雞三和

這間新開的日本餐廳位於銅鑼灣時代廣場B2樓，是來自日本名古屋逾120年歷史的百年老店，主打以日本三大土雞的名古屋交趾雞入饌的雞肉料理，品牌擁有自家農場養殖130日，雞肉特別細緻嫩滑，而蛋黃特別香濃。雞肉三吃定食 - $158採用名古屋交趾雞，塗上秘製醬油，慢烤至金黃且逼出甘香的油脂，有三種不同滋味。首先，原汁原味；然後，加入蔥花、芥末、海苔及鹽昆布；最後，加入高湯製成茶泡飯。鮭魚籽親子丼 - $128沿過用百年創業秘方，用秘傳醬汁燉煮名古屋交趾雞，燉煮得好入味，質感如走地雞般緊實有彈性，澆上滑溜的半熟蛋帶出蛋香，新潟米撈上醬汁鮮味香甜，還有爽脆爆汁的三文魚籽。追加定食套餐 +$38紀州梅乾三小碟有一口紫甜番薯、胡麻豆腐及紀州梅，而膠原蛋白雞丸子湯，湯色清澈而不膩好鮮美。炸雞翅(甜醬油) - $48/兩隻日本調製炸漿金黃酥脆而不膩，採用香草美水雞，咬開保留豐富的肉汁好柔軟。雞肉串燒(照燒醬) - $28/串軟嫩多汁的雞骨塗上照燒醬，有濃郁的醬香味。…查看更多

放工之後黎銅鑼灣chill下食晚餐，位置都幾方便，就直接喺銅鑼灣出口嘅商場入面。平日嚟講都算多人呀，坐滿晒成場，等咗大概10分鐘我哋就有位坐。食物方面，梗係試吓最出名嘅名古屋交趾雞親子丼啦，雞同埋蛋都好滑，係預想中嘅味道👅而我覺得最出色係佢個飯好香好軟，同個醬料配搭得好好。4/5分！小食方面，叫咗雞串，味道OK不過份量比較少，3.5/5。朋友就叫咗個唐揚炸雞🍗，勁爆好食，皮薄炸得脆，啲雞嚿嚿都好多肉，5/5，一定會再試！環境方面，燈光昏暗黃光，俾人感覺好舒服可以放鬆到，同埋我見佢有好多二人枱四人枱，都適合同朋友傾偈聚餐💗💗下次嚟主食會想試下佢加埋蠔嗰個親子丼，好似都好抵！…查看更多

同朋友行行吓街肚餓就見到間日本餐廳專門吃雞，餐廳位置幾就腳，就係銅鑼灣時代廣場出口搭扶手電梯B2層。今次叫咗個雞肉三吃定食，首先有個前菜拼盤，之後個重頭戲就喺個雞湯度！食咗一半飯倒咗個雞湯落去變泡飯咁食，嗰雞湯好有驚喜，呢個食法完全出乎意料之外，好推薦咁樣食。之後同朋友再加咗兩個小食，雞肉串燒同唐揚炸雞。個人鍾意雞肉串燒多啲，質感嫩滑，照燒汁滲透落去啲雞肉好入味。唐揚炸雞炸得好脆好juicy，也值得一試。雖然個定食包咗杯凍茶，但係見佢有好多款唔同嘢飲，就試咗佢個髒髒阿華田，味道濃郁中間仲加咗好多朱古力脆脆，增加口感！…查看更多

呢餐日式定食幾舒服，親子丼啲雞肉夠嫩，蛋煮得啱啱好，唔會太熟，食落滑滑哋。鮭魚籽加咗少少鹹香，幾有層次。飯吸晒啲汁，唔會太乾，整體味道唔錯。湯就清清地，有肉丸同蔥花，飲落暖笠笠。後面嗰幾款小食都幾精緻，有豆腐、小蕃薯同梅，梅就有啲酸，但開胃黎講岩岩好，豆腐同小蕃薯唔算太甜，啱晒食完正餐嚟個小結尾。成個餐擺盤靚，感覺好整齊，食完心情都好咗。食物份量啱啱好，唔會太多又唔會唔夠。環境都幾舒服，坐得輕鬆，係一餐簡單但有心思嘅日式料理，值得再食。…查看更多

名古屋百年老店雞肉專門店「雞三和」登陸銅鑼灣時代廣場，「雞三和」喺日本各地有多間連鎖分店，主打親子丼🐥🐣喺名古屋愛知縣自設農場，養殖交趾雞，由養殖、加工等都係一手包辦，今次開到嚟香港一於試吓佢哋嘅招牌菜先！🔸鮭魚籽親子丼定食🥚🐣一定要試下佢哋嘅親子丼！用咗秘製醬汁烹煮雞肉，肉質十分嫩滑，半熟滑蛋都吸收左醬汁嘅香味，甜甜地好惹味。定食配有紀州南高梅三小碟、膠原蛋白雞丸子湯、飲品，十分豐富。🔸特上名古屋交趾雞🐥呢款係雞肉三吃御膳，就好似名古屋鰻魚飯三食咁，第一吃先食烤得金黃的雞扒，品嚐原味。第二吃，加入佐料包括蔥花、紫菜絲、芥末等撈匀進食。第三吃，茶漬飯加入佐料後再淋上湯汁享用，各有風味！🔸雞肉串燒、名古屋交趾雞翅🍗小食要左雞肉串燒，沾滿醬汁，食落唔會好乾。另一款名古屋雞翼炸完再沾上甜醬油，都幾好食😋 …查看更多

黎到銅鑼灣嘅呢間雞三和，真的好有feel。一入去就聞到雞肉傳黎嘅香味，令到我即刻想點餐。佢地嘅牡蠣親子丼超好食，雞肉超級嫩，加埋個醬汁，啱啱好，唔會太鹹。飯都吸曬雞肉嘅汁，食到我差d想叫出黎，好好味呀。仲有d牡蠣，非常有鮮味，令整個味道更上一層樓。服務都幾好，店員都好親切，令人覺得舒服。呢間雞三和係一個聚餐嘅好地方，可以食到好食嘅雞肉丼，仲能夠享受輕鬆的氛圍。下次我肯定會再食多次！係第二度都搵唔到咁好食嘅雞肉丼！…查看更多

試左銅鑼灣時代廣場呢間新開嘅日本料理，大推！原本都係諗唔到食咩諗住試吓間新野，誤打誤撞，發現呢間日式料理好優秀，真心覺得物有所值！！！首先，親子丼嘅雞肉煮得啱啱好，啲雞肉好嫩，啲蛋好滑，另外，啲串燒都燒得啱啱好，外焦內嫩，搭配的醬汁非常好，配酒簡直係一流👍🏻 甜醬油炸雞翼果然係招牌，好特別，同平時食嘅炸雞翼完全唔同，脆香得黎又同表面嗰層甜豉油好夾！我地仲嗌咗水炊雞鴛鴦湯鍋，雞味好濃！啲嘢飲都好正！成餐飯都好滿意，性價比超高！會再次光臨！…查看更多

經過銅鑼灣時代廣場，見到新開張的過江龍—雞三和，是間百年老字號日式雞肉料理餐廳，主打交趾雞，材料由名古屋直送。Menu有幾款親子丼、水炊雞鍋、小食選擇，今次試了三文魚籽雞肉雞子丼。滑嫩雞蛋而且雞肉彈牙，加上爆汁三文魚籽，增加鮮味而且飯份量夠，食完好滿足！小食點了炸雞，即叫即炸，炸雞一咬爆汁而且雞肉不乾柴。另外試了招牌水炊雞湯鍋，雞肉比丼飯軟腍仍帶有些爽脆質感，而且比一般雞件大舊。湯底比較清淡雞湯，加入雞肉及蔬菜後好清甜！鍋物有免治雞肉，雞味濃郁而且嫩滑。最後更可以整水炊飯，但太飽沒有點。…查看更多

銅鑼灣雞三和是一間以日式雞料理聞名的餐廳，環境舒適且充滿日式風情，讓人一進門便感受到溫馨的氛圍。這次的晚餐點了多款招牌菜式，吃得非常滿足。首先推薦他們的交趾雞煲，雞肉鮮嫩，湯底帶有微甜的風味，配料豐富；三文魚子雞飯則是另一亮點，飯粒粒粒分明，搭配鮮美三文魚子和滑嫩雞肉，口感豐富層次分明，讓人一口接一口。雞串燒也非常出色，表皮微焦且內裡多汁，鹹甜醬汁恰到好處；餐後的乳酪雪糕是完美的結尾，口感細膩滑順，微酸乳酪味道清新，令人回味無窮。整體而言，銅鑼灣雞三和不論是食物質素、味道還是服務都讓人感到滿意，是享用日式雞料理的絕佳去處，值得推薦。…查看更多

近排同朋友去銅鑼灣既時候經過呢間新開嘅舖頭 「雞三和」，見到裝修唔錯似日式簡約風，又寫住有125年歷史，一定唔會中伏，又唔算太多人排隊，就行入去試下🫰🏻先講唐揚炸雞🐔（9/10），外皮炸得好脆，雞肉鮮嫩多汁，醬油與薑汁調味不會太over，反而有少少清爽口感。雖然調味唔算好出色既，但係真係食得出雞既原汁原味（冇雞腥味），適合Share 食。生蠔親子丼🦪（8/10），丼飯入面有新鮮生蠔，蛋超滑嫩，蠔肉鮮甜，蠔味好出，大粒&份量都好多，好似有7粒，搭配少少鹹既魚貝高湯和白飯，味道和諧，每口都有層次。不過，雞肉份量較少，味道不及唐陽炸雞突出，稍顯普通。士多啤梨乳酪奶昔🍓（8.5/10）清新可口，草莓酸甜與乳酪平衡都啱啱好，奶昔口感順滑，但略嫌飲到最後嗰幾啖會覺得有少少甜 ，如果有得揀少甜會更加好，導致蓋過士多啤梨味道。總括而會，這餐around 人均$200，性價比合理。「雞三和」交趾雞料理唔同其他餐廳，若果有多D不同的款式和選項給顧客挑選，相信會更上一層樓⛩️…查看更多

最近見到好多人推介呢間，今日終於去咗試 有意外驚喜窩！初頭上網睇啲相以為好細份一一定唔夠飽，但係食食吓最尾竟然好飽 雖然冇影到個炸雞，但係好出色！好多肉汁 丼飯嚟講，第一次食呢個叫交趾雞! 幾有彈性，夾埋啲蛋食其實冇得輸 啲蛋又有啲半熟！perfect 我朋友食咗個蠔嘅都大大隻同埋都唔孤寒有四隻咁多，整體體驗我覺得唔錯！自己返工喺附近晏晝嚟食就幾好一人一個丼飯！！仲未試到佢個鍋 見隔離幾台都有食都好似幾吸引好想試！！…查看更多

呢間餐廳嘅體驗真令人失望！首先，雞同蠔煮得過熟，雞肉乾硬，咬落無汁無味，質感似鞋底；蠔亦都硬邦邦，缺乏新鮮感，食落完全唔滿意。份量方面少得誇張，碟頭淺到得幾件肉同少少配菜，食完完全唔夠飽，令人覺得份量同價錢唔成正比。講到價錢，收費比預期高好多，性價比偏低，畀人感覺唔值。服務質素更加差強人意，侍應態度冷淡，欠缺基本禮貌同耐心。我杯茶仲未飲完，侍應已經急住收我嘅盤，連問我意見都無。我試過撳住個盤表示未食完，點知侍應仍然堅持要收走，態度令人不快。整體而言，食物質素同服務態度都遠低於期望，未能達到一間餐廳應有嘅水準。我唔會推薦呢間餐廳畀其他人，因為無論食物定服務都令人失望，實在唔值得一試。…查看更多

從來都唔寫食評嘅我忍唔住要寫食評，被friend邀請試食time square呢間新日本嘢，睇落環境唔錯，啲位幾闊落，而且係我最鍾意嘅日本嘢，就諗住試吓。啲服務員態度都好好，睇得出應該係有訓練過👍🏻之後嗌咗呢個芝士雞扒丼配一個唐楊炸雞，覺得呢個飯有驚艷到我😳✨個炸雞扒炸得超好食，有啲外脆內軟feel，之後個芝士都好濃味，鍾意食芝士嘅我好喜歡呢個飯！最值得稱讚嘅係個金萱烏龍茶，佢有一種天然奶香嘅味，好特別！上網搵到原來係茶葉自然生成嘅香氣，沖泡之後會自己釋放出乳香，鍾意茶香嘅人一定要嗌🥹#香港美食…查看更多

我地試左滑蛋炸雞扒飯，餐廳主打食雞，但雞扒只係好普通，比較簿身，冇juicy同一般餐廳冇分別。雞扒炸粉好硬，一d都唔脆。一d都唔出色，難怪而家唔洗排隊同埋我地都唔會再幫襯！…查看更多

今日行街見到有間新開嘅日本餐廳諗住試吓 點知太有驚喜了😍😍😍😍叫左個 名古屋交趾雞親子丼 雞好食 交趾雞咬落去個質感好特別 唔會淨係得一舊普通雞肉 飯又好綿 蛋超級滑加埋啲汁啱啱好 成個丼飯個份量又唔會話太大/太細🥹🥹🥹單叫一個飯都會送埋麵豉湯👍🏼👍🏼值得推介!!! 另外叫左個小食 雞肉串燒 都好好食🤩🤩🤩雞有雞味 唔會好嚡 食得出係新鮮的!!!唔係交貨嘅串燒~~杯髒髒阿華田打卡一流👍🏼👍🏼好濃不過有啲甜🤣…查看更多