7
9
2
| 餐廳: | 隨便坐車仔麵燒烤 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港鐵彩虹站 C2 出口, 步行約1分鐘
繼續閱讀
電話號碼
22173699
附加資料
最後落單時間為凌晨1:00
營業時間
今日營業
17:00 - 01:00
星期一至日
17:00 - 01:00
以上資料只供參考, 請與餐廳確認詳情
食家推介
今日經過牛池灣，同朋友搵野食，經過牛池灣徑，見到有串燒食，於是坐低試下，天氣唔太熱，坐室外都ok既，由於7點前，麵檔仲未關，仲可以叫多碗面食😅😅再叫串燒飲啤酒🍻叫左好多串燒食，個沙爹汁好好味，個雞泡魚干好香，好好味😋😋😋，但個燒茄子，個調味就嫌略淡左啲啲，其他串燒都中規中矩啦，可以一試👍🏽👍🏽👍🏽
繼續閱讀
大家如果要食，建議一定要平日食，假期服務質素參差。呢間已經食過幾次既串燒，至從第一次試過雞皮覺得好食之後，之後都好難再食到…..每次去到叫燒雞皮，一係就話無貨，一係就話太多人燒吾切。吸取幾次教訓後，今年每次想食燒雞皮既時候，每次都會打定電話問店員今日有冇貨先，如果冇我就吾會專登去食。最失望同嬲既一次就係今日。已經一早打電話問有冇燒雞皮，店員話有貨，仲問我地幾點到，預定貨比我地。點知去到一早落左單，差唔多食晒所有野，催份燒雞皮既時候，店員竟然同我講今日冇雞皮。之後我話我地一早打電話問左係有貨先黎，另一店員再改口話而家先幫我地燒番，但起碼等半個鐘以上。咁既服務態度都得？！點解可以一齊落單但要漏左一樣吾燒？仲要吾問都吾通知我地！經過今次真係好失望！
繼續閱讀
👨🏻🍳隨便坐車仔麵燒烤 (彩虹)📍彩虹牛池灣金池徑1號地舖 「宵夜之選👍🏻又平又好食既串燒🤤」 想食又平又好食既串燒，黎到隨便坐😝撇除環境衛生，呢間串燒性價比都幾高！！師傅即場燒，份量多，平均十零蚊一串😝 ‼️必食‼️燒豬頸肉 (超肥厚，好juicy!!🥹) $15燒韭菜 $11燒粟米(成碌的😝) $11金菇肥牛卷 $19原條茄子 $27燒翠玉瓜 $11燒雞肉腸(細個廚師腸陣味😻不咸的) $6燒雞軟骨 $13 有👍🏻沙嗲汁同泰式酸辣汁揀。 有室內同室外，室內有冷氣、禁煙🚭；室外好似大排檔打冷，都算通風。環境衛生麻麻地的🙈🙈不過呢到既燒烤系幾好食😋又平！！👍🏻 #隨便坐 #隨便坐車仔麵燒烤
繼續閱讀
雖然環境麻麻，但野食一流，價錢好抵！以下有幾款推介：粟米：大半條，好甜，有牛油味香。司華力腸：好大條，抵食。韭菜：炒到好香口，微辣，有少少孜然味。翠玉瓜：好甜，爽口。美味指數：😋😋😋😋😋環境指數：⭐️回頭指數：👍🏻👍🏻👍🏻👍🏻👍🏻地址：隨便坐車仔麵燒烤 (彩虹)彩虹牛池灣金池徑1號地舖
繼續閱讀
【黃大仙區】【隨便坐車仔麵燒烤】我有啲肚餓，同朋友諗唔到去邊度好，佢當刻唔算肚餓，不過佢對於呢種搵唔到食乜係有豐富經驗，所以咁啱同佢一齊就啱晒啦。而最近由於呢位朋友中過招，反而佢喺中招之後覺得自己飲食選擇多元咗，搞笑。我都係第一次嚟牛池灣呢頭，見到係有幾檔宵夜檔，幾正喎，就坐低咗喺其中一檔。用點菜紙寫好之後就開始等，可能係客人都幾多嘅關係，所以都等得有啲耐。首先上咗 $11 嘅「九菜」，即係韮菜，一 pat 咁，麻麻哋。跟住係 $21 嘅「雞皮」，我哋叫咗兩份，一塊塊咁都 okay 嘅。而 $6 嘅「雞肉腸」我哋都係一人一條，正常囉。之後 $17 嘅「魷魚鬚」同 $16 嘅「墨魚咀」都係比較一般嘅，然後一人一串 $16 嘅「咸牛脷」，正正常常咁囉。之後到 $17 嘅「鵝肝」，原來係雞肝咁，好鞋口嗰隻，唔好呢味。反而 $13 嘅「車打芝士腸」幾香芝士味，有亮點。兩串 $15 嘅「豬頸肉」都嚟錯咗雞肉串，照食都係正正常常嘅。到 $16 嘅「豬腩肉」就有啲硬同靭，麻麻哋。仲叫咗 $13 嘅「燒烤薄餅」同 $15 嘅「雞全翼」，兩者唔難食但亦都冇特別嘅。嘢飲方面只係一人叫咗罐 $8 嘅「可樂」，總數 $250，我都冇叫個朋友出錢，算了。我覺得呢度等得耐仲要質素平庸，只係有宵夜係賣點。。。（地址：彩虹牛池灣金池徑1號地舖）#1amfoodie #foodie #hkfoodie #thatfoodiething #globaleats #followforfollowback #love #eat #1am黃大仙區 #彩虹 #牛池灣 #隨便坐車仔麵燒烤 #隨便坐 #車仔麵 #燒烤 #串燒 #雞全翼 #鵝肝 #雞皮 #雞肉腸 #車打芝士腸 #魷魚鬚 #墨魚咀 #咸牛脷 #豬頸肉 #豬腩肉 #韮菜 #燒烤薄餅 #1am0867 #1ambackup
繼續閱讀