雲吞生麵食

營業中

休息中

我成日都會落去食雲吞麵,d雲吞好大粒好多蝦,十五蚊一碗低食！韮菜花同支庒維他奶都好好味！天氣凍就會買生雲吞同d朋友打邊爐三十蚊一打 ,重有成日會見到d明星去食！

今日行過九龍城,想吃雲吞麵看見有間雲吞麵店,就走去試試看見 餐單應該最出名是雲吞,咁就叫了雲吞和牛根河,點知阿姐話無牛根,話牛腩好正,叫我改牛腩,都沒有所為,但我最怕D牛腩好廋,所以一定要肥少少,她拍心口話比D肥少少你,點知來到雲吞兩粒牛腩全部極廋,真是很難吃,想找阿姐再理論,點知阿姐去左做煮麵,.... 所以這個故事教訓我們,不要咁用易信人,這碗河粉只吃了兩粒雲吞和少少河粉,D牛腩完全唔掂,好廋好鞋,無牛腩味,好似食廋肉咁,須然十八元一碗河粉,但都無用心做好去,如果要吃飽就沒有問題,但要好味道就難D啦!

成日都會去九龍城睇中醫或食飯~亦都成日經過呢間舖~但從來都冇諗住會入去食野~因出名的粉麵舖0係九龍城多的是~有一日同一個長輩經過此舖~佢問我有冇食過呢間呀~我話冇喎~佢就話入去試下啦~佢D麵好爽架~咁就入去試啦~佢叫左雲吞麵,我就要魚皮鮫麵~魚皮鮫普通啦~但D麵真係爽架喎~冇(簡)水味~又唔貴喎~雲吞麵有四粒雲吞,賣十四蚊,魚皮鮫麵有五粒魚皮鮫~都係十四蚊~0係而家咩都貴既時期黎講~真係幾抵食呀~

我平時去食梗左一定叫一碗雲吞麵加一碟油菜~啱啱好廿蚊唔駛找!~其實果度除左雲吞好好食之外~鯪魚球都係本人推介之人~彈牙之外魚味夠重~所以真係好肚餓既話可以貪心D叫一碗麵~一碟菜加一個淨鯪魚球~埋單都係三十蚊左右~但已經非常常之滿足!~而果度既牛腩同牛筋都係屬於平庸之作~個人認為唔係主打要試既ITEM~

本來都唔知有呢間野既存在~因為次次去九龍城都係食泰國野,但因為愛人0係九龍城番工~所以lunch就試到呢間野...呢間野外表其實好似旺角d 10蚊碗..但係食落你就知唔同了~上2個禮貌...同愛人約左我mammy食飯..不過mammy未放工...愛人就帶左我去試吓~起初叫左一碗雲ton麵($13 ) 試吓..個湯好清甜, d雲ton有4粒~每粒入面都有3,4隻蝦嫁!仲好彈牙添..d麵都好爽吓...唔會"林bad bad"!!!由於太好味~決定叫多碗雲ton河($13)!!都係好正~~不過好似麵好食d!!!!佢地仲有自製既辣椒油,10蚊一樽only~不過我又唔係成日食..所以最後都冇買到!總括而言..經開九龍城既可以試吓呀~雖然貴旺角d10蚊碗3蚊!不過絕對物有所值!雲ton好味..不過冇試過其他野..所以就唔知好唔好味lu..我下次都會再去食!!!因為d雲ton真係好正!愛人既lunch 仲幾日食一次佢添...哈哈~