雲小館

今日如果唔係秦石邨個區議員辦事處開免費手機應用班，我同鄰居就唔會無啦啦由博康邨走來呢度，原來喺車公廟地鐵站F出口搭升降機落嚟就係雲小館，我哋走嗰陣時先發現，原來星期日呢間餐廳特別爆，因為附近有三間教會，自從魚米家搬走咗之後，我都未嚟過車公廟地鐵站，今日我哋亂咁點，點咗：1）酸辣湯例牌：每人有差不多三大碗，味道正常，唔係落傳統嘅豬紅，係落蝦仁。2）每日海上鮮套餐（蒸魚版） - 原先我哋諗住叫糖醋魚塊，但係見到好多人叫蒸魚套餐餐，我哋又叫，今日係蒸波𩶘，雖然唔大條，豉油及熟油唔會太多，但係都好好味，都有肉，前菜係青瓜，做得很好，好爽口，又夠味。煎魚蛋，今日係煎紅衫魚。3）紅燒豆腐套餐客飯套餐，前菜係醃椰菜，好好食，啲紅燒豆腐好嫩滑，個樣睇落去雖然唔係靚，但係味道很好。4）鎮江餚肉，唔係一條條嘅，係一片片大片的，好好味，個醋汁又薑絲。5）煎鍋貼，都好味好夠熱！6）客午餐套餐，每人都叫咗凍檸茶，我嗰杯係少甜，味道稍為澀咗少少，但係啲冰好夠多，透心涼！甜度都合格 原來冇停車場位的，只可以搭地鐵嚟，可以預訂，晚餐九折，原來地鐵站多咗滙豐銀行二十四小時自助理財中心，不過由沙角邨和博康邨行唔到來了，個地下隧道封了，只可以搭地鐵。店長好Nice！雖然踢晒腳，都冇唔理我哋！聽店長講雲小館只此一家，並非連鎖店。…查看更多

喺車公廟站出口行兩步，就見到呢間空間感足、裝修雅致嘅上海菜館。地方闊落，枱與枱之間唔會逼狹，好適合一班人慢慢食、傾吓計。今晚同家人試咗幾款招牌菜，整體質素令人驚喜！🍽️ 前菜三拼 · 清爽開局酒香醉雞—雞肉浸得入味，淡淡酒香唔會搶喉，肉質滑溜。鎮江餚肉—凍肉層次分明，鹹香恰到好處，點少少陳醋更提鮮。上海燻魚—外皮微脆帶煙燻香，魚肉依然保持嫩滑，送酒一流！🍜 暖心湯羹 · 家常味道宋嫂魚羹—湯底清而不淡，魚肉細嫩，飲落順喉暖胃，長輩尤其鍾意。🔥 主菜分享 · 鑊氣十足醋溜魚片—魚片炸過再燴，外層微脆，酸甜汁掛得均勻，非常開胃。津白肉絲炒年糕—年糕煙韌有嚼勁，肉絲同津白炒得夠香，飽肚之選。菜肉雲吞—湯底清甜，雲吞餡料扎實，簡單卻見功夫。🥬 輕盈之選奶油津白—用淡奶油煮成，奶香溫柔，津白爽脆，適合想清淡啲嘅朋友。🍡 完美收尾雷沙湯丸—即叫即製，外層花生碎香口，入面流心芝麻餡濃而不膩，大滿足！💡 小總結環境舒適，食物有家常風味亦見細心，人均約$150-$200，份量合理。如果同屋企人諗緊去邊度食飯，呢度係個穩陣又溫馨嘅選擇～…查看更多

唔講唔知！原來車公廟站隔離嘅溱岸地舖，靜雞雞開咗間「雲小館」🇨🇳，專玩新派上海菜，去沙田探長輩，心郁郁約埋佢哋去品嘗新意思～誰知一食難忘，即刻想同大家開心Share！🔥必食招牌四大天王🔥❶ 麻醬雞絲粉皮麻醬多到瀉！撈勻每條透亮粉皮，雞絲嫩滑唔嚡口，芝麻香爆炸💥，開胃前菜No.1！❷ 百頁結紅燒肉上海菜靈魂！五花肉燉到入口即化，百頁結吸盡濃汁，一啖肉一啖豆香，小朋友like爆，長輩都好啱食，送飯無得輸🍚～❸ 乾燒蝦球蝦球大隻爽彈🦐，秘製醬汁甜度適中，鑊氣十足，掛汁效果滿分！❹ 豆沙窩餅外皮煎到金黃香脆，豆沙餡綿密唔死甜，熱辣辣效果👌，甜品胃大滿足！✨隱藏驚喜‧ 炸饅頭（4件）點煉奶食係無敵Combo！‧ 醬燒茄子四季豆㶶邊醬香超惹味～‧ 紅燒牛肉湯麵湯底濃醇，麵質恰到好處，牛肉炆得軟淋！🍹 「雲茶」系列手打香水檸檬茶🍋（鴨屎香/紅茶）清新解膩黑糖薑茶驅寒暖胃～🎉一周年慶典優惠🍹「雲茶」系列飲品外賣買二送一！💫午餐set送前菜、🍹仲可以加$8升級雲茶特飲💫下午茶餐享九五折、🍹加$8升級雲茶特飲💫晚市堂食9折、外賣享88折@wonbistro#雲小館 #車公廟美食 #新派上海菜#大圍美食 #紅燒肉 #麻醬粉皮 #香港中菜 #IG美食 #抵食套餐 #隱世小店 #吃貨日常…查看更多

喺車公廟站旁邊，有間上海菜餐廳，真係好適合同親朋好友一齊聚餐㗎！餐廳都幾大，裝修簡約典雅，坐低咗之後感覺好舒服放鬆～✨前菜1️⃣ 上海燻魚煙燻香氣好出，魚肉外層微脆，內裡保持鮮嫩，入口即化～係一道好開胃嘅前菜！🐟🔥2️⃣ 鎮江餚肉肉凍方面入口即化同鹹香入味既肉。3️⃣ 酒香醉雞雞肉嫩滑得嚟帶住陣陣酒香，入味又唔膩，好適合大家一齊分享！🍶🍗湯品4️⃣ 宋嫂魚羹湯頭清甜，魚肉滑溜，飲落暖笠笠，係一道好滋潤嘅湯羹～🍲💛主菜5️⃣ 醋溜魚片魚片嫩滑得嚟帶少少酒香，湯汁濃郁掛口，食落好有層次！🐠🍾6️⃣ 津白肉絲炒年糕年糕煙韌彈牙，配上肉絲同津白一齊炒，簡單又惹味！🍲🥢7️⃣ 奶油津白味道清淡得嚟帶奶香，唔會太油膩，適合想食得輕盈啲嘅朋友～🥬✨8️⃣ 菜肉雲吞（六件）雲吞皮薄餡靚，湯底清甜，每一啖都好滿足～🥟❤️甜品9️⃣ 雷沙湯丸（4粒）內餡香甜，裡面係芝麻餡料，為成餐畫上完美句號！🍡💖有機會一定要試吓，帶埋屋企人朋友嚟慢慢食、慢慢傾～🥰🍽️…查看更多

最近發掘到一間好食嘅新餐廳《雲小館》，呢度主打上海菜，食物高質有誠意☺️ 而且位置方便，車公廟站一出就係，去大圍同沙田都好近～🐣 麻醬雞絲粉皮 （$69）雞絲份量夠多，加入青瓜絲更清新🥒 粉皮煙韌又掛汁，沾滿麻醬超香☺️🍲 蝦仁酸辣湯（$42/位）酸辣湯裏面有好幾隻蝦，蝦肉彈牙新鮮🦐 酸辣湯香而不膩🥳🐷 百頁結紅繞肉 （$98）紅燒肉好大份好抵食！家人超鍾意😆 豬肉一層層肉同脂肪，沾上特製紅燒肉汁好惹味！裏面仲有啲百頁結同菜，兩樣都好掛汁好夾😋🥬 奶油津白 （$84）呢個係好食嘅菜！大小朋友都好啱食😚 醬汁creamy蔬菜又新鮮👍🏻🍜 麵點自由配 （$44）+蔥油拌麵（+$0）+燻魚 （+$12）自由配嘅蔥油拌麵都係呢度嘅特色，可以自己揀麵底同餸菜，燻魚炸得魚脆，甜蜜蜜，拌麵嘅醬汁都好香😚🍡 雷沙湯丸（$40/4粒）最後仲叫咗個雷沙湯丸，芝麻香而不膩🥰…查看更多