雅士餐廳

營業中

休息中

行過見食物餐牌幾吸引，點知係伏來，服務態度完全唔掂，入到去舉手落單完全冇人理，落單嗰陣似語氣似兇人，未嗌完嘢食就已經搶餐牌走，個甜品講明叫上，點知係即上唔理人，羅宋湯甜到似甜品，忌廉湯d雞肉柴都似毛巾都算，味道仲要似廚房抹布毛巾味，餐包同湯食完半個鍾都未上到，問題係唔算多客，隔離個客遲來我十五分鍾都已經食完走咗，個飯同意粉講明多汁，來到係得嗰一小灘，重要既係食完之後即刻肚痛要穩廁所排毒。

餐湯都還好，餐包現成所以無得點差法，牛油都係現成。但一到主菜，同男朋友叫左兩份牛扒午餐配薯菜，牛扒好似切淨d頭尾，肥多過肉，又散哂碎哂嘅肉；薄過張紙；薯條又凍又硬又乾，好似擺過隔夜咁，連翻叮或者翻焗都無；薯菜竟然係雜豆，椰菜唔係，係雜豆🤯。成份餐都唔熱，暖都唔暖，完全係凍，勁凍！好似整定擺哂喺度好耐咁。侍應落單時好似唔識個餐牌咁，飲完餐飲又走嚟問餐飲飲咩。唔會再去，裝修幾靚都無用，食物質素太差。唔係貴，但平均除番90食呢個餐真係一d都唔值。

北區難得的雅座 ，之前去上水*廊食飯食牛扒，塊扒又細又硬 ，叫5成熟竟然給我全熟，食完又唔飽，谷氣第日去雅士再食牛扒，北區食扒得幾間，雅士同betterOle係雙冠軍，食牛扒叫5成就係5成，西冷肉眼都好食，份量話大份唔算大份但一定夠食飽人，有湯有餐包有飲品。唔會好似*廊咁呃人比塊30牛扒你收200咁。雅士湯好飲，仲有一隻忌廉蜆湯。凍飲細杯左d.... 環境好 ，永遠唔趕客走。是坐低吹水好地方。但豬手唔好食，食過一次麻麻地.. 太多油脂不是乾身的，有早市午市，午市都唔算好貴。早市就一般唔覺得好食。

今日在粉嶺郊遊，晚餐就慕名前往久違了的雅士餐廳。裝修就是三、四十年前港式西餐，如Amigo, Louis Steak House 。近年對港式扒房不會過份要求， 塊扒(預咗有蘇打粉處理過) 煮得淋 、稍為有肉味， 就收貨㗎喇！不過今晚的西冷扒完全唔掂，叫五成就嚟佐九成熟，淡茂茂、完全冇肉味！其他食物都唔想提！食到， 食到一半，班員工無啦啦在我後面用疑似漂白水嚟洗地 ，一陣味非常攻鼻 ，當堂想嘔咁濟！唔知點講，四、五年老字號令人咁失望。二佰幾蚊一個人唔算平，在市區可以食得幾好！可能物業係自己的、唔憂做、等收購！anyway, 早啲睇以上樓主的comments就唔會中伏！

間唔中就會想嚟雅士食下野，呢度環境雖然唔係好豪華，但對我呢d上水粉嶺人好有親切感。今日決定食豬手配黑椒汁。豬手大件入味，烤得唔會太乾身。不過佢皮唔係烤到脆，就唔大合我口味，我成塊起左無食。 作為set lunch ，未加一都唔使一百，節性價比好。

聽講住聯和墟既人未食過都聽過呢道個名二十年前我仲住喺粉嶺 佢已經存在唔係大集團同連鎖經營真係估唔到可以生存至今 問問員工開業接近四十年了門面同以前一樣 應該話由我有印象起 佢既外觀就冇變過所以有時真係食回懷既味道到嗰陣其實已經full house勁就勁在 咁多年 就算疫情嚴重 都係好多人幫襯裝修好似都冇變過 可能係老闆都係念舊既人個人比較少見叉刀就咁放枱 冇紙或者紙巾放底枱面有枝茄汁同美極 果然傳統港式西餐( ´▽｀) 又名豉油西餐( ´▽｀)咁黎到食晚餐就當然嗌扒餐 不過唔係跟飯姐先到既係包同湯 我見人地枱係蒜蓉包但我地枱係嘉頓餐包 唔知點解有分別但其實我都中意食嘉頓餐包就無所謂啦( ´▽｀)湯有三款可揀 周打魚 蘑菇 羅宋我揀咗周打魚 有兩塊梳打餅浸住um⋯⋯可以鹹啲 個湯好濃郁 但味道有啲淡我個人會推薦羅宋多啲 起碼工夫多啲 ( ´▽｀) 煲既時間都理應長啲先黎既係我叫既黑毛豬扒 揀左蒜蓉汁配薯菜注意全隻碟直徑同隻叉差唔多真係第一次食百幾蚊塊扒咁大塊。。。。扒最遠距離一定有超過15cm黑毛豬好鬆軟 唔知係落左好多鬆肉粉定揼左好耐唔需要好比力咬 所以都冇好多肉殘留喺牙縫肥同肉既比例

一進店又想起兒時回憶，以前每逢慶祝家人都會帶我來這裡鋸扒，這裡的舊式歐陸裝修的確是20年如一日，我們聊天時說，可能是王家衛沒來過，不然大概也會在這裡取景晚餐配有餐包、餐湯、主菜、飲品及甜品晚餐：香草燒牛柳($138)餐包熱辣辣且鬆軟，餐湯要羅宋湯，普通港式味道所以沒有影低香草燒牛柳：咬落有鬆肉粉奄過的口感，非常港式，很淋滑可是牛味不重，但有3大塊，是抵食之選，而黑椒汁是另外上的，不直接倒在扒上，我很喜歡，因為可以自己控制想要的口味輕重套餐：法式焗田螺(4隻)配紐西蘭鮮牛柳($245)先來餐前的蒜蓉多士(3塊)，熱辣辣非常香脆酥皮海鮮湯：酥皮很香濃的牛油味，好吃，海鮮湯裡面有粉絲、蝦粒等，但味道一般，重味精的味道法式焗田螺：一如兒時的味道！薯蓉烤外脆內軟，田螺裡面還釀有香草牛油，是我小時非常愛吃的小食紐西蘭鮮牛柳：我下單時要5成熟，廚師煎得剛好，咬落重牛肉味，而且沒有很重鬆肉粉奄過的感覺，不錯，而蒜蓉汁同樣是另外上的T骨扒($205)這是另外在餐牌叫的，同樣有餐包和羅宋湯，份量超大，但扒的厚度則較牛柳薄身，看個人喜歡的口感家人叫了一杯大生啤($55)餐飲我要了凍檸樂，不用另外收錢，嘻嘻而

聽閒呢間係聯和墟老字號，今日lunch時間經過難得唔使等位，所以就同朋友入去試試。餐廳裝修十分懷舊，我哋點咗三個lunch set，包括豬扒配薯菜、雞扒配意粉，和白汁龍利柳配飯。lunch set 還有羅宋湯，忌廉湯和周打魚湯揀。另外亦附送餐包。餐包都幾軟身，暖暖哋。Lunch set 份量都好大，豬扒同雞扒ok好味，達到正常水平。龍脷柳就麻麻地，可能落得太多白汁，較稠身。每個set平均70幾蚊，份量算多，性價比黎講，可以在懷舊餐廳食嘅話，都算ok抵。下次如果想懷舊一下，可以再去，值得一試。

好耐無嚟過，但今晚想食扒，又驚佢會疫情期間改咗營業時間，所以打去問咗，點知佢地照常營業至晚上11點。呢度裝修一向都充滿歐陸風格，好似啲歐洲小屋咁，好有情調，今晚唔太多人，靜靜地幾舒服。呢度除左羅宋湯、忌廉湯之外，仲有周打魚湯。佢個周打魚湯係幾好味，裡面真係有魚肉食到架！另外湯的表面上放著一片梳打餅，幾特別！食落都好夾！個包其實都好食，但印象中好似細左好多甘。希望係我記錯🤔紐西蘭西冷牛扒我唔要薯條改全蔬菜，佢地都可以(試過某啲店係話唔得架下)，配上燒汁，望落去都好似好好味咁。食落好香牛味，係有部份有少少un，但我都接受到嘅！而牛嘅香味足以蓋過一切缺點🤣什扒餐隻蝦幾正呀～有驚喜！豬扒都唔錯，但雞扒就唔太理想，牛扒就似快餐果種啦！大家明白就夠了！最後仲有飲品同甜品(提子啫喱)，係好傳統西餐嘅配套！總結牛扒係會encore的，下次可再試安格斯西冷牛扒，都係差$50姐。

細個果陣屋企成日都帶我黎哩間餐廳食野，仲好記得佢啲蒜蓉包同羅宋湯係超好食嘅， 今日難得見無咩人排隊，所以就走左入去食啦。 一試就知中左伏，嘩 個湯係凍嘅，蒜蓉包係硬到一個點，係無蒜蓉味，係冇! 完全係唔合格囉 唔知係咪因為個老闆換左人，啲食物素質差到呢食快餐都可能好過佢，無佢咁貴之餘，仲叫食得落口啊，好似俾錢買爛貨咁囉食左幾啖就放棄咗個湯同包，個正餐又普普通通，叫佢個扒7成熟，佢都可以俾全熟你食，韌到切唔開，食到無mood就走左，仲要去快餐店買左包醫肚，真係無曬童年回憶，唉!

前排去粉嶺接女朋友放工記得之前睇電視有介紹過聯和墟依間舊式扒房所以就一於去試下一入去既就感覺就好似舊式冰室or菜餐廳感覺唔係好乾淨我地坐底叫左一個羊架同牛扒拼魚柳佢仲問我地幾成熟心諗係依到要食熟d好所以叫左7成個羊架係幾有半味算係咁不過個牛扒就差d無咩肉味 可能我期望有d過高啦最失望係件魚柳一個人食都嫌太細埋單望一望成四百蚊兩個人真係唔值故事教訓去街食扒都係要比貴d食好d依間真係無下次整體感覺又差又唔乾淨咁

由細到大都係住喺聯和墟，大個咗搬咗出去住有時都幾掛住聯和墟嘅嘢食。依幾年都好多人鍾意入去聯和墟搵嘢食，二聯和墟嘅西餐廳選擇唔係太多，一間係我由細食到大嘅餐廳，全家都幫襯咗佢好多年，見有機會同老竇撐枱腳，就去再試下佢啲扒。老竇叫咗個鑊仔牛柳餐，我就叫咗個銀雪魚配西冷扒餐。不得不提佢個羅宋湯真係好好飲，辣辣地而且好香濃，食得出佢係煮咗好耐，所以次次嚟都一定會跟餐飲佢個湯。試咗老竇幾舊鑊仔牛柳，都好有牛味，而且易咬又唔會有梳打粉味，都幾出色。我自己嗰份銀雪魚都算唔錯，魚肉都夠滑同埋夠香，塊西冷扒都肥瘦適中，口感都算唔錯，唔會過熟過生。最尾仲送多個啫喱或者雪糕，為我嘅回憶一餐畫上一個完美嘅句號。不過回憶就真係唔係太平啦，以前食好似$100就可以走，依家一個餐都加到$200啦，百物騰貴，都冇辦法，好在佢價錢貴左但係食物質素都仲keep得住，所以都已經叫唔錯㗎啦。

假日來雅士餐廳吃過下午茶餐廳沒有特別裝修，保存的風格，很懷舊。我們大約兩點入座，已經很快有位。我點了下午茶餐，咖喱角春卷沙律配熱奶茶。奶茶應該係用幾種茶葉溝埋一齊煲，茶味好好飲，再加上用上復古的器具，很喜歡。

今日同男朋友黎左呢間港式扒房食lunch假日lunch 時間入黎都有好多位又闊落坐得幾舒服我地叫左兩個lunch set首先一開始上咗個餐包同湯先上面嗰個係忌廉湯下面嗰個係周打魚湯周打魚湯會有塊餅乾條係入邊而忌廉湯入邊就有啲雞肉粒2個湯都好飲唔會話溝得太多水都飲到少少creamy ge質感..呢個係T骨扒配薯菜有兩塊扒係用鬆肉粉那過的冇乜牛肉味同出面茶餐廳食嘅牛扒一樣..呢個係黑椒汁西冷扒配薯菜都係用鬆肉粉那過食呢塊扒嘅感覺同食T骨扒冇分別因為都已經係冇牛味了..凍檸茶檸檬擺得好特別㗎.

經過粉嶺，見到哩舖頭都幾大，係諗唔到食咩嘅情況之下，決定去懷舊一下。價錢個人覺得唔算貴，主要算係嗌咗3款嘢食，「一級西冷牛扒餐」「德國咸豬手」「法式焗田螺」咁牛扒同豬手係餐嚟嘅...有送埋湯同甜品，咁我加錢轉咗個酥皮湯湯嘅水準正常，酥皮啱啱焗出嚟都算香脆的，幾好但甜品就麻麻哋啦，食落有陣藥水味，或者哩款啫喱就係咁嘅味，又可能食得靚甜品多，已經食唔慣哩個味焗田螺啱啱焗起連埋啲牛油薯蓉係幾出色嘅而西冷牛扒亦同預期差唔多，正常水準但豬手就唔理想啦，雖然份量大係幾大，但我無諗過出嚟個樣會係咁，正常唔係應該炸出嚟..層皮金黃色好脆嘅咩？點解哩個豬手好似煲完湯啲湯渣咁？