陳仔花甲粉

又到左德福美食廣場搵食，上次試過陳仔花甲粉嘅香辣湯底唔錯，今次就嚟試下佢嘅沙嗲湯底。落完單攞住飛仔等叫號，美食廣場一如以往嘅熱鬧，依然係一枱難求，隨意搭枱啦😅⭐陳仔招牌沙嗲花甲粉叫咗份沙嗲花甲粉再加肥牛片，面底有粉絲或米線選擇，亦可以加八蚊轉稻庭烏冬，上次就試咗粉絲喇，今次就試下米線啦。湯底好香，有花生醬味鹹鹹鮮鮮仲帶少少辣，入面仲有唔少生蒜同炸蒜，令到個湯底更香口。花甲大大隻幾鮮甜，我呢碗有九隻😋米線夠滑又爽口，整體感覺唔錯🤤⭐麻辣雞腎主食加配小食可以正價減十蚊，叫咗一份麻辣雞腎，雞腎碎上賣相一般。呢份雞腎都幾辣，辣椒籽超多，留返畀愛辣嘅朋友搞掂佢啦😆⭐香辣蓮藕片另外仲加咗份藕片，呢個香辣對我嚟講辣度就啱啱好，蓮藕片好爽脆，辣得過引。⭐蜂蜜綠茶麵食免費跟紙包飲品或者罐裝汽水，仲可以加八蚊揀新出嘅鴨屎香檸檬茶沙冰，是晚想飲下蜂蜜綠茶就揀咗呢款道地嘅紙包飲品😝眼闊肚窄叫太多食唔曬😅兩份小食大部分都畀曬朋友搞掂佢，哈哈，幾時有個包底嘅朋友都好重要。…Read More

「陳仔花甲粉」開業冇耐已經人氣高企，成日排長龍！餐廳位於商場2期5樓嘅Foodeli美食廣場，主打多款湯底同配料嘅花甲粉，可以自由配搭粉絲、米線、菜底，甚至加錢轉日本稻庭烏冬，夠晒彈性。今次試咗招牌沙嗲花甲粉加羊肉，沙嗲湯底超香濃，帶花生醬同蒜香，微微辣好開胃！花甲大大隻又鮮甜，羊肉片份量足，嫩滑唔膻。跟餐免費送紙包飲品，再加$8轉咗鴨屎香檸檬沙冰，清新解膩，啱晒搭配濃味粉麵。小食必點藤椒爽脆魚皮，魚皮脆卜卜，藤椒味刺激又唔會太辣，食到停唔到口！另外叫咗蒜香金菇，蒜味十足，金菇索晒湯汁，好惹味～…Read More

放假去左九龍灣果邊行街 行到德福二期food court 人頭湧湧見到花甲粉排哂隊就去試下依間⭕️ 日本廣島蠔花甲粉 $85蠔唔算特別巨型 但每一隻都肥美飽滿 咬落去好鮮係底仲有大量花甲👍🏻 非常足料配料粉絲都好大碗 一定夠飽依款用左鮮湯底 夾住蠔味 唔錯😌⭕️ 招牌沙嗲粉絲配羊肉片 $58另外我試左招牌沙嗲湯 好似好吸引🤩揀左我最鍾意既羊肉 臊味出 係幾正👏🏻沙嗲底調味恰到好處 幾惹味🤟🏻粉底可揀菜底/粉絲/米線+$8可轉日本稻庭烏冬/加底…Read More

德福美食廣場超熱門陳仔花甲粉一行上德福廣場嘅food court，行咗一個圈，好多台個枱面都有個錫紙兜，得一間舖頭圍住好多人，就知道有幾咁熱門見到個招牌話陳仔朝早未天光就會去魚市場選擇最大隻嘅花甲！可轉菜底,粉絲,米線，+$8轉日本稻庭烏冬/加底！叫了一個招牌沙嗲羊肉米線招牌沙嗲湯底好香！開始進入冬天食一點羊肉補補身都唔錯！唔止湯底正，而且有好多配料有娃娃菜，金菇豆卜芫荽蔥,夠晒誠意!蒜香焗娃娃菜娃娃菜配上蒜蓉味，係穩陣又健康之選！肥牛花甲粉肥牛半肥瘦好啱我食，花甲果然幾鮮甜，又夠晒大隻，而且個湯底都好香濃，粉絲吸收晒花甲嘅鮮味！正！叫咗粉絲仲會送一盒紙包飲品，我選擇了加$8轉鴨屎香檸檬沙冰，食完沙嗲米線再飲兩啖鴨屎香檸檬沙冰，感覺非常清新！九龍灣最好食嘅花甲粉！…Read More

唔知大家鍾唔鍾意食花甲粉呢？我自己就幾鍾意食花甲粉，覺得佢味道惹味，不過自己煮花甲嘅話就比較麻煩～好彩我近排喺九龍灣發現到陳仔花甲粉，價錢唔貴，而且花甲又洗得乾淨！佢哋嘅花甲粉有三款湯底，分別係沙嗲、香辣、清湯，我哋今次分別試咗沙嗲同埋香辣湯底，兩款都好惹味！陳仔招牌沙嗲花甲粉🥜 $64佢哋嘅沙嗲湯底有濃郁嘅花生味，個人認為呢個湯底必定要加配肥牛片（+$14)，花甲粉入面仲有金菇同娃娃菜等嘅配料，非常豐富～香辣日本廣島蠔花甲粉🦪 $75呢個日本廣島蠔有驚喜，鮮味十足完全冇腥味，推薦大家試吓！佢哋嘅香辣湯底，辣度亦都有唔同選擇，照顧到唔同口味嘅需要～麵底方面，可以揀粉絲、米線、菜底，或者可以加$8轉日本稻庭烏冬/加底…Read More

咁啱今日轉凍❄️即刻好想食d暖笠笠嘅野食發現德福foodcourt 原來有花甲粉食🔻招牌沙嗲粉絲配日本廣島蠔 ($75)🔻鮮味花甲粉（$58）試左兩款花甲粉，雖然可以轉菜底、米線或者加$8轉稻庭烏冬但我都係鐘情粉絲！掛滿湯既粉絲好好味😋沙嗲湯底啱晒唔食得辣既人，淡淡沙嗲味香口得黎令人一啖接一啖咁食廣島蠔唔算大隻🦪但係食落非常鮮味花甲粉就冇得輸，花甲都有10幾隻另外仲有豆卜、金菇同菜做配料湯底辣辣地勁有食慾😍兩個女仔覺得份量好足，男仔唔夠飽加底都得🔻藤椒爽脆魚皮（$29）另外加咗碟小食，魚皮係屬於薄身果款隻辣味勁出🤣🔻鴨屎香檸檬茶沙冰 （跟餐加$8）食左辣野必須要飲番杯凍野檸檬茶沙冰比較少見味道係好熟悉既維他檸檬茶味🤣正好解一解我既辣📍陳仔花甲粉 九龍灣偉業街33號德福廣場2期5樓Foodeli 501B5號舖…Read More

估唔到德福food court有一間平靚正花甲粉，仲要有沙嗲湯底，真係好特別！唔想食粉絲咁悶？有得轉菜底、粉絲、米線！加$8仲有得轉日本稻庭烏冬/加底推介沙嗲湯，香濃特別，沙嗲湯花甲粉真係好少見，每碗花甲粉都有好多花甲，大大隻脹卜卜，入邊仲有豆卜，索晒啲湯好惹味呀！另名魚片花甲粉勁多魚片真係好抵食，又夠滑，仲加左橡果豬，正喎以下是圖中菜式及參考價錢💵・　陳仔招牌沙嗲花甲粉 ($64)　▸　花甲粉　▸　飲品・　無骨魚片花甲粉 ($83)　▸　花甲粉　▸　飲品　▸　橡果豬 (+$14)…Read More

好耐都冇嚟過德福廣場嘅foodcourt食嘢，今日收工之後嚟睇吓，就發覺原來有一間我想食好耐嘅舖頭就喺呢度有得食，佢就係陳仔花甲粉！點解我一開始會認識呢間餐廳，係因為佢罕有地可以轉菜底,粉絲,米線,呢三樣都係唔使加錢，而再加$8都可以轉日本稻庭烏冬或者加底，真係幾抵食！要咗個招牌沙嗲粉絲配日本廣島蠔，之後就要咗個香辣羊肉片花甲粉，都係要粉絲。呢度日本廣島蠔超大隻超肥美，配埋沙嗲底，真係覺得好惹味，羊肉片份量都唔少，食落鮮嫩，而且鍾意佢呢度全部都係熱辣辣咁樣上，喺而家凍凍地嘅天氣食就最啱。另外都要講吓，呢度嘅花甲都好大隻好鮮甜，絕對推介！…Read More

6月開業到依家終於食到了～每次經過都排長龍，今日晏咗食lunch 少咗人龍陳仔招牌沙嗲花甲粉，可轉菜底,粉絲,米線。我就揀咗粉絲再加橡果豬同鴨血, 老實講喺俾佢碗嘅包裝吸引到，沙嗲湯底唔會話好濃，比我想像中淡。粉絲有彈性嗍晒啲湯汁，份量都幾多～唔知係我放耐咗定係量咁多，最後我食淨一半粉絲😆原本一碗喺包了豆卜，起茶有少少乾，我將佢地放粉絲底吸一吸啲湯，都唔錯😌。我額外再加橡果豬同鴨血，橡果豬煮得剛好唔會好乾～豬紅我就還好，唔係我鍾意滑滑嘅口感。呢間好特有鴨屎香檸檬沙冰，餐都係加8蚊，Slurpee口感🤤，不過現場都唔係樂熱，放咗唔夠5分鐘都開始融緊～…Read More

今次我地去咗九龍灣德福廣場嘅《陳仔花甲粉》，真係食到好滿足！試咗佢哋嘅**招牌沙嗲湯底+粉絲**，果然名不虛傳。上枱時熱辣辣，湯底超香，引到隔離檯個食客都問我食緊啲咩🤣🤣因為專用錫紙包住，食到尾段都仲keep到熱，真係覺得好暖心。呢度菜底選擇都幾靈活，可以揀粉絲、米線，甚至加$8轉成日本稻庭烏冬，選擇好自由！搭配沙嗲湯底嘅粉絲，口感超滑，湯底嘅味道亦吸收得幾透徹，真係好味。最想讚嘅係佢哋啲 花甲 份量多到驚人，每一粒都鮮嫩多汁，真係粒粒都有肉。而且，沙嗲肥牛味道唔錯，但相比之下，花甲真係令人印象深刻。總括來講，如果你想食到熱辣辣、滋味十足嘅海鮮粉，陳仔花甲粉絕對係唔錯嘅選擇，強烈推介！…Read More

今日放工，唔想煮飯食，入到food court 第一眼就發現呢間花甲粉，人流都幾多，而且係用煲仔上菜，幾有特色🥘招牌沙嗲粉絲配肥牛 $87沙嗲湯底較濃厚，少少辛辣的花生沾醬味，幾惹味。配上粉絲味道越食越濃厚😋肥牛份量都幾多，配菜有金針菇、豆卜、娃娃菜等等🥘香辣鮮味鴨血花甲粉（粉絲） $64花甲粒粒都無沙又食到鮮味，食得超級放心。鴨血吸左香辣後好好食🤩粉絲沾汁，配上香辣湯底更開胃，香料味重🥘藤椒爽脆魚皮套餐+$29魚皮夠爽脆每個套餐都送紙包飲品，亦可以加錢轉汔水或沙冰，另外花甲粉亦可以揀粉絲、粉線、菜底、或者+$8轉日本稻庭烏冬/加底，選擇多樣…Read More

今日去開九龍東，順便行吓九龍灣德福廣場。佢哋二期嗰邊5樓，有個food court叫做Foodeli。見到有間食花甲粉嘅陳仔花甲粉。招牌沙嗲湯底麵食價位喺五十零至七十零蚊左右。我就叫咗個陳仔招牌沙嗲花甲粉$64，距係包一杯散叫要$9嘅紙包飲品，我就要咗道地巨峰提子汁。佢哋嘅沙嗲汁唔係太辣，但係咬住舊豆卜或者食住啖米粉掛落嘴邊嘅沙嗲汁就零舍突出了花生與椰奶的鹹甜風味。朋友見距可轉菜底，粉絲，米線或者＋$8轉日本稻庭烏冬/加底。於是距就試咗佢哋嘅日本廣島蠔花甲$85拼米線配道地蜂蜜綠茶。D廣島蠔新鮮而且肥美多汁，令到個湯底都有豐富濃郁嘅海鮮味同本身以蒜蓉、辣椒及秘製醬汁爆炒花甲混埋豬骨熬煮的鮮味。花甲呢種海鮮的特點是外殼有規則的紋路，肉質鮮甜，通常比一般的蜆肉更飽滿，熬出嚟嘅湯底令到簡單一碗粉絲或者米線都大大提味提鮮，而且升華咗個味道層次。…Read More

03/11/2025 20:03德福陳仔花甲粉單號864第一個 陳仔招牌沙嗲花甲粉（加咗野total$78)加14蚊得嗰4塊肥牛都算，可能係公司指標我唔知但係食10隻花甲可以有成5隻係未開殼嘅呢下幾過癮第二個 日本廣島蠔花甲粉（加咗野total$99）加14蚊得兩塊鴨血，廣島蠔質素勁差，係細到正常拎去掉嘅size啲粉煮完出嚟仲係成餅嘢咁，係咪煮完湯撩返散佢都唔識？俾差唔多兩舊水食啲咁嘅質素，多謝晒…………Read More

陳仔花甲粉生意非常好，一直都有人來光顧，加上位於美食廣場，座位比一般餐廳多，所以不來吃對不起自己。陳仔花甲粉在麵底方面選擇多，有粉絲、米線、菜底，若想吃日本稻庭烏冬或加底，加8元便可，朋友吃米線，我則吃粉絲。招牌沙嗲粉絲配日本廣島蠔沙嗲香氣蠻足，光是聞已經開胃，吃之前先喝一下湯，沙嗲味道融到湯裡，濃到化不開，真不愧是陳仔花甲粉招牌沙嗲湯底。粉絲有彈性，湯汁吸附其上，讓人一吃就上癮，豆卜吸飽招牌沙嗲湯頭，透徹入味。日本廣島蠔沒有因為煮過而縮水，仍然渾圓飽滿，咬開超級細嫩，每口均是日本廣島蠔的海味。另外我亦加了一份肥牛片，熱辣辣的招牌沙嗲湯與肥牛片真是絕配，肥牛片口感嫩，肉汁甜，與水嫩的娃娃菜和金菇送入嘴中，演奏出一場精彩的二重奏。藤椒爽脆魚皮挺常見的涼拌菜之一，爽脆魚皮晶瑩剔透，吸收滿滿醬汁，香辛微辣，辣度溫和，爽脆魚皮以藤椒風為主，藤椒香格外明顯，因此更吃不膩，口齒留香。此外，爽脆魚皮的咬感佳，既保有適當的嚼勁，切得小的也不會糊爛，相當好嚼。陳仔花甲粉真的完全不怕人吃，麵條就是給得多，肥牛花甲粉的肥牛量不少，朋友懶得數有多少塊，肥牛鮮嫩，不會卡牙。花甲相當鮮美，個個「來頭不小」，已經很久沒吃到如此肥美的花甲了，愛吃花甲粉的肯定要來上一碗肥牛花甲粉。吃過肥牛花甲粉，怎麼能不吃蔬菜平衡一下，蒜香焗金菇香味不斷席捲朋友的嗅覺，金黃的蒜蓉視覺更是誘人，看看這金菇焗得恰到好處，口口蒜香，而且爆汁，散發甜鮮，一個不注意衣服就要被襲擊。…Read More

喺九龍灣Food Court發現咗呢間人龍店「陳仔花甲粉」！今日難得少人排，一食果然無失望～見係招牌沙嗲，就叫左個粉絲配肥牛，沙嗲湯底超濃郁，花生香好出！肥牛份量OK，粉絲索哂湯汁真係無得頂～花甲粉就梗係要試，香辣鮮味花甲粉花甲夠多又無沙！湯底鮮甜帶辣，越食越過癮，粉絲掛湯能力一流，係必叫之選！仲可以轉菜底,粉絲,米線，或者再$8轉日本稻庭烏冬/加底，套餐加配左秘製雞翼尖 (+$29)，燜到超淋超入味，真心好食～加8蚊可以有鴨屎香檸檬沙冰，呢個組合又ok! 檸檬清新，解辣解膩首選…Read More