雲南千味

到得龍尋靚鵝，之前要先醫肚，見麵包兄寫著「氣功手拍黃瓜」，就看其如何了得。小店之下做的是工廠區生意，適值中秋假期，午市只得偶這檯客。小吃的價錢較出麵平上40%，就點了小黃瓜、蒜泥白肉及三鮮米鮮。小黃瓜是用手還是刀拍是搞不清，反正拍得麻麻，肉實不夠脆，就不用特意去搞清楚，反而醬是不錯，甜醬加了花椒，吃得出獨特的香味，$15已是交足功課。吃到熱辣辣的蒜泥白肉還是首次，肥瘦各半，惜切得太厚加上熱食，風味減半，但是「蒜頭醬」的味道幾對胃口，辛香帶甜，只嫌師傅太懶，若將蒜頭切成蒜泥，效果更好。吃不得辣，只好點清湯米鮮，木耳、金針、雪耳加豬肉，幾清甜，清清胃口準備燒鵝之旅，是個不錯的選擇。…查看更多

我因為係新浦崗返工既,新浦崗既大小食市,我都差唔多都試過曬,最新幫襯過既,就係哩間雲南千味,LUNCH入到去睇見地方細細咁,求其搵左個位坐就算,因為第一次去,都唔知食咩好,於是叫左個火記介紹下,佢一黎就介紹左個麻辣雞米線俾我,於是就試下啦,雖然睇落好似得兩個士應咁,但手腳都幾快,一陣就有得食啦,味道都唔錯,個人比較食得辣,哩個米線都幾岩我,酸酸地咁,而且D 米線都幾彈牙,整體黎講,24蚊連凍飲,都幾底下.....直得一試之選…查看更多

見到咁多好評，於是禽日同阿媽去試下，中午１２點多少少入去，一個人都冇（顆記都唔見），出去門口睇真Ｄ，冇錯係雲南千味，唯有兜個圈１２點半再入去，終於有顆記度，叫：蒜泥白肉飯：得薄薄幾片五花腩，蒜泥就係什貨舖炸蒜蓉，飯好似係隔夜飯整返熱，而且好細碟($22)麻辣雞米線：Ｄ雞好細粒，米線係普通貨色，好彩仲食到有少少麻既感覺，不過基本上同港式冇分別，亦可細碗($22)燙Ａ菜：辣汁淋上Ａ菜，辣汁唔辣(跟餐+$5)滷水雞亦：得個咸字(跟餐+$5)熱奶茶：只得少少茶味，唔得(跟餐)凍檸茶：即係熱檸茶加冰，上台隻杯仲暖既(跟餐)隔離台應該都係第一次幫襯，去到叫臭豆腐冇臭豆腐（餐牌仲要係冇既），叫玫瑰花茶冇玫瑰花茶，叫顆記介紹就係上面Ｄ貨色，Ｄ好評唔知係咪間野自己寫既，各位咪去做老襯！！！P.S.每次跟OPENRICE搵食實冇錯，點知今次變老襯！！！去隔離任何一間都好過佢！！！…查看更多

總覺得食餐飯最緊要感覺舒服,唔焗促,唔會比人趕,唔洗排隊,服務好,當然要好味咁就最好啦.呢間"雲南千味"就係我近排既首選。唔好比佢個名呃左你,主打雲南,其實好多其它食物都好有水準。心水推介:任何有麻辣汁既食物講真一間鋪頭可以令你笑住走,咁都已經值得一試啦…查看更多

上次因沒有預訂，所以很多東西也還未試過，今次便預先訂了幾個小菜，約了朋友一起來，試試這裡的特式小菜；因其他朋友沒有空，我們一行三人，不敢訂得太多食物，好在份量唔會好大，所以我們都試了唔少東西。包括有玉龍雪山白參、羊乳扇、涼拌米線撈、田七氣窩雞、鮮葫蘆薄脆、香麻瓦塊魚、清蒸臭豆腐、炸地根、酸角冰沙、養顏玫瑰木瓜爽和植物燕窩皂角米。玉龍雪山白參- 菇類的一種食物，聽說很有益健康，在雲南都唔容易食得到，所以在港相信也唔會多見(可能只得這裡有得食)，口感煙煙韌韌，有一種獨特的香味，很好味又有特式。羊乳扇- 外表很香脆，加上甜甜的煉奶，令羊乳更加好味，可惜羊乳大大片，要弄開就很容易爛開，唔多方便，煉奶只落在碟的中心部份，令某些地方太甜，某些地方又唔夠，如可想辦法弄得細細片，一口一片，就最好了。涼拌米線撈- 唔會好辣，帶有點點酸味，令食欲增加，米線口感煙韌，有點像冷麵的感覺，作為餐前開胃菜都幾好。田七氣窩雞- 很利害的田七味，份量十足，雞肉煲得好腍，但有點偏韌，湯水味道香甜，但可惜太多雞皮，令湯水偏油，如下窩前可去走大部份雞皮，相信會更加吸引。鮮葫蘆薄脆- 葫蘆瓜加上粉醬炸，味道清甜，唔會太油，但跟碟的酸甜醬就唔多配合，如改為灑上鹽食，返而更加凸出葫蘆瓜的鮮味。香麻瓦塊魚- 魚肉幾有質感，煎得很香脆，但完全唔辣，味道有點像銀雪魚，但感覺一般。清蒸臭豆腐(七級) - 最利害的就是七級，當然要試試啦，食物未到已嗅到陣陣臭味，朋友和辣椒女就非常喜歡，本來我唔打算試(因太臭)，但唔食又點寫呢，就試少少吧，小小一口，沒有想象中難食，再食多一點，臭味立刻向喉嚨襲來，再沖上頭頂，認真利害，還好沒有多食。炸地根–大大條，炸得很脆，有點像薯條的感覺，送酒食相信會幾好，但中心部份比較偏韌。養顏玫瑰木瓜爽–很濃玫瑰味，味道清甜，很解喝幾特別，可以一試。酸角冰沙和植物燕窩皂角米，上次寫過，就不寫了。還有幾樣未試到，下次如果有貨，一定再來。…查看更多

一間認真制作，堅持正宗雲南菜手法的食店，在香港真係買少見少；除了之前在觀塘食過的那間之外，這間可說是稀有品種了；只可惜這店開在一個人煙稀少的地方，人客大多來自附近的街坊，一到入夜後可說完全沒有行人經過，更不要說是人客了；所以如有心晚上來一試的朋友，請先打電話來說一聲，不要白走一趟。也因有很多菜式也要預訂，如之前沒有來電，也可能未能嘗到！要食好，又真係幾麻煩。我們因不知這麼多，之前沒有來電，去到時剛好關了門(晚上7時)；好在老闆剛好看到我們到來，立刻從新再開門讓我們進去一試，真係有點唔好意思。但也因為這原因，很多想試的小吃也未能嘗到，實在感到很可惜。最後我們只試了幾樣食物，包括酸菜炸醬紅燒肉米線、小鍋麻辣雞米線、手拍青瓜、酥炸臭豆腐(五級)、酸角冰沙和植物燕窩皂角米。酸菜炸醬紅燒肉米線- 酸菜味香濃，紅燒肉切得細細件，唔會感覺太肥利，味道幾好，米線煙煙韌韌，很有咬口。小鍋麻辣雞米線- 麻辣味唔算太利害(比四姐還要輕)，聽說可以加紫天椒粒，增加它的辣度，浸過麻辣的雞肉，已完全食唔出雞肉味，但口感唔會太韌，都算是這樣吧。手拍青瓜- 聽說是以氣功用手把青瓜拍碎後再切粒，混合辣椒絲涼拌而成。青瓜切到細細粒，清涼爽脆，味道青甜，份量一都唔少，兩個人食就感覺多了點。酥炸臭豆腐(五級) - 原來臭味都可分七級，第七級是最臭也是最好味的，但因時常缺貨，食唔食得到，就只有看你有無緣份了。本來蒸的豆腐，相信會更好和更臭，但因已關了爐，再開便要等很久，也不想強人所難，就改要炸的；炸得外皮好脆，內裏的豆腐就很香軟，但臭味就唔算太利害，我還可以接受得到。酸角冰沙- 味道有點像生渣味，很冰涼解喝，聽說可以當解酒茶，好像都幾有幫助的！植物燕窩皂角米- 聽說如飯前食可更增加飽肚的感覺，對想食得好，又想減肥的人仕，就最好不過了！味道清甜，口感豐富，感覺有點像燕窩，但叫作特飲就有點怪怪的，我們感覺它像甜品多一點！還有很多食物想試，只好下次再來嘗試清楚。價錢平，食物出色，實在值得推介給想食好的食家。…查看更多

D 臭豆腐係極度美味~ !!! 我下次一定要再吃!!! 又夠臭, 入口之後真的有少少的薄荷係喉嚨超正!!! …查看更多

我同男朋友系間店架熟客見到你對間米線鋪講到好衰緊,有點抱打不平...懷疑你會5會行錯鋪頭亞!?>老闆及老闆娘以操?濃烈?雲南口音?國語交談 間鋪得果女老闆雜...聽聞,女老闆系語委架考試老師,國語講得好地道下WO???你確定???>叫一碗酸辣腩肉米線 我地食左成1幾2個月...都沒見過----酸辣腩肉米線WO!??????>酸辣湯底既唔夠酸亦唔夠辣，有少少遷就香港人口味 我自己吃開大酸辣,覺得都OK,事關佢地有(大/中/小酸辣可選擇),我D fan 5食得辣,師傅就下D食客要求,我覺得幾好添,比多D人可以去試D新野>好失望....米線一D都唔煙韌彈牙，只係用普通?來貨 你可以選擇僗米線,就可試真D D米線>腩肉切成小粒，細粒到差D?唔到，而且肥肉居多 我食開D腩肉都系切片KA WO...小粒小粒???麼來KA?就以上疑點來講...你好有可能行錯鋪頭WO...!?臭豆腐(6星級)~~~很正~~~~有點南乳味?食落喉嚨清涼~~有D似薄荷味~~!?掂~!!!!!!…查看更多

琴日下晝落新蒲崗理髮，一枝公揾地方食lunch，之前嚟OR睇食評，發覺呢度風評唔錯，又諗呢排極少食雲南菜，於是好奇心驅使下就嚟試吓...小店一間。一入去間鋪就嗅到一股濃濃嘅蒜味，聽見老闆及老闆娘以操着濃烈嘅雲南口音嘅國語交談，心諗D嘢應該會幾正宗啩。望吓menu，大部份係雲南米線嘅配搭，再加上好多雲南風味小食都有供應，一D非常地道嘅小食如羊乳扇、蒸乳餅及臭豆腐赫然出現於餐牌上，令我對呢度嘅出品更有所期望。一個人叫唔晒咁多嘢，決定只叫一碗酸辣腩肉米線，再加一碟蒜泥白肉，然後order一杯凍玫瑰花茶解熱。好失望....米線一D都唔煙韌彈牙，只係用普通嘅來貨，唔掂；腩肉切成小粒，細粒到差D揾唔到，而且肥肉居多，唔掂；所謂嘅酸辣湯底既唔夠酸亦唔夠辣，有少少遷就香港人口味，唔掂；唯一可取嘅係料入面有一樣叫做雲南豆腐亁，驟眼睇以為係豬大腸，食落至知係豆腐乾，自己自問孤陋寡聞，真係未見過。此物味濃，有D似鹵水豆腐，好夠味。從此又認識一位新食物朋友la...^_^蒜泥白肉--- 蒜落得唔夠，亦唔夠"泥"，五花肉肥嘅部份淥得唔夠爽口，總體嚟講跟上次係肥仔周嘅Olala入面食到嘅就差好多la..玫瑰花茶確有少少玫瑰味，感覺清新，唔錯。呢個"OK"臉係因為個豆腐乾而俾嘅...…查看更多

一入到去個靚靚既女侍應已經好熱情咁招待我地, 問我地想食惹味定清甜...我就想食惹味d~ 除左三鮮米線外, 佢大部分都係惹味既! 於是我地就叫左1.涼拌米線- 雖然無湯,但仍十分惹味,又不覺得乾, 是夏日之選2.蒜泥白肉- 不算太辣, 但更突出白肉的鮮味!3.自選米線(朋友點) - 推介其渺底,因為夠甜夠鮮味,飲得出是煲出來的.4. 麻辣雞米線(朋友點)- 極速到達,只需兩分鐘, 十分惹味~就連朋友已吃過飯都能吃下3/4 碗!5. 飲品方面, 我們點了玫瑰花茶, 又清香又冰涼!埋單每人都是$35 左右! 抵!!…查看更多

也許自己在雲南出生，對真正的雲南風味特別敏感。人人都說香港是美食天堂，自己也試過不少雲南米線店，可惜一直嚐不到從小深刻心中的那種味道。我想應該和香港人流落外地，渴望一嚐地道煲仔飯，茶餐廳奶茶的心境相似吧。雲南千味店真的做出了我童年時在雲南才嚐到的特有風味。一邊品著香氣迫人的辣子雞，一邊吃著童年至愛三鮮米線，再加一杯消暑聖水－－木瓜爽。我已經回到從前．．．…查看更多

第一次o係呢間舖食野就已經愛上佢的了！o個次我食了麻辣雞米線，我自己唔太食得辣，但都覺得超惹味！d雞好入味，米線又好正！之後我就忍唔住帶埋o的friend一齊去食！o個次我就食左香酥茄子、白族燒羊乳扇（必試！超特別超好食！尤其鍾意食cheese o既朋友一定要試下！），跟住又飲左玫瑰木瓜爽，口感好得意~（聽老闆娘講好養顏架^^）我朋友就飲左糯米香茶，我都試過下，飲落真係好香架！呢間舖頭o的野食真係好有特色架！而且一d都唔貴！佢d特色小食同特飲真係好好味，但係價錢就好大眾化！總之一句講哂！食過番尋味！…查看更多

最近新蒲崗返工,有幸可以遇到呢間用心又好味雲南小店.從老闆娘口中知道,佢地大部份材料都係由雲南空運返,但係菜單上價錢並唔貴.另外師父得閒的話,佢會好用心介紹每款菜式資料.之前自己試過幾次,味道正之外而且keep到,所以同女友一齊食.麻辣雞米線/飯:必食之選,佢地麻辣比四川菜種"麻"溫和一.(令我想起觀塘雲南風味未轉手前味道)羊乳扇:味道好似芝士,加上練奶&沙糖更好食臭豆腐:聽師父講雲南做法係等豆腐自然腐化,而香港係用肉去加速腐化,所以雲南臭豆腐比較健康.另外如果你食得"臭",可以試下臭豆腐米線,食落去會有種甘甘地味道你口腔徘徊.木瓜爽:雲南特色飲品,正紅燒肉飯:肥肉好爽口,肥而不膩.佢地晚上有雲南私房菜提供,遲試下先.…查看更多

食過幾次唔同味既過橋米線&小食，今次就黎個心郁郁既小菜團了～五個人、七點、八碟小菜（！！！）五百零蚊埋單～以下好味度只係我個人評分，不代表全檯立場～酸菜水煮豆花魚好味度★★★★☆同四川既水煮魚好唔同，唔紅，唔麻，唔點辣，酸酸辣辣，幾開胃，湯底當然係鮮美了（甜就食唔出了，始終有陣辣味蓋\左）。魚用魚腩，個味道有D似鯇魚，但肉質比較結實，係酸菜辣椒既襯托下非常有魚既鮮味，不過無去到骨，怕骨既啖啖肉人士可能會有D驚。除此之外仲有好有豆腐香味既豆腐XD 幾滑，不過又未去到豆腐花既滑度。底下仲墊左好似粉絲又似米線既QQ條狀物，師傅有介紹過，不過飲飽食醉返到黎就唔記得左了...老實講雖然呢味菜好好味，但我比較鍾情四川風味既水煮魚。不過同桌愛美號非常鍾愛，以潛藏既非凡實力包左底，贏得全檯掌聲鼓勵。食晒之後師傅先同我地講，呢個窩係十人份的...原味鮮雞汽鍋（大）好味度★★★★★本來係有田七既，不過團友中有人唔受得，於是改做無味汽鍋雞，呀唔係，係原味汽鍋雞至真XD內容就係一鍋雞湯浸住一盆雞件（最多落多兩塊薑片），無雲耳無重手調味料，全部都以雞既味道決一勝負，雞湯雞油既香甜，雞既鮮嫩肉味，我覺得非常讚，even食左D比較辣既菜都食得出個香甜鮮=)~ 最後愛美號包晒雞底，某死辮子包晒湯底，分工合作天衣無縫，梗！臭豆腐好味度★★★1/2☆蒸臭豆腐，有食過台菜既蒸臭豆腐第一樣諗起既一定係陣臭味。不過好彩呢味都唔算臭，兼有大量紅椒麻椒鋪面，食落似腐乳既味道（不過無咁鹹）師傅好好心分左臭D同埋無咁臭既豆腐兩種（我諗係指果陣味既濃郁度），大家既結論都係，臭D好味D。仲有就係，襯熱食。滇香金瓜好味度★★★★☆南瓜粒上堆上一堆類似臘腸既物體，兩樣野齋食的話臘腸普通，南瓜香甜，但若南瓜同臘腸撈埋一齊食後，竟然意外地好好食！凍左都好食。愛美號又包左南瓜底了！金腿娃娃菜好味度★★★1/2☆就係娃娃菜上面鋪雲腿，似火腿津白feel，但D火腿邪惡地半肥瘦——上半係透明如冬瓜的爽口肥肉，下半是有點過熟的鹹肉，加埋娃娃菜一齊食味感風味佳，只食其中一樣既話都無咁好味。不過我都係鍾意過橋米線入面岩岩浸起果塊軟滑火腿。雲龍雪山白參好味度★★★★☆所謂雪山白參據說就係雪山上採摘既細小菌類，稀少而且要慢慢用人手除去上面污泥，極考工夫云云。佢\既做法就係將白參混蛋液煎成蛋餅，蛋香一流，白參爽颯颯，不過要襯熱食，唔係就少左陣蛋香了。山珍龍鬚瓜好味度★★★1/2☆龍鬚瓜據說係一種蕨類植物，能吸收膽固醇，非常健康，雖然我地已經食到慢晒落黎，但師傅會走埋黎建議我地食晒佢\。夾埋蒜塊、原條辣椒、雲腿絲同埋其他不知名植物一齊炒，非常惹味，可以送飯用～大理王子炒耳塊好味度★★★★☆大理王子係咩樣就睇唔出了，不過耳塊原來係年糕類物體，同上次食既限量燒耳塊又有唔同感受（燒耳塊係以搓成薄片既耳塊包住一種鹹鹹辣辣既餡料類似北京填鴨咁食法）又係要混埋D肉碎酸菜一齊食，即使已經係最後一碟菜好飽都竟然食得晒九半成！酸角冰沙好味度★★★1/2☆味道似酸梅湯冰沙。最適合飽到咁款時飲用，兼且好多藥用功\效，即管一試～不過我都係比較鍾意上次個皂米角糖水果種清涼冰甜既感受，可惜比較飽肚...總結：我食過既中菜入面，好多都好味，但講到能突出到材料原味既食肆，就只有寧波旅港同鄉會，同埋呢一間，雖然呢處無寧波既細工同賣相。不過一間小店黎講，我已經非常滿意～附註：間舖好有性格，每日材料賣晒就無果款菜，務求材料新鮮，就好似佢\極出色既過橋米線夜D去都未必食到。如果要汽鍋雞更加記得要訂，唔係日日都做既～如果想食小菜就要好似私房菜咁訂法了~…查看更多

同男朋友去新蒲崗,行經間好得意架米線舖有個笑容好靓個阿妹,話佢地係新開張1個月0架,各師傅係正宗雲南請返來架,我冇麼胃口又驚好辣,佢話有辣有唔辣,埋入去試下新野lo入邊5算好細,佈製的己有心思,幾有民族味道佢介紹我食個三鮮米線(好多料,部分仲係由雲南空運返來@-@.),幾鮮甜(d湯幾靓飲完都頸渴)我男朋友嗌做個麻辣鮮雞米線,大酸辣湯(佢話幾好,5係齋得個辣,辣得來仲好有味)飲左個玫瑰木瓜爽(講話有美容,豐胸同減肥嘎架用處)甜甜地幾得意,口感有d似蘆薈爽仲有好多小食想試,但已經好飽.><.,唯有下次]先至試啦...佢地攪緊個活動,可以籌印花抽獎(HAHA,我又籌d禮物幾靓)幾好招呼d野又幾好,話夜晚可以預定氣鍋雞同私房菜(下次請阿媽去試下都好)5錯,值得去試下…查看更多