雞少雞飯

與朋友到粉嶺流水響郊遊徑欣賞天空之鏡和落羽松美景後，一同到粉嶺附近吃下午茶，我們網上搜尋了一間環境既舒服，性價比又高的餐廳<雞少雞飯>，這間餐廳提供新加坡菜。我們點了輕盈招牌海南雞飯(配餐飲 – 佛手柑棗茶)、輕盈大蝦海鮮喇沙摻摻(配住家湯)加配蝦湯浸時菜和地道小食拼盤。😊輕盈招牌海南雞飯(配餐飲 – 佛手柑棗茶)餐廳毫不吝惜給予雞脾，雞肉肉質嫩滑，皮薄肉多，還提供三款醬汁供食客沾上享用。油飯出色，飯粒分明又充滿雞油、香茅和香料香味，非常好吃。佛手柑棗茶有淡淡清香氣味，本身佛手柑帶苦，配上紅棗，令這杯茶帶甜。😊輕盈大蝦海鮮喇沙摻摻(配住家湯)加配蝦湯浸時菜湯底金黃色，有椰香味，帶點辣。麵選了摻摻，即米粉和油麵，麵質滑溜，且有「掛麵」效果，要先吃麵，不然麵條吸收湯汁。雖然寫著是輕盈，但是麵量和配料也不少，有翠肉瓜、豆卜、魚蛋、流心蛋、蜆、帶子、豆角、蝦。住家湯出色，是椰子雞湯，看得見有椰子、紅棗和雞湯，湯底清甜又有椰子和雞味，很好喝。蝦湯浸時菜名實兼備，翠綠菜芯上滿是櫻花蝦。雖然是一人份量，但是份量不少，且菜芯味道剛剛好，不太鹹也不太油。😊地道小食拼盤小食拼盤非常豐富，賣相也很吸引，還提供兩款醬料。小食拼盤包括3件春卷、4件蝦餅、酸辣鳳爪半份、魚餅4塊、香茅雞中翼3隻。放在中間的半份鳳爪，份量充足。醃製後去骨鳳爪，爽口又酸中帶辣；蝦餅外層炸得香脆，有香茅和蝦味；粉絲春卷外脆內軟，內裡包著芋蓉；香茅雞中翼外皮炸得香脆，醃得入味；魚餅厚身，口感彈牙。…查看更多

🍗 粉嶺「雞少雞飯」：抵食新加坡風味，驚喜連連！最近喺粉嶺搵食，撞到一間叫「雞少雞飯」嘅餐廳，主打新加坡菜，價錢親民，份量足，真係有啲料到！🥢 一人餐：性價比爆燈！我叫咗個新加坡海南雞飯一人餐，$73蚊包晒湯、菜、雞、飯同飲品，真係抵到笑！雞肉滑嫩唔鞋，飯粒分明又有雞油香， 連菜都係用蝦煮過蠔油，味道特別。加多$28蚊升級試埋肉骨茶，餐牌寫住細碗，點知上枱係大大碗，兩個人都飲唔哂！湯底香濃，藥材味啱啱好，飲完暖晒個胃，真係有驚喜。🍜 碳燒豬頸肉蝦湯麵：滲滲麵更有層次！碳燒豬頸肉蝦湯麵麵底揀咗滲滲（兩溝既意思：米粉+油麵混合），口感豐富啲。蝦湯鮮甜，掛湯力強，豬頸肉燒得啱啱好，爽口唔肥唔柴，成碗麵食落去好有層次感。🍤 小食加配：唔叫對唔住自己既兩款小食：城黃金炸蝦餅同芽籠粉絲春卷蝦餅外脆內彈牙，蝦味濃郁，點埋沙律醬更加出色，酸酸甜甜好開胃；春卷炸得香脆可口，又唔會油膩，沾埋酸甜汁，分外出色 。兩款都好啱做前菜或者加餸。成餐飯可以話平靚正, 好高質! 真心推介俾住附近街坊, 有誠意唔會令你失望。下次我都想再去試埋其他款！…查看更多

講起新加坡菜，第一時間諗起之前食過嘅海南雞、喇沙、椰漿飯等菜式。今次去粉嶺中心 - 雞少雞飯，品嚐一下地道新加坡風味～餐廳以翠綠及淺木色傢俬為主，天花擺放植物裝置設計，地方闊落，空間感足，環境自然舒適。娘惹豬扒喇沙           $75覺得喇沙係好感受到地道新加坡菜色，依度嘅喇沙好足料，有菜、豆卜、魚片、芽皇、流心蛋、紫洋蔥、蝦乾等，豬扒大塊又厚，外脆內軟，肉質嫩滑，好入味，湯底金黃色，椰香味濃，帶少少辣，好開胃，揀咗摻摻係油麵同米粉，麵條吸入湯汁，好惹味。星洲咖喱牛腩配米飯           $66牛腩一咬即化，煮得軟身有啲咬口，肉質嫩滑，咖喱本身加咗少少比較有特色嘅香料，食落甘香味，自己就好鍾意 ; 白飯可以免費轉油飯，好香雞油、香茅同香料味，配埋無味精住家湯係南瓜青紅蘿蔔豬展湯，好足料，味道香甜好飮。芽籠粉絲春卷           (+$22)網紙包著粉絲及蔬菜，炸至外脆內軟，好香脆，點埋自家製醬汁，口感層次提升。牛肉串燒        $16串燒外層焦香，牛肉醃味濃厚，有嚼勁，肉質鮮嫩，沾上特色醬汁更好味。恐龍美祿             (+$16)國民飲品恐龍美祿係冰凍美祿上撒美祿粉同脆脆美祿波波，好玩又好味。凍檸檬茶       (+$8)紅茶味甘，檸檬清香，冰凍爽口，解渴解膩。…查看更多

🐣雞少雞飯 (粉嶺) 🐣📍 地址: 粉嶺新運路33號粉嶺中心地下145-146號舖最近我去到雞少雞飯，這間新加坡風味的餐廳讓我印象深刻，值得一試！✨新加坡海南雞喇沙 - $82 這道海南雞超級滑，雞肉鮮嫩得讓人驚喜，份量也非常足！再加上喇沙湯底的濃郁味道，整體滋味讓人一吃就愛上。想換雞髀的朋友，加$12就可以了，真的很划算！椰青 - $28 新鮮的椰青是炎熱天氣的完美解渴良伴，喝上一口清甜的椰子水，立刻感覺到清涼，特別適合搭配餐點。總的來說，雞少雞飯的食物質素高，價格合理，是個放鬆享受美食的好地方。期待下次再來！❤️…查看更多

粉嶺都開左雞少雞飯，位置好近地鐵站。位於都好闊落，坐得舒適！新加坡去骨海南雞飯呢個係必點，海南雞好滑，雞皮食落唔會油膩。無骨好方便食用。黃油飯好香，而且係粒粒分明，夠香口。跟餐簡左無味精嘅住家湯，原來係椰子雞湯，鮮甜潤口，椰子味夠清甜。加$7 有蝦湯浸時菜，都幾抵食，菜心沾曬蝦籽，好香口。芽龍粉絲春卷炸得香脆！雞肉串燒比較重孜然粉味，好惹味。老街碳燒燒豬頸肉好重碳燒味，每塊都好juicy。星馬班蘭咖映多士要襯熱食，熱辣辣嘅面包配埋鮮油，好食！恐龍美綠係新加坡餐廳特飲，每次都叫，配埋脆脆，濃郁可口。…查看更多

影張全家幅先香茅厚切豬扒配蝦湯米線🦐🐽個湯底超濃郁，飲到蝦🦐嘅鮮甜！豬扒🐽厚身又鬆化，香茅味好出，夾埋滑溜米線真係冇得輸。Fd 件海南雞雙拼鹹魚肉餅飯🐔🐟🍚，雞肉🐔嫩滑，油飯🍚好香；鹹魚🐟肉餅煎得金黃，咬落鹹香惹味，送飯一流。輕型肉骨茶藥材味唔會太濃，啱啱好，飲完成身暖笠笠👍。馬六香茅炸魚餅🐟同獅城黃金炸蝦餅🦐即叫即炸，熱辣辣，外脆內彈牙，香茅味同蝦鮮味爆棚，忍唔住一口接一口。呢餐平、靚、正，飽到上心口，我地已經諗定下次再encore啲咩！桔仔話梅水（熱）美祿（熱）--雞少雞飯地址: 香港粉嶺新運路33號粉嶺中心地下145-146號舖…查看更多

雞少雞飯🐔朋友住粉嶺約佢去食lunch揀咗呢一間海南雞飯幸運地食到雞髀🍗有三款醬汁可以點各有特色飯底好好食出色豬頸肉喇沙喇沙湯底超級濃郁豬頸肉烤得香口豆卜吸晒湯底啲味好正肉骨茶味道清香軟骨腍晒好正仲有啲雞腳，簡直係個湯嘅精華酸辣鳳爪酸辣鳳爪好味道不得了鳳爪爽脆可口酸辣調味得好好炸蝦餅蝦味清香炸得爽口兩杯飲品各有特色吉仔冰話梅味好香柚子茶柚子味好濃咖央牛油多士味道好食略嫌牛油唔夠厚價錢不貴食物種類勁多…查看更多

今次黎到粉嶺中心試下呢間新開嘅「雞少雞飯」，呢間係都有分店架！中意食雞嘅朋友一定要過黎試下～仲要試下店鋪各種招牌菜呀😍➖➖➖細碗肉骨茶 $38 8.5/10 🔥🔥🔥雖然叫細碗肉骨茶，但一啲都唔細碗，而且好重藥材味☺️入面有好多排骨，好似豬軟骨，好腍好好食😍而且仲有幾隻雞腳😙啲湯熱辣辣好補身😙➖➖➖老街炭燒豬頸肉喇沙 $75 8.5/10 🔥🔥🔥喇沙湯底椰香味非常濃郁🤤配合埋辣油，味道好香！米線嘅軟硬道適中😆豬頸肉每塊都係長條型，而且每塊都砌到好薄，刀功一致🔥好易入口，而且配合埋酸辣醬汁😙真係食到唔停口➖➖➖雞少去骨口水雞 $63 8/10 🔥🔥🔥雞肉肉質鮮嫩☺️而且皮薄骨細🫨口水雞唔算太辣🌶️，夠哂鹹香😍 ➖➖➖星馬斑斕咖央多士 $31 9/10 🔥🔥🔥🔥多士烤得非常金黃酥脆☺️而且係用麥包，健康啲～包入面夾住香濃嘅咖映醬&1整塊牛油🧈超得好味🤤但都好油膩同邪惡😆😆但真係好好味😋➖➖➖凍藍蝶花乳酸梳打 $32 8/10 🔥🔥🔥好好飲，跟餐只係需要加多$5就得，一邊有重重嘅乳酸奶，而且喉嚨都會有爽快清爽嘅感覺😍➖➖➖🔥🔥🔥🔥🔥 （Highest Recommend)雞少雞飯 (粉嶺)粉嶺新運路33號粉嶺中心地下145-146號舖…查看更多

粉嶺中心開咗「雞少雞飯」啱啦，我最鍾意食雞，等我過嚟食吓先試勻晒佢哋嘅招牌菜首先一定要讚個新加坡海南雞配蝦湯滲滲個湯底鮮甜麵質吸盡蝦湯精華海南雞依然保持水準嫩滑得嚟雞皮爽口去骨海南雞飯雞皮泛住啲啲金光肉質嫩滑到用筷子輕輕一篤就分開最正係個黃油飯粒粒分明又沾滿雞油香小食方面個炸蝦餅同鳳尾蝦真係不得了熱辣辣上枱仲keep到肉汁環境雖然唔算豪華但零服務費+上菜快最後飲埋個清甜椰青完美解決今日嘅選擇困難症！…查看更多

喺粉嶺中心搵到間街坊飯堂！街坊價錢嘆到高質素新加坡菜👏主打海南雞﹑喇沙同肉骨茶，套餐仲配埋蝦湯浸菜同無味精老火湯✨，飽到上心口～海南雞雙拼豬頸肉飯 $78海南雞皮爽嫩滑冇骨入味，豬頸肉帶焦邊同香茅味突出～最正係個酸辣醬，酸辣醒胃，瞬間提升成個飯層次🔥雙拼價錢試到兩種招牌，性價比高滷水慢煮元蹄飯 $73元蹄滷到軟腍入味，用筷子一篤就散開！膠質多到黏住對筷子🐷，個滷汁撈飯可以清晒成碗，抵食！馬六香茅炸魚餅 $22芝麻醬雞絲粉皮 $22多款小食提供，魚餅彈牙，雞絲粉皮配料豐富，肉鬆甘筍木魚絲，芝麻醬多到撈勻哂成碗…查看更多

屬於垃圾級別的一家海南雞飯店，進店後完全沒有人理會你，隔了差不多10分鐘才有一個人把一張QR code放在你枱面，什麼也沒有說，以為自己在吃自助餐，最好笑的是買了一個豬扒米線，居然是先上米線，然後隔了7分鐘才上豬扒，豬扒上海時米線已經沒有湯了，另外他們上餐的習慣也很可笑，居然是把餐點放在枱的另外一端，然後就走開了什麼也沒有說，豬扒也有很重的雪藏味道，所謂的招牌菜簡直是一個笑話。基本上只會吃一次，免費請我吃，也不會再來第二次。…查看更多

每次嚟粉嶺都唔可以錯過呢間「雞少雞飯」！餐廳雖然唔算起眼，但食物質素絕對有驚喜～今次試咗幾款招牌菜，每樣都值得推介！🐟 馬六香茅炸魚餅（8件） 魚餅彈牙得嚟帶濃郁香茅味，炸得金黃香口但一啲都唔油膩！點埋佢哋特製醬汁，非常開胃，一口一件停唔到口！🍗 金沙香蒜雞一人餐（轉白飯・多飯） 金沙即係鹹蛋黃，香濃嘅蛋黃醬包裹住嫩滑雞件，仲有爆香嘅蒜粒，送飯真係一流！白飯煮得粒粒分明，加分！🐔 海南雞雙拼煎肉餅一人餐（轉白飯・多飯） 海南雞皮爽肉滑，蘸埋黑豉油同辣醬超正～煎肉餅香口唔乾身，雙拼可以試多款口味，滿足！☕ 飲品方面 凍檸茶茶底夠濃，恐龍美綠係童年回憶～濃濃美碌粉灑面，甜度剛好，飲完好治愈！🥣 是日湯品 蝦湯浸時菜清甜入味，飲完唔會口渴，感覺無落味精，健康之選～整體而言，呢度食物夠地道，份量十足，絕對係粉嶺區高質之選！下次經過一定會再encore～…查看更多

呢間喺粉嶺新開嘅餐廳，環境幾舒服😌而且食物份量都好多，以呢個價錢嚟講性價比幾高👍🏻肉骨茶好大碗，甜甜地嘅藥材味，入面有好多排骨，仲有雞腳，補到筋骨又補到骨膠原👏🏻海南雞就算唔係雞髀位都夠滑，豬頸肉亦燒得幾香海南雞飯仲送住家湯，木瓜雪耳湯好足料👍🏻有好多舊木瓜同埋大大舊雪耳，好滋潤呀！飲品選擇都好多，跟餐加錢可以叫養生茶特飲 菜式：- 足料肉骨茶配白飯：$66- 海南雞雙拼燒豬頸肉飯：$67送無味精住家湯- 沙嗲串燒3串 （雞，牛，豬）：$45- 一人蝦湯時菜：+$7- 義順香茅雞中翼（3隻）：+$22- 佛手金棗茶（熱）：+$9- 養生紅棗茶（熱）：+$9 味道：🤤🤤🤤🤤🤤/5性價比：🤤🤤🤤🤤🤤/5…查看更多

一向好鍾意食海南雞飯，呢間新馬菜餐廳開咗幾間分店，今次終於開到嚟新界區😚見網上評語出咗名抵食夾大份，款式又多🤩今餐又去食雞喇🐔1. 海南雞雙拼煎鹹魚肉餅飯 （$67）呢間餐廳嘅海南雞飯比一般嘅餐廳配搭選擇多，例如今次呢款海南雞飯就配左比較少見嘅煎鹹魚肉餅😆餸嘅份量非常充足，本身仲有半隻蛋同開胃配菜，性價比非常高👍🏻主角海南雞今次係雞胸同雞翼，雞非常滑唔鞋😋鹹魚肉餅送飯一流，飯可以跟油飯或者白飯，睇自己口味啦🤓2. 古法滷水慢煮元蹄（$62）慢煮元蹄嘅豬皮滑捋捋，豬肉炆得夠淋，入哂滷水味🤤元蹄份量佔左半隻碟，好似叫左個小菜咁😅滿足🤗每個套餐包埋碗無味精住家湯，飲品就要另加錢，住家湯係木瓜蘿蔔豬展湯，好甜好好飲😋套餐加$22蚊可以有唔同選擇，今次叫左兩款：3. 義順香茅雞中翼（3隻/$22）雞翼嚟嘅時候配左個酸辣汁，但食嗰時雞翼啱啱煎好熱辣辣🔥本身已夠哂味，唔點汁都好好味👍🏻4. 獅城黃金炸蝦餅（4塊/$22）另外仲叫左蝦餅🦐，比平時食開嘅薄身，比較意外佢唔係配酸甜醬，而係沙律醬，蝦餅好彈牙香口唔錯😁套餐飲品特飲加$12叫左椰汁涼粉，同特式飲品加$16美綠恐龍🦖🤭，夏日必飲☀️#粉嶺美食#雞少雞飯 #粉嶺…查看更多

粉嶺中心地下開左好多新食肆好耐冇係呢頭食野但經過呢間見到晚市都幾多人食 所以一於入去試試見佢飯既款式都幾多既然佢個名有個雞字就一定要試下海南雞叫左個豬頸肉拼海南雞飯一黎到賣相幾靚仔 而且好大份海南雞同豬頸肉都好多 雞肉夠嫩滑 豬頸肉唔會好柴跟餐仲有一個湯一杯嘢飲同埋一碟菜絕對夠哂飽 都係70幾蚊另外再嗌咗一個無骨豬手飯豬手炆得好腍 啖啖肉同埋啲汁都幾送飯特飲就加$8嗌咗個龍眼冬瓜茶老實講呢個價錢嚟講有咁多嘢食冇得挑剔個人覺得味道係中上 唔算好出色 但對得住個價錢下次行過諗唔到食咩會再食…查看更多