陽光餐廳

營業中

休息中

呢日下午茶時間因為工作需要嚟到土瓜灣譚公道。見肚餓就走咗入去呢間陽光餐廳諗住食啲嘢。餐廳裝修一般茶記格局，環境清潔度亦只屬一般，地下、餐牌等亦都唔算乾淨。不過見入邊都有幾多茶客，心諗嘢食應該唔錯所以都系決定繼續喺度食。下午茶餐都有幾多選擇。點咗一份干燒伊麵，配一杯熱鴛鴦，一共$32。干燒伊麵，上好顏色都唔錯。入邊有少少冬菇絲、芽菜及韮王做配料，不過味道亦只屬一般。熱鴛鴦顏色唔錯，奶茶同咖啡嘅比例，亦都幾好，都夠味，屬於正常貨色。

呢度一到7點後就開始排隊，因為可能係全港最平的小炒餐廳，2人套餐，3個送加白加例湯餐飲都係128，平均一碟小菜唔駛40！3人套餐都係178左右，仲有好多款揀，波蘿咕嚕肉，蒸肉餅，咩都有！真係平到你唔信！仲要係夠鑊氣，好味！特別推介海鮮，蒸魚炒蟹比得上西貢，亦比市價至少平3成，但一樣咁好食！好新鮮！冬天會有羊腩煲同醉雞煲，200蚊樓下大大煲，可以打埋邊爐，亦可考慮一試！環境就係平民街坊啲，但算係乾淨企理，仲有電視睇。

這裡位於譚公道的茶餐室，外表不吸引，我路過很多次都不想進去，直至有朋友推介，我就免強試一試，原來蒸海鮮真的不差，炒小菜鑊氣夠，不過材料一般。晚市時間更加多一家大細幫襯，而零晨時間更加多的士司機，三五成群來吃宵夜。這裡食物我覺得幾好，是白焯蝦一斤$168，蝦新鮮爽甜又彈牙，點些附上的醬油更加好味。今晚蒸鯇魚腩$66，凍飲加$2。不過今次魚腩不算很新鮮，吃落沒有之前的鮮味，只屬一般，希望下次不會吧😰

陽光呢間是我的飯堂，經常去！推薦：所有蒸法煮的海鮮！魚，好多種類！蝦，開邊最正！鮑魚！蟹，其實一般，因為冇羔蟹！千萬不要叫椒鹽煮法，這不是平時食開的味道！椒鹽鮮魷除外！冇油鹽水焗，廚師唔識整！可叫豉油皇炒法，好野味！其他小菜一般般！不過，價錢平！包飲品及飯。

夜媽媽唔知帶老婆同阿仔去邊度食飯，上網搜索一下，見到陽光餐廳評論唔錯，入到去環境都OK，叫咗個三人套餐，老火靚湯夠曬火候，正👍🏻上左幾個餸，幾個餸味道都唔錯，阿仔鍾意食西檸軟鷄👍🏻👍🏻👍🏻，就系通菜炒鮮魷-d魷魚唔夠新鮮，影響成道菜嘅味道😑😑😑😑

住喺陽光餐廳附近幾年，從來都無諗過會幫襯佢。但早幾日，我老細喺無意間推介陽光餐廳，聽到佢話平靚正同埋質素好過大排檔嘅評語就吸引左我今晚同土友去試試。餐廳環境當然無美麗嘅裝潢，但尚算清潔。今晚星期五，我地大約7：30去到就有位，一坐低職員就送上例湯。我地2人點左2個餸，面每個餸都跟白飯1碗。首先送到嘅係《海味雜菜煲》雖然煲裡面只有蝦米可以叫用海味，但味道真係唔錯，d湯都比我飲晒～～第2味餸都未黎，我幾乎已經食晒成碗。跟住《土尤煎肉餅》就到喇呢味係我老細推介必食，所以諗都唔諗就叫左，果然真係好好餸飯，兩邊都煎到脆脆咁，好正食飽飽就埋單，見到好多枱都食蒸魚同炒蜆，下次一定要試下！！！

呢間餐廳系我由細到大食慣嘅茶餐廳，的確裝修風格系麻麻，但都算企理乾淨，而且食物質素絕對唔差！呢間野都有做左十幾年，由紅磡搬到去土瓜灣，我屋企人都系中意食呢間，港式茶餐廳都系貪佢又平又岩口味姐。今次一家人夜晚去呢度食海鮮，絕對值得介紹。呢個系沙巴龍躉，師傅蒸得岩岩好！好嫩滑！138/一斤豉椒炒蜆，88蚊一碟，大大碟，夠鮮甜。放心食，一d沙都無。薑蔥炒蟹 188蚊一斤肉蟹，好肥好多肉，一絲絲蟹肉係鮮甜噶！爆炒煱氣好夠！超惹味啊！讚！清蒸大蝦 168蚊一斤，頭無黑色點點，絕對系活蝦，非常爽彈鮮甜，睇相都知道夠大隻飽滿，夠過口癮！呢間野夜晚推薦食海鮮，冬天仲會有各種煲，羊腩煲就最正，仲有香噴噴多飯焦嘅煲仔飯!朝早d早餐都幾平，滑蛋有水準，仲有辛拉麵揀。下午好多人地盤佬學生哥都好多，因為個午餐快餐好抵食又大份，每日都有差唔多8-9樣你揀，日日唔同。其他d生菜菜心就唔拍啦，唔系重點。！！！！！重點系呢間餐廳食海鮮真系完全唔洗驚唔新鮮！！！！！老闆佢每日下午四五點都會親自去附近街市嚴選新鮮活生海鮮，同佢個唔落味精落豬肉豬骨煲嘅中式例湯一樣，十年如一日。據老板透露，佢d海鮮幾乎每日都買得曬，即使賣唔

原本看舖面，我不會入去的，聽到同事說蒸魚好味，即管一試，試完成為這裡的粉絲了。是夜有朋友介紹鯉魚煲$148，早一晚訂了才有得吃，上菜時，香噴噴，條魚半熟，要加熱後才有得吃，有支竹及冬菇為配菜，味道很好，有鯉魚味道，而煲內有少許酒香，我覺得，好好味👍