要單人客坐在邊皮位，即使現場少客。我想講：單人客都要俾錢㗎，而且未必吃得少。唔好忽視！
繼續閱讀