影片
電話號碼
28073131
開飯介紹
雋園是位於北角寶馬山的火鍋中菜餐館。餐廳一直選用新鮮的火鍋用料和中國菜， 以保持食品的水準。
繼續閱讀
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
招牌菜
食評 (43)
又係朋友聚會嘅時間，剛巧其中一個朋友提議去雋園，佢話因為好耐冇去，掛住佢嘅燉湯，於是我哋就一行五人，去咗俊園晚飯，是日落大雨，所以人客比較少，首先嚟一杯凍檸茶，我喜歡走甜少冰，茶底濃度剛好，唔會太澀，好味！晚飯開始，首先當然係嚟個燉湯，花膠燉雞，雖然花膠唔係嗰啲好厚好厚嗰種，不過勝在雞夠新鮮又足料，味道好鮮甜，個個都讚！因為大家都係女士，戒澱粉質，所以只叫咗四個清清地嘅餸，份量十足，五個人食都要打包，首先清清地嚟過花膠蒸豆腐，仲有一個招牌嘅咕嚕肉，仲有一個脆皮雞，有少少鹹味，又不會過鹹，味道鮮味，又唔肥膩，跟住嚟個菜，係我最鍾意嘅高山椰菜花，完全唔油，但有淡淡嘅鮮味，我哋大家都一致好評！
繼續閱讀
今年完全未食過大閘蟹，於是同屋企人一行三人一齊去食，今餐晚飯有驚喜，去咗好耐沒去的雋園。因為天氣乾燥，所以預訂了西洋菜豬肺湯，雋園的燉湯，同屋企煲的湯完全唔同，非常鮮甜，有好多杏仁（但完全冇苦味！）感覺好滋潤！豬肺液洗得好乾淨，西洋菜非常鮮嫩，食湯渣的時候，完全唔覺食緊湯渣，讚！跟住要咗一個菜膽雞，清清地，唔肥膩！另外，當然要食我必食嘅菜肉雲吞（即係蝦膠），加埋酸甜醬，非常好味，唔係度度食到！跟住就到主角，係五隻大閘蟹（四公一乸），清洗得非常乾淨，至於好唔好食？自己睇蟹殼張相就知道啦，哈哈！仲有薑茶驅寒，老闆真係心思細密，讚！因為怕肥，所以冇叫炒粉麵飯，叫咗個蛋白蒸豆腐，因為有蝦，所以非常鮮甜，豆腐亦好滑，就咁當主食，味道剛剛好！正全晚非常滿足，大家都食得好開心，有時間一定會再嚟！或者下次可以試吓燒烤，因為晚飯時屋企人聞到燒烤味好香，下次可以叫啲燒烤套餐嚟試吓！
繼續閱讀
朋友見到我之前發的照片，紛紛說要試這間「穩世」餐廳，適逢秋高氣爽，所以相約來BBQ。因為是星期四，我們五人「直接包場」（強力建議喜歡清靜的朋友，不妨嘗試一至四晚嚟BBQ，環境特別清靜！👍🏻）BBQ都有驚喜，首先係環境非常有氣氛（有圖有真相，隨手實拍！）利用開爐的時間，首先來個鐵板茄子，超級美味！茄子巨型！仲有我上次試過的黃金豆腐，朋友說要試，外脆內軟，不油膩！跟住豬肋骨已經燒好，因為炭火好靚，所以燒得非常好！正！跟住來一個上湯浸雜菜，也邊燒我們的燒牛扒，羊扒，還有雞翼（抱歉，牛扒羊扒沒有相，因為未上菜，朋友已在爐火上直接拎走完全吃光，我沒機會拍攝😅）接着是我最愛的燒雞翼，睇相便知好味道！就不多說了！最後，是我最愛嘅蔬菜，有南瓜，番薯，同菠蘿！超級好味！超級好味！ ！超級好味！ （重要的事要講三次！）呢三樣蔬菜是必食！總括來說，有興趣燒烤又又不想自己拿炭和燒烤叉的朋友，來這間隱世餐廳就是最好的選擇！還可以點小菜！非常完美， CP值極高，推薦！一定會再幫襯😋
繼續閱讀
中午打電話去問吓晚餐有咩選擇，她回應竟然係「你想食啲乜呀？要訂餐過路喎！」我說未能決定，就係打來問下有乜嘢食。她便馬上冚線。幾好食都係咁話！唔知係咪唔休做呢？今時今日呢種服務態度。。。
繼續閱讀
今日第一次上樹仁大學附近搵個朋友食飯，咁上樹仁大學就要上寶馬山啦，得一架小巴巴士上到去好偏僻，咁大家都知而家疫情啦，唔係該校嘅學生係唔可以入去大學範圍入邊，所以我哋唯有喺個山頭度搵其他餐廳一齊食飯啦！咁我哋嚟到學校附近呢一個餐廳嘅集中地啦叫做，就有三四間唔同嘅餐廳集中左係一齊嘅，其中一間叫囍筷嘅就係佢哋樹仁大學生嘅專屬飯堂咁滯！但係講到明係專屬飯堂，就梗係好多學生喺度排緊隊買飯啦，所以我哋去咗隔離呢一間比較大d嘅雋園火鍋餐廳！咁我睇過啲食評同埋食個晚餐火鍋嘅人都話OK嘅，但係中午嘅午市套餐真係麻麻哋，咁我叫咗一個雲耳蒸雞飯啦再加一杯凍檸茶，啲飯係好多，但個餸菜就好一般，同埋佢哋啲凍檸茶用紙杯裝住嘅，所以感覺又差啲！不過可能佢晚市火鍋係會做得好食d，希望下次有機會試埋個晚市火鍋🍲
繼續閱讀