影片
營業時間
今日營業
11:30 - 22:00
星期一至四
11:30 - 22:00
星期五至六
11:30 - 22:30
星期日
11:30 - 22:00
公眾假期
11:30 - 22:30
以上資料只供參考, 請與餐廳確認詳情
有關獎賞計劃
好耐冇食霸嗎拉麵，見佢出左新嘅期間限定拉麵，決定試吓。鴨肉蔥拉麵 $118鴨肉有6-8塊，份量十足，包你每食一啖麵都配到1塊鴨肉，而且口感嫩滑，好足鴨味，鍾意食鴨嘅一定要試吓。另外值得一讚嘅係個湯底，味道濃郁但唔會過於油膩。麵底亦唔會太淋，配搭埋大蔥一齊食一流。炙燒豚肉拉麵 $90霸嗎常駐拉麵，舊豚肉厚過我個面皮，炙燒到外焦內嫩，充滿罪惡感。湯底方面會比起鴨肉蔥拉麵稍微濃厚，但依然保持到平衡。麵底都係差唔多，同筍干一齊食令口感豐富唔少。照燒餃子 $38之前幾次食都未食過照燒餃子，今次終於試咗，發現有驚喜。餃子外皮脆，內餡豐富多汁，配搭埋照燒醬嘅甜味，仲有少少芝麻，令到每一啖都包含住唔同嘅味道層次。信州蘋果梳打 $28平時去親日本旅行都會飲呢隻梳打，宜家唔洗去日本，去霸嗎拉麵都飲到，鍾意食日本蘋果都會知道信州啲蘋果有幾好食，呢枝梳打保留到蘋果嘅甜味之餘加埋碳酸嘅爽感，夏天飲真係一流。可樂 $15經典口味可口可樂，味道相信唔使我多做介紹，如果你咁都未飲過，一係你就古代穿越過嚟，一係你就係外星人。霸嗎拉麵 (屯門)屯門屯順街1號屯門市廣場1期3樓3233號舖
繼續閱讀
霸嗎拉麵 Bari-Uma 於 2003 年日本🗾 廣島創立1️⃣ 以「最強濃厚豚骨頂級湯底」2️⃣ 自家製拉麵 Homemade Ramen3️⃣ 炙燒厚切叉燒 馳名於日本｜成為近20年新生代拉麵連鎖店.📚📖 「Bari」為廣島方言｜有「極之」意思而「Uma」則來自日語「Umai」｜ 意為「美味」因此Bari-Uma有「極之美味拉麵」的意思因應港人注重健康需求｜香港分店可讓顧客選擇「少油」‼️.🕵🏻♂️ 簡單食個午餐就知咩料 🕵🏻♂️.🔸期間限定🔸 🍜 鴨•葱拉麵 🍜𝔻𝕦𝕔𝕜 𝕊𝕙𝕠𝕪𝕦 ℝ𝕒𝕞𝕖𝕟 𝕨𝕚𝕥𝕙 𝔻𝕦𝕔𝕜 𝔹𝕣𝕖𝕒𝕤𝕥, 𝕊𝕔𝕒𝕝𝕝𝕚𝕠𝕟, 𝕒𝕟𝕕 𝔾𝕣𝕚𝕝𝕝𝕖𝕕 𝕃𝕖𝕖𝕜▫️▫️▫️▫️▫️▫️採用原隻米鴨｜配合新鮮蔬菜花6️⃣小時熬製｜濃鴨高湯 湯底清甜香濃自家製拉麵 🍜 配上酸梅粉 慢煮鴨胸🤍 我大like 灼燒大蔥口感 同大量細香蔥 🤍鴨胸肉排成一列｜油脂感同厚鴨肉就係正🔸雞叉燒味玉雞白湯拉麵𝕋𝕠𝕣𝕚 ℙ𝕒𝕚𝕥𝕒𝕟 ℝ𝕒𝕞𝕖𝕟 𝕨𝕚𝕥𝕙 ℂ𝕙𝕚𝕔𝕜𝕖𝕟 ℂ𝕙𝕒𝕤𝕙𝕦 & 𝔼𝕘𝕘▫️▫️▫️▫️▫️採用自家炙燒厚切叉燒技術｜配上雞豬骨濃白湯底再加上滲透濃湯底味玉｜份量與味道都值得一試.🔸沙拉唐揚炸雞｜5️⃣件ℂ𝕙𝕚𝕔𝕜𝕖𝕟 𝕂𝕒𝕣𝕒𝕒𝕘𝕖 𝕨𝕚𝕥𝕙 𝕄𝕒𝕧𝕠𝕟𝕟𝕒𝕚𝕤𝕖 𝟝𝕡𝕔𝕤▫️▫️▫️▫️▫️即點就新鮮即炸｜薄身炸粉 夾上香脆通透無多餘粉漿｜而且多汁雞肉 連絲絲油脂.🔸羽根餃子｜5️⃣件ℙ𝕒𝕟-𝕗𝕣𝕚𝕖𝕕 𝔾𝕪𝕠𝕫𝕒 𝟝 𝕡𝕔𝕤▫️▫️▫️▫️▫️▫️雞肉餡料餃子｜只要煎餃時加入太白粉餃子會附上一層脆皮｜睇嚟似翅膀羽毛🪶熱騰騰既煎餃黃金底部｜ 完全正宗日本風味👍🏻.
繼續閱讀
【屯門市中心高質拉麵店🍜 霸嗎拉麵】-豚骨叉燒拉麵就食得多🤩鴨胸拉麵大家又有冇試過？🍜今日經過屯市嘅霸嗎拉麵見到佢新推出嘅『鴨蔥·拉麵 』😚即刻入去食返碗！-😋鴨蔥·拉麵🍜$118拉麵賣相好吸引😻京蔥同鴨胸經過炙燒😳香味撲鼻～鴨胸肉質緊緻，表層用咗蘋果蓉調味😍食落帶點酸甜味😜幾特別！個湯底好濃郁嘅蔥香🥳鍾意食蔥嘅朋友包你會愛上！好味指數：🌕🌕🌕🌕🌗-😋雞叉燒味玉雞白湯拉麵$95呢款有雞叉燒、糖心蛋同埋雲耳🤩佢嘅糖心蛋個流心超正想再加多粒❤️🔥雞叉燒啖啖肉好過癮😍個雞白湯濃而不膩🤭good! 另一樣值得一讚嘅就係可以自己揀拉麵嘅軟硬度（小編鍾意食硬身嘅麵👏🏻佢又真係做到俾我🫶🏻真係要俾個like佢👍🏻好味指數：🌕🌕🌕🌕🌘-😋唐揚炸雞🍗$18跟餐加$18會有兩件炸雞🥳炸雞炸到金黃香脆，雞肉醃得好入味，食落嫩滑充滿肉汁，非常高質🤩好味指數：🌕🌕🌕🌕🌗-😋元祖彈珠汽水🥤$20😋麒麟一番榨🍻$24-📍 霸嗎拉麵屯門：屯順街1號屯門市廣場1期3樓3233號舖中環：蘭桂坊德己立街22號地舖尖沙咀：金巴利道26號地舖赤鱲角：暢達路1號香港國際機場機場一號客運大樓 (禁區)東大堂7樓7E162號舖💸人均消費：$145
繼續閱讀
餐廳有室內同室外嘅位置，座位都算多，環境闊落，坐得舒服。鴨.葱拉麵呢款拉麵係期間限定，當然要試吓。呢碗拉麵好吸引，中間一排嘅鴨胸，份量都幾多，鴨胸經過慢煮，保持肉質嘅鮮嫩，同埋入面加咗大量嘅蔥，好香。個湯底好鮮味，拉麵配埋個湯同埋蔥一齊食，好味。炙燒豚肉味玉拉麵呢碗拉麵入面嘅炙燒豚肉勁厚切，亦燒得好香，豚肉軟腍，咬落去啖啖肉，好食入面仲有隻溫泉蛋，火喉控制得啱啱好，佢個湯底好濃郁。羽根餃子呢個羽根餃子有驚喜，佢個皮比想像中透薄，口感好好，入面嘅餡料都好新鮮。飲品叫咗靜岡蜜瓜梳打，好濃嘅蜜瓜味，好飲。另外，青森縣富士蘋果酒有淡淡嘅蘋果味，好清爽。
繼續閱讀
肥仔今日去市中心揾食，有機會品嚐霸嗎拉麵嘅幾款經典菜式，包括鴨•葱拉麵、特盛炙燒豚肉拉麵、唐揚炸雞（5件）以及羽根餃子（5件），預好正！🍜鴨•葱拉麵 呢款期間限定拉麵好有新意，湯底用優質米鴨同高湯熬煮六小時，鴨香濃郁又唔油膩，特別加咗酸梅粉，帶出一啲酸甜味，口感層次豐富。鴨胸嫩滑，表層微焦嘅炙燒香氣同京蔥、蔥花完美配搭，清新同濃香平衡，食落回味無窮。麵條彈牙有嚼勁，吸滿湯汁！🍜特盛炙燒豚肉拉麵 呢道係霸嗎嘅招牌，特盛版真係肉迷嘅天堂！豚骨湯底濃香，經過長時間熬製，味道深厚又唔膩。炙燒豚肉厚切加碼，油花均勻，入口即化，帶微焦香氣。麵條硬度可選，掛湯效果出色。整體口感滿足，適合鍾意重口味嘅食家，建議加啲清新配菜（海苔）同多粒蛋會正。🥨唐揚炸雞日式炸雞外皮酥脆，金黃誘人，內裡雞肉嫩滑多汁，肉汁充滿口感。醃製入味，原味已鮮甜，選辣汁或燒汁更添層次。5件份量適中，適合同拉麵分享，做小食下飯一流，質素高，絕對要試！🥟羽根餃子羽根餃子皮薄脆，底部有網狀焦痕，餡料肉汁飽滿，咬開汁水四溢。加七味粉或餃子醋，酸香同肉香相得益彰，5件份量做配菜正，性價比唔錯。熱食最佳，建議即點即食，保持脆度同鮮味。霸嗎拉麵將傳統同創新結合，環境舒適，服務友善，性價比高，值得一試！
繼續閱讀