阿鴻小吃

本身訂了枱，我哋到咗之後樓面個阿姐同我哋講，叫我哋等一陣好快有枱。我好客氣地問佢係咪已經有枱埋緊單，佢竟然同我講”你想知嘅話可以自己去問嗰枱客架!” (前後講咗兩次）真係第一次見到啲咁串同埋咁嘅態度嘅食肆招呼，最後嬲得制就離開咗冇食到。依間嘢就算再好食都好都一定唔會幫襯。🤬…查看更多

《阿鴻》由差不多十多年前在觀塘返工開始，已經係我心目中鹵水系列既不二之選；個人黎講，返放工之後去咗中環再去大角嘴，幫襯《阿鴻》既機會少左；突然網上傳聞老闆退休在即，亦無意再續約最後既觀塘店，立即 call 齊家人去食番餐回味再回味！點左蒜香雞，炸蠔餅，蔡瀾撈麵，鹵水鵝片，啫啫芥蘭煲，素鵝六款菜。咁黎阿鴻，就梗係講講鹵水既喇。之前有OpenRice 網友提到鹵人冇味或淡；我哋都試過外賣有呢個情況；不過今次堂食水準就番曬黎。素鵝將鹵水既味道推到極致。一入口有陣甘，之後有陳皮八角既味道，口腔有陣餘韻，素鵝本身冇乜味但非常滑，好野黎。鹵水鵝片冇骨，厚度適中，鵝片底有鹵水豆腐。蠔餅個炸醬超級脆，熱上，成碟好多蠔仔粒，不愧為鎮店之寶。唯一不足，留意到碟底比較多油。蒜香鷄 （半隻）上菜靚仔，差唔多已起曬骨，鷄滑又啖啖肉，好多炸蒜粒，啲鷄好似豆腐咁冧，在座老人家都讚。七位食咗一千埋單，難得位位各有所好，今餐相當滿意。總結： 《阿鴻》好野黎，若果真係結業，實在非常非常非常可惜。…查看更多

趁阿鴻小吃就快結業，我和朋友搵咗晚來試吓佢嘅晚餐！我哋二人一共叫咗素鵝，滷水拼盤，蔡瀾撈麵，同糖水。蔡瀾撈麵上先，鵝油好豐富，令到個面好滑好有油香。滷水拼盤中規中矩，反而雞肉好食過鵝肉。最驚喜係素鵝，素鵝皮係腐皮，皮好薄好滑，滷水又唔鹹。整體來講恰到好處，非常之有驚喜，係我食過一生人中最好食嘅素鵝！整晚侍應姐姐嘅服務態度都超好，不單止有禮貌，仲不斷幫我哋加水，非常之估唔到。雖然價格就偏貴，兩個人買單都五百幾蚊，不過素鵝我係會encore嘅！…查看更多

2022.09.21 慶生飯又來一個米芝蓮餐廳。這次是位於觀塘鴻圖道的潮州菜。撈麵的醬油鍋氣味有點重，有小蝦乾，芽菜與麵的份量差不多。鵝肝很入味，有淡淡的鹵水香，雖然沒有入口即化，但口感軟綿黏滑，可以一試。千層腐竹，每層都很入味，而且鹵水不鹹，味道剛剛好。值得一試鵝片份量還可以，肉質嫩滑入味。元蹄賣相不錯，但有騷味。墨魚口感彈牙，是推薦吃的。蠔餅火候控制得不錯，吃起來很脆，但蠔的分量並不多。十分推薦這個芥蘭非常鮮嫩，沒有菜渣。聞到杏仁香，吃不到杏仁味。感覺就是吃了一碗豬肺老火湯。份量可以夠兩個人分。店舖整體鋪面不大，有兩三間房，但因為係板間房月，所以隔音不是太好。鹵水可以一試；撈麵個人覺得有點油；湯味道還可以，用料也是不錯的。這間米芝蓮餐廳的店鋪裝潢一般，但價格上算是比較平民化，不過店內人手是真的嚴重不足，叫點菜也叫了幾次。…查看更多

認識鴻哥，大大話話都有十多年了，記得以前在北角細舖時，我和老婆不時也會去幫襯，當時在門外分分鐘要等上一個多小時才能入內，真係一啲都無誇張！之後食店搬到觀塘，我們也來過好幾次；但因鴻哥慢慢退居幕後，很多時也不在店內；而鴻哥不在監場，水準明顯比之前差咗，自然再去的慾望也慢慢減低。早前好友再攪飯局，才知原來鴻哥已回到公司主理，大家自然一呼百應；當晚吃了大量鴻哥的拿手好戲，包括：鵝肝、鵝片、陳醋豬手、素鵝、芥末雞腳筋、雞絲海蜇、醉香鴨舌、皮蛋酸薑、南乳粗齋…..等。最誇張仲多咗好多新菜式，例如：龍皇獻珍寶，大盤內放有鮮甜嘅凍龍蝦、煙韌又入味嘅南非鮑魚同大大隻又爽彈嘅醉蝦。燉湯則有兩款可選擇，包括：杏汁豬肺湯盅 或 花膠姬松茸燉雞，多料又濃郁，而且價錢仲超優惠，必試首選。超巨型的滷水鵝掌翼，肉質鮮嫩又入味，原來是採用十多公斤的獅頭鵝製作而成，肉質更勝普通鵝肉，鬆軟且鵝味濃，骨膠原更是嚴重超標，真係淨食掌翼已可飽到一個點。一條好的烏頭魚，要有黃油、沒泥味、肉質甘甜幼嫩，而皮下自然流出嘅黃油，入口魚香四溢，也是魚嘅靈魂所在；而且多吃烏頭也有健脾益氣及消食導滯之功效。據鴻哥講，因租約期滿，如找唔到舖位年尾可能就會結業；所以如有興趣幫襯，就記得盡快預訂啦，支持一下本地小店，也嘗一嘗鴻哥出色嘅手藝。#凍龍蝦 #南非鮑魚 #醉蝦 #杏汁豬肺湯盅#花膠姬松茸燉雞#七星拌月 #鵝肝 #鵝片 #陳醋豬手 #素鵝 #芥末雞腳筋 #雞絲海蜇 #醉香鴨舌 #皮蛋酸薑 #手抓滷水大鵝掌 #鵝翼 #黄油烏頭魚 #炸魚皮 #南乳粗齋 #XO醬銀芽撈銀絲幼麵 #福果薏米腐竹蛋白糖水 #羅漢果茶 #阿鴻小吃 地址: 觀塘鴻圖道83號東瀛遊廣場地下A舖電話: 31074111…查看更多

間唔中同同事happy Friday就會心思思想來食阿紅小吃，因為佢啲滷水真係好鬼正！😆😆😆雖然價錢有啲貴，但係佢比嘅滷水真係好多，同埋我最鍾意佢有配菜。每一次我都會叫滷水墨魚加腩肉雙拼🤫呢個滷水組合來講真係冇得輸，而醬汁方面舖頭會上一款醋加一款芥末醬，我永遠都係食咩都係點醋，因為酸酸地真係好開胃。而佢哋嘅腩肉係非常之軟熟。每次我都會加錢要多碗湯，佢啲湯係冇味精之餘+10幾蚊，就會有大大碗湯真係好抵飲！…查看更多

觀塘工業區都開左好多特色餐廳,cafe等，今次小仙子同小🐷就試試米芝蓮餐廳阿鴻小吃😜潮州野wo,黎到緊係要食滷水系列啦，點左呢d:滷水鵝片拼元蹄: 鵝片夠滑唔太肥，鵝片同元蹄都入哂味👍🏻唔會覺得好咸，連墊底既豆腐都好滑😍雪梨海底椰煲西施骨湯: 每日都有家庭式老火靚湯, 真係大大碗架，味道清潤，唔覺有味精😙食完濃味既滷水，飲返啖湯潤一潤😗招牌撈麵: 好岩配XO醬，麵既質地夠彈牙，估唔到普通材料都咁有水準😋金絲煎蠔餅: 大大粒蠔仔😂一D都唔覺油膩，炸得好鬆好香脆😜食物質素唔錯，雖然上網睇都有d評語麻麻，今次同佢平反先😛滷水、煎蠔餅同招牌撈麵真係要試試😌…查看更多

今日同公司同事食做冬飯，去到先知原來係曾獲5年奪米芝蓮一星級餐廳的阿鴻小吃！一直以高質素的潮式滷味小食深入民心南乳粗齋：大白菜、腐竹、冬粉絲菇、四季豆等，食落南乳汁味香，整體一般！介茉雞腳筋：雞腳筋爽爽脆脆，好味！蔡瀾撈麵：係阿鴻既招牌菜，但我個人覺得好一般，唔算特別好食，同埋因為撈咗豬油，所以食入口真係幾油！鹵水拼盤：鵝片好香又唔肥，但唔算特別出色！炸蠔餅：足料多蠔，炸粉唔算多，同埋上枱時真係熱辣辣，好食！啫啫芥蘭煲：鹹咗啲…查看更多

早幾日突然好想食鵝片，就諗起一直想試嘅阿鴻小吃，所以就特登去觀塘買外賣番屋企食，見好多人對佢個素鵝咁高評價就緊係要試吓佢啦，然後又叫咗一份淨鵝片同一份麻辣鴨舌，呢度已經要$4xx埋單，價錢較貴！番到屋企打開個鴨舌真係呆咗，$8x得10件左右，會唔會太少？而且味道一般，絕味嘅鴨舌好食過佢好多倍，唔值得試。另外就係素鵝，味道又係一般，無其他人講得咁好食，可能係外賣關係呱？最後到鵝片喇，呢樣明明係佢招牌菜？但d肉勁靭，而且無滷水香味亦無鵝香，失敗，呢間餐廳試過一次就夠…查看更多

米之蓮五星級，本人都食咗好多間，每一間都有佢嘅特色，但係這間我覺得不外如是，我叫了一個素鵝，鵝片拼豬大腸，豪餅，蠔仔粥，一個白飯，埋單$600，其實唔算貴，但係食物冇乜驚喜，素鵝本身係齋菜，滷水汁淡味少少，我覺得合理，但係滷水鵝片拼豬大腸，又係用這個汁，問題就出現了，感覺完全冇味，尤其是滷水鵝片，雖然好滑，但係切得非常厚，感覺好似食無骨鵝肉，豬大腸是最正宗，蠔仔粥最搞笑，完全冇大地魚味，反而這間餐廳用了冬菜，雖然味道算不錯，但係收$88，大地魚都冇，好似過分少少，煎豪餅不過不失，食到尾聲，侍應幫我哋加啲茶，呢個係全場最搞笑嘅地方，五星級食府加茶比客人，居然用大排檔，用來洗碗的水壺，試問一間五星級食府，難道一個好少少嘅水壺都冇，其實潮州舖頭，辣椒油都好重要，這間餐廳只係用啲有顏色嘅辣椒油，完全冇辣椒油味，差啲唔記得講，滷水鵝片拼豬大腸，點解會俾啲食燒肉嘅黃色芥辣我，如果這間公司的管理層，睇到這段食評，應該好好改善！…查看更多

今日外賣叫豆腐支竹火腩飯，如圖。完全啱素食人士😵‍💫 外賣都唔使咁樣玩法啊，大佬都$60喎，比d肉食下都好嗎? 或者如果想慳成本賺到盡，不如唔好整呢個飯出嚟啦，直接叫「豆腐枝竹大碗飯」……查看更多

屋企人生日飯叫左個套餐，每位400包埋加一同餐前小食碟碟都超大碟，多到食吾晒先係一人一碟前菜有出名嘅叉燒同芥末雞腳根，皮蛋，鴨舌，腐皮必食芥末雞腳根👍🏼👍🏼杏汁豬肺湯，好濃，好足料有瘦肉，螺頭，豬肺，好正，推薦冰鎮鮑魚同海蜇，鮑魚好爽好大隻👍🏼呢碟係全晚最好食鹵水拼盤，普通有蛋，墨魚，鵝，豬腳，牛展，豆腐炸蠔餅多蠔👍🏼准山清菜蒜香雞，淨食有啲咸配飯應該正烏頭ok仲有個炒麵吾記得影相超正，必食食完仲有甜品，腐竹雞蛋薏米糖水，好杰身好好味一定要翻黎再食…查看更多

想不到晚上烏燈黑火的鴻圖道也有小店三兩間。吃不到羊肉米線，卻看到這一間中菜館，門外掛著連續五年獲得米之蓮一星的殊榮。看看餐牌的價錢不算太昂貴，一個杏汁白肺湯也只是$78，我們決定入去試吓。南乳粗齋—係舖頭嘅升級之選，我覺得正常味道，但偏甜，鍾意食鹹的人慎選。蔡瀾撈麵—我覺得沒什麼特別，但鍾意食撈麵的麥麥覺得好食。杏汁蓮子燉豬肺—這個湯好味，味香而不鹹，蓮子煲到化，食材功夫味道對得住它的價錢。芥末鮮鵝掌—是個冷盤，稍嫌有點凍，正常味，但下次我不會點了，想試其他滷水拼盤。西米焗布甸— 我地㨂了蓮蓉味。這個甜品甜而不膩，推介！埋單（兩人）$435…查看更多

平時中午都有幫襯買外賣，但經過今晚堂食後我不會再幫襯了。在現時疫情環境，空間不大，卻竟然容許食客多次不帶口罩跨台拍照，還一邊拍一邊説話， 之後還不帶口罩去廁所，而鋪面所有職員(包括身穿黑色廚師服的人員站在鋪面), 卻沒有理會. 有向其中一個樓面反映卻只是即時説”我幫你拍呀” 但之後個無罩阿叔還是走出去拍照無人理，interesting. 或者所有餐廳都是這樣，但只可惜讓我親身經歷，令自己少了一個食飯選擇，可惜食物美味度方面，個人認為Fair, 但價錢偏貴。 雞ok滑，南乳齋我老婆話食到(她不喜南乳味), 當然這個好主觀怎為之好食，我就覺得麻麻， 招牌撈麵偏肥膩但都ok，多些葱會更好，湯$28中碗有料ok,仲有個涼伴豬耳，幾特別但食落啖些，不過始終較鹵水健康都ok， 但晚餐堂食因阿叔的自私和食店的無理會，我已想快些食完走，無意慾拍照。反而午餐外賣我之前覺得幾好但以後不選了。仲有一點，阿姐用大水壺幫人加水，又比我見到壺咀靠在人家杯邊加水....什麼時候還沒有意識到問題？？我一方面驚剛才飲了的，一方面....不需要加水給我了...…查看更多

難得搵到兩位好友一齊食過午餐，諗咗好耐唔知食乜好，咁熱嘅天氣想食啲冷盤但係又係中菜，所以就嚟咗阿鴻小吃，好多年前食過呢間潮州菜都未再幫襯過，冇諗過佢哋食物質素冇變，雖然服務員態度依舊一般麻麻地入嚟梗係要食掌翼、滷水拼盤，佢哋做得好入味，鵝片又唔會好似薄到透明一樣，感覺比較抵食！另外南乳齋，竟然有驚喜，份量足料之外，味道又唔會太鹹！卻很入味因為午餐嘅關係可以選擇配飯同湯，所以我哋決定叫咗兩套飯，再加多兩碟小菜，分量對我哋三位女士來講，非常滿足！…查看更多