雲米家

營業中

休息中

荃灣周街都見到米線餐廳，但今日簡左依間有雲南米線之餘仲有雞煲食，價錢仲要好實惠！位置四坡坊既雲米家，依晚七點到但已經客似雲來，除左堂食仲見有好多款外賣便當，賣相相當吸引！講返個雞煲，我地額外叫左花甲，廚房一d都唔手軟，食極都仲有，仲好鮮甜！另外老細推介食墨魚咀，又估唔到爽口得唻仲好甜，都係第一次食，非常有驚喜！除左雞煲我地仲叫左幾串串燒，燒得好香口之餘但肉質依舊juicy, 好出色！超滿意必定會再唻幫襯！

新年好多鋪頭都唔開，見到呢間雲米家有開門，而且都好多人食緊，就入去試吓先。一入到去已經聞到好香嘅蒜泥味，佢哋嘅蒜泥白肉應該好多人食緊👍🏻 一坐抵就睇餐牌先，都幾多選擇。米線都多種選擇，有過橋米線，酸辣，麻辣等等。重有串燒食，真係估佢唔到🤣過橋米線 - 勁大碗，應該夠兩個人食。我都講，個米線好有咬口，唔會一夾就斷，唔錯。餸菜方面，有肉片、雞肉、腐竹及蜆肉。重可以再加自己喜歡的餸菜🍲麻辣金錢𦟌 - 個麻辣汁好香，大大塊牛𦟌浸滿麻辣汁。佢個麻辣汁唔太辣，但好麻，我最鍾意就係呢個麻辣，好食到食唔到口。麻辣蒜泥白肉 - 蒜泥白肉就食得多，加埋麻辣我真係第一次食。肉片上有大量蒜泥，加上浸滿麻辣汁，我一食落口，果種刺激感，真係好爽。我強烈推介呢個麻辣蒜泥白肉，估佢唔到咁好味🥰串燒 - 我哋點了燒羊肉串、牛肉串及墨魚頭。串燒勁好味，重點係佢哋提供了燒烤粉，我哋每食一啖，都可以加啲燒烤粉上去，勁嘢味，串燒真心好食🍡埋單時店員重同我哋互相祝賀，食得開心，氣氛都好好👍🏻

放工約朋友去荃灣食團年飯諗住食碗米線，簡簡單單又一餐點知入到去俾佢個雞煲吸引佐天氣凍就會想打邊爐，或者食雞煲但係點都估唔到米線舖都有雞煲食.麻辣雞煲半隻 $168豬大腸 $60腐竹 $35皇帝菜 $40燒生蠔 $25.雞煲無論係麻度同埋辣度都可以揀個人推薦麻度比辣高一格咁食我自己就點佐中麻配小辣麻辣汁濃郁可以先食麻辣雞後食豬大腸令辣汁完美融入豬大腸麻得黎好過癮腐竹亦都係食雞煲必點既無論係腐竹，定係皇帝菜全部都勁大碟又唔貴建議大家可以一碟一碟咁叫呢個份量真係唔係講笑再點多3隻爆蒜燒生蠔即叫即燒勁大隻$25一隻好抵食米線，就惟有下次先可以再試啦.雲米家 @wmk.hknoodles荃灣四坡坊17號地舖.#香港 #米線 #雞煲 #麻辣 #麻辣雞煲 #米線 #HongKongFood#HongKongChickenPot #ChickenPot #noodles #hknoodles #雲米家 

呢間米線鋪喺荃灣都算係老店 原來除咗米線仲有自家製串燒、雞煲羊腩煲、飯類等等😌質素仲唔頹喎過橋米線好大碗好多配料 有雞肉、豬肉片、蜆肉、腐竹芽菜等等 會貼心地分湯上🥣米線麵質爽滑 軟硬度啱啱好 湯底就平常嗰種豬骨濃湯味仲追加左腩肉、白蘿蔔 腩肉好入味 肥瘦參半 肉質唔嚡口 白蘿蔔清甜冇渣 都唔錯🤭燒鴨舌、烤羊肉串、烤牛肉串、燒墨魚咀、燒芝士豆腐串燒有驚喜喎！熱辣辣 即叫即燒🍢每串都有孜然香味 好惹味 特別鍾意墨魚咀 好爽脆 鴨舌亦都好特別 羊肉帶少少膻香 都好味道🤤涼拌青瓜涼拌汁好入味 少少辣 幾過癮 青瓜又夠脆仲見到有唔少人嗌台式飲品🥤見廚房真係有部手搖飲品機整 一啲都唔馬虎喎😆唔知味道係點呢

我最近到了雲米香餐廳，點了他們家的招牌菜——過橋米線和腩汁油麥菜。這兩道菜都讓我驚艷不已。過橋米線的湯底是以雞肉、豬肉和蜆肉熬煮而成，湯頭鮮美、濃郁，讓人一吃就欲罷不能。米線本身也很有口感，非常好吃。每種配料都能帶出不同的風味，讓整道菜更加美味。我只能說，這道過橋米線絕對是雲米香餐廳的一道招牌菜，值得一試。腩汁油麥菜也是一道不錯的菜品。這道菜以油麥菜為主，加上濃郁的牛腩汁，讓整道菜的風味更加豐富。如果你喜歡腩汁，這道腩汁油麥菜一定會讓你滿意。總的來說，我推薦雲米香餐廳。無論是過橋米線還是腩汁油麥菜，都是非常出色的菜品。此外，餐廳的服務也非常好，服務員很友善和專業。

作為一個米線控，初六想食米線，但好多舖頭都未開市，平時食開嘅唯一、老闆娘同雲家都未開，唯有喺附近試下呢間雲米家，見舖頭入面都只係坐左6~7成人，但係無選擇下唯有試下舖頭裝修好簡約，都係木枱櫈，好多人食雞煲，飲啤酒，反而米線就唔多人食。朋友叫左腩肉同埋豬腸麻辣米線我叫左個兩餸麻辣米線牛栢葉+腩肉湯底似係加左辣椒油嘅清湯，好油，但油得黎唔好味，米線質地又過淋，完全無咬口，另外再叫左個例牌口水雞，味道還好，上面d醬油幾香，但係60蚊黎講份量好少。應該唔會有下次lu

每逢經過荃灣，米線控嘅我，都會周圍去食米線，而雲米家都係我經常會去食嘅米線舖之一，麻辣同酸辣都係我最常食嘅，麻辣同酸辣嘅湯底我都覺得幾正，而且夠大碗，有時真係食唔晒，下午茶仲有嘢飲送，唯一唔滿意嘅係豬紅無乜味，如果調咗味先煮應該會正好多，都會keep住幫襯嘅😋

喺荃灣打滾多年，呢度有好多間米線舖都非常出名，一直覺得呢間米線舖被underestimated ，有段時間，仲會每星期食一次添，不過，最近呢年都冇返去食過，今日中午趁有機會行過，就入去食返餐啦，點知⋯⋯我地叫左：麻辣米線 加 腩肉（$41）少少辣配料相對豐富，有：雲耳、芽菜、芫荽、蔥花、炸醬我咩都唔知，咩味都食唔出，淨係知道成碗米線都油到不行！ 唔辣唔麻，但係好多辣椒油喺個碗入面🥹完全係食唔到嘅程度腩肉望上去好乾好柴，但其實識落一啲都唔覺，仲煮得非常入味，但可惜俾個爆油湯底校到冇晒胃口。(｡ì _ í｡)酸辣米線加豬紅（$41）小辣少少酸配料同樣豐富，有：雲耳、芽菜、韭菜、芫荽、蔥花、炸醬、肉碎、酸菜米線爽口彈牙，唔會一夾就斷。豬紅味道就正正常常啦，湯底非常濃郁，叫咗少少酸，非常開胃，辣味夠，好香，配埋炸醬肉碎，好惹味，但係同記憶中嘅味道相距甚遠，冇咗以前識落嘅驚豔( ･᷄ὢ･᷅ )以前佢嘅酸辣湯底真係好好味，比起譚仔酸辣嗰啲，真係技術性拋離，但係而家真係失準咗好多，今日嚟食非常失望o(︶︿︶)o小食：皮蛋話不多說，睇圖，就知道非常之油🥹到底係點樣做到，油而不辣？ 準確少少：除咗油味，乜嘢

今日去食米線，之所以揀呢間……係因為有木瓜涼水這個傳統的雲南糖水……好可惜，今日中午就已經賣完了！ 十分失望。另一件失望的事……我們一行三人，竟然有一碗麵，漏了單！發現時….已經太遲，只可以取消！但話分兩頭，出錯，是在所難免，起碼侍應態度有歉意，都算可以接受！我和朋友，點了一碗麻辣，一碗酸辣！麻辣味道比較好，酸辣夠唔夠酸味……要另外問侍應加醋……叫了腩肉及雲吞……腩肉相當之乾、瘦，表現欠佳！雲吞的外皮比較淋，夾上去，已經破損……整體來說，味道是可以的，但是……食物的用料和質素都十分麻麻。

除了過橋、豬骨、麻辣、酸辣米線之外, 還有涼伴米線分別點了招牌紅燒肉酸辣米線（大辣🌶)及涼伴米線紅燒肉很淋, 炆得很入味, 本身酸辣米線已經配了炸醬、肉碎、酸菜、韭菜、芽菜、芫茜、蔥花請注意酸辣不設走辣湯底很濃郁, 味道很好, 就算飲湯也不覺口渴, 材料豐富, 份量對我來説有點多, 我每次都點少米的☺️涼拌米線配了炸醬、花生、芫茜、青瓜絲🥒請注意如果走辣是沒有炸醬的撈起伴勻特製醬汁, 酸酸辣辣很開胃飲品 ：士多啤梨珍珠奶茶🍓🧋 + 珍珠奶茶餐廳還有麻辣小食及燒烤, 下次可以再試服務態度不錯, 有人情味的小店

舖頭環境同一般米線舖差唔多但座位闊落 都幾好坐 又唔逼😚去相!!魚腐 牛展 豬紅 酸辣米線 （小小辣）$60小小辣既湯加上配料同米線 食落都算野味牛展好林 入味😳而豬紅本身都好入味 幾好食😋😋魚腐反而比較一般 魚腐無吸收到湯汁 食落既時候無咩特別整體都好食既😋 一定比連鎖既舖頭好食而入面既配料都足 但希望可以再多d😍會更加野味豬腩肉 韭菜雲吞 涼拌米線 $50涼拌米線不過不失係熱天唔想食太熱既米線 可以叫下涼拌米線 都唔錯😚油菜全走 $15🤣🤣健康既小伴子梗係要叫個菜中規中矩啦

讚1.見門前成日有好多人係度劈酒隊啤，都無為意原來係米線店，試左酸辣米線，又唔錯噃，湯底酸得開胃而唔係喇喉，辣度唔係好假果種，係炒入味果種，算係可以一試既級數。串燒好味，豆腐燒得外層脆入而濕，係幾有意外之喜彈1.環境係立雜啲

附近有唯一，雲家，川味（不過依間多分店）,荃灣仲有其他競爭，諗唔到點解要來第二次，價錢平少少？無佢地咁辣？或者招牌既唔係我依種湯，或者佢仲有飯同雞煲魚煲等。不過佢如果放係其他區，應該心中次序可以提升好多。集郵來講都可以一試。薯粉夠淋，湯底都濃但未夠雲家咁誇張，比川味酸辣濃，湯底其實有少少香料味，未到超咸，有少少都接受程度。酸菜芽菜份量剛好/接近略少，肉碎其實都好多,但硬係唔夠雲家咁啖啖肉碎。腩肉薄切，譚仔蒜泥白肉般肉質，比佢厚少少，除左一開始雪櫃拎出來咁冰凍之外，其實都ok,細片左少少。環境較暗，坐位寛闊，不過可以燈光較暗/樓底低？感覺唔係咁舒服。店員態度感覺係差少少，小事，但如果好d就梗係好d.

今日跟朋友去荃灣區，佢話天氣凍凍地帶我去食米線...其實米線我都食過無數間，但呢間都係第一次!下午3點幾，人唔算太多，見到餐牌…我點咗酸辣薯粉+豬腩肉及芝士腸!每款餸加8蚊，酸度及辣度可以任揀(有大中小選擇)配料我就走咗芽菜及芫茜而餐飲加8蚊我就點咗凍鴛鴦少冰少甜!好快熱辣辣嘅薯粉送上!份量都唔小，如愛吃辣的就可以揀中辣!酸度正常已經夠!豬腩肉係有秘製加咗辣的!味道很好!而湯底也不太油膩!

今日黎開荃灣，想食米線，唯一雲貴川太多人，排完都餓暈左，放棄。search 雲米線都好似ok ,限聚令，2人一枱，都坐滿人，樓面得2個姐姐，又要收$，又要落單，又要送餐，又要接電話外賣order,又要搞幾間平台外賣，做到踢哂腳。叫左豬肚酸辣小富米線（中辣），米線太淋，晤夠酸辣，口味偏淡，豬肚易咬開。試過一次就夠。