雲南桂林過橋米線

營業中

休息中

叫咗個墨魚丸小窩米線，點知嚟到得兩粒墨魚丸，我以為佢比少咗叫個人過嚟問佢同我講真係得兩粒。兩粒墨魚丸收$35，個小窩米線又唔係特別好食，憑咩收咁貴。人地譚仔$35有六粒魚蛋。

其實真心講呢間米線舖嘅衛生情況同埋環境，就真係唔係咁理想㗎啦，但係我覺得味道算係可以嘅，真心我覺得好食過譚仔同南記，價錢都叫抵食小鍋米線加一個餸都係35蚊，我覺得佢個湯底非常唔錯，好濃味，但係食完唔會覺得好口渴，大大碗，夠曬飽肚不過如果你對衛生環境要求係好高嘅，就唔會推薦呢度啦，我覺得係眼不見為乾淨，但係食咗幾次都冇肚痛過，所以我覺得係可以接受嘅經過呢3年疫情佢都仲可以迄立不倒，所以我覺得佢都係有佢嘅生存之道嘅

尋日book左係尖沙嘴做facial，都預自己會做到夜晚9點半後，所以決定食左野先上美容院啦。見雲南米線近呢10年係香港都開到成行成巿，一定唔會唔好食得邊啦，點知我錯左佢個招牌 黃底藍字同某連續米線品牌真係似樣，入到去裡面啲燈光好／暗 下晝5點幾呢個鐘數客人唔多最終叫左個小鍋米線 加左4蚊轉紅薯粉 小辣 配料揀左豬軟骨 海帶 芽菜 豬大腸 我第一次食米線食到第2啖就已經想放棄 碗野得個辣字 無咸味無香味 唔好睇碗麵個湯好深色咁 而家小辣我都食唔到落去 每食2啖都要靠罐可樂定一定

🍜🍜🍜大碗好味小鍋米線▫️飲品+$7☑️招牌腩肉炸醬小窩米線 - $42都好大碗，米線份量足夠，而且軟硬度剛好。腩肉正常，另有大量肉碎，食到最後都仲有好多。配菜方面，韭菜、芫荽同芽菜份量都比其他米線店多，但酸菜較少。湯底叫了小辣，幾好，夠味，酸味辣味都食到。🔸雲南桂林過橋米線🔸分店：尖沙咀赫德道5-9號德裕中心地下5-6號舖旺角砵蘭街183號#尖沙咀美食#米線#午餐#lunch#尖東美食#一人之選#經濟之選#雲南米線#小鍋米線#腩肉#炸醬#粉麵

由於颱風關係！咁啱見到附近餐廳都收晒所以諗住入去試吓！點知服務態度又差食品水準也很差😩！我叫左一個 腩肉豬軟骨小鍋米線多蔥多芫茜！碗米線到左得少少蔥..跟住我和服務員講請佢俾多D蔥同芫荽！之後服務員卻感覺非常之不耐煩同我講轉頭攞俾你啦！然後同我講話加蔥要加$5喎！我心諗有冇搞x錯…咁走蔥係咪減$5！不過唔緊要唔會再光顧！之後再望一望呢間野結業左好多間啦！應該不久將來都會自然淘汰！希望大家唔好貪方便幫襯佢！

約左朋友食晚飯未夠鐘，去附近塭間茶記嘆返杯茶先，記得赫德道附近有間雲南桂林過橋米線。叫左酥炸雲吞、炸雞翼，即叫即炸，熱辣辣炸酥皮雲吞自家製，炸得幾鬼好味👍 凍檸茶$16，有錫蘭茶味、檸檬香和少少澀味，又帶回甘，唔會太甜我鐘意👍見到人人食米線，望下餐牌尖沙咀仲有$30幾蚊一碗粉，怪不得甘多人響度食，下次經過會再嚟食Tea time snacks :Crispy Wonton ~ delicious Fried chicken wings ~ yummyIce Lemon Tea～tasty

都食咗呢間米線不下十次，每次都係夜麻麻一條友食飯嗰陣就會嚟搵佢😆先講湯底，其實認真唔輸蝕，簡單一個豬小肚紅薯粉都有勁重豬骨湯味，無花無假。另外夥計都大部分幾友善，有時見佢哋唔夠人，都會幾好態度咁等我慢慢叫嘢食😂再嚟就係餸，不過不失嘅豐富程度，不過唔食豬肉嘅朋友仔就諗諗先，因為湯底有豬肉成分，最多只能撈起啲肉碎喔。價錢嚟講，呢個市況仲賣緊四十幾五十蚊一個米線嘅，應該唔多地方了，平夾抵食不二之選就係呢度啦~

上星期都係喺尖沙咀食咗一間法國藍帶美食勳章既酸辣米線，除咗覺得佢個湯底仲keep到之外，其他嘢完全不值一提😏😏上次因為失望咗，堅決要食返一碗好嘅酸辣米線，所以嚟咗近尖東既雲南桂林過橋米線滿足返我自己😜😜。好彩，今次絕對冇失望👍🏻👍🏻今日叫咗三個餸，豬耳、豬潤和豬腩肉。配料十足，個湯完全係冇得輸，只不過係有啲辣（小弟叫中辣），所以唔敢飲晒😂😂豬耳爽口，味道剛好😊😊豬潤比較干，不算太吸引but ok 👌🏻👌🏻豬腩肉有口感，一塊塊好均勻👍🏻👍🏻個湯底唔係好識形容，係好食到唔識得形容，酸和辣平衡得非常好，食完唔會十分口渴，佢個辣會令到你想不斷食不斷食不斷食落去👏🏻👏🏻👏🏻仲有一樣我最鍾意呢間舖頭嘅地方係，除咗米線之外佢另外仲可以選擇米粉或拉麵🤗🤗🤗雖然我去食嘅時候已經係晚上九點多，人比較少，可以感覺到店舖嘅清潔做得非常好，枱面十分乾淨和乾爽，完全冇污糟嘅感覺🥰🥰🥰總結：尖沙咀食米線，呢間應該係最好嗰間😁😁😁

份量好大份👍🏻👍🏻 叫咗兩個餸 都比出面多唔會話你未食晒個面已經冇晒餸🙈本身個面已經有跟肉碎 份量都唔算少 同喺出面嗌米線叫一個炸醬差唔多🧐🧐其他配料都好多🤤🤤花生，蔥同埋芫荽好正好正叫咗小辣普通酸 係我鍾意食嘅重口味米線👍🏻米線淋身好掛汁😍 如果鍾意食硬嘅可以落單備注要硬面🥸12:47嗌50幾分已經有得攞都算係幾快🥳🥳用熊貓外賣有八折🐼 平過打電話去叫外賣🙈呢個價錢來講算係幾抵食 🤩 好多人話有態度問題 今次買外賣就暫時未體驗到😂如果下次堂食遇到冇禮貌嘅員工就再寫食評啦😆😆😆

之前成日幫襯開間野越做越差野食中間啦但今次真係頂唔順要出個評論個帶眼鏡瘦女人態度差到爆做野發曬脾氣 收錯錢唔緊要見佢攞錢掟錢咁樣對客人一d態度都冇咁唔想做就唔好做啦！搞到我食野都好似俾人鬧咁，以後都唔會幫親！

#小秘書 呢排食 #西藥💊 食到口都寡埋，見今晚好咗啲啲，已經忍唔住口走去「雲南桂林過橋米線」買個 #腩肉湯米線 #外賣 返屋企慢慢嘆🤤 比錢嘅時候，阿姐仲提議我加份 #豬肚絲 試吓🤪哦 原來都只係加七蚊啫... 豪比你😉#久違嘅味道 就喺我面前，因為怕味道太刺激，#湯底 我要 #小辣 🤤 #芫荽蔥 嘅清香正好中和 #腩肉 嘅肥膩感，加配嘅 #豬肚絲 都幾爽口，阿姐果然無介紹錯😉 將 #米線 配埋 #熱湯 一齊入口，正係我最享受嘅味道🤩簡簡單單嘅一餐，有時連 #山珍海味 都比唔上😉

今晚一行五人去完shopping，梗係要搵地方醫肚，由友人帶路，嚟到呢間店門口，大家都二話不說就入去，可能疫情仍然持續，店內的人不多，只有三四枱客人。我們坐低之後，大家各自各在諗叫咩嘢食好！結果四個不約而同叫黃酒雞米線！🤣🤣呢個情景一定要影低佢做紀念！我其實以前都有幫襯過呢間店，但多數叫麻辣米線，今次都係第一次試下佢黃酒雞米線！佢個湯好好味，好香酒味同薑味，但又唔會太濃，味道剛剛好！雞件如果多啲就好了！🤪 食完成碗米線覺得好補。下次可以再encore，唔洗下下食麻辣米線甘重口味，清清地都唔錯！👍

完全唔似係一碗重慶酸辣粉，啲粉完全無味真心未食過咁難食既重慶酸辣粉！最差既鋪 員工態度又差 求求其其落單食物環境好舊 下次唔會幫襯呢間！拉入黑名單 好好好好難食。。。。

收銀嗰個黑口黑面, 成個場陰陰沉沉咁樣, 好似停屍間, 殮房, 死亡登記處咁樣, 收銀嗰個女人勁冇禮貌, 唔願做咁樣, 成塊面係死灰色㗎, 毫無血色, 如果唔係冇其他選擇都唔會揀佢, 以後都唔會再嚟, 畀錢買難受!!!

環境衛生非常差，枱上有細蟑螂在爬行……杯凍檸水表面全是油脂，明顯杯子很不乾淨……店鋪老闆娘好惡，無論是她接聽電話、對店的客人還是對自己員工，都態度惡劣……食物味道普通。絕不會再光顧。