靠得住粥麵小館

營業中

休息中

呢間靠得住新開冇耐奶，成日見排長龍。今日可能落雨冇乜人；見到有位即刻入去試吓佢。靠得住係米芝蓮，不過唔係呢間舖喺灣仔鋪。下午茶時間叫咗一個艇仔粥一個牛腩麵加配一個混醬腸粉。碗粥唔算大碗，但係多魚片唔會稀過水。牛腩麵啲牛腩好大件，都有四五件；鹼水麵有水準。混醬腸粉夠滑加埋花生暫同甜醬；加上芝麻好好食。埋單要加一，冇叫嘢飲，兩個人唔使$100 。

屯門市廣場重開靠得住，之前見到好多人排隊，今晚冇乜人等位所以試吓！點了白灼豬腰豬潤，珍珠蠔仔粥加鱔球（3件）。厚切的白灼豬腰豬潤各4件$58，不過感覺放咗一陣先上桌，味道正常，配料花生、薑蔥好食🤣, 點汁加胡椒粉👍；蠔仔粥$48反而有些驚喜，粥底咸咸地好綿，加了鱔球3件$35，鱔球大件味道鮮甜，所以覺得加這價錢都值。問服務員要茶水，話茶每壺要加$10，清水免費，要了水一杯。menu 有小菜提供但不多款，印象中沒有了以前的小菜客飯套餐，同埋小菜貴左，埋單要加一服務費。

之前食過其他分店都好食，行開見到屯門都有分店新開，入去試吓，食物維持到水準，裝修企理，環境舒服，地方同餐具都乾淨，服務員態度好好，有耐性解答問題，又會介紹食物。小菜款式選擇非常多，值得去試下。

一直都好鍾意食腸粉、炒麵，以前成日都會過嚟食，隔咗一排依家屯門終於新開返，今日終於黎試！水準都keep住仲喺度👍好鍾意食多醬嘅腸粉，叫咗侍應要落多醬，真係俾咗好多醬我哋，見我哋食到冇乜醬嘅時候，店員仲主動問我使唔使加多少少醬，真係好體貼💯💯💯炒麵亦都好驚喜，以前食落好普通，依家炒得好入味，我自己加埋胡椒粉覺得仲更加好食😋炸兩係必定要試！以前冇食過靠得住嘅炸兩，今日心血來潮，見隔籬枱嗰碟炸兩咁靚，我哋又叫咗一碟試吓😆其實食完炒麵同腸粉，再食炸兩已經凍晒，心諗可能已經冇咁好食，點知凍左都仲係好鬆脆，重點係唔算好油膩！整體嚟講，店員服務好好，又有禮貌💯嘢食既質素和水準比以前好👍之後一定會再成日嚟幫襯

不錯，粥的味道好好味又唔會太鹹，粥又唔會因為放得久就會變成水，料又夠足，長腸的醬又可以分開上，因為個人概口味比較清淡的所以我覺得值得推薦，下次再來可以帶屋企人一齊來試下

魚片碎牛粥-勁重味精，食兩啖仲食到魚骨，好稀又唔熱雲吞麵-鹼水味勁重，好細碗，啲麵好硬鹹肉粽-乜醬都冇，味算中規中矩菊花杞子茶-冇味，當飲水啦油炸鬼-等左半個鐘仲未送黎服務-垃圾中既垃圾，舉手啲侍應當睇唔到咁行走，叫佢加水又藐，問下油炸鬼幾時黎又藐，俾錢又自助，仲要收一成服務費飢餓行銷，入面啲枱放左半個鐘都冇人執，搞到出面排曬隊一開始個粥又冇俾匙羹，又冇講唔好意思個油炸鬼等左半個鐘都未黎，問個阿姐又藐嘴咁話等下啦，之後個阿叔仲話「哦，咁一係取消囉」，擺明漏左，但一句唔好意思都冇！！！以上，又貴又食到成肚火，唔會再幫襯。