靠得住粥麵小館 (Citylink)

營業中

休息中

很少中午自己一人去沙田，諗住有大半小時的吃飯時間，周圍逛逛，發現了這間標榜米芝連食店入座餐廳只有半滿，我一人要和人搭枱，但不知是否搭枱關係，總是注意不到我，點菜也要等叫幾次先有人下單，點了魚腩肉丸粥及炒麵等了十多分鐘不太對路，店內都開始滿座，問侍應只是說出單了，做緊，最後等了廿多分鐘，忍不住大聲叫侍應追問廚房，未落單要走了，先俾碟炒麵食，原來廚房真的無單食完大半炒麵先出粥，碗粥好新鮮滾熱辣，想急都急不來。最後只好未吃完便趕著走味道需好尤是炒麵，不知是否太肚餓，但侍應服務真心差，落單漏單，追單都只口說出緊，但無查單，要大聲先得，人同人的相處真的要靠不禮貌先行

星期六沙田迫爆，見依間唔洗等就入左去，4眼男經理粗聲粗氣，所有嘢都係命令式講，都唔期望你有咩笑容，有收加一服務費，最搞笑係張單$67.1，我俾$70.1，佢收完錢落drawer就算，完全無諗住找錢，跟住你眼望我眼，然後佢話:依度已經67架啦喎！言下之意係:幾蚊唔係要找下話？！第一次見啲咁既人，米之蓮個朵都俾你整臭哂，幾蚊唔係一定要找，而係掉落海都唔益你！ ！

上星期五我又去咗靠得住（沙田連城廣場分店）食下午茶。可是當天等位也差不多等了十五分鐘😢當日我有啲唔舒服，因為想吃粥。我叫了一個肉丸粥餐，除了肉丸粥外，還可選擇一個小吃，我選了一客炒麵。餐飲是一壺蘋果紅茶。等了大約十多分鐘，期待已久的肉丸粥終於來了！肉丸粥肉有五粒圓圓的豬肉丸，豬肉丸有濃濃的鮮豬肉味，爽口彈牙，配上粥一起吃，不錯。如果對肉丸粥的味道感到有點悶，可以加些胡椒粉，可以增加肉丸粥的鮮味。炒麵也跟隨來了，炒麵炒得幾乾身，有微熱。裡面有少許芽菜和蔥段，配合炒麵，增強口感。爽滑肉丸粥餐(下午茶），合共$38.5

招牌雲吞麵($58 包油菜) 終於黎左試米芝連推介既粥麵館!!! 🍜 入黎之前首先要經過一大條人龍同無限既喼，所以一坐低就肚餓到要嗌野食喇😂 食完覺得冇乜特別，麵唔會浸到淋哂而雲吞都係滿餡足料既，但講真同大部分茶記/大排檔既雲吞麵差唔多。仲要坐得有啲迫，所以我意見就係唔洗專登排隊黎食喇😂Taste: 👅👅👅Value for Money: 💰💰Environment: 😪😪(on a scale of 0-5 emojis)

下午茶時段，32元有幾款配搭一款炒麵或者腸粉或青菜。最近才食過艇仔粥，今次又點一碗試試。原來艇仔粥各家的材料都不一樣，靠得住的魚湯粥底軟糯綿綿，有魷魚豬皮鮮魚片花生及少少內臟,雖然不夠十款，但已比街邊粥店好很多。

上菜超慢 朋友粥都食完 我個及第粥仲未上。朋友個粥度有粒細蟲叫佢重新整 對唔住都冇句 重新整完我個粥仲未上。叫服務員催態度又差 有個仲好大聲講 咩啊。七點十八分落單 最後八點先上 朋友已經食嗮。真係非常之唔滿意。要湊兩百字先可以評分所以再講啲野湊字數。仲有個匙羹唔乾淨 可見成個衛生狀況都唔得啦。其實出品都算ok但係態度真係好差。以前去過黃大仙嗰間其實都唔錯 唔知呢間點解會咁。仲要好多人等位 其中一個原因可能係上菜上的慢。今時今日咁嘅服務態度未夠嘎

一般唔會走入連鎖店食，靠得住呢間係我心目中有點兩頭唔到岸，鋪面陳設中庸、店名gapgap地，賣粥粉面呢種粗豪的我唔會常食既野；一直都無緣入去一試。機緣巧合下，我唔c服又想食粥，無神神入左去，咦！估唔到又幾好喎！清潔、企理、食物選擇多，店員亦勤快主動；叫左皮蛋瘦配腸粉粥夠綿夠滑，皮蛋瘦肉都有香味；腸粉爽口好味，滿足！ 一set都要$5x，以食粥食腸粉黎講偏貴；但靜靜地坐得舒服，食物又有保證，係呢類餐廳先offer到呢。

今日下午我去了很久沒有去的靠得住吃下午茶餐。不過今日係外面排隊都等左15分鐘。可能太多人知道佢嘅下午茶好食掛⋯今日我叫左星洲炒米，因為好耐冇食lu。坐喺餐廳堂食，除了會收加一服務費外，還會收＄3茶錢。因此他們會奉上蘋果紅茶，雖然係茶包，不過味道不錯。而且可隨便添飲，有需要可以叫服務員再加熱水。等左大約10分鐘，星洲炒米終於到了！光看外表，顏色已經好豐富。靠得住嘅星洲炒米都幾足料，啲餸完全可以遮住曬啲米粉裡面有4隻大蝦，叉燒絲、紅椒、青椒、芽菜、韭黃、洋蔥、蔥和雞蛋。大蝦幾爽口，米粉有小小辣，初頭食覺得味道不錯，但係多吃幾口，又覺得佢有點太油膩。好彩有杯蘋果紅茶去油解膩星洲炒米＄42，加上＄3茶錢，再加一服務費，總共$49.5。

標榜總店拿米芝蓮，入座後方發現是建制太興旗下，呢個時候總有人衝出嚟話：「你班黃屍同廢青咪乜都政治化啦！」首先已講過好多次，生活每一部分都離不開政治，第二眼見在建制班__乖推波助瀾下光速崩壞的這個家園，成功爭取香港成為僅次眾戰亂國之下全球第七最不快樂的地方，真係要有請小鳳姐。我們這些土生土長同熱愛這片土地的廢青，在連和理非狗衝塊空地都要被拉去坐成年監而用手臂延伸兜後腦卜濕你都係三個月、真係short咗的亂世時，唯有日日用抗抑鬱的能量告訴自己就算失望不能絕望，假使世界原來不像你預期，仍懷著一顆謙悲來面對不安的天氣。特首無得揀，功能組別無得揀，直選揀咗都畀人DQ，如果連自己辛辛苦苦堂堂正正賺返嚟嘅錢要如何良心消費都無得揀／唔識揀／唔去揀，就真係可悲。這次入錯了，所以很大機會是最後一次。下午茶兩點開始，細碗麵餐$30，粥餐$32，配腸粉/油菜/炒麵/油炸鬼，再加每位$3茶錢同加一。平心而論，食物質素是高的，而且也低食。原條泥蜢粥，出面粥鋪極少，粥底有魚湯粥之感。朋友點的雞粥，粥身偏黃，與泥蜢粥有明顯分別。炒麵很香，難得有不少脆身的部分，很香口。混醬腸粉加了豬肉，很香滑。

今日中午食得太飽lu，到晚餐時仲未消化完，咁就搵d輕食啦，嚟呢間米芝蓮餐廳食碗牛腩麵，雖然只係食碗麵，話哂都係米芝蓮吖，自我感覺相當良好。一個字:“好食”。呢碗麵，麵質彈牙，qq的，好似意大利粉嗰d al dente口感，而且相當有中式麵香，唔錯。牛腩炆得好冧，好入味，牛腩肉唔會sip牙縫，又唔肥，作為輕食，係唔錯嘅。腩汁好濃郁，加喺湯底入面，令成碗麵加哂分。雖然唔肚餓，但是都可以全部食哂 (當然碗麵唔係好大碗啦)。

認識靠得住是因為米芝蓮的推介。 從看到米芝蓮推介一刻起便想來試食，可惜想朝聖的人多的是，人龍非常長。 今天早一點來排隊才能順利入坐。一心想來試必食三寶，但未夠6點，鯇魚皮已紀售罄，幸好還有另一三寶之選——心肝寶貝粥。另外，還點了雞粥，芽菜雞及腸粉。心肝寶貝粥: 粥底鮮甜，內有兩粒已調味的帶子及豬肝。帶子調味做得不錯，能帶出鮮味。雞粥: 粥底與心肝寶貝粥不同，此粥底較咸。由於是雞粥，有雞皮，粥較為多油，如煮粥時能去除一點雞皮或脂肪會更好。芽菜雞: 第一次食這款食品，略嫌雞太油。

獲得米芝蓮推介嘅靠得住好巴閉，沙田分店就位於citylink嘅盡頭，等位唔派飛仔，迫住你哋成村人係門口企定定做勢。屋企人話想試，所以我同大家一樣都係痴痴呆呆地等。其實餐廳已經唔大，入到去先發現原來有三成既枱係吉嘅。Oh well，同 Chanel、Gucci 門口整條隊俾人排有咩分别？嗌咗套餐雲吞麵加腸粉 ($54)雲吞麵細碗就唔洗多講，但麵質過腍，唔夠煙韌，同樓下正斗完全無得比。腸粉仲嚇人，係凍架！究竟放咗幾耐先可以變凍，凍嘅腸粉又點會好食呢？呢啲真係米芝蓮？

食粥(不用加鹽，胡椒粉)全因為粥底用鲜魚熬製，外表與一般粥店無異帶子(好大粒，味道鲜甜)粥底粥好绵身，味道好清甜(鲜魚湯的味道)唯一扣分(有碎魚骨)，如果無魚骨，就滿分茶味(好香)蘋果红茶味道好重蘋果香味以魚熬制做粥底(味道好清甜)無奈有碎鱼骨(不能大口大口品嚐，扣左一些安全分數)

食物份量少，服務態度一般，茶壺不清潔又再使用，杯子只用清水洗完後再給客人飲用，坐位窄，環境嘈，咁嘅質素仲話係米芝蓮，仲要收加一，請我都唔會再嚟呀...........

食物味道合格，但食不出米芝蓮的水平，環境舒適，裝修靚，但職員態度差欠缺應有禮貎，應該加強在職培訓，碗碟唔乾淨，碗碟仲有辣椒油績，茶壺也冇洗就就用，整體來說可以一試