雲桂香米線專門店

營業中

休息中

由於成日都食小窩酸辣米線，所以今次就故意叫一啲唔同嘅野試下。重慶米線叫咗雞絲同生菜，因為重慶米線嘅湯底係非常之濃味，所以叫呢啲清淡嘅餸可以中和一下。今次叫嘅湯底係中小辣，以前一直都唔敢試，但今次試咗又覺得接受到，可能食得多咗米線，變到食得辣。佢嘅湯好重麻辣味，頭兩啖嘅時候，個喉嚨比較刺激，再食嘅時候，就開始習慣咗，越食越開胃。涼拌米線叫咗豬軟骨同鮮竹龍蝦卷，佢嘅涼拌米線係配上麻辣肉醬，某程度上係多咗一個餸。將肉醬同米線撈勻，味道係帶點辣同鹹，食落好開胃。豬軟骨一如以往煮得好食，個龍蝦卷都唔錯，不過份量略嫌少咗啲。

周不時都會搵唔同的米線店試吓唔同口味的火線，排行榜上top 10都試得七七八八，連鎖譚記就成日食，因為太多分店，工作附近一定有間，求方便。今日去旺角配眼鏡，於是想食真正的四川小鍋米線，醒起雲桂香，岩岩係配眼鏡附近，於是獨自上去，見到2:30餐廳仍然坐滿人，香港人真係好愛食米線。於是我就叫外賣， 叫左豬軟骨、腩肉兩餸的酸辣小鍋米線$47， 湯底清清的不會太油，配料有芽菜、肉碎、蔥花、芫茜、韭菜，味道岩岩好，特別愛雲桂香的豬軟骨，炆得非常入味同淋身，軟骨都淋曬，腩肉亦好入味肥瘦岩岩好。另外餐廳亦有好多唔同的小食，好辣的人有好多選擇，而我叫左個秘製豬頸肉$42，豬頸肉烤得好香口，咬落都好彈牙爽口，再配上泰式酸辣醬，更野味。加$10叫左杯凍咸檸七，超級正，好耐冇飲過，越來越少餐廳提供呢個飲品，所以鐘意飲的係，千萬不要錯過。

米線控的我成日都會食米線，雲桂香就我平時食開的一間， 昨日係旺角拎野比朋友順便快閃一齊食返個 lunch, 食米線就最方便。我的那碗是腩肉，腐竹，大腸 中少辣小鍋米線， 腩肉輕輕帶點肥醃得夠濃味， 大腸滷的入味， 腐竹大大塊吸哂酸辣味，咁重口味的米線我最愛。好友的那碗豬軟骨炸醬薯粉， 由於友人食唔到辣，但又喜歡惹味野，所以叫左炸醬提味， 豬軟骨炆得夠入味夠腍多汁，薯粉滑溜好友大愛。一人一碗再配返杯凍o茶和凍菜蜜解熱解辣，咁就快閃完畢。

晨咁早去旺角上堂周圍都冇乜餐廳揀因為未開門咁就去11點半開門嘅雲桂香度食lunch啦都幾差服務餐廳都多位枱與枱之間距離遠都算好坐唔使講餐牌選擇多鍾意食佢嘅熱拌但今日想食小鍋朝頭早嗌杯凍鴛鴦諗住醒醒神難飲到不得了少甜都勁甜怪味落單個姐姐都已經無表情重點係覆咗單都可以落錯單我嗌蘿蔔佢又黎咗鱈魚豆腐同佢講佢又黑口黑面，仲要望住我唔出聲咁你即係想點？後尾我費時佢加料我算照食麻酸辣中辣唔夠辣唔夠酸雲吞得兩粒又少食到一肚氣下次唔鬼黎食對面三哥好過整體來講服務差，黑口黑面落錯單都仲可以黑面咁嘅服務態度真係好少見食物質素一般份量少飲品差環境尚算舒適唔怪之得咁多劣評又無人拜拜 下次唔會再黎落咗單都黑面呢一下都係嬲

好掛住雲桂香呀食過咁多間始終都係鍾意返嚟西洋菜街呢一間 要個例牌啊唔該😋幾時上到嚟都係咁人山人海小窩米線小辣肥牛滷水豬大腸😍紅薯粉佢個滷水豬大腸真係咁多次都冇令我失望滷得好入味無多餘肥膏 不過唔記得左走芫荽走葱呀😣朱家就要小窩米線小辣🍜豬腩肉魚腐 又系飲曬啲湯見底 成日一唔知想食咩就會上左嚟呢到加多個小食炸龍蝦春卷🦞外皮夠晒吹卜卜熱辣辣佢仲有一個蟲草花雞湯米線🍜呢個又係我每一次嚟都想試 不過每次都徘徊喺小窩米線同呢一個蟲草花之間🥲🤣🤣

做完運動岀咗一身汗，就想食d熱湯麵同涷飲。近近地就揀咗依間雲桂香。食落同之前番緊學食嘅差唔多，一樣味道🤩叫咗碗酸辣小鍋米線加雞絲，要微辣。再加我最仲意飲嘅少甜少冰嘅檸檬茶，簡直係人生一大樂事之一。驚食飽仲叫咗碟皮蛋，個人覺得係好食過譚仔😙😙最重要要多蔥同芫荽，加埋醬汁就絕配啦！份量對女仔其實都算多，如果食唔哂，建議大家叫少米會好d，唔好浪費食物嘛。酸辣湯底做得唔錯，又開胃，食落唔會太大負擔🤗價錢方面又相宜👍🏻👍🏻係米線之選之一。

1.一去到無人理 又第一次去 唔知要自己攞位，等咗勁耐。2. 叫咗勁耐都冇人執枱。3. 嘢食黎到 食咗大概5至10分鐘張單先至到，我睇住張單見到一碗麵有兩個餸重複咗，跟住即刻想同佢哋講，但係個個喺度扮忙唔理我，咁好啦食完之後去俾錢埋單同佢講，佢就同我講話你食完先同我講都冇用個喎，要食之前同我講吖嘛，我即刻同佢講你比完碗麵先比張單咁有鬼用啊，睇返張落單紙先知落單嗰個寫咗+2 落去。真係頂佢唔順連覆單都無，仲要講到好似我錯咁。服務態度又差，以後唔會再去。

今晚黎正旺角行街街行到到餓了又突然想食辣朋友就話咁黎呢間啦耐無黎就黎食下叫左碗酸辣薯粉豬紅特別好食少辣我都覺過癮了可以單獨叫叫麻辣或酸辣豬紅好滑好嫩成碗食曬都仲得啊

熱伴的味道特別又好吃 平時係米線店我都不會叫熱伴來吃，但吃得多總會想試下不同既味道呢度有熱伴同冷伴兩種食法, 而我就覺得熱辣辣的米線係最好味的, 所以就點了熱伴今日都特別的想點個熱伴來試下 熱伴我叫左豬頸肉做配餸 份量都唔少, 麵底同餸都係同普遍的麵一樣份量不得不提就是這家的豬頸肉很高質, 彈牙之餘又勁入味, 邊就烤得脆脆的嫩滑得來又有少少的脆皮, 口感無敵熱伴米線同樣的足料，撈黎食口感比較特別 同樣都係有肉碎，酸菜等等的做配料

印象中旺角呢間雲桂香應該唔系開左好耐，入面裝修都幾新正，整體感覺系舒服既，坐位稍微迫d，晏就去到既情況已好多客，伙記安排位置+收枱快快手手👍🏻，好快都坐到埋枱，終於可以試下多年冇食既雲桂香質素系點以前一直都系叫米線比較多，見餐牌上有款重慶酸辣紅薯粉，咁凍既天氣緊係想食番碗微辣既麵類，啱晒喇，就試下佢呢碗寫有：四川麻辣酸辣粉、醋、花生、榨菜、鹹菜、蔥、芫荽既紅薯粉🤩👉🏻豆卜 雲吞 豬頸肉 小辣小鍋紅薯除左嗌麵底外唔少得加配料，特別揀左豆卜、雲吞、豬頸肉，先嚟講下湯底🤦🏻‍♀️🥲系真系有d失望既，有種辣還辣、酸還酸感覺，亦食唔出重慶個種會有麻香既滋味紅薯睇落唔系自家製，比較偏幼身，系配料上因湯底麻麻所以豆卜都顯得一般般，雲吞來講呢到絕對大粒，入面包有白菜仔同豬肉，味道有些少似蒸肉餅，皮有點過厚左，似麵粉包住餡料感覺豬頸肉方面反而有驚喜，肉質夠爽口，味道上燒得少微燶，帶有香味得嚟又爽，自己真系幾鐘意呢到既豬頸肉，如果今次系食碗米線碗豬頸肉，應該會更好🥳👉🏻凍奶茶凍奶茶合理地港式地道奶茶，平時都好鍾意飲奶茶，特別晏簡簡單單地食麵食，享受一下奶茶滋味心情特別愉快，呢到奶茶比較偏甜啱我口味，怕太甜最

雲桂香總是不會讓人失望的米線餐廳之選， 米線款式選擇多，由雲南/麻辣/ 港式米線，到魚湯/蟲草花滑雞米線都有得選擇，質素卻非一般餐廳可比。海鱸魚米線 65 +雲吞9魚湯米線湯底超白的， 滿滿魚湯香味，魚湯鮮味濃郁，最驚喜是海鱸魚原條上！海鱸魚即叫即炸，炸得通透，而且已經有生菜豆卜等配料，超滿足的。奶白鮮甜的魚湯，加上滑溜溜的米線，連湯一啖送入口，整碗都覺得鮮且甜。加多個餸會無咁 寡，所以加了大大粒的 菜肉雲吞，想說包得超大粒， 滿滿都是白菜和豬肉的味道。麻辣木耳20帶辣勁，麻香勁，涼涼爽爽，做開胃菜超一流。讓人不知不覺 一隻接一隻放入口。凍檸茶4順帶一提，下午茶加飲品都只不過係4蚊杯ja😍😍

今日凍冰冰所以揀去食米線，呢間雲桂香有好多分店，食過幾間水準都keep到，都係咁好味道☺️我哋叫咗兩碗米線，一碗湯底係麻辣小辣，麻麻地又唔會好辣，啱晒我口味。本身湯底有齊肉碎，䓤同芫荽等，額外仲叫左腩肉同豬腸，呢兩款真係必點，腩肉薄薄一片，仲有少少軟骨一齊，好正！豬腸滷得好入味而且無騷味👍🏻另一碗米線個湯底就叫咗酸辣，湯底好易入味，朋友當湯咁飲🤣呢款配料就叫咗腩肉同紫菜，紫菜一大餅，廚師一啲都無手軟，勁抵食！我哋仲叫左碗炸雞亦，雞翼新鮮出爐，外皮炸得好香脆，入面雞肉又好滑，配埋隻甜酸醬，無得頂！野飲就叫左鹹檸七，食完幾啖米線再飲一啖，堅爽👍🏻🙈

光顧過唔同分店第一次嚟旺角店習慣食🥢重慶酸辣紅薯粉 (少辣)叫3餸有豬紅、豬腸、腩肉非常豬嘅一碗😆看似堆得滿但事實上3款餸都碎濕濕豬腸又柴又乾... 滷到燶咗嗎？腩肉超柴超乾... 環保廚餘嗎？豬紅正常！感恩！-始終係沙田嘅雲桂香最好食啦！

雲桂香米線俘虜了大眾的心，無論男女老少都去食。主打米線及薯粉，我最鍾意的是重慶醉辣粉，醉醉地辣辣地好開胃，念念不忘的味道。本身帶有花生、榨菜、鹹菜及蔥芫茜，另加了肥牛、海帶、腐竹，一碗麵做到五顏六色，十分豐富。我選擇了水晶粉，彎彎曲曲，掛湯效果一流。下午茶時段加$6就有一支豆漿。韭菜 $18 - 想食得健康一點所以另外叫了一碟蔬菜，都幾大碟，伴有蠔油汁。下午茶時段依然是高朋滿座，男女老少。餐廳裝修以木色做主調，更加有古色古香的味道。

一段時間無食辣米線就會好想食，好似上左癮咁😂尤其秋冬天好涼，最岩食又熱又辣的米線暖胃1️⃣港式米線$25 加餸$9貢丸及$9雲吞湯底酸酸辣辣帶麻痺感，選擇中小辣對我黎講就岩岩好，米線掛湯彈牙，仲可以揀軟啲/爽啲，份量好多，一個女仔食唔哂。雲吞好大粒，係丸類既3-4倍大！完全係意料之外，而且餡多肉汁多，好食！2️⃣港式米線$25 加餸$9金菇及$9竹笙金菇同竹笙份量多，絕無呃秤😆落單後無幾耐就上菜，速度快