霧鮮

營業中

休息中

今日去左旺角中心行下，行到2樓見新開左間手搖店~霧鮮~，有得加豆腐，幾得意，一於試下。🥤🌟霧鮮始源珠海，深圳都有分店，着重專注東方•中國茶文化既承傳。呢度選用既生牛乳係0奶精0植脂未0氫化植物油。🌟 黑糖珍珠豆腐奶茶 🌟濃郁嘅奶茶配上滑溜嘅豆腐，甘甜焦香嘅珍珠，幾樣野好夾。🌟 黑糖抹茶牛乳 🌟濃郁嘅抹茶味配牛乳，再加上香甜嘅黑糖珍珠，清新爽口，甜味啱啱好。🌟 楊枝甘露海底椰 🌟香甜既芒果蓉，西柚肉，最鐘意個海底椰，整到好似布丁咁。以後飲野又多一個好選擇。

今日試咗霧鮮嘅招牌開心豆腐（獨家首創）飲完之後即刻買多兩杯招牌同朋友開心Share！開心豆腐😋真係好特別，開心果豆腐好滑！唔會太甜～顏色靚到爆！錦裏嫣紅😋茶香好濃～加埋鮮奶 超級順滑好飲！而且幫手落單嘅妹妹非常細心，驚D Cream融得快，專登分開放，Cream上面有開心果仁 超好味😋楊枝甘露海底椰😋真係無得輸！椰奶濃郁得嚟，配上清甜嘅芒果，同埋滑溜溜嘅海底椰，飲落去超舒服！仲有，佢哋嘅外賣包裝真係好用心，唔單止保護到飲品，仲令到整個飲嘢體驗加分！總之，今次嘅飲品體驗我真係好滿意，無論味道定包裝，霧鮮都做得好好😌～

今日約咗中學同學去行吓中學時代經常流連嘅旺角中心，而家同以前大不同🤨知道商場上面多咗好多小食鋪，剛巧見到有一間新開嘅茶飲店，朋友最鍾意飲靚茶底嘅茶飲，見到佢哋舖頭介紹專注東方中國茶文化嘅傳承，相信茶底一定有返咁上下。開心豆腐 $33這款是他們首創款，茶底用上清香嘅淋蘭觀音，底層配左開心果涓豆腐，又香嘅堅果🌰豆腐滑溜，中層配合香滑嘅水牛乳，頂層加上海盐，除咗色澤一層層層次外，味道又咸又甜，香濃好味😋黑糖珍珠豆腐奶茶 $33茶底香濃，珍珠煙靭，奶香幼滑，豆腐花滑lulu。白桃生榨黃皮 $33黃皮係果中之寶，手打黃皮做法將精華打晒出嚟，酸酸甜甜，每一啖帶出白桃嘅清香，係消食健胃，生津解渴嘅健康之飲

源自於珠海既霧鮮，打入香港既第一站就黎到香港都好熟悉既旺角中心，為香港人帶黎廣東文化特色既廣東花香茶味手搖飲品開心豆腐 $33 霧鮮首創開心果溝豆腐味飲品，開心果作為近期熱門，霧鮮都為開心果打造左呢杯飲品。配搭豆腐花製成呢杯開心豆腐，直頭係飲得既甜品呀呢款飲品除咗有開心果嘅獨特香氣，仲有豆腐花嘅細膩口感，真係一試難忘嫣紅海鹽奶玉 $29 其實佢就係烏龍茶海鹽鮮奶，奶味香滑，同海鹽烏龍茶味道好夾。呢款飲品係炎熱嘅天氣下特別解暑，香濃嘅奶味加上海鹽烏龍茶嘅微妙鹹味，形成一個完美嘅味覺平衡芽碧茉莉 $28 綠茶方面就當然唔少得茉莉花茶啦，係清香既茶底帶黎唔一樣既花香，係佢地最獨特既地方呢款茉莉花茶飲落去清新淡雅，特別適合追求清新口感嘅你

原來霧鮮在香港已經開左一陣子，經過旺角中心買野時，同朋友仔一齊嘆返杯飲品先。開心豆腐成杯飲品的色調是淺綠色為主，見到有水牛乳的層次。喜歡軟綿綿的開心果味絹豆腐，茶底是沐蘭觀音，都很清香，加入了海鹽，很能突出奶香。黑糖珍珠水牛乳黑糖珍珠很煙韌，味道甘甜帶點焦香，拌勻後，奶滑香甜，建議叫少甜就岩岩好。楊枝金露海底椰特調芒果汁很濃稠，椰子味很香，加入芒果粒，椰子凍，很有口感，而且酸甜醒胃，我覺得很有飽肚感。店員包裝得好穩陣，包裝很衛生，對人有耐性，對遊客都很好，因為店內有活動，解釋返個杯身有優惠劵先至甘高，有講清楚中杯的實際容量。

霧鮮Wuxian Tea東方手作 花香人盞始於珠海以本位質樸的手作靈感專注東方•中國茶文化的傳承開心豆腐【霧鮮首創】去冰，正常糖，經典海鹽風味。呢款飲品真係香滑到難以置信，開心果嘅濃郁香味同海鹽嘅微鹹滋味完美結合，可鹹可甜，香濃好味。開業盲盒杯 芽碧茉莉勁大杯，超抵飲！只需26蚊，盲盒仲有禮物送，每一口都充滿驚喜，打開嘅時候好驚喜，我抽到嘅係襟章啊。芒芒抹茶牛乳呢款飲品真係三層顏色鮮明，超級吸睛。濃郁嘅芒果味、抹茶嘅清香同牛奶嘅香滑完美結合，每一口都係味覺嘅享受。呢一系列手調飲品真係色香味俱全，每一款都係精心調製嘅佳品。連個外賣袋都好多款，好靚呀，你飲緊嘅係一口文化，係我最鐘意嘅青綠色同埋詩句啊。

這間新開的茶飲店位於旺角的旺角中心，鄰近旺角站，是來自珠海的人氣排隊店，於國內有超過八十間分店，是社交平台上100家探店計劃之一，大有來頭！主打現代結合傳統的東方花香茶飲，嚴選高品質的東方茶葉，配合台灣奶茶的古早手法，還有多款每日熬煮即做的配料充滿廣府特色，追求健康的本味。首間香港分店的裝潢採用簡約的日系木風，開放式廚房觀賞到沖泡過程。開心豆腐 - $33厚實而甘醇的沐蘭觀音，帶有蘭花香，回味香甜，入口滑細，伴隨著順滑的水牛乳清香且濃厚飽滿，比牛奶更好，微鹹的海鹽平衡膩感，還有滑溜的開心果滑豆腐充滿豆香及堅果香氣。涓豆腐奶茶 - $30每日新鮮以古法工序製作的涓豆腐，口感綿密又滑順，有鮮嫩的豆香，還有茶香的回甘。嫣紅海鹽奶玉 - $34以烏龍岩茶為基底，茶味中帶武夷花香，香氣清高幽長，綿密的奶玉好細膩，甜而不膩。

🌸開心豆腐 $33🌟🌟🌟🌟🌟滿滿青綠色豆腐，每工啖都好細滑，開心果都算突出，帶點海鹽味既鹹味，水牛乳也夠香能提升沐蘭觀音茶味。味道有點獨特。🌸涓豆腐奶茶（凍）$30🌟🌟🌟🌟🌟濃郁豆腐味，每啖都好軟滑豆腐配搭香濃奶茶，茶味突出，估唔到涓豆腐配奶茶咁夾。🌸 楊枝甘露海底椰 $38🌟🌟🌟🌟🌟超濃郁海底椰，滿滿西米撈、超濃郁香甜的芒果汁、新鮮的西柚果肉，拌勻之後口感非常豐富，因為只有無糖或正常糖，所以叫咗正常甜度，但不會太甜。

喺旺角行街行到口渴想買杯飲品飲，見到旺角中心開左一間新既台式飲品茶飲店，門口都算幾多人排隊，於是就決定試一試伏佢聲稱係中國有過百間分店，而喺香港又係第一次見到呢個品牌，跟咗佢點左推薦榜第一位既開心豆腐，成份有開心果娟豆腐，水牛奶，海鹽同埋茉莉茶底。水牛奶嘅味道就非常之酥，加上海鹽味同開心果豆腐，味覺上有甜有鹹。個人就接受到酥味既，如果唔鍾意酥味嘅朋友就唔係太適合。開心果豆腐口感幾滑，但係開心果味道就太多，如果為咗開心果而點這杯嘢飲就要慎重考慮，總括嚟講都係不過不失。