雲川 米線．紅薯粉 (卓爾廣場)

【屯門區】【雲川】唔知做咩事同朋友食飯講起屯門卓爾廣場，咁就自己黐咗條筋入去睇吓。不過嗰度間美國冒險樂園已經冇咗，所以都係食啲嘢算。唔知係咪因為正値食飯時間，所以啲餐廳食肆大部份都門庭若市，除咗一間，所以嗰間我就真係唔敢掂，始終腳步就係一切吖嘛。最後我揀咗大西北名物雲川，全名係「雲川米線．紅薯粉」嘅米線舖，咁就梗係食佢哋啲米線啦。要咗 $48 嘅「鮮魚湯」，裏面有蔥、芽菜，配「紅薯粉」扣底，味道都可以，湯底都有魚味。餸方面先跟 $2 嘅「豬頸肉」，好似係呢度名物，切到好細，一般。各 $10 嘅「醬爆魚丸」同「腐皮蝦卷」有驚喜，前者似福州魚丸，只係炸物放湯就差啲。嘢飲加 $5 飲「支裝豆漿」，正達嗰隻嚟。跟住再叫 $28 四隻「滷水雞中翼」同 $30 三塊「炸墨魚餅」，都係 okay 嘅。埋單 $133，叫咗咁多小食，價錢都可以。。。（地址：屯門石排頭徑1號卓爾廣場3樓316號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #lunch #dinner #foodpics #followforfollowback #love #eat #1am屯門區 #屯門 #蔡意橋 #雲川米線紅薯粉 #雲川 #鮮魚湯 #紅薯粉 #豬頸肉 #醬爆魚丸 #腐皮蝦卷 #支裝豆漿 #滷水雞中翼 #炸墨魚餅 #1am1796 #1ambackup…查看更多

@雲川今日去咗卓爾廣場，見到呢間雲川，之前都聽人哋講過呢間出名豬頸肉，時間剛剛係下午茶時段，就坐低食個下午茶啦！豬頸肉魚腐米線（鮮魚湯）$56我本身唔係好食得辣，所以揀咗呢個鮮魚湯，呢個鮮魚湯味道都幾鮮味，豬頸肉好爽，好入味，魚腐唔係空氣嗰種，有啲實在咁，呢個都幾好味，米線唔算太淋嗰種，有d爽口感，有少少似瀬粉質感！總結環境一般，多處天花板滴水食物味道係ok嘅下次再試其他食物想知魚腐和魚湯係咪自家製，不過職員都唔知…查看更多

位於屯門卓爾廣場的雲川米線．紅薯粉，是區內不少人的心頭好，店內環境簡單樸實，座位不算多，幸好我到的時候不算太擠，很快就有位。我點了招牌酸麻金湯米線配豬頸肉，選了小辣。湯底金黃誘人，酸味和微辣恰到好處，喝起來開胃又不會太刺激，配上芽菜和韭菜，層次感十足。豬頸肉是亮點，切成細條，表面烤得微焦，入口香脆，肉質軟嫩，份量也相當慷慨，幾乎吃到最後還有剩。米線口感滑順，吸收了湯汁後更添風味。我還加點了腐皮蝦卷，口感彈牙，雖然不算很大份，但味道不錯，作為小食很合適。…查看更多

做咗好幾年雲川Fans😊 因為我唔係食得好辣，之前一直食開微辣。點知早前佢已經取消咗微辣，最少要小辣… 嗰陣時我就停咗冇食一排，然之後慢慢開始個人練咗食得辣啲，我又試返雲川啦😄 咁總算都習慣咗食倒小辣✌🏻 一直去卓爾商場食呢間分店叫微辣，一般都係我食到嘅辣👍 但係近呢幾個月，有好幾次碗米線又突然間會辣咗好多，我額外加埋醋都係太辣😵‍💫 我開始想放棄了… 😖好想再去，但最慘我都唔知佢邊一日係正常嘅辣🙈 如果嚟到先太辣，成碗米線又浪費咗，佢更加唔會換湯俾我😮‍💨另外有時想加個菜，問佢可唔可以另上，就算佢啱啱開門冇乜人嘅時候，佢都係堅拒… 而家啲食肆仲係咁唔人性化同冇彈性😮‍💨雖然佢仲係好好生意，但係員工嘅服務都係一般，尤其是店長（我只估佢係）… 所以感覺真係唔多良好……查看更多

又係真實食評既時間屯門新墟3間分店都食過哂，卓爾居分店我覺得比較好食啲，3間個問題都係個辣度成日都唔一樣，另外推薦大家試下個銀針粉，個湯底好香，炸大腸超好食👍🏻必點，另外再要試既係豬頸肉。環境：好多時候都要搭枱，要預左迫住坐衛生程度：還好，米線鋪黎計算好乾淨食物質素：數一數二既米線推薦菜式：豬頸肉，蘿蔔，炸大腸極不推薦菜式：小食魚皮…查看更多

// 魚湯紅薯粉🐟+香辣牛展 $48 //+$3 連嘢飲 冷熱同價呢個魚湯一飲好似加咗好多條魚落去咁🥹🥹有媽媽煲嘅感覺😍香辣牛展比想像中好喎都幾多舊 厚薄適中🤩🤩// 炸韭菜豬肉餃 🥟 $36 //超香口！！！但2個人食有啲膩3個人share應該會啱啱好🥹食得出好足料👍🏼似係佢哋自家出品 唔似嚟貨🤣🤣…查看更多

21/10/2024📍雲川米線·紅薯粉話雲川係元屯天最出名嘅米線 應該冇人唔同意啦😗有成7間分店 揀左好耐食邊間先最authentic最後就揀左最就腳嘅卓爾廣場店 貪佢泊車方便🤣每個粉都跟一個餸 +$10多一個餸 我哋果日都幾肚餓 各自都嗌咗三個餸😌⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨酸辣湯紅薯粉（$48） + 豬頸肉+鴨胸+生菜既然佢個店名都有紅薯粉 就試下佢紅薯粉都幾入味 係有紋果隻 有啲咬口但唔會太硬酸辣湯嗌左小辣🥵辣度啱啱好 夠惹味豬頸肉切到好細條 比較少見 充滿油脂 食落好好juicy 😋鴨胸就厚切 味道就普普通通成碗粉同餸都好多 認真扺食✨豬骨湯紅薯粉（$48）+香茅豬扒+醬爆魚丸+腐皮蝦卷豬骨湯雖然帶微微辣 但怕辣嘅🙍🏼‍♀️覺得完全冇難度湯底同酸辣湯一樣都有好多辣肉碎、芽菜豬扒應該有炸過 但無另上 所以浸到外皮有啲腍 雖然比較薄身 但豬扒本身都幾肥 所以都幾好食👍🏻醬爆魚丸幾有趣 入面嘅肉餡好多汁腐皮蝦卷都好食✨炸墨魚餅 ($30)啲肉好扎實 炸粉薄 點咗辣雞醬都幾好食✨炸魷魚鬚 好鍾意佢個炸粉有紫菜 真係好特別 紫菜味好香 同魷魚好夾😋魷魚鬚唔韌 好易咬 同樣都係配辣雞醬食⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$203（免收加一）其實一人叫一碗粉已經好夠 只係我哋想嗌夠二百蚊拎個泊車優惠先嗌埋小食🤣呢到嘅野食又大件又好味 如果嚟開屯門真係要嚟試下推薦指數🌟：4/5📍屯門石排頭徑1號卓爾廣場3樓316號舖…查看更多

呢間米線係屯門來講都好多人去吃，飯點去到幾乎坐滿，個人每次食米線必點食物，豬頸肉 雞翅 漁腐，加凍檸茶套餐，佢嘅湯底真係獨一無二，湯底濃郁，有陣時去到太多人就會搭台…查看更多

屯門依間近幾年一直俾人追棒嘅米線舖，其實本人由細食到大，會經常食嘅一間餐廳，覺得佢比之前冇禁好味，現時嘅味道都好飄忽，唔知係咪多食嘅原因。今次叫左魚湯螺旋藻豬頸肉花枝丸米線，魚湯今日好濃郁，鮮甜，米線配上螺旋藻，絕配！可以問職員拎菜脯，暫時都免費，菜脯有少微辣，加後又是另一番風味。味道：3/5賣相 ：3/5環境：3/5服務：4/5★® 價位- $：3/5…查看更多

基本上11點幾落去雲川舖頭入面得幾台客仲可以揀窗口卡位坐，差唔多到12點至12:30就開始多人。依家都轉晒手機落單，落完單之後基本5分鐘內都有飲品，平時米線都係食開香茅豬扒，今日就想試吓新嘢原來香辣牛腱都好好食。但係個牛腱真係好難，如果用譚仔嘅10小辣嚟去做比較，我覺得係辣過10小辣，如果食得辣嘅人應該覺得好正香茅豬扒都係好食肉夠腍，香茅味夠，雖然叫咗兩個餸兩個餸都係肉類，但係份量都好足夠。加埋杯熱飲熱華田…查看更多

話說每個星期日夜晚🍄同男友會固定食雲川😆🫶🏻用某🐼同🏠🏠送apps嗌呢間外賣絕對唔少於50次，但因為「懶癌」發作卻從未堂食過🫣今次突然有興致出門散步，於是決定要親臨門店堂食😋🍜酸辣米線-小辣（$47➕$1豬頸肉➕$6凍檸樂）🍜麻辣米線-小辣（$47➕$1豬頸肉➕$6凍檸樂）米線套餐$47包一款餸，豬頸肉需要➕$1，另加一款餸➕$10。平過外賣好多啊啊啊～😭（興奮到喜極而泣）首先係蘑菇最愛嘅酸辣湯底，內有十足嘅肉碎、酸菜、芽菜同韭菜，濃郁開胃🤤sum左蔥花點綴，好有食慾！係掃碼點單時可揀米線口感係淋D定爽D，或根據個人喜好選擇是否需要蔥等配菜。蘑菇自己就鍾意爽身D嘅米線😋男友偏愛麻辣口味🤭總體黎講麻辣燙底嘅顏色淡過酸辣，更加香濃。‼️不得不提就係佢哋嘅招牌豬頸肉，每次都必食～口感外焦內腍，燒得岩岩好，浸左湯汁口感更佳👍🍖椒鹽雞軟骨黎食雲川點可以唔嗌佢哋嘅特色小食🤗其實之前食外賣個陣有嗌過，但送到黎嘅口感就欠佳。今次真係出乎意料好食，熱辣辣好香脆😍點埋我最鍾意嘅泰式辣醬，一口一粒停唔到🫶🏻🤤…查看更多

昨晚聖誔節，我同朋友2個人8：30去到，成個場先得一半人坐，卡位都有3-4張吉枱，個四眼後生女侍應偏偏要安排我地坐走廊2人枱，我地又著大褸又拿住袋，問佢“可否坐卡位”，佢話只可以3-4人坐，我地再望左陣，諗住算啦照坐走廊，你公司規距，點知佢仲要好串咁加多句，“你咪坐囉！我一陣交唔到枱之麻！”果下冇同佢嘈，大家都肚餓，諗住快快食完走人算了。點知入坐冇幾分鐘，就有2，3個單人，就直接坐左2，3張卡位…佢9：30都收舖啦，8：30仲要聖誔節，你留啲卡位做乜？仲要唔俾我地2人坐，但單人你又照俾佢坐，果下真係嬲左，嘢食雖然ok, 但侍應（由其是這個後生四眼女侍應）真係態度好差！見我地女仔就恰我地，啲大男人又唔出聲。冇下次！！！…查看更多

傳說中的屯門名物？豬頸肉酸辣米線/紅薯粉這間米線被列入了全港必食米線榜的頭幾位 終於去試試究竟有幾勵害😂其中豬頸肉更是它們家的名物（網上流傳的）抱住咗期待的心態去食🌝·酸辣湯紅薯粉 配豬頸肉豬頸肉切成很細條 但係份量都幾多味道係幾好味嘅～紅薯粉個人認為還可以的 軟硬度還可以脆皮花枝丸有6粒等待時間比較長！炸左嘅花枝丸 都很難會唔好吃喇！·至於講到依間係名物咁誇張 一定要去食嘅話就覺得未至於～正正常常嘅味道…查看更多

平時叫開豬頸肉、香矛豬扒，呢排病病地都想食雲川。於是叫雙餸，韭菜餃、炸蝦春卷，同行友人叫豬扒+螺旋藻，大家就可以開心share～一杯熱華田，欣賞佢地華田足料，夠晒味，+$3轉一杯熱柚子茶，上茶速度正常…查看更多

在屯門越開越多分店，但質素每況越下！這家分店算是雲川近期才新開的，今天才第一次到這家分店試試，質素同其他分店無得比！更加唔好講同建生或紅橋店比，食物完全唔係同一回事！魚湯味道無鮮味，豬骨湯好淡味，豬頸肉肉質好差，唔煙韌，又一啲都唔香。點解同一店名但質素可以差咁遠？我以後都唔會再嚟依間分店，寧願去遠啲到其他分店，建生、紅橋甚至美樂都唔想再到依間食。再加上依間分店店員態度係暫時遇到最麻麻的一次，更加唔想再嚟呀⋯⋯…查看更多