雲桂香米線專門店

營業中

休息中

中午時分，旺角成條街勁多人，行完兆萬中心，過左對面2/F嗌番個外賣番公司食。 上到去，地方好大，但人流唔算多，眼見好多人食飽都坐多陣抖抖。出餐算快，下單10-15分鐘後就可以拎。 每次黎親【雲桂香】，我都嗌「重慶酸辣紅薯粉」小辣，湯底濃郁惹味，仲有花生、榨菜、芫茜等搭配起來口感非常好。今次我另加了$9 的豬膶，爽口偏薄，味道唔太出眾，尚可接受。

見到晚餐時段爆曬場，心諗掂啦。入到去落單叫極都冇人理，都體諒嘅。忙啊嘛係咪先，嚟到碗嘢同其他分店有小小分別（難食左）都可以接受。但啲人服務態度真係勁勁勁差，唔想做生意咪唔好咁多位囉。仲要其他分店都收八達通/卡。佢淨係收現金/微信/支付寶，以為食緊深圳分店啊。想問裝部八達通機好難？？定你啲員工讀寫阻礙唔識用？我都好少係依到評分同留言。但依間真係唔得，仲要開係旺角，去食隔離三哥都冇咁嬲。奉勸大家想食雲桂香嘅唔好食依間，去食其他分店。

在旺角行街時經常會去食嘅米線舖，出品穩定尤其辣度掌握得唔錯，對於唔太可以食辣嘅人士十分友好。湯底食得出落左味精，食到最尾有小小口渴，但總體來講調味OK的。腩肉質素唔錯，唔係白水煮出來嘅，有事先鹵水過，但略顯切得薄身，分量比較少。

今日中午去食，見到爆哂場都放心啦，唔會西得去邊，我叫左個牛肉豬腸炸醬，中辣黎到牛肉變左肥牛，算！照食..d炸醬又撈埋落碗米線到..哈….我好小食呢間，唔知係咁，個湯底西到呢，萬年油浸住米線，唔好食呀仲要係，應該呢十年都暫時唔食住

只能用垃圾兩隻字形容佢服務差 職員多 但得閒都吾幫人落單三枱食客不停叫吾該 都冇人埋黎落單職員寧願同賓賓傾偈都吾幫隔離枱落單以為廚房會正常啲但原來都係垃圾兩杯熱飲暖都吾暖既都算酸辣紅薯粉一啲辣都冇菜同蘿蔔係硬到無煮過咁樣滷水雞翼完全冇味食到我朋友勁嬲 我果碗係熱拌米線豬潤老到勁硬都算豬大腸都係硬到咬吾開…..豬大腸喎我既蘿蔔就好林但乜味都冇仲有啲青味真心食到想嘔最後食左一半就埋單走左見到仲有好多人入黎食吾明白點解咁好生意

以前上學時必定會經常吃這間米線舖，難得今天友人想吃米線，便決定來到這間店舖。當日點了：❣️雲吞小窩米線（酸辣小辣)因為走青了的關係，看上去很清😂雲吞包裹得很好，不會鬆散，餡料亦飽滿的，都頗大粒的！而米線都很滑身，不會煮至太淋。湯底內亦會有少許酸菜、芽菜。湯底味道不會過酸，辣度亦不會過辣❣️蒜泥白肉這是清新的小食。白肉是捲著青瓜絲的，更增添爽脆鮮甜口感。醬汁亦是惹味的，帶蒜香。總括來說，這就是回憶的味道。餐廳上菜速度快，很適合午餐時間來到，不需顧慮上菜慢，影響午餐休息時間😌

📍雲桂香其實最鍾意食係米線 一個人唔知去邊通常都係食米線 又方便又快捷😂而雲桂香就好多區都有 一定唔會中伏由細食到大！個人鍾意呢啲小鍋米線多啲啲餸同湯底都係岩我口味多啲😍😍豬紅豬潤腩肉都好正另外呢到既撈米線麵好好食我覺得比湯米線更好食 下次會叫返撈米線好香好滑 可以叫多汁就唔怕太dry呢到就算外賣拎走都好多人不過米線用餐時間唔耐 所以堂食等候時間都ok📍雲桂香米線專門店 (旺角)旺角西洋菜街2W號1樓

第一次食雲貴香，之前聽朋友講話野食唔錯，但是今日試過，覺得食物還好，一般對得住價錢。不過服務態度真係非常欠佳，首先，員工落漏單，之後又不停上錯菜，要隔離枱的客人自己去拿。另外，我地請員工拿一杯水，佢叫我哋自己去拿，但態度非常惡劣，之後佢又突然間拿杯水來。在進食期間，聽到員工嘈交，唔知係咪影響到佢哋嘅心情，所以要咁樣。我自己都做過餐廳，明白服務性行業的辛苦，但係唔代表要這樣對待客人，更何況我地都係有禮貌詢問。

如果讀書或工作係旺角附近，呢間必選之一。原因在於價錢平價，地理位置優越，學生和白領必選之一。我經常點小鍋米線，雞絲和豬肚，小辣！有時米線轉米粉，如果食厭米線，可以試下食米粉，米粉和雞雞吸晒啲湯底，個味道重更上一層樓！真係可以試吓！食咗呢一間好多年啦！啲姐姐服務態度就麻麻哋啦，有時落單果陣佢哋會忽視我哋，明明無咩人係度，佢竟然忽視咗我！？有時候落單落錯咗，改佢哋改翻，佢哋就黑口黑面，搞到好似係我哋自己做錯咗咁，感覺有點不太好受。

呢間米線店 香港都好多分店。落單時我話要清湯 唔辣。上菜時個湯底卻變左小辣… 因為個人健康問題，我一啲辣都完全唔掂得。我食都未食，聞到湯就知道有辣味，已即時同返個waitress講…點知短頭髮的果個女人臉色勁黑，態度串串貢，仲好大聲喝鬧返同事「邊個落架呢張單？」 … 雖然最後都幫我換返湯底，但感覺有點不太好受😅 而且用餐期間，亦聽到幾次職員之間互相大聲喝鬧，請問這是正常的用餐氣氛嗎？😅不過話雖如此，呢度嘅雲吞係包得好大粒，皮亦都相對地無咁薄。雞翼亦都煎炸得好好食。員工服務態度確實要改善下😅😅

這間D酸辣米線不錯小鍋米線X2 $31 👉加餸（螺旋藻+$7/腩肉+$8/豬皮$9） 小鍋米線內有碎肉、酸菜、韭菜、芽菜足料在加埋以上餸豬皮又厚又爽尖椒皮蛋$21入味炸蝦卷8/件 $22熱辣辣炸起

平靚正的酸辣紅薯粉$30，紅薯q彈，仲可以選辣度，試左中小辦，好野味，夠辦和酸。加了豬紅$9，豬紅都好入味。夫妻肺片都好香濃入味。正店內好多人，環境較迫，要自助出去拿水。

.第一次食呢間野味道一般般真心 好快食完（自問食量唔多）小鍋薯粉魚肉春卷慢慢食都好快食曬朋友食嘅酸辣粉反而大份少少但油到佢肚屙.另外 我食完 等緊朋友食完佢碗粉遲左黎+好油又好辣+好似大份少少佢慢慢食我就等佢啦有隻蟲跳左上我到 仲咬左我隻腳😅番到屋企搽左幾日藥膏😅😅好核突.一定有人話 餐廳一定有啲蟲呀或者其他唔衛生嘅情況咩咩 間間都係咁但真心 你有還你有 隻蟲跳左落我到呀🫠🫠好難有下次…咁嘅質素…明白上菜慢係正常因為有時好多人坐到滿曬了但係 大佬 可唔可以再乾淨啲同好食啲

我一如既往你間餐廳都係好鍾意食佢嘅酸辣湯小窩米線，同埋好鍾意佢嘅豬頸肉，好甜好爽口。米線口感都係不過不失，不過我特別鍾意佢嘅湯底，係偏四川嘅酸辣口味。特別唔鍾意嘅係佢收款方式只係得alipay同現金。

黎到旺角好想食米線時一定諗起雲桂香太耐冇黎食過 食返有種回憶既味道都係貪心揀自選餸 再配埋芫荽湯底味道剛剛好 唔會太酸又太咸成個回憶味返哂黎呀🧡裝修環境唔同哂 但依舊係我最喜歡的雲桂香