雞功房 (禧利街)

一兩年前好鍾意食雞功房嘅下午茶。*雖然五六十蚊就可以喺附近茶餐廳食個飽足嘅下午茶，但心情好嘅時候會比多二十蚊去雞功房食「高級下午茶」。嗰時啲雞好靚，不同餐配靚仔/油飯/撈麵/湯麵，有湯，有飲品，食得好滿足。員工同老闆都好客氣。*隨着時間推移，雞功房好像開了分店，附近賣雞嘅食店亦越來越多，有一間跨區來上環開分店嘅都出名，無骨雞飯質量「有得fight」，有餐飲，仲平幾蚊，不過堂食環境和服務冇咁舒服。*隔咗段時間再返去雞功房食下午茶，冇加價喎。湯、飯、飲品、醬料都係以前咁好，但雞冇印象中咁靚，係好多雞胸加雞中翼嘅配搭。佢肉量係多，但賣相不及以前咁能夠引起食慾。今日遇到的職員和氣如初，可惜主角「雞」沒有激發到下次返嚟再食嘅衝動。.*我對雞功房仲有感情，遲早會返嚟，俾多一次機會佢，希望佢珍惜我哋呢啲下午茶時段嘅客人啦。…查看更多

🔥自家製豉油雞飯：皮滑肉嫩，豉油香濃首先必試嘅係佢哋嘅自家製豉油雞飯，一上枱就聞到陣陣豉油香，雞皮油潤光亮，睇得出師傅嘅手勢夠老練！雞肉煮得剛剛好，肉質嫩滑得嚟唔會鞋口，尤其係雞髀部位，一啖咬落去，肉汁同豉油嘅甜香瞬間爆出，真係食過返尋味！ 豉油汁調校得恰到好處，唔會太鹹，帶少少甜味，撈飯一流。飯底亦唔馬虎，用咗珍珠米，煮得粒粒分明，吸盡豉油精華。旁邊仲有幾條焯菜心，平衡返油膩感，整體嚟講係一道抵食又高質嘅碟頭飯！ …查看更多

🇭🇰雞功房·之前見過有人推介呢間雞功房 話超好食 所以嗰日黎上環呢邊 就專登喺呢度買咗半隻雞返屋企食🥺·海南雞（半隻）$170佢半隻雞都幾貴 要成$170🤑之後一見到 我自己就已經有啲失望 佢個樣麻麻地 而且有少少甩皮甩骨🫢食落就係好普通既雞肉 唔算話好嫩 我自己覺得勇記好味好多 佢個雞味道2.5粒星啦 但係因為佢要$170 所以最後2粒星😂·#rbyeat#rby上環·📍上環禧利街17-19號普益商業大廈地舖…查看更多

有次經過禧利街見到多人排所以入咗試餐廳有兩層，Lunch Time人多都要排隊🙃豉油雞腸粉 睇menu介紹係用新加坡黑醬油同本地醬園頭抽調配醬汁，用浸熟方法處理轉咗雞髀啖啖肉，雞皮滑雞肉又嫩，咸鮮味微微甜咁～ 配腸粉比較少見，似豉油王腸粉，本身有少少焦香，吸咗雞油同豉油都幾邪惡另外堂食嘅我推薦佢哋個撈麵！藥膳花菇魚肚雞湯 湯底濃郁，藥膳味溫，滋補feel花菇同魚肚索晒湯，雞肉又夠嫩滑，養生人士要試吓咖喱牛舌芯飯 咖喱微辣但又夠香濃，用牛舌芯用油香又爽口白飯小偷嚟超彈花枝丸 花枝丸揸得酥脆之餘又彈牙，花枝嘅比例高，配酸甜醬麻油萬筍海蜇 海蜇爽脆，萬筍清甜，呢啲天氣食一流陳皮無花果雪梨茶 自家製，唔會太甜，解膩同清爽見到餐廳貼住啲介紹，佢哋都有做開私房菜，下次都可以考慮同屋企人試吓上環交收完經過禧利街見人多就就擇日再試晚餐時間人流少啲呢個係叫餐就會送嘅湯，重酒香，都幾正…查看更多

豉油雞最緊要係雞肉嘅質感同入味程度。呢度嘅雞肉算係合格以上，雞皮薄而爽，冇多餘脂肪，咬落去有少少彈性，證明唔係雪藏過龍嘅貨色。肉質方面，雞胸部位稍為實少少，但未至於「柴」；雞髀同翼位就保持到嫩滑，尤其係近骨位置，啖啖肉都滲住豉油香。豉油汁嘅調味偏向傳統，鹹甜平衡，唔會死鹹或者得個甜字，食得出有加咗少少冰糖同香料熬煮，但唔會搶咗雞味。 🤔呢度用嘅係普通珍珠米，煮得粒粒分明，唔會太爛或者太硬，但飯香就一般，可能冇特別揀過靚米。好在豉油汁夠味，撈飯食都算滿足。如果店家肯用稍為優質少少嘅米（例如泰國香米），成碟飯嘅質感會即刻提升。 價錢略貴，$80+ 午餐…查看更多