雅士餐廳

營業中

休息中

勞動完成日, 真係要食番多D肉黎回復番個體力!!係聯和墟想搵間闊略坐得舒舒服服又有D情調既, 都真係只有佢今晚兩個女人, 叫左一份肉眼SET & 一份焗意粉, DINNER 仲要包埋餐包, 湯, 飲品, 份量根本二人係食吾哂!!肉眼好林吾會好乾身 , 薯菜份量十足!!!!!焗意粉 , 新鮮熱辣辣焗出黎, 勁多芝士岩哂芝士控!!!!呢間餐廳幫襯過幾次, 味道都維持到!!!!! 由其個羅宋湯好好飲!下次加$試埋佢既招牌穌皮湯, 西冷 & 燒雞先!!翻兜指數: 3粒半星星  (5粒滿)

特色懷舊西餐廳。這西餐廳歷史悠久，爸媽說他們小時候已經有。我想應該有50多年歷史。香港差不多所有懷舊傳統餐廳都結業了，希望這家可以永遠長在。他們的西餐晚餐很正宗，由面包，湯，正餐到甜品和餐飲。餐湯是周打魚湯，很傳統地會加上梳打餅在湯裏，令到口感有脆脆不只是湯。正餐份量很足夠。我叫了龍尼柳意粉，龍尼魚很大份煎得金香。朋友叫了份煙三文魚沙律。最後到甜品，聽到只有jelly時，不感興趣也沒有太大寄望。但有驚喜！看落去普通的jelly但味道酸酸甜甜很好吃，口感也很好，可以加花奶如需要。

大概係夜晚7點左右到場，位仲有好多，座位闊坐得舒服食物方面叫左個"雅士特選套餐"，份量多+會有好多唔同種類既野食，食落會覺得滿足又抵食咁今次叫左個SET B 既 西冷牛扒餐 (田螺/扇貝2選1，選左要扇貝)A. 蒜茸包1.麵包皮脆2.麵包中間變到好軟好淋，然後咬落會好似有舊野咬唔爛有渣咁B. 酥皮湯1. 外觀望落幾好2. 入面D海鮮配料都足料3. 濃稠度 : 偏稀，類似羅宋湯C. 蒜茸焗扇貝1. 如圖所示有D焦黑2. 扇貝較乾身，儘管貝殼底部仍有些油/汁3. 薯蓉滑，加上扇貝汁一齊食係正呀~D 主菜(西冷牛扒+薯菜)1. 牛扒肉質算係"淋"同有肉味2. 薯條感覺上係剛剛炸好，內熱外脆正呀3. 伴碟既菜係已經處理過調完味+好食E飲品+ 甜品1. E間店既奶茶，其實係我留戀既其中一個位，茶味佢係偏向港式既奶茶，茶味又濃又甘!!2. 啫喱就冇咩味唔夠滑&彈 整體黎講我會覺得間野唔會話好好，食物既味道同質素唔會話有好突出既地方，但係如果計落環境+份量+價錢+食物種類黎講可以間唔中黎食一食架~

過到嚟粉嶺，入咗依間餐廳，叫咗個T骨set 午餐，88蚊，點知塊扒得大約2mm左右，個職員仲好意思問我想要幾多成熟，依塊薄過紙嘅牛扒，一落鑊就即刻全熟啦！永無下次，真心覺得係伏，去茶餐廳食個雜扒餐好過啦，😡😡😡仲又意思標榜自問係懷舊牛扒餐廳，連牛扒嘅質素都保持唔到，拎埋牛肉片出嚟就話係T骨排，有無過份d啊？仲有，薯菜係配急凍雜豆，一上碟真係眼都突埋！

去食下午茶，服務態度麻麻哋，入到餐廳完全冇人理、冇人問，落單舉左陣手先有人嚟。叫咗海鮮炒烏冬同埋炸雞比薯條，味道還好的～同埋帶咗個小食：焗田螺，個底有蒜蓉薯蓉都幾好食，但係田螺就一般，好淋身

佢個羅宋湯 我覺得甜咗少少但材料係好足夠嘅對個餐包有啲失望 因為佢係凍嘅聯和墟都有一間食扒 不過佢唔係舊式扒房叫Tiffxxx 佢地個黑糖包 係熱辣辣嘅俾你同埋我會鍾意佢哋個羅宋湯多啲比較酸同冇咁甜一有比較 就會有失望🙃🙂老公叫咗個燒春雞餐這個價錢 不過不失而我就叫咗個雙拼餐鵝肝拼西冷扒 約$220 未計+1佢哋嘅份量係夠$220但性價比唔高塊鵝肝食落好dry 呢度已經扣晒分咬落口完全冇鵝肝油脂個種感覺牛扒正常兩年前食過一次 嗰時係叫安格斯肉眼扒 就算有冇鵝肝成個set係好食好多 今日我揀錯餐時隔咗兩年唔知有冇退步最後叫待應哥哥上甜品懷舊啫喱 實說好少餐廳有啫喱做甜品上咗枱後 聽到另外一枱客人叫雪糕原來係有雪糕揀嘅 但是待應哥哥冇同我講都明嘅 樓面得兩個人 都幾忙下如果有得俾你揀啫喱同雪糕大人好多時都係揀雪糕‘不’雪糕都花好多時間所以侍應哥哥唔會同你講有咩甜品因為唔想俾你揀雪糕不過下次我識揀啦 希望今次係我揀錯餐而唔係貴店退步咗

週末的下午茶時段，雅士餐廳沒有人龍，客人不多，就來一過懷舊下午茶餐客人不多，有窗邊位罝，環境不錯不過，最後選擇了坐在餐廳中央，空間感足，懷舊感十足的餐桌下午茶價錢由$36-$50不等，星期六、日，假期收加一服務費，平日免收加一服務費二人點了: 黑椒牛脷炒意粉~$50~上枱熱騰騰，下午茶份量剛好，意粉軟硬度適中，牛脷細細件，淋身，個人口味覺得厚切會較有咬口，整體味道合格。炸雞髀配沙律~$40~大大隻的雞髀，炸得金黃，皮脆肉嫩有肉汁，沙律味道也不錯，小朋友必點。餐飲 咖啡和熱朱古力滿滿的一壺，大約有1.5杯的份量熱朱古力味道，不太甜，味道普普通通熱咖啡，自行調較奶的份量咖啡唔算香濃，沒期望，也沒太大失望埋單~$99，週未收加一環境舒適，食物合格，服務不錯，到聯和墟雅士餐廳懷舊+朝聖，選擇下午茶時段也不錯。

黎到粉嶺聯和墟同朋友聚舊傾計，佢帶左我去呢間餐廳，裡面係裝修十分懷舊嘅西餐廳。我點左份西冷牛扒，七成熟，有d 餓所以配白飯，牛扒香軟可口，另送餐包及紅湯，再送一個啫哩甜品及包一杯飲品，我點左凍檸茶，坦白講有牛扒加咁多野，真係價錢不貴，最緊要有懷舊氣氛，同埋唔知係唔係當日人唔多，傾左好耐都唔會趕人走。

久聞這間餐廳裝修懷舊，工作原故順道一試。由於過了早餐高峰時間，餐廳裡很少人，很容易找個窗邊位嘆個悠閑早餐。點了吉列魚柳，炸得硬和脆，食味當然不是很出色，但就是小時候茶餐廳的味道，配搭一片蕃茄、一片青瓜及炸薯條，畫面就充滿80-90年代感覺！一向不喜歡太陽蛋的我，因為店員忘記了我話轉熟蛋，而我又不想追究破壞了用餐的氣氛，於是照食，出奇地味道很夾，第一次覺得太陽蛋也幾好味！這裡的食客大多是街坊，店員就用很熟絡的語調和食客溝通，甚至記得一些食客的‘例牌’。見到這個和諧場面，這個外來人又點捨得為了隻蛋而殺風景呢？

由細到大去雅士餐廳食晚飯据扒就多，呢日就第一次去食早餐，原來都唔錯。餐牌上分別有西式和中式粉面早餐，我點了雞扒煎雙蛋配薯菜（$40，不用加一），還送牛油餐包或多士，餐飲就算凍飲也不用加錢，呢樣就真唔錯！雞扒煎得很香，算是皮脆肉滑，可惜兩隻蛋煎得稍老，有少少硬，建議下次可點太陽蛋或炒蛋。至於薯條就不過不失。服務方面尚算不錯，坐低一會侍應就落單，由於早餐時段客人不多，大約5分鐘就上菜了，不錯！總括而言，餐廳的裝修漂亮，走歐洲式的風格，早餐時段人數不是太多，所以可以安安靜靜、舒舒服服的坐下來享受早餐，是個不錯的選擇。

上星期六與男友及其家人準備看電影🎬前到粉嶺覓食由於對那邊不熟悉，就和男友在聯和墟四處尋找美食😋 經過這店就被她的外觀所吸引🤩 二話不說就到這間嘗試一下炭燒黑毛豬扒 $155（+$35加配餐湯、牛油餐包、甜品及飲品）最近想吃炭燒🐷豬扒，就點了這個試試看轉為套餐也不到$200的價錢💰性價比其實不錯餐湯可選擇羅宋湯、忌廉湯或周打魚湯🥣三款，選了最後者，入口順滑超creamy，沒半點魚🐟腥味，煮法偏舊派，與牛油🧈小餐包一起吃更覺不錯，對主菜更有所期待🤤黑毛豬扒份量十足，煎得剛剛好👍🏻，粉嫩 的肉質不會過熟，有咬口還帶有不少油份，膏位的香味更好！伴著🍟薯菜吃感覺很好！🤌🏻懷舊的扒房定必有這款甜點：啫喱！🤣 雖然只是很普通的羅xx啫喱，最有趣的是底部有幾粒罐頭菠蘿🍍來到這裡還有一個指定動作：飲品要order一杯黑咖啡☕️！因為沖調方法跟現在去cafe喝的完全不同，完全是港式西餐的做法，味道會比一杯齋啡更濃更苦的整體來說這個套餐的評價非常不錯～辣蒜煮大蝦天使麵 $138未曾吃過一款意粉的味道是令人如此失望🤦🏻‍♀️青🫑紅椒跟天使麵的比例接近6:4分辣味太強，滿口只有辛辣而蒜🧄味是完滿的被掩蓋，就算看到不

今日經過見門口有位停車就入去幫襯下，之前都又食過幾次，咁多年嚟呢間質素都算係幾穩定，整體都舒適，絕無趕頭趕命嗰種打仗式。午餐餐牌上嘅set都有十款八款，炒烏冬、牛扒、焗飯，選擇都不少，叫左個焗豬扒飯跟埋餐羅宋湯或忌廉湯同個餐包，白湯味道不錯，有啲雞肉粒同蘑菇，唯獨係熱度一般，再熱啲就更好！隔左陣個焗飯就上埋嘞，非常熱，份量都幾勁下，飯同豬扒嘅比例都幾啱，豬扒𠝹開哂，厚度適中，茄汁幾香亦唔會過酸過甜，個面仲有焗得幾香口兼燶爆哋嘅芝士面，飯底用蛋炒過亦夠乾身，食到底亦無乜油，呢個飯食完起碼飽五、六個鐘😂餐包埋凍飲，凍檸茶嘅味道正常，埋單加一收$78，以佢嘅質素都好合理，招呼都不錯亦有效率，呢間餐廳好多舊客，可能太耐歷史，雖然有啲comment話好差，不過我食過十幾次都覺得整體不錯，鍾意食啲舊式西餐廳呢間都可以係一個好選擇😊

之前都長期幫襯開，但最近成三四個月無食，今晚行過就入去幫襯下。大約七點幾去到，兩人去食原本安排左四人枱脾我地，但唔夠五分鐘經理就呼喝我地坐去兩人枱，明明係佢地安排我地坐四人枱，點知個語氣搞到好似係我地做錯事咁，不過我都明既，雖然嗰陣重有兩成空枱，但食飯時間坐位係緊張啲，我地都無講咩就調左枱。但好得意架喎又，佢之後三張枱客都係得兩個人又安排坐四人枱架喎。都無所謂喇，落餐時候，嘩唔知個侍應係咪想我地快啲落單，好似幫我地諗好哂食咩：「要飯架喇？黑椒汁架喇？」 食譚仔啲鄉音呀姐都唔會幫你揀埋食咩喇？估唔到二百幾蚊据個扒做埋omakase!都算 好少事啫都係啲講野技巧來，好呀到個酥皮羅宋湯來到，個皮林既個湯唔酸，甜到好似甜品咁。都唔緊要 等左半個鐘 後我地幾枱既客都食到一半我地嗰扒都未來，咪冒住脾人喺塊扒到加料既風險吹下佢地囉，原來真係漏左單，唔係侍應主動行過來同我地講架，係我地聽到廚房入面講話 「下未出咩 」先知，之後塊扒都係過左一陣先來。我而家先知原來二百幾蚊食扒重有法國餐廳既質素，一餐食兩個幾三個鐘。侍應放底既時候都唔理邊個客叫邊份架，擺唔岩要我地自己調番架，是但放哂落張枱到就算。食到一肚

今日去咗粉嶺拜年，新年期間食得太多中餐，所以今晚就選擇咗西餐，友人帶我去咗呢間舊式西餐廳，已經有40年歷史，朋友話晚飯時間餐廳都係Full House，客人大多數係老街坊，餐廳裝修正是舊式西餐廳的Feel，好親切。睇餐牌啦，選擇好多，本來想食鐵板餐，但係有個更吸引嘅”雅士特選套餐“ ，有我鐘意嘅酥皮湯，梗係要呢個啦。特選套餐都幾豐富架，首先有個蒜蓉包，熱熱地，又夠香口。跟住頭盤2選1，我哋三個都叫咗呢個餐，所以兩款頭盤都有試到，兩款都即叫即焗，好大隻，新鮮好食😋法式焗田螺蒜蓉焗扇貝我最期待嘅，酥皮焗海皇魚翅湯，真係好好飲啊，童年回憶，材料多，好想飲多個，但係飲咗個湯已經飽咗大半😊主菜-雞扒，超大塊，煎得好好味，加上黑椒汁，絕配。另一主菜-豬扒，超大塊，仲要有2塊，抵食👍🏻佢哋嘅醬汁係分開上的，可以除自己喜好落多或少。甜品可以啫喱或雪糕，兒時回憶即刻返嚟，兩樣都想食😋多謝朋友帶我去食咗一個豐富而滿足的晚餐，原來粉嶺都好多嘢食，好滿足的一個晚上。

*朋友帶我搵好野食*味道都唔錯*餐廳環境幾好,幾有情調*朋友忍唔住開餐,唔記得影佢地個啲😂黑椒牛脷炒意粉*牛脷好爽,無overcooked*意粉好有鑊氣肉眼扒*肉質唔錯,5成熟岩岩好,好淋好易咬開西冷*肉質ok,5成熟,都淋,但肉眼好食啲橙什*類似fruit punch咁,都唔錯