雲吞仔

餐廳：雲吞仔 (尖沙咀)地址：尖沙咀赫德道1-3號利威商業大廈地下3號舖除咗茶餐廳之外，我平時比較多會去嘅就喺粉麵舖，皆因我鍾意佢哋大份夾抵食，可以慳住荷包之餘，又可以醫飽肚仔😋最近行過尖沙咀見到呢間10月10號先正式開張嘅雲吞仔，門口仲有唔少花牌🌺，原來老闆想繼承返老竇多年前嘅生意，延續以前喺觀塘吸引咗唔少捧場客嘅生招牌，希望憑住自己嘅創意同革新可以打出一片新天地✨餐廳環境以六七十年代嘅香港做背景🇭🇰，懷舊嘅設計，包括霓虹燈牌、紅膠櫈、木製圓枱、天花吊燈等，好有情懷特色🤩雲吞仔主打港式粉麵，有河粉、米粉同粗幼麵比你揀🍜，而主食就有三款高質素食材：招牌虎蝦雲吞、陳皮鯪魚球同新鮮騸牯牛肉，全部食材都喺餐廳每日新鮮自己整👍，湯底更加熬足10個鐘，務求精益求精，提供最高質嘅港式粉麵比每一位食客你可以揀單拼($38)、雙拼($46)或者三拼($54)，識食就緊喺三樣都要啦😋，騸牯牛肉肉質鮮嫩，油脂唔多而且分布均勻，肉味濃郁帶有甘香；鯪魚球夠晒大嚿，夠彈牙而且一啲都唔腥，仲有陣陣陳皮同蔥香；呢度嘅雲吞一定要食，同出面餐廳唔同，佢哋所用嘅喺虎蝦🦐，咬開見到勁多蝦肉，相當足料飽滿😎。鍾意蝦香味嘅仲可以加蝦籽(+$8)，鍾意食辣就可以試埋餐廳自家製嘅辣油🌶️，各有千秋另外叫咗碟都幾新鮮嘅菜芯🥬($20)，飲品就嗌咗低糖豆漿($9)同無糖可口可樂($9)，雖然雲吞仔唔多嘢食揀，但性價比都真喺幾高😌…Read More

雲吞麵，炸醬撈麵，蜆芥鯪魚球呢啲都係我心目中不能消失嘅港式風味以前每次飲完酒都想整返碗港式粉麵！呢間小店開咗冇幾耐好新淨環境係好似香港舊式大排檔麵檔嘅設計見個menu選擇唔多不過精益求精我就係俾個鯪魚球吸引咗入嚟嘅😬點知最驚喜到我嘅係雲吞同辣椒油兩樣嘢都係餐廳新鮮自家製雲吞入面嘅蝦好彈牙，連埋豬肉包到好大粒個麵底一定要試幼麵，有陣鹼水味先係正宗撈嘅同湯嘅一樣有咬口而且好大碗個湯底唔係牛腩湯嗰種，係有韮黃味嗰種完全係細個去粉麵檔食嗰種感覺炸醬撈麵有啲肉絲同雞髀菇味道有啲似茄汁，不過唔會偏酸偏甜牛肉係嫩牛肉嗰種，份量亦唔少最緊要加少少醋同辣椒油就先至係港式風味蜆芥鯪魚球大大粒，即炸冇魚骨亦唔腥個醬有兩粒大蜆肉，如果再酸臭啲就正啦🤣…Read More

今日去咗一間尖沙咀的粉麵店，裏便裝修好似懷舊大排檔咁，地方都好闊落，木紋圓枱再加上紅色膠櫈，真係好有feel！牆壁上掛有食物相，看到已經流口水了😋幾乎樣樣都係招牌菜，呢度主打招牌虎蝦雲吞，粉麵可以揀河粉、米粉、粗麵、幼麵等..🍜 雲吞鯪魚球麵果然係招牌菜，雲吞大大粒，裏面係虎蝦比較少有，啖啖蝦肉，食落去比較彈牙又結實；鯪魚球加咗陳皮，食落去更加香！面底係竹昇麪食落比較彈牙，湯底亦好鮮甜！樽裝可樂都好懷舊…Read More

星期六喺尖沙嘴做完facial想搵個下午茶食，見到呢間雲吞麵裝修算幾新，就入去試下～我揀左《雙拼粉麵》，要左《招牌虎蝦雲吞》同《陳皮鯪魚球》配幼麵。呢碗麵都算幾大碗，湯底幾濃，雲吞同鯪魚球估唔到都好大粒。我幾中意個雲吞，入面啲虎蝦好新鮮彈牙，而鯪魚球食落亦覺得好足料。幼麵份量正常，煮得啱啱好唔會太霖。我另外加左個《蠔油芥蘭》，份量都幾多，兩個人share都夠食。芥蘭好夠爽口，加埋蠔油一齊食好香好惹味。食完我飲左支《津路烏龍茶》，清清地得黎帶有少少澀，飲落好解膩，正…Read More

呢間位於尖沙咀的雲吞仔麵食，充滿懷舊氛圍，瞬間唤起了不少兒時的回憶。招牌雲吞鯪魚球粗麵湯底清澈，明顯沒有過多的味精。雲吞的包法顯得相當傳統，薄皮包裹著豐富的餡料，每一粒都包含了新鮮的蝦仁與豬肉碎，口感鮮嫩，令人滿意。至於鯪魚球，鮮味四溢，口感彈牙，兩款餸都好好味。甜酸炸雲吞炸雲吞即叫即炸，咬下去脆卜卜，搭配一點甜酸醬，酸甜適中，十分出色。招牌虎蝦雲吞拼炸醬撈麵雲吞真材實料，撈麵的甜甜酸酸的醬汁令人食慾大增，麵條彈性有嚼勁，食完十分飽足。全餐消費百多元，在尖沙咀這樣的地段，又好味又實惠實在難得。…Read More

今日喺尖沙咀搵食，有間叫「雲吞仔」嘅粉麵檔。呢區而家越嚟越少呢種平民鋪頭，見到個價錢牌真係有啲驚喜：單拼$38，雙拼$46，三拼都係$54，喺尖沙咀算係難得。我叫咗個雲吞牛肉米，再加份甜酸炸雲吞。個湯底幾清，飲得出冇落太多味精。雲吞係舊式包法，皮薄餡足，每粒都有隻細蝦仔同豬肉碎。牛肉切得薄薄哋，浸喺湯裡剛剛熟，口感幾嫩。米粉索咗湯之後都冇變爛，仍然食到米香。炸雲吞係細細粒嘅，炸得金黃，咬落脆卜卜。點少少甜酸醬，酸酸甜甜幾開胃，一個人食晒成碟都唔會膩。裝修幾得意，90年代風格，十足細個跟阿媽去開嗰啲粉麵檔。坐低食碗麵，好似返咗去十幾年前咁。埋單百零蚊，喺而家乜都貴嘅尖沙咀，算係搵到個舒服食平嘢嘅地方。…Read More

📍      雲吞仔🌍      尖沙咀赫德道1-3號利威商業大廈地下3號舖📝整體評分： ８／１０呢家小店門面不太起眼，但一推門入去充滿懷時代感。主打自家製雲吞、鯪魚球和清湯粉麵，用大地魚和豬骨慢熬湯底，價格親民，一碗基本麵$35起跳，單拼雙拼三拼任君選擇。✿ 雲吞• 話明雲吞仔，點可以唔從招牌雲吞入手？皮薄如蟬翼，內餡緊實，有成３大隻鮮蝦，咬下去汁水四溢，蝦肉爽脆無腥，肉質綿密不柴。✿  鯪魚球•用新鮮鯉魚肉絞成，無澱粉加持，彈性超群，鮮甜無腥。✿  牛肉• 牛肉口感非常之嫩滑，牛肉味就唔係非常之突出，但浸過甘甜湯汁再食，肉汁更豐沛～✿  炸醬麵•炸醬既肉絲勁粗壯，加左洋蔥筍絲炒，濃郁微甜辣，拌勻麵條後每根都裹滿醬汁。麵條Q彈有勁，入口不黏牙。✿  蜆蚧炸鯪魚球•個人偏愛炸鯪魚球，香口啲之餘仲更加帶出青蔥香味，而蜆蚧咸鮮帶酒香，但應該唔會拎黎食?真係好咸！…Read More

今日就同朋友去左雲吞仔小店樣樣都係招牌，除左麵食，仲有多款特色小食選擇三拼粉麵有齊- 招牌虎蝦雲吞全部都係人手現包，雲吞皮簿，餡料飽滿，每一啖都有蝦肉，咬落肉質彈牙- 陳皮鯪魚球手打鯪魚球口感紮實彈牙，食落有陣陣陳皮香氣，鮮味十足- 新鮮騸牯牛肉牛肉切得簿身，肉質嫩滑，牛味香濃，配搭幼麵，索晒湯汁，爽口有韌勁甜酸炸雲吞即叫即炸，外皮炸到金黃酥脆，完美鎖住裏面鮮蝦的肉汁，每一啖都香脆多汁，配上開胃甜酸醬汁，口感豐富…Read More

哇～呢間尖沙咀赫德道嘅小店真係超有驚喜！😍
一入去就好似穿越返去70年代，大排檔feel滿滿.佢哋餐牌超簡單，三款主打任你拼～
單拼、雙拼、三拼都得，食得夠自由😋.🐟 鯪魚球真係大到誇張！
乒乓波咁大粒，每粒都係新鮮魚肉打成～
加咗陳皮同香蔥，超香超鮮，真材實料無得輸💪.🥩 鮮菇牛肉嫩到一個點～
真係滑到阿婆冇牙都食得落🤭.🦐 虎蝦雲吞勁誇張，一隻入面有四五隻大蝦！
仲要係新鮮彈牙嗰種，唔係啲雪藏貨～
每一啖都食到蝦香爆開，好幸福啊🫶.最後一定要試🔥 炸雲吞！
脆卜卜配甜酸醬，完全係完美ending～…Read More

通常來尖沙咀都會食深X記，今日咁啱行經附近就見到有間新開張既雲吞麵舖🙂‍↕️佢成間舖既design都係行懷舊風，忍唔住就入左去想感受一下舊香港既氣氛🥰👉🏻三拼粉麵 $54✨分別有招牌虎蝦雲吞，陳皮鯪魚球同新鮮騸牯牛肉。湯底清甜帶金黃。雲吞大粒，起碼有三隻蝦喺入面，蝦新鮮彈牙爽口，皮唔厚，無煮到爛哂，足料又飽滿🙂‍↕️騸牯牛肉肉質鮮嫩，帶少少粉紅，肉味濃郁有甘香。鯪魚球超大粒，彈牙到可以用嚟打乒乓波，魚唔腥，亦都無骨😋幼麵有彈性，食到淡淡嘅鹼水味，唔會太濃，份量都算多🙂‍↕️👉🏻甜酸炸雲吞 $33✨同煮雲吞一樣都係主打用虎蝦，大粒，外脆內嫩，但唔會脆到整損個口，新鮮彈牙，好有蝦味🤣點埋甜酸醬，味道酸酸甜甜，超級開胃，食落惹味😋…Read More

#尖沙咀美食 ♡ 雲吞仔 ♡尖沙咀嘅「雲吞仔」係一間細細間、帶點舊香港味道嘅麵店。環境乾淨簡單，地方唔大，但氣氛舒適。店員態度友善，招呼細心，整體感覺輕鬆。𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧❥ 招牌虎蝦雲吞麵麵條彈牙，咬落有口感，唔會過火。雲吞大粒，用料實在，入面有兩隻虎蝦同少量豬肉餡，味道鮮甜。湯底清淡順口，唔覺得有味精味，飲落舒服。整體平衡，好食得嚟唔會膩。❥ 炸蜆芥鯪魚球魚球炸得香脆，入面軟滑又有咬口。魚味鮮，唔腥。配埋蜆芥醬幾惹味，有少少辣帶酸香，好襯魚球。份量適中，熱辣辣食最正。整體嚟講，呢度嘅食物水準穩定，用料新鮮，味道正宗。價錢合理，食得出用心，想簡單食碗正宗港式雲吞麵，呢間都係唔錯嘅選擇。𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧❥雲吞仔📍尖沙咀赫德道1-3號利威商業大廈地下3號舖#尖沙咀雲吞仔 #雲吞麵 #鯪魚球 #港式麵店…Read More

收工夜麻麻非常攰，見到有間新野仲未收工😄立即入去坐下先樓面哥哥招呼好好又快手。店舖環境非常有香港特色而又新潮感。☕乾淨企理，係度休息坐得好舒服。雲吞入溫暖口彈牙有海鮮的味道。雲吞皮都好薄身口感好好。暫時食過最鮮既雲吞🥰比埋碗細湯你淋下無咁乾身。本來碗麵係好好味，但係佢個麵得別個底太多皂水啦。感覺好苦。🙈所以要落醋先食到成碗麵。下次想食炸雲吞❤️🌹另外如果佢上菜比4粒雲吞會好睇好多。加油~你們一定做得更好👍…Read More

喺酒吧街附近發現呢間雲吞麵店，超方便！先嚟暖下胃再去飲酒，唔洗擔心傷胃完全唔傷🤫🤫🔸三拼蝦籽撈麵有新鮮騸牯牛肉+虎蝦雲吞+陳皮鯪魚球，配料非常豐富，牛肉嫩滑入味，雲吞皮薄隻蝦大大隻，鯪魚球唔腥重要幾彈牙，加上大量蝦籽，撈埋一啖超滿足！🤤🤤🔸雙拼炸醬撈麵炸醬香濃唔油膩，牛肉軟嫩配雲吞，食落少少辣勁開胃，唔覺唔覺食哂成碗🔸炸雲吞皮顧名思義拎雲吞皮拎去炸，超級脆卜卜，就好似魚皮一樣咁重要，浸湯食定就咁食都好正👍🔸炸雲吞同虎蝦雲吞一樣咁大粒，外脆內嫩，咬落喀滋喀滋，簡單但超惹味，一陣就清晒份量足味道正，價錢親民，建議飲酒前要黎暖暖胃先飲番杯🍷…Read More

今日做完野完喺尖沙咀搵食，行到赫德道呢間邊，平時食開另一間老字號既雲吞麵，見到佢比起我平時食嗰間平一半，真係要試試係咩貨式😌🍜 雙拼粉麵 $46揀咗招牌虎蝦雲吞拼新鮮騸牯牛肉，竹昇麵底。一上枱就知掂，個湯底清得嚟帶金黃色，飲落有濃郁大地魚香，完全唔係味精湯🍲虎蝦雲吞每粒都脹卜卜，咬開見到入面有三隻蝦，好彈牙，食左兩粒已經好飽肚；騸牯牛肉切得薄身，汆得剛好粉嫩，牛味濃得嚟帶啖啖油脂香。幼麵索晒湯汁又夠爽身，我連湯都飲清先肯放碗！🥬 蠔油芥蘭 $20芥蘭揀咗最嫩嘅部分，焯水時間啱啱好，保持翠綠爽脆。蠔油正常發揮，量好多叫做幾抵食。🌶️ 自家辣椒油枱頭呢樽辣椒油先係重點！聞到好香蝦米味，辣度啱啱好，落少少已經幫碗麵加晒分。臨走見隔離枱個師奶買樽返屋企，原來$50有交易🍘 酸甜炸雲吞 $33即叫即炸！雲吞皮薄到透光，炸到金黃鬆化，咬落「咔嚓」聲。其實同雙拼麵入面嗰隻雲吞係一樣，只不過係炸嘅版本，點埋酸甜汁開胃得嚟解膩一流。下次要同朋友share，因為真係好大粒🥄隔臨走見到外賣不斷，原來呢度嘅生雲吞、竹昇麵同辣椒油都可以單買，呢個價錢喺尖沙咀，真係抵到爛！…Read More

一間好專注只做三樣嘢嘅麵店，胃口好嘅一定要試招牌三拼！54蚊可以買到的快樂，係味蕾加胃口的雙重滿足，你可以食到：👉🏻有匙羹那麽大的雲吞，裏面是貨真價實的虎蝦肉。👉🏻還有比匙羹還大的鯪魚球，陳皮味很有香港特色。👉🏻騸牯牛肉給得好多！太良心了，而且牛肉很嫩。加咗一碟生菜，雖然沒什麽技術含量但菜很新鮮，所以啲麵即叫即整，都食得出係貨真價實。我選的加耗油，有點甜口，建議不加醬跟住撈湯食。個辣椒醬好香，食得辣嘅一定要試吓。最重要嘅係，喺尖沙咀呢啲鬧市區，居然都隱藏住一間咁良心嘅地道食肆。（居然仲有英文版menu，jeng😯）…Read More