阿朱家 (太安樓)

其實，毎次去開太安樓都會幫襯下D飯卷，但店員係D態度真係好差，有次見住個鋪頭入面有3個人，企足成5分鐘都冇人理，但今日真係有D嬲。今日行到個鋪頭門口，企係收銀個阿姐側身對住門口係咁抺個電話，係要扮睇唔到，ok咁咪等多陣，但阿姐仍然冇反應。當佢真係睇唔到，咁開埋聲講左聲唔該，都係繼續抺，繼續當你冇到。然後，落單要兩條同一款味飯卷，都係可以俾錯，唔知阿姐有心玩野定點樣。態度咁樣，不如唔好做生意啦，間野都唔係第一次咁樣，絕對唔會再幫襯。…查看更多

嗰日去到太安樓見到呢一間韓國嘢食要咗一條飛魚子飯卷價錢非常之經濟實惠不過要企喺度食嘅！我覺得啲飯就稍為腍咗少少，但係非魚子嘅味道非常之出，所以最後都係食晒成條飯卷！如果喺附近返工嘅人我就會非常之推薦，因為係一個午餐非常之經濟實惠嘅選擇！但係如果山長水遠嚟到嘅話可以留肚食其他嘢嘅基於佢非常之平總括而言我都係推薦的…查看更多

晚餐時段7:30左右叫左4件芥末蜜糖炸雞同豚肉飯卷飯卷係預先整定 主要等炸雞大約等左5分鐘就拎得30蚊4件炸雞諗住好細隻啦估唔到都好大件 同醬盒差唔多size🙈即叫即炸 唔會好乾外皮香脆肉嫩多汁🤤又唔會有好大舊脂肪幾乎都係肉泥🍗加埋芥末蜜糖醬一流而且醬係分開裝 唔洗整到啲雞淋哂👍🏻豚肉飯卷32蚊一條有十件🫨肉量多仲有啲瓜瓜菜菜飯量又唔會過多過少 剛剛好調味適中 唔會好咸如果細食既可能味必食得哂不過我唔細食但都好夠飽🤭…查看更多

嗌左炸雞2味 有8件 以為佢係傳統韓式炸雞撈好晒醬 點知係比兩個dip醬你 試咗甜辣醬同蒜味 個醬難食到不得了 好怪啲雞又粉 唔建議食炸雞💀另外買左個kimbap未食 希望係正常…查看更多

有時lunch都唔知食咩，見到外賣平台有呢一間，所以我哋都試吓。加上同同事都食咗個豐盛嘅早餐，所以唔係好食得落。我哋三個人叫咗三隻唔同味嘅飯卷，包括原味，三文魚，同埋牛肉。飯卷份量超足，勁厚勁大條。我個人比較鍾意三文魚嘅味道，因為三文魚同蔬菜同飯同埋紫菜好夾，可能又細食壽司又食三文魚嘅關係，所以這件事好夾。另外我哋覺得原味同埋牛肉味都好好食，材料好豐富，蔬菜好多，其實呢一個午餐都幾適合減脂嘅朋友仔！下次再試吓其他嘢…查看更多

一路有幫襯開，之前新開冇幾耐嗰陣啲食物真係唔錯，份量足又好味。但係之後啲料就越來越少，同埋啲店員態度好似唔想做我生意咁。有次我去到見到收銀背對着我，諗住出聲嗌佢落單，點知佢就喺我前面都係扮聽唔到，嗌咗佢幾次先轉個身過嚟。前幾日又去咗次諗住買飯團，佢哋咁啱食緊飯，見到我埋嚟落單，個姐姐啤住我慢慢咁行過嚟收錢，好似阻佢食飯咁😅食飯唔想做生意咪落咗道閘佢囉，我黎買嘢好似得罪佢咁。外賣自取已經冇乜服務都可以做得咁差👍🏻絕對冇下次。…查看更多

平時食開呢間燒牛伴飯，點知今次差唔多食完，發現有條毛/頭髮，即刻無胃口，掉了，其實每次去買，都見到裏面每個姐姐都沒有帶頭套整嘢食，衛生情況很差，無想過會遇到這事在我身上面發生，所以唔會再幫襯，己好食都無用，唔注意衛生…查看更多

去到見到個餐牌都幾多選擇，都唔知食乜好之際。見到之前個幾個人都不約而同地買炒粉絲，以為好出名，咁就諗住試吓啦。今次我買了一份炸雞，一個牛肉包飯及炒粉絲。牛肉包飯好食，而炸雞都好好食。不過炒粉絲就好x咸，唔知佢本身係重口味還是連續有幾個人買而控制唔到水準？報告完畢。…查看更多

性價比超高既韓式料理炸雞真係無得彈，大大件拎到返屋企仲係脆卜卜起碼20分鐘80蚊12件跟三盒醬，甜酸醬同埋黃芥辣本人最喜愛，至於第三款醬油味就麻麻可能太重味唔岩我，鍾意重味既朋友不坊試試👍👍👍👍👍燒牛肉拌飯，足料唔在講 味道好40蚊堅抵👍👍👍👍炒粉絲老婆就好鍾意食，我就覺得一般以上但一樣有份量👍👍👍👍仲有個豚肉卷，唔好意思太貪心以上三個跟本食唔晒😂😂完全無食過拎左返公司請左同事食下次有機會再評評😋😋😋…查看更多

位於太安樓第二街, 近太安街方向。由於唔係位於食店中心地帶, 所以唔太大油煙味係太安樓既小店黎講搵到肯收八達通又做網上外賣平台真係少之有少, 原因離不開營運成本問題吧雖然肯收八達通, 但野食黎講份量多而且唔貴韓式牛肉拌飯滿滿不同種類既配菜先40蚊, 牛肉都唔算少收費份量合理, 但可惜既係店員態度普普, 企係收銀位下單好似都唔想理你咁😂 落完單又冇單, 都唔知點樣知自己果份搞掂, 要憑眼神示意前面冇人等外賣, 見眼前有份外賣放係度, 有禮貌地問個外賣係咪自己既都俾店員不禮貌對待, 仲聽到話想食霸王餐😂嘟哂八達通企係度等都叫食霸王餐我諗佢真係食錯藥🤷🏼‍♀️ 仲要兇神惡煞咁🤷🏼‍♀️ 幾平都好冇下次, 落單同拎外賣個步驟令人令疑惑…查看更多

阿朱家 (太安樓) (西灣河)肚餓經過見到韓國既包飯店，見到成枱都係手卷咁款～原來就係佢哋賣既包飯🤣好奇試咗一個赤醋三文魚包飯！打開發現好貼心咁切好晒！入邊有蛋、青瓜、紅蘿蔔、菜、酸蘿蔔同埋最重要嘅煙燻三文魚😋成條食晒好飽同埋都幾抵食！如果喺我樓下一定會成日食😈食落都幾清淡，鍾意食清淡嘅朋友可以試吓🤓下次佢都會想試吓個炸雞😻睇落好似好多種味道！經過嘅朋友可以試吓🤓價錢都合理～隔離，仲有啲飲品可以揀…查看更多

韓國其中一樣代表食物就係炸雞，但嚟到香港之後就賣到好貴，閒閒哋都要$120一個套餐💩當我行過呢間”阿珠家”，即刻俾佢門口嘅飯卷吸引住望入去仲好似喺韓國嘅家庭式經營餐廳，擺放住一盤盤芽菜、泡菜、蘿蔔…望一望餐牌，竟然$50就可以食到八件炸雞，仲要有兩種口味，所以決定試吓😝本來以為啲醬汁係同炸雞炒埋一齊，點知原來係分開炸咗啲炸雞再比醬你點，炸雞都好大嚿、有半個至一個拳頭嘅size，不過望落去表皮較厚、有啲似美式炸雞，差啲以為自己去咗KFC🤣醬汁方面我揀咗甜辣口味同埋蜜糖芥末，前者嘅辣到方面都幾勁，擺一陣會發現有層辣椒油浮起咗，蜜糖芥茉醬我就幾鍾意，少少甜又少少辣，同炸雞好夾👍🏻不過炸雞嘅粉漿真係太厚，第一啖咬落去完全食唔到啲肉，而且好重麵粉感覺，雖然係好夠脆，肉質都唔錯、係唔夠juicy，不過真係唔好期待係韓式炸雞😂…查看更多

平時街上見到韓國餐廳，動不動就成百蚊，真係唔捨得食，但而家三十五蚊就可以買到港式伴飯。。位置位於太安樓唔係好多人的巷，我自己本人就覺得幾好，唔駛同人迫，又唔駛迫住聞油煙味。。服務當然冇服務可言，職員個個冇反應咁，你落單，佢答你一個字都懶。。食物三十五蚊就食到個有菜有肉的飯盒，又有顏色有造型，算有良心了！自己冇乜心機切野，呢盒飯一支叉就可以扒晒，方便！不過食食下就真係幾油！飲品就零吸引，賣港式飲品，證明真係港式韓國餐。…查看更多

都食左好耐呢間既拌飯，貪佢多菜食又有肉，雖然有時質素唔穩定，但都一路有支持開。點知今日再叫左個烤牛拌飯，無冬菇絲，無蛋絲，泡菜得一塊，又無大豆芽。 啲料越cut越少，真係無心機再叫啦…查看更多

啲人成日話太安樓好多嘢食，我近期都要在附近搵食但冇食過唔識揀，諗住見邊檔多人幫襯就買邊檔。今日哩檔好多學生排隊就試吓先。本來想買包飯但又怕唔夠飽，所以買咗烤牛拌飯 （$40）除咗有主角烤牛肉之外，仲有好多配菜，包括泡菜、菠菜、青瓜、紅蘿蔔絲、芽菜、腐皮切絲、煎雞蛋切絲，面頭灑了些紫菜及芝麻，飯係熱嘅珍珠米（好驚食凍飯，好在係熱嘅）。份量很足，味道都唔錯，有汁又唔會咸。店舖收現金、八達通。雖然有6-8人排前面，但好快輪到，前後唔駛10分鐘就搞掂走得。可惜買完至知OpenRice有提供rice dollars 外賣自取獎賞，唯有等下次下次想試下其他各式包飯（$30-$35），應該都夠飽。…查看更多