青山灣美食廚房

營業中

休息中

今日打唔成風 好好天好好太陽 就入咗舊咖啡灣游水同曬太陽 游完水就揸車過咗去青山灣美食廚房嘆個下午茶 補充下體力 事關舊咖啡灣嗰邊真係冇餐廳 不過好在無咁多人下午茶都幾抵32蚊 食個炸雞髀沙律 價錢好抵芝如雞髀都好大隻 炸得啱啱好 好有肉汁 沙律重要係傳統嗰款 雜果沙律 真係大件夾抵食下次游完水可以再過嚟食野

假日叫相熟漁家留一批靚海鮮。疫情期間不敢外出用膳，以往是直接拿海鮮到海灘那間餐廳加工，現在只得拿回家慢慢剪蝦拆蟹刨鱗。約了漁家三點泊岸，早到了便進三聖邨逛逛吃個下午茶。此餐廳最近馬路邊，可座在外面露天位置，曬曬太陽。餐廳名字叫青山灣，以往慣性光顧的沙灘那間叫新青山灣。兩間餐廳名字相近，裝修同樣直接簡單，枱面擺設也一樣如是，便直接問兩者有否關連。答道這才是本店，沙灘那間是分店與友人投資的。讚揚了幾句，說下次就來這裡吧。午膳同樣出色，先來例湯霸王花杏仁豬骨湯，老火例湯沒下味精，湯色深厚濃郁，材料豐富，用小湯碗盛蓋，沒因只是例湯而忽略功夫。午膳價格，加凍飲大概$50左右，近水樓台有些海鮮碟頭飯選擇。如今日的涼瓜班腩飯、銀魚仔、蒸馬友，每日都按照上岸魚種更新。原點了涼瓜班頭腩飯，說賣光了，改成魚腩。廚房水準一流，味道非常麻甩粗豪好味，配上一杯凍鴦，是繼豆腐火腩飯後另一必選男人浪漫飯。廚師先在魚腩沾上薄薄炸漿，炸成金黃備用，再起鑊爆香蔥蒜豆豉，炒涼瓜片加豉油色水，落回魚腩快炒埋芡即成。鑊氣火猛，香氣四溢，整碟飯一吃而盡。夠鐘船泊岸了，拿海鮮回家了。

相信唔少人都知道三聖是出名食生猛海鮮的地方，但原來附近茶餐廳的是日午餐也有意想不到的驚喜。豉汁蒸馬友飯每年冬末初春都是捕捉馬友的豐收時節，所以街市都可以見到不少新鮮馬友。碰巧在清山灣一帶工作完畢，便打算到茶餐廳食個方便快飯，然後趕回公司繼續埋頭苦幹。但估唔到三聖茶餐廳的碟頭午飯都有蒸馬友食，而且價錢實惠，50元有找，所以沒有多想就即刻一試。馬友份量比想像多，而且好新鮮，食落肉質軟腍嫩滑，配埋濃郁嘅豉椒汁更加好吃。跟餐有碗好足料的西洋菜湯，味道清甜，是住家老火湯的味道。白飯大大碟，用蒸魚豉汁撈飯一流！

收工即興入三聖食海鮮次次都要食椒鹽懶尿蝦好多膏，不過我鍾意無食肉多啲。朋友最愛鮑魚，但我好怕痴牙芝士大蝦真係no.1 ，我最鍾意炒聖子 下次唔會加粉絲底，食唔晒呢個好辣，但有砂點可無左藍妹炒芥蘭炒豆苗扮晒健康食返啲菜

喺香港要食平靚正海鮮, 而又要有水準, 我認為最值得推薦嘅就係屯門三聖村。唔好一聽到屯門你就覺得好遠, 其實佢哋交通方便程度, 遠比去西貢高得多。「青山灣」 是小店, 價錢好街坊價, 除咗可以自攜海鮮、來料加工之外, 佢哋本身出品嘅小炒、小菜, 味道都相當好。我哋買咗好幾下海鮮, 有加拿大蟹、扇貝、 大花甲、星斑仔、大瀨尿蝦。而老細送咗啲小海蝦畀我哋做前菜非常鮮甜。另外加咗個紅燒豆腐煲、蒜蓉白菜仔、小炒王、牛仔骨、紅燒乳鴿。都可謂非常豐富。海鮮買咗一千三百幾。青山灣嘅酒水、加工及少菜又一千三百幾左右。相當抵食, 份量有多。

今晚亞Sir 請食飯去三聖食爆標膽固醇海鮮大餐😂😂太多酒樓你都唔知點揀我朋友就食開呢一間價錢比較合理少少手勢都唔錯㗎 夠鑊氣👍🏻👍🏻👍🏻如果你都唔知揀邊間下次可以試吓呢一間#芝士龍蝦🍤#酒砵大生蠔#蒜蓉粉絲蒸大扇貝#椒鹽瀨尿蝦去三聖食海鮮嘅必食推介#豉椒大聖子炒得啱啱好 無過火👍🏻花甲王（清湯都可以好鮮味）👍🏻#胡椒蟹呢個係食到要吮手指😂你睇下呢個小朋友食龍蝦食得幾開心😂😂連後邊姐姐都要偷望佢🤣

今年母親節我屋企又去咗呢到食海鮮啦！因為係屋企人喺三聖呢頭嘅海鮮檔買完海鮮之後，再拎啲海鮮過嚟呢間餐廳加工，所以實質啲海鮮買咗幾多錢我都唔清楚🙈我正係知道五種海鮮嘅加工費+一碟揚州炒飯+一個菜+一罐可樂=$753。我諗計埋海鮮全餐約$2000，total有5海鮮1菜1炒飯，for五個人食🙆🏻‍♀️我最鐘意係豆腐炆魚同砵酒焗蠔🤤好似次次嚟呢到食海鮮都有呢兩樣嘢🤤另外今次係我第一次食油鹽水北寄貝，原來都幾鮮甜好食😋

星期五🚶🏽請假，晚上到三聖村食海鮮逛了一下最後選擇平日去開的海鮮店買海鮮，再選擇了一家小廚店加工-青山灣美食廚房。因才六點多人流比較少，一入座已給茶水清潔，服務迅速。油鹽水花甲（加工）咸度適中，花甲不會老身，肉質爽嫩，味道鮮甜。蒜蓉粉絲元貝（加工）蒜蓉味蔥花香濃，粉絲彈牙吸附海鮮鮮味，火喉剛好。椒鹽撒尿蝦（加工）椒鹽不重手，味道不算濃郁，如果可以重口味一點就更好蝦肉肉質彈牙爽口，時間掌控好。蒜蓉炒白菜仔白菜鮮甜淋身，入口蒜香味重，一碟份量不少，夠鑊氣。鹽焗奄仔蟹（加工）鹽焗後上碟整隻完整，入口味道濃烈，蟹膏滿滿，肉質鮮甜，香口十足。海鮮湯（加工）奶白色海鮮湯，魚香撲鼻而不腥，入口柔滑，味道鮮甜濃厚而不咸。

黎得三聖梗係要食海鮮啦！所以嗰日我哋就去咗三聖入面既海鮮檔口度買海鮮！然之後拎去呢間餐廳都俾人+工。首先講下啲海鮮質素真係好好味架！係一入村酒樓開始數起嘅第二定唔知三間係客家人嚟㗎，個檔主好熱情之餘又好好介紹，仲計平d俾我哋。再講下呢間餐廳就係做得好好味，食完都唔會話覺得好口渴，最緊要係呢樣野啊！因為之前食嗰啲，食完都好口渴。而且呢間嘅店員都好好人，俾你知邊隻海鮮邊種煮法會好味啲，再等你自己決定！

十年都唔會入屯門入到都唔知可以食乜，好彩有朋友帶路去一間超平民既舊式茶餐廳，果然係物超所值餐廳店員態度親切，野食既性價比亦非常高，夠鑊氣呢d餐廳真係係香港買少見少先俾大家見下我今次叫左咩食38蚊大碟飯，跟湯仲要有埋野飲 我最後選左雞扒配咖喱汁我俾4個like，佢地用既咖喱汁係日式咖喱，所以甜甜地，好夠咖喱味，一啲都唔淡，仲好足料 怕辣又想一嘗食咖喱既朋友們，呢間絕對可以放心叫😂係咪好足料呢 一個人都食唔哂，2個女仔share就岩岩好 仲有例湯1碗對於本小姐，當然唔少得奶茶啦呢間既奶茶唔苦，唔澀，對我黎講只係多左少少奶如果怕太奶既朋友仔，可以嘗試叫佢地落返少啲啲奶最後，補多張我朋友食既干炒牛河 呢碟絕對可以話係色。香。味。有齊哂好可惜我唔食牛，呢碟牛都好足料，唔似出面其他茶餐廳，得幾片以上開飯食評，只係本小姐食後感

今晚team gathering 入左屯門食海鮮，我就做地膽，訂枱買海鮮！買海鮮我一向都幫襯忠仔記，老實d 青山灣美食廚房多左燒鵝，皮脆肉嫩，食落好juicy, 上枱仲熱辣辣架！必須預定！砵酒焗蠔，好入味，砵酒同蠔味並存！好正！薑蔥鮑魚，真係好新鮮，鮮味勁重，鮑魚好淋！辣酒花螺，香味四溢，食完一粒又一粒！椒鹽瀨尿蝦，好味到笑哈哈，肉質彈牙，食落仲好juicy！芝士脆焗龍蝦，大大力推一下，相當出色，芝士味剛剛好，好脆，龍蝦啖啖肉，食到唔停口是油王大蝦，睇落去好似唔夠味，其實食落好入味，正正正！新鮮彈牙！鹽焗奄仔，爆膏爆到呢，食到個個咀忠仔記海鮮冇得頂，青山灣加工煮法好出色！擴張左仲保持水準！

在三勝屋邨內，街坊茶記格局，一般小菜約六七十，也可在附近海鮮檔買料再來料煮海鮮，不同海鮮不同收費，$48一斤起。在其中一間海鮮檔買，$120一斤有三隻愛爾蘭扇貝，超大隻超厚肉，鋪頭用蒜蓉粉絲蒸，火候剛好，粉絲與蒜蓉份量也很多，醬油帶甜，能帶出海鮮鮮味。大蟶子，$90一斤，豉椒炒，蟶子無縮而且無沙，但鑊氣略為差了點點。酸菜胡椒豬肚湯，豬肚份量很多，湯色奶白，胡椒味濃。招牌醬燒骨，肉多過骨，炸得香脆，醬汁濃厚，醋味突出。椒鹽豆腐，比較乾身，似豆卜，吃不到豆腐的嫩滑。完全沒有椒鹽味。整晚人頭$150，街坊價經濟實惠。

今日成班朋友聚舊兼慶生， 大擦海鮮餐， 先去左三聖忠仔記買海鮮，朋友相熟海鮮店， 今次再食餐勁既，買左聖子， 瀨尿蝦，奄仔蟹，龍蝦仔。 買完海鮮就去比較地道既加工店，街坊價錢，但食到超水準既食物， 海鮮本身已鮮甜，再加上這店火喉岩岩好， 超正+超值我們點了鼓椒炒聖子再配米粉底， 芝士脆焗龍蝦，椒鹽瀨尿蝦，鹽焗太奄仔蟹， 再叫了招牌菜小炒皇送下啤酒再三回味芝士脆焗龍蝦

今日有朋友生日，決定去三聖邨附近海鮮檔關財記買海鮮，還未決定去邊間代煮食肆時，有朋友提意到青山灣美食廚房，話除左食海鮮之外，佢地有碟叫南乳排骨好出名，決定一試！環境裝修當然比附近食肆欠奉，但那屋邨打冷格局，與及一間極度舊式嘅士多喺對面，令呢間鋪增添不少親切感（因我們都是屋邨長大的），大家當然點左南乳排骨啦，一路都形住這個招牌菜會類似沙拉骨，有啲漿汁包住舊排骨，點知黎到只係一碟簡單嘅炸排骨，一試之下，一點南乳味都無，只有一啲甜酸味，感覺似甜酸排骨多啲，肉質好淋，感覺落了不少鬆肉粉，如果呢碟改名爲甜酸排骨，我諗都會及格。至於其他代煮海鮮調味與炒功，以這個價格，整體來講，可算合理！

今天約了朋友去這兒食晚飯，因為有訂枱，所以不用等位！！難得一聚，我們決定豪食海鮮，老細會幫手發板，海鮮碟碟都好有水準！！白灼蝦又豈能沒有辣豉油呢～最細心的是……他們會給你一盤檸茶洗手，去油又清新！好體貼呀！仲要中途伙計見你盤茶太油了，還會給你換一盤！好好呀！回歸食物，不得不提那碟咖喱炒蟹，連我不好吃蟹的朋友都讚好！蟹肉結實香甜，咖喱汁又香又不會太濃稠，入味之餘又不會蓋過蟹的鮮味！可惜老闆娘說當天沒有麵包，所以不能「撈汁」這碟瀨尿蝦，大隻不在話下，還有膏！蝦雖然炸過，但不油！炸蒜好香，手指都「算」埋！在家很怕清洗聖子，但到店舖吃就最開心！而且師傅炒得唔老！好味！扇貝大大隻，最開心係有粉絲索味～豉油又唔鹹，一口鯨吞，好滿足！我們這群貪吃的傢伙，除了吃海鮮，還點了一味廚師推介的【冰梅骨】甜甜酸酸，中和了排骨的膩，好開胃～如此一桌美食，每人都不用$150 落樓，幸福也！！！！其實還有許多好吃的菜式，只是這次是為海鮮而來，而我們五位女子不敢太放肆，但這兒……絕對有下次！！！